1 Corinthians 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1نِے بَانِ دَ یَنْثِ نٜىٰ؟ نِے بَمَنْظُوانْ عِيسَىٰ بَنٜىٰ؟ بَنْ‌غَا عِيسَىٰ عُبَنْ‌غِجِنْمُ بَ؟ كُو بَاسَكَمَكُوانْ عَيْكِنَ بَنٜىٰ عَثِكِنْ عُبَنْ‌غِجِ ؟

2عِدَنْ نِے بَمَنْظُوانْ عِيسَىٰ غَ كُواْوَبَ، نِے مَنْذُوانْسَ نٜىٰ غَرٜىٰكُ دُوانْ كُوَ كُونٜىٰ عَلَمَرْ شَيْدَ ثٜىٰوَ نِے مَنْذُوانْ عُبَنْ‌غِجِ نٜىٰ؞

3دَ وَنَّنْ نَكٜىٰ كَارٜىٰ كَيْنَ أَغَبَنْ وَطَنْدَ سُكٜىٰسُواْ سُبِنْثِكٜىٰنِ؞

4أَشٜىٰ، بَامُ دَ إِيكُواْ عَبَامُثِ دَ شَا؟

5بَامُ دَ یَنْثِنْ تَڢِيَ دَ مَاتَرْمُ تَأَوْرٜىٰ مَيْبِے، كَمَرْ يَدَّ سَوْرَنْ مَنْذَنِّے دَ یَنْعُوَنْ عُبَنْ‌غِجِ دَ كُمَ كٜىٰڢَسْ سُكٜىٰيِ؟

6كُواْ كُوَ دَيْ نِے دَ بَرْنَبَ نٜىٰ كَوَيْ يَذَمَ دُواْلٜىٰ مُيِ عَيْكِنْ ثِيَرْدَ كَنْمُ؟

7وَنٜىٰنٜىٰ يَكٜىٰ عَيْكِنْ سُواْجَ سَعَنً يَثِيَرْدَ كَنْسَ؟ وَنٜىٰنٜىٰ ذَيْ يِ نُواْمَنْ غُواْنَرْ إِنَبِے، يَكَاسَ ثِنْ یَیَنْ؟ وَنٜىٰنٜىٰ ذَيْ يِكِيوُانْ غَرْكٜىٰ، يَكَاسَشَنْ نُواْنُوانْ؟

8إِنَ ڢَطِنْ حَكَ بِسَغَ رَعَيِنْ مُتُمْ نٜىٰ؟ بَ كُواْيَرْوَرْ مُوسَٰى مَا تَڢَطِ حَكَبَ؟

9دُوانْ أَنْرُبُوتَ أَ كُواْيَرْوَرْ مُوسَٰى ثٜىٰوَ «كَدَ كَرُڢٜىٰوَ سَانِيَرْ نُواْمَ بَاكِ أَ لُواْكَثِنْ دَتَكٜىٰ عَيْكِنْ سُسُّكَ؞» شَانُو نٜىٰ كَوَيْ اللَّهْ يَكٜىٰ كُلَ دَسُو؟

10بَمُسَمَّنْ سَبُواْدَمُو يَكٜىٰ مَغَنَبَ؟ لَلَّيْ، سَبُواْدَمُو نٜىٰ عَكَ رُبُوتَ؞ أَيْ، يَا كَمَاتَ مَيْ نُواْمَ دَ مَيْ سُسُّكَ سُسَا ذُوثِيَارْ سَامُنْ رَبُوانْسُ دَغَ أَمْڢَانِنْ غُواْنَ؞

11عِدَنْ مُنْ شُوكَ إِرِنَّرُوحُ أَ ذُوثِيَارْكُ، تُواْ، وَنِ بَبَّنْ أَبُ نٜىٰ عِدَنْ مُنْ غِرْبٜىٰ أَمْڢَانِنْكُ إِرِنْ نَدُونِيَا؟

12حَرْ عِدَنْ وَطَنْسُ سُنَدَ دَامَرْ يِنْ حَكَ، أَشٜىٰ، بَمُڢِسُ دَامَرْ يِنْ حَكَبَ؟ دُكْدَهَكَ، بَمُيِ أَمْڢَانِ دَ وَنَّنْ دَامَرْ بَ، عَمَّا مُنْ جِمْرٜىٰ دَكُواْمٜىٰ أَمَيْمَكُوانْ كَٰوُاْ أَبِنْدَ ذَيْ حَنَ عَيْكِنْ لَابَرِ مَيْ دَاطِے نَ أَلْمَسِيحُ ؞

13أَشٜىٰ، بَكُ سَنِبَ مَاسُ عَيْكِ أَ هَيْكَلِ دَغَ وُرِنْ سُكٜىٰ سَامُنْ عَبِنْثِنْسُ؟ مَاسُ عَيْكِ عَبَغَدٜىٰ كُمَ، أَنَنْ سُكٜىٰ سَامُنْ رَبُواْ دَغَ أَبِنْدَ عَكَ مِيڧَ هَدَايَ؟

14حَكَ يَكٜىٰ كُمَ، عُبَنْ‌غِجِ يَيِ عُمَرْنِ ثٜىٰوَ مَاسُ عَيْكِنْ شٜىٰلَرْ لَابَرِنَّنْ مَيْ دَاطِے ذَاسُ سَامِ أَبِنْ بِيَنْ بُڧَاتَ تَوُرِنْ وَنَّنْ عَيْكِ؞

15عَمَّا بَنْيِ أَمْڢَانِ دَ كُواْ طَيَ دَغَ ثِكِنْ وَطَنَّنْ یَنْثِ بَ، كُمَ بَ إِنَ رُبُوتَ وَنَّنْ دُواْمِنْ عَيِ مِنِ حَكَبَنٜىٰ؞ أَيْ، غَارَ إِنْ مُتُ دَ أَ حَنَ نِے تَاڧَمَ دَ وَنَّنْ؞

16كُواْدَيَكٜىٰ إِنَ يِنْعَيْكِنْ شٜىٰلَرْ لَابَرِنَّنْ مَيْ دَاطِے، وَنَّنْ بَيْ ذَمَ مِنِ دَلِيلِنْ يِنْ تَاڧَمَ بَ، غَمَا دُواْلٜىٰنٜىٰ إِنْيِ عَيْكِنْ؞ كَيْتُواْنَ كُمَ عِدَنْ بَانَيِنْ عَيْكِنْ شٜىٰلَرْ نَنْ؞

17دَا عَثٜىٰ دُواْمِنْ غَنِنْ دَامَتَ نَكٜىٰيِ دَا سَيْ أَنْبَانِ لَادَ؞ عَمَّا دَيَكٜىٰ بَ دُواْمِنْ غَنِنْ دَامَ نَكٜىٰيِبَ، أَنْبَانِ أَمَانَ كٜىٰنَنْ؞

18تُواْ، مٜىٰنٜىٰنٜىٰ لَادَنَ؟ لَادَنَ شِينٜىٰ، إِنْيِ وَعَظِنْ لَابَرِ مَيْ دَاطِے، إِنْيِشِ ݣَوْتَا؞ بَانَ كُمَ أَمْڢَانِ دَ ثِكَكّٜىٰنْ یَنْثِنَ ثِكِنْ عَيْكِنَ نَشٜىٰلَرْ لَابَرِنَّنْ؞

19كُواْدَيَكٜىٰ نِے بَبَاوَنْ كُواْوَ بَنٜىٰ، نَامَيْدَ كَيْنَ بَاوَنْ كُواْوَ، دُواْمِنْ إِنْجَٰوُاْ مُتَنٜىٰ مَاسُيَوَ؞

20غَ يَهُودَاوَا، سَيْ نَذَمَ كَمَرْ بَيَهُودٜىٰ دُوانْ إِنْجَٰوُاْ يَهُودَاوَا؞ غَ وَطَنْدَ كُواْيَرْوَرْ مُوسَٰى تَكٜىٰ إِيكُواْ عَكَنْسُ، سَيْ نَذَمَ كَمَرْ وَنْدَ كُواْيَرْوَرْ تَكٜىٰ إِيكُواْ عَكَنْسَ، كُواْدَيَكٜىٰ بَ كُواْيَرْوَرْ تَكٜىٰ إِيكُواْ عَكَيْنَ بَ، دُواْمِنْ إِنْجَٰوُاْ وَطَنْدَ كُواْيَرْوَرْ تَكٜىٰ إِيكُواْ عَكَنْسُ؞

21غَ وَطَنْدَ بَاسَ ڧَرْڧَشِنْ كُواْيَرْوَرْ مُوسَٰى كُوَ، سَيْ نَذَمَ كَمَرْ وَنْدَ بَايَ ڧَرْڧَشِنْ كُواْيَرْوَرْ، بَوَيْ ثٜىٰوَ بَا وَتَ دُواْكَرْ اللَّهْ دَتَكٜىٰ إِيكُواْ عَكَيْنَ بَ، أَعَ، إِنَ ڧَرْڧَشِنْ دُواْكَرْ أَلْمَسِيحُ ، دُواْمِنْ إِنْجَٰوُاْ وَطَنْدَ بَاسَ ڧَرْڧَشِنْ كُواْيَرْوَرْ مُوسَٰى؞

22غَ مَرَسَ ڧَرْڢِے ثِكِنْ بَنْ‌غَسْكِيَ، سَيْ نَذَمَ كَمَرْ مَرَرْ ڧَرْڢِے دُوانْ إِنْجَٰوُاْسُ؞ نَذَمَ كُواْوَنٜىٰ إِرِنْ أَبُ غَ كُواْ وَطَنّٜىٰ إِرِنْ مُتَنٜىٰ دُواْمِنْ كُواْ تَيَيَا إِنْثٜىٰثٜىٰ وَطَنْسُ؞

23دُكْ إِنَيِنْ حَكَنٜىٰ سَبُواْدَ لَابَرِ مَيْ دَاطِے، دُواْمِنْ إِنْسَامِ رَبُواْنَ عَثِكِنْ أَلْبَرْكَرْسَ؞

24أَشٜىٰ، بَكُسَنِبَ، أَوَجٜىٰنْ غَسَرْ غُدُ، دُكَنْ مَاسُ غُدُ سُكَنْيِ ڧُواْڧَرِ سُوُثٜىٰ جُونَ، عَمَّا طَيَ نٜىٰ كَطَيْ يَكٜىٰ سَامُنْ لَادَنْ ثِنْ نَصَرَا؟ تُواْ، سَيْكُيِ تَغُدُ يَدَّ ذَاكُيِ نَصَرَا؞

25یَنْ وَسَ سُكَنْ هُواْرِ كَنْسُ عَثِكِنْ كُواْمٜىٰ، سُنَيِنْ حَكَنٜىٰ دُواْمِنْ سُسَامُ لَادَنْ دَيَكٜىٰ لَلَثٜىٰوَ عَمَّا مُو كُوَ لَادَنْمُ مَرَرْ لَلَثٜىٰوَنٜىٰ؞

26سَبُواْدَ حَكَ غُدُنَ بَنَبَنْظَ بَنٜىٰ دَمْبٜىٰنَ كُوَ بَ إِسْكَ نَكٜىٰ بُغُبَ؞

27عَمَّا إِنَهُواْرُوانْ جِكِينَ، نَامَيْدَشِ بَاوَنَ، دُواْمِنْ كَدَ بَايَنْدَ نَيِ وَ وَطَنْسُ وَعَظِ، نِے كَيْنَ أَهَنَنِ سَامُنْ لَادَنْ ثِنْ نَصَرَا؞

← Chapter 8 Jump to: Chapter 10 →