1 Corinthians 14

Hausa Arabic 2020 (أَتَّوْرَتْ دَ أَنَّبَاوَا)

1كُنَاثٜىٰ كُنٜىٰمِ ڧَوْنَ، كُكُمَيِ مَرْمَرِنْ بَيٜىٰ بَيٜىٰ نَ رُوحُ مَيْ ڟَرْكِے ، مُسَمَّنْ نَيِنْ أَنَّبْثِ؞

2غَمَا مَيْ مَغَنَ دَ هَرْسُنَ بَمُتَنٜىٰ يَكٜىٰ وَ مَغَنَبَ، دَ اللَّهْ يَكٜىٰ مَغَنَ، غَمَا بَاوَنْدَ يَكٜىٰ غَانٜىٰ أَبِنْدَ يَكٜىٰ ڢَطَا، سَبُواْدَ يَنَ ڢَطِنْ أَبُبُوَنْ أَسِيرِ تَوُرِنْ إِيكُوانْ رُوحُ نٜىٰ؞

3عَمَّا وَنْدَ يَكٜىٰ أَنَّبْثِ يَنَيِ وَمُتَنٜىٰ مَغَنَ نٜىٰ دُواْمِنْ غِنَسُ، عَڧَرْڢَڢَاسُ، عَيِمُسُ تَعَظِيَّ؞

4مَيْ مَغَنَ دَ هَرْسُنَ يَنَ غِنَا كَنْسَ نٜىٰ، عَمَّا مَيْ أَنَّبْثِ يَنَ غِنَا جَمَعَرْ مَاسُبِے نٜىٰ؞

5تُواْ، إِنَ سُواْ دُكَنْكُ كُيِ مَغَنَ دَ هَرْسُنَ، عَمَّا نَڢِ سُواْ كُيِ أَنَّبْثِ؞ وَنْدَ يَكٜىٰيِنْ أَنَّبْثِ يَڢِ وَنْدَ يَكٜىٰ مَغَنَ دَ هَرْسُنَ، سَيْدَيْ إِنْ أَݣَويْ وَنْدَ ذَيْ يِڢَسَّرَ دُواْمِنْ جَمَعَرْ مَاسُبِے تَغِنُو؞

6تُواْ، یَنْعُوَ، عِدَنْ نَاذُواْ إِنَيِ مُكُ مَغَنَ دَ هَرْسُنَ، أَمْڢَانِنْ مٜىٰ ذَنْيِ مُكُ، إِنْ بَنْذُواْ مُكُ دَ وَنِ بَيَانِ، كُواْ عِلِمِ، كُواْ أَنَّبْثِ، كُواْ كُواْيَرْوَرْ كَلْمَرْ اللَّهْ بَ؟

7حَكَ يَكٜىٰدَ أَبُبُوَ مَرَسَ رَيْ كَمَرْ سُو سَرٜىٰوَ دَ مُواْلُواْ؞ عِدَنْ مُرْيَرْسُ بَتَڢِتَ سُواْسَيْبَ، يَيَ وَنِ ذَيْ سَنْ أَبِنْدَ عَكٜىٰ كَطَوَ كُواْ بُوسَوَ؟

8عِدَنْ بَعَبُوسَ ڧَهُواْ دَيْدَيْ يَدَّ ذَاعَ غَانٜىٰبَ، وَ ذَيْ يِشِرِنْ يَاڧِ؟

9حَكَكُمَ يَكٜىٰ غَرٜىٰكُ، إِنْ كُكَيِ مَغَنَ دَ وَنِ يَرٜىٰنْ دَ بَعَغَانٜىٰبَ، يَيَ ذَاعَ سَنْ أَبِنْدَ كُكٜىٰ ڢَطَا؟ كُنْيِ مَغَنَ عَبَنْظَ كٜىٰنَنْ؞

10أَݣَويْ يَرٜىٰ إِرِ إِرِ عَدُونِيَا، كُواْوَنّٜىٰ كُوَ يَنَدَ مَعَنَ؞

11عِدَنْ كُوَ بَانَ جِنْ يَرٜىٰنْ، سَيْ إِنْذَمَ بَڧُواْ غَ مَيْ مَغَنَرْ، مَيْ مَغَنَرْ كُمَ يَذَمَ بَڧُواْ غَرٜىٰنِ؞

12حَكَكُمَ يَكٜىٰ أَغَرٜىٰكُ؞ تُنْدَيَكٜىٰ كُنَ مَرْمَرِنْ سَامُنْ بَيٜىٰ بَيٜىٰ نَ رُوحُ ، سَيْ كُيِ ڨُوذُواْ كُبَادَ ڧَرْڢِنْكُ غَ يِنْ أَمْڢَانِ دَ وَطَنْدَ ذَاسُ غِنَا جَمَعَرْ مَاسُبِے؞

13سَبُواْدَ حَكَ دُكْ مَيْ مَغَنَ دَ وَنِ هَرْشٜىٰ، سَيْ يَيِ أَدُّعَ دُواْمِنْ عَبَاشِ بَيْوَرْ ڢَسَّرَ؞

14عِدَنْ نَيِ أَدُّعَ أَوَنِ هَرْشٜىٰ، رُوحُنَ نٜىٰ يَكٜىٰ أَدُّعَ، عَمَّا تُنَانِنَ بَيْ أَمْڢَانَ كُواْمٜىٰبَ؞

15تُواْ، مٜىٰ ذَنْيِ؟ ذَنْيِ أَدُّعَ دَ رُوحُ، عَمَّا كُمَ ذَنْيِ حَرْ دَ تُنَانِنَ مَا؞ ذَنْيِ وَاڧَرْ يَبُوانْ اللَّهْ دَ رُوحُنَ، عَمَّا ذَنْيِ حَرْ دَ تُنَانِنَ كُمَ؞

16عِدَنْ بَهَكَبَ، إِنْ كَا غُواْدٜىٰ وَ اللَّهْ دَ رُوحُ كَوَيْ، تَيَيَا وَنْدَ يَكٜىٰ سَوْرَرُوانْكَ دَ بَايَ غَانٜىٰ وَنَّنْ يَرٜىٰ ذَيْثٜىٰ «أَمِينْ» عَكَنْ غُواْدِيَرْ دَ كَكٜىٰيِ، إِنْ بَيْ سَنْ أَبِنْدَ كَكٜىٰ ڢَطَا بَ؟

17كُواْدَيَكٜىٰ كَا غُواْدٜىٰ وَ اللَّهْ سُواْسَيْ، أَيْ، وَنَّنْ مُتُمْ بَيْ ڧَارُبَ؞

18نَا غُواْدٜىٰ اللَّهْ إِنَ مَغَنَ دَ هَرْسُنَ ڢِيٜىٰدَ دُكَنْكُ؞

19دُكْدَهَكَ دَيْ عَتَارُوانْ جَمَعَرْ مَاسُبِے، نَاڢِسُواْ إِنْڢَطِ كَلْمُواْمِ بِيَرْ دَ تُنَانِنَ دُوانْ إِنْكُواْيَرْ دَ وَطَنْسُ دَ إِنْڢَطِ كَلْمُواْمِ دُبُو غُواْمَ دَوَنِ هَرْشٜىٰ؞

20یَنْعُوَ، كَدَ كُيِ تُنَانِ كَمَرْ يَارَا، سَيْدَيْ وَجٜىٰنْ مُغُنْتَا كُذَمَ كَمَرْ جَرِرَيْ، عَمَّا كُذَمَ دَ تُنَانِ إِرِنْ نَمَنْيَ؞

21أَ رُبُوثٜىٰ يَكٜىٰ ثِكِنْ كُواْيَرْوَرْ عِنْدَ اللَّهْ يَثٜىٰ، «ذَنْيِ مَغَنَ دَ مُتَنٜىٰنَّنْ تَوُرِنْ مُتَنٜىٰ مَاسُ هَرْسُنَ دَبَمْ، دَ كُمَ تَلٜىٰٻُنَنْ بَاڧِ، دُكْدَهَكَ كُوَ بَذَاسُ سَوْرَرَتَبَ، إِنْجِ عُبَنْ‌غِجِ ؞»

22تُواْ أَشٜىٰ، هَرْسُنَ ڢَا دُواْمِنْ عَلَمَ نٜىٰ بَ غَ مَاسُبِيبَ، سَيْدَيْ غَ مَرَسَبِے؞ أَنَّبْثِ كُوَ دُواْمِنْ مَاسُ بَنْ‌غَسْكِيَانٜىٰ، بَ دُوانْ مَرَسَ بَادَ غَسْكِيَابَ؞

23سَبُواْدَ حَكَ، عِدَنْ دُكَنْ جَمَعَرْ مَاسُبِے تَتَارُ، كُواْوَ كُمَ يَنَ مَغَنَ دَ وَنِ هَرْسُنَ دَبَمْ، سَيْ وَطَنْسُ دَ بَسُ سَنْ أَبِنْدَ عَكٜىٰيِبَ، كُواْ مَرَسَبِے سُكَ شِغُواْ، أَشٜىٰ، بَسَيْ سُثٜىٰ كُنْ هَوْكَثٜىٰبَ؟

24عَمَّا عِدَنْ كُواْوَ يَنَ أَنَّبْثِ، وَنِ مَرَرْ بِے، كُواْ وَنْدَ بَيْسَنْ أَبِنْدَ عَكٜىٰيِبَ يَشِغُواْ، سَيْ مَغَنَرْ كُواْوَ تَتَٻَشِ، حَرْ يَنٜىٰمِ تُوبَ؞

25ذَاعَتُواْنَ أَسِرَنْ ذُوثِيَارْسَ، تَهَكَ سَيْ يَڢَاطِ يَيِ وَ اللَّهْ سُجَّدَ، يَنَ ثٜىٰوَ «لَلَّيْ اللَّهْ يَنَ ثِكِنْكُ؞»

26تُواْ، يَيَ ذَاعَيِ كٜىٰنَنْ یَنْعُوَ؟ سَعَدَّ كُكَ تَارُ، وَنِ يَنَدَ وَاڧَرْ يَبُوانْ اللَّهْ ، وَنِ دَ كُواْيَرْوَا، وَنِ دَ بَيَانِ، وَنِ دَ يِنْ مَغَنَ دَ وَنِ هَرْشٜىٰ، وَنِ كُمَ دَ ڢَسَّرَ؞ بَرِ عَيِ كُواْمٜىٰ دُواْمِنْ غِنَاوَا؞

27عِدَنْ كُوَ وَطَنْسُ ذَاسُيِ مَغَنَ دَ وَنِ هَرْشٜىٰ، كَدَ سُڢِ مُتُمْ بِيُ كُواْ عُكُ، سُكُمَيِشِ بِيدَبِے، وَنِ كُمَ يَيِ ڢَسَّرَ؞

28عِدَنْ كُوَ بَا مَيْ ڢَسَّرَ، سَيْ كُواْوَنّٜىٰنْسُ يَيِ شِضُ ثِكِنْ جَمَعَرْ مَاسُبِے، يَيِ وَكَنْسَ مَغَنَ دَ كُمَ اللَّهْ ؞

29مَاسُيِنْ أَنَّبْثِ كُمَ، سَيْدَيْ بِيُ كُواْ عُكُ سُيِ مَغَنَ، سَيْ وَطَنْسُ سُعَوْنَ أَبِنْدَ عَكٜىٰ ڢَطَا؞

30عِدَنْ كُوَ اللَّهْ يَيِ وَوَنِ وَنْدَ يَكٜىٰ ظَوْنٜىٰ أَوُرِنْ بَيَانِ، سَيْ نَڢَرْكُواْنَّنْ مَيْ مَغَنَ يَيِ شِضُ؞

31دُكَنْكُ كُنَ عِيَيِنْ أَنَّبْثِ طَيَ طَيَ، حَرْ كُواْوَ يَسَامِ كُواْيُواْ، كُواْوَ يَكُمَ سَامِ ڧَرْڢَڢَاوَا؞

32كُتُنَ ڢَا، وَطَنْدَ سُكٜىٰيِنْ أَنَّبْثِ سُنَ عِيَ بِيدَ رُوحُنْسُ، سُنَ كُمَبَا وَ جُونَ ظَرَڢِ؞

33دُواْمِنْ اللَّهْ نْمُ بَ اللَّهْ نَضِكِثِيوَ بَنٜىٰ، عَمَّا اللَّهْ نَسَلَمَ نٜىٰ؞ حَكَ يَكٜىٰ كُوَ أَدُكْ جَمَعُنْ ڟَرْكَكَا؞

34يَا كَمَاتَ مَاتَا سُيِ شِضُ عَثِكِنْ تَارُوانْ جَمَعَرْ مَاسُبِے، دُواْمِنْ بَعَبَاسُ إِظْنِ سُيِ مَغَنَبَ، سَيْدَيْ سُبِے، كَمَرْ يَدَّ كُواْيَرْوَرْ مُوسَٰى مَا تَثٜىٰ؞

35عِدَنْ أَݣَويْ وَنِ أَبِنْدَ سُكٜىٰسُواْ سُسَنِ، تُواْ، سَيْ سُتَمْبَيِ مَذَنْسُ أَغِدَا؞ دُوانْ أَبِنْ كُنْيَا نٜىٰ مَثٜىٰ تَيِ مَغَنَ عَثِكِنْ جَمَعَرْ مَاسُبِے؞

36عَكَنْكُ نٜىٰ كَلْمَرْ اللَّهْ تَا ڢَارَ، كُواْ كُوَ كُو كَطَيْ نٜىٰ تَا كَيْ وَجٜىٰنْكُ؟

37عِدَنْ وَنِ يَنَ ڟَمَّنِ شِ أَنَّبِے نٜىٰ، كُواْ كُوَ مَيْ وَتَ بَيْوَ تَرُوحُ، تُواْ، سَيْ يَغَانٜىٰ ثٜىٰوَ أَبِنَّنْ دَ نَكٜىٰ رُبُوتَ مُكُ عُمَرْنِ نٜىٰ نَ عُبَنْ‌غِجِ ؞

38عِدَنْ كُوَ وَنِ يَڧِ يَكُلَ دَ وَنَّنْ، شِے مَا سَيْ عَڧِ كُلَ دَشِ؞

39سَبُواْدَ حَكَ یَنْعُوَنَ، كُدِنْ‌غَ مَرْمَرِنْ يِنْ أَنَّبْثِ، كَدَ كُمَ كُحَنَ يِنْ مَغَنَ دَ وَطَنْسُ هَرْسُنَ؞

40سَيْ دَيْ عَيِكُواْمٜىٰ يَدَّ يَا كَمَاتَ، أَشِرْيٜىٰ كُمَ؞

← Chapter 13 Jump to: Chapter 15 →