1 Corinthians 15

Hausa Arabic 2020 (أَتَّوْرَتْ دَ أَنَّبَاوَا)

1يَنْذُ كُمَ، یَنْعُوَ، ذَنْ تُنَ مُكُ دَ لَابَرِ مَيْ دَاطِنْدَ نَسَنَرْ مُكُ، وَدَّ كُكَ كَرْٻَ، كُكٜىٰ كُمَبِے؞

2تَوُرِنْ وَنَّنْ لَابَرِ مَيْ دَاطِے نٜىٰ كُكٜىٰ سَامُنْ ثٜىٰتُواْ، مُدِّنْ كُنَ رِڧٜىٰ مَغَنَ سُواْسَيْ وَدَّ نَسَنَرْ مُكُ؞ إِنْ بَهَكَبَ، بَنْ‌غَسْكِيَرْكُ أَبِنْ بَنْظَنٜىٰ؞

3أَبُ مَڢِے مُهِمَّنْثِنْدَ نَسَنَرْدَكُو، شِينٜىٰ وَنْدَ نَكَرْٻُواْ، ثٜىٰوَ أَلْمَسِيحُ يَمُتُ سَبُواْدَ ذُنُبَنْمُ، كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا،

4ثٜىٰوَ أَنْبِنّٜىٰشِ، أَنْتَادَ شِ أَ رَانَ تَ عُكُ، كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا،

5يَكُمَ بَيَّنَ غَ كٜىٰڢَسْ، سَعَنً غَ شَا بِيُنْ؞

6سَعَنً يَبَيَّنَ غَ یَنْعُوَ ڢِيٜىٰدَ طَرِے بِيَرْ أَ لُواْكَثِ غُدَا، يَوَنْثِنْسُ كُوَ سُنَانَنْ حَرْ يَنْذُ، عَمَّا وَطَنْسُ سُنْيِ بَرْثِ؞

7سَعَنً يَبَيَّنَ غَ يَعْڧُوبَ، سَعَنً كُمَ غَ دُكَنْ مَنْذَنِّے؞

8دَغَ ڧَرْشٜىٰ دُكَ، يَبَيَّنَ غَرٜىٰنِ، كُواْدَيَكٜىٰ نِے كَمَرْ مُتُمْ نٜىٰ وَنْدَ أَنْحَيْڢَ أَ لُواْكَثِنْ دَ بَيْ كَمَاتَبَ؞

9غَمَا نِنٜىٰ مَڢِے ڧَنْڧَنْتَ عَثِكِنْ مَنْذَنِّےنْ عِيسَىٰ ، بَنْ مَا إِسَ عَثٜىٰ دَنِے مَنْذُواْ بَ، سَبُواْدَ نَڟَنَنْتَا وَ جَمَعَرْ مَاسُبِنْ اللَّهْ ؞

10عَمَّا سَبُواْدَ أَلْحٜىٰرِنْ اللَّهْ نٜىٰ نَذَمَ يَدَّ نَكٜىٰ، كُمَ أَلْحٜىٰرِنْ دَ يَيِ مِنِ كُوَ بَعَبَنْظَ بَنٜىٰ؞ حَرْ مَا نَڢِ كُواْوَنٜىٰ مَنْذُوانْ عِيسَىٰ عَيْكِ، كُواْدَيَكٜىٰ بَنِ بَنٜىٰ، أَلْحٜىٰرِنْ اللَّهْ نٜىٰ دَيَكٜىٰ تَرٜىٰدَنِ؞

11تُواْ، كُواْ نِنٜىٰ، كُواْ كُمَ سُونٜىٰ، حَكَ مُكٜىٰ وَعَظِ، تَهَكَ كُمَ كُكَ غَسْكَتَ؞

12تُواْ، عِدَنْ حَرْ أَنَ وَعَظِنْ تَاشِنْ أَلْمَسِيحُ دَغَ مَتَتُّو، يَيَ وَطَنْسُنْكُ سُكٜىٰثٜىٰوَ بَا تَاشِنْ مَتَتُّو؟

13عِدَنْ بَا تَاشِنْ مَتَتُّو، أَشٜىٰ، أَلْمَسِيحُ بَيْ تَاشِ دَغَ مَتَتُّو بَ كٜىٰنَنْ؞

14عِدَنْ كُوَ أَلْمَسِيحُ بَيْ تَاشِ دَغَ مَتَتُّو بَ، أَشٜىٰ، وَعَظِنْمُ بَنْظَنٜىٰ، بَنْ‌غَسْكِيَرْكُ كُمَ تَذَمَ بَنْظَ؞

15سَيْ يَذَمَ حَرْ مُنْيِ وَ اللَّهْ شَيْدَرْ ڧَضْيَا كٜىٰنَنْ، غَمَا مُنْيِ وَ اللَّهْ شَيْدَ ثٜىٰوَ يَتَادَ أَلْمَسِيحُ ، وَنْدَ كُوَ بَيْ تَاسَرْ بَ، عِدَنْ دَ غَسْكِيَ نٜىٰ بَعَتَادَ مَتَتُّو؞

16غَمَا عِدَنْ بَعَتَادَ مَتَتُّو، أَشٜىٰ، أَلْمَسِيحُ مَا بَعَتَشٜىٰشِ بَ كٜىٰنَنْ؞

17عِدَنْ كُوَ بَعَتَادَ أَلْمَسِيحُ بَ، أَشٜىٰ، بَنْ‌غَسْكِيَرْكُ بَنْظَ ثٜىٰ، حَرْ يَنْذُ كُمَ كُنَ ثِكِنْ ذُنُبَنْكُ؞

18أَشٜىٰ، وَطَنْدَ سُكَ مُتُ ثِكِنْ أَلْمَسِيحُ ، سُنْ هَلَّكَ كٜىٰنَنْ؞

19عِدَنْ سَا ذُوثِيَارْمُ غَ أَلْمَسِيحُ دُواْمِنْ رَايُوَرْ نَنْ نٜىٰ كَطَيْ تَكٜىٰ، أَيْ، مُنْڢِے كُواْوَ ذَمَ أَبِنْ تَوْسَيِ كٜىٰنَنْ؞

20عَمَّا، حَڧِيڧَ أَنْتَادَ أَلْمَسِيحُ دَغَ مَتَتُّو؞ شِينٜىٰ كُوَ نُونً ڢَارِ دَغَ مَتَتُّو؞ وَنَّنْ تَبَّثِنٜىٰ ثٜىٰوَ سَوْرَنْ مَا ذَاعَ تَادَسُو دَغَ بَرْثِ؞

21تُنْدَيَكٜىٰ مُتُوَ تَذُواْ نٜىٰ تَوُرِنْ مُتُمْ، حَكَمَا تَاشِنْ مَتَتُّو يَذُواْ نٜىٰ تَوُرِنْ مُتُمْ؞

22غَمَا كَمَرْ يَدَّ دُكَ عَكٜىٰ مُتُوَ سَبُواْدَ ءَادَمُ، حَكَ ذَاعَ تَادَ دُكَ سَبُواْدَ أَلْمَسِيحُ ؞

23عَمَّا ذَاعَ تَادَ كُواْوَنّٜىٰ بِيدَبِے، أَلْمَسِيحُ شِينٜىٰ نُونً ڢَارِ، سَعَنً وَطَنْدَ سُكٜىٰ نَاسَ أَ رَانَرْ دَ ذَيْ دَاوُاْ؞

24سَعَنً سَيْ ڧَرْشٜىٰنْ يَذُواْ، سَعَدَّ ذَيْ مَيَرْ وَ اللَّهْ عُبَا مُلْكِ، بَايَنْدَ يَكَوَرْدَ دُكَنْ مَاسُ مُلْكِ دَ مُلْكِ دَ إِيكُواْ؞

25دُوانْ كُوَ دُواْلٜىٰنٜىٰ أَلْمَسِيحُ يَيِ مُلْكِ، حَرْ سَيْ يَسَا دُكَنْ أَبُواْكَنْ غَابَنْسَ عَڧَرْڧَشِنْ ڧَڢَاڢُنْسَ؞

26أَبُواْكِيَرْ غَابَا تَڧَرْشٜىٰ دَ ذَاعَ كَوَرْ، عِتَثٜىٰ مُتُوَ؞

27غَمَا كَمَرْ مَغَنَرْ اللَّهْ تَثٜىٰ «اللَّهْ يَمَيْدَ دُكَنْ أَبُ عَڧَرْڧَشِنْ مُلْكِنْسَ؞» عَمَّا دَ عَكَثٜىٰ «دُكَنْ أَبُ يَنَ ڧَرْڧَشِنْ مُلْكِنْسَ،» أَ ڢِيلِ يَكٜىٰ كٜىٰنَنْ ثٜىٰوَ شِے وَنْدَ يَبَاشِ إِيكُواْ عَكَنْ دُكَنْ أَبُ، بَايَ ڧَرْڧَشِنْ إِيكُوانْسَ؞

28سَعَدَّ اللَّهْ يَمَيْدَ دُكَنْ أَبُ عَڧَرْڧَشِنْسَ، سَيْ طَنْ شِے مَا يَذَمَ عَڧَرْڧَشِنْ اللَّهْ وَنْدَ يَمَيْدَ دُكَنْ أَبُ عَڧَرْڧَشِنْسَ، دُواْمِنْ اللَّهْ يَتَبَّتَا شِينٜىٰ كُواْمٜىٰ دَكُواْمٜىٰ؞

29عِدَنْ بَهَكَبَ، مٜىٰ مُتَنٜىٰنَّنْ ذَاسُيِ، وَطَنْدَ عَكَيِوَ بَڢْتِسْمَ أَمَدَدِنْ مَتَتُّو؟ عِدَنْ بَعَتَادَ مَتَتُّو سَمْ، دُوانْمٜىٰ عَكٜىٰيِ وَمُتَنٜىٰ بَڢْتِسْمَ أَمَدَدِنْسُ؟

30كُمَ دُوانْمٜىٰ مُكٜىٰ سَا كَنْمُ ثِكِنْ حَڟَرِ كُواْوَنٜىٰ لُواْكَثِ؟

31إِنَ مُتُوَ كُلُّمْ؞ غَسْكِيَ نٜىٰ یَنْعُوَ، كَمَرْ يَدَّ يَكٜىٰ تَبَّتَاثّٜىٰ ثٜىٰوَ إِنَ تَاڧَمَ دَكُو ثِكِنْ أَلْمَسِيحُ عِيسَىٰ عُبَنْ‌غِجِنْمُ ؞

32عِدَنْ نَايِ كُواْكَوَ دَ نَمُواْمِنْ دَاجِ أَعَڢِسَ، بِسَغَ تُنَانِنْ مُتُمْ، مٜىٰثٜىٰثٜىٰ رِبَتَ؟ عِدَنْ دَيْ حَرْ بَذَاعَتَادَ مَتَتُّوبَ، «بَسَيْمُيِ تَثِ دَ شَابَ، تُنْدَ غُواْبٜىٰ ذَامُ مُتُ؟»

33كَدَ ڢَا أَ رُوطٜىٰكُ! «ذَمَ دَ مُوغَيٜىٰ يَكَنْ ٻَاتَ هَلَيٜىٰنْ كِرْكِ؞»

34كُدَاوُاْ ثِكِنْ تُنَانِ مَيْݣَوْ، كُدَيْنَ يِنْ ذُنُوبِ؞ غَمَا وَطَنْسُنْكُ بَسُ سَنْ اللَّهْ بَ؞ نَڢَطِ وَنَّنْ نٜىٰ دُواْمِنْ كُجِ كُنْيَا؞

35عَمَّا وَطَنْسُ ذَاسُيِ تَمْبَيَ سُثٜىٰ «يَيَ عَكٜىٰ تَادَ مَتَتُّو؟ دَ وَنٜىٰ إِرِنْ جِكِے سُكٜىٰ ڢِتُواْوَ؟»

36وَاوَا! أَبِنْدَ كَشُوكَ بَذَيْ ڟِيرَبَ سَيْ يَمُتُ؞

37أَبِنْدَ كَشُوكَ كُمَ، بَ شِينٜىٰ عَيْنِحِنْ أَبِنْدَ ذَيْ ڟِيرَبَ، ڨُويَثٜىٰ كَوَيْ، كُواْ تَأَلْكَمَ، كُواْ تَوَتَ إِرِ دَبَمْ؞

38عَمَّا اللَّهْ نٜىٰ يَكَنْ بَا ڨُويَرْ جِكِے يَدَّ يَنُڢَ، كُواْوَثٜىٰ ڨُويَ دَ إِرِنْ جِكِنْتَ؞

39بَدُكَنْ نَامَ نٜىٰ إِرِ طَيَبَ؞ مُتَنٜىٰ سُنَدَ إِرِنْ نَاسُ دَبُّواْبِے دَ إِرِنْ نَاسُ، ڟُنْڟَيٜىٰ دَ إِرِنْ نَاسُ، كِيڢَيٜىٰ كُمَ دَ إِرِنْ نَاسُ؞

40أَݣَويْ حَلِتَّ إِرِنْ تَسَمَ، أَݣَويْ كُمَ إِرِنْ تَڧَسَا؞ عَمَّا طَوْكَكَرْ إِرِنْ تَسَمَ دَبَمْ، طَوْكَكَرْ إِرِنْ تَڧَسَا كُمَ دَبَمْ؞

41طَوْكَكَرْ رَانَ دَبَمْ، تَوَتَ دَبَمْ، تَتَوْرَرِ كُمَ دَبَمْ، حَرْ مَا وَنِ تَوْرَرُواْ يَكَنْ ذَمَ دَبَمْ دَ وَنِ وَجٜىٰنْ طَوْكَكَ؞

42حَكَكُمَ يَكٜىٰ غَمٜىٰدَ تَاشِنْ مَتَتُّو؞ أَبِنْ دَ عَكَ شُوكَ يَنَدَ حَلِنْ ضُٻَ، أَبِنْدَ عَكَ تَادَ شِ كُمَ بَاشِ دَ حَلِنْ ضُٻَ؞

43عَكَنْ شُوكَ شِ ثِكِنْ ڧَسْڧَنْثِ، عَكَنْ تَادَ شِ ثِكِنْ طَوْكَكَ؞ عَكَنْ شُوكَشِ ثِكِنْ رَشِنْ ڧَرْڢِے، عَكَنْ تَادَشِ ثِكِنْ ڧَرْڢِے؞

44عَكَنْ شُوكَشِ ثِكِنْ جِكِے نَمُتُنْتَكَ، عَكَنْ تَادَشِ ثِكِنْ جِكِے نَرُوحُ؞ تُنْدَ أَݣَويْ جِكِے نَمُتُنْتَكَ، لَلَّيْ أَݣَويْ جِكِے نَرُوحُ؞

45حَكَ يَكٜىٰ أَرُبُوثٜىٰ «ءَادَمُ، مُتُمْ نَڢَرْكُواْ، يَذَمَ مُتُمْ مَيْ رَيْ؞» ءَادَمُ نَڧَرْشٜىٰ كُوَ رُوحُ نٜىٰ مَيْ بَادَ رَيْ؞

46عَمَّا بَ نَرُوحٌ نٜىٰ ڢَرْكُواْ بَ، نَمُتُنْتَكَ نٜىٰ كَاڢِنْ نَرُوحُ؞

47مُتُمِنْ ڢَرْكُواْ دَغَ ڧَسَا يَكٜىٰ، نَتُرْٻَيَرْ ڧَسَانٜىٰ؞ نَبِيُنْ كُوَ دَغَ سَمَ يَكٜىٰ؞

48كَمَرْ يَدَّ شِے نَتُرْٻَيَرْ ڧَسَرْ نَنْ يَكٜىٰ، حَكَكُمَ وَطَنْدَ سُكٜىٰ نَتُرْٻَيَا سُكٜىٰ؞ كَمَرْ يَدَّ شِے نَسَمَنَّنْ يَكٜىٰ، حَكَكُمَ وَطَنْدَ سُكٜىٰ نَسَمَ سُكٜىٰ؞

49كَمَرْ يَدَّ مُكَ طَوْكِ كَمَنِّ نَتُرْٻَيَرْ نَنْ، حَكَكُمَ ذَامُ طَوْكِ كَمَنِّ نَمُتُمِنْ سَمَنَّنْ؞

50أَبِنْ دَ نَكٜىٰ غَيَ مُكُ، یَنْعُوَ، شِينٜىٰ بَذَيْ يِوُ جِكِنْمُ نَنَامَ دَ جِنِ يَسَامِ غَادُواْ أَمُلْكٍ اللَّهْ بَ، حَكَكُمَ مَيْ ضُٻَ بَايَ غَادُوانْ مَرَرْ ضُٻَ؞

51كُسَوْرَرَ، ذَنْ غَيَ مُكُ وَنِ أَسِيرِ! بَا دُكَنْمُ نٜىٰ ذَامُ مُتُبَ، عَمَّا دُكَنْمُ ذَاعَ ثَنْجَ كَمَنِّنْمُ،

52ڢَرَتْ طَيَ دَ ڨِڢْتَوَرْ عِدُواْ دَ جِنْ ڧَارَرْ ڧَهُواْ نَڧَرْشٜىٰ؞ غَمَا ذَاعَ بُوسَ ڧَهُواْ، ذَاعَ كُمَ تَادَ مَتَتُّو دَ جِكِے إِرِنْ وَنْدَ بَايَ رُٻٜىٰوَ، ذَاعَ كُمَ سَاكٜىٰ كَمَنِّنْمُ؞

53غَمَا دُواْلٜىٰنٜىٰ وَنَّنْ جِكِے مَيْ ضُٻَ يَثَنْجَ يَذَمَ مَرَرْ ضُٻَ، جِكِے مَيْ مُتُوَ كُمَ يَثَنْجَ يَذَمَ مَرَرْ مُتُوَ؞

54سَعَدَّ كُمَ جِكِے مَيْ ضُٻَنَّنْ يَثَنْجَ يَذَمَ مَرَرْ ضُٻَ، كُمَ جِكِے مَيْ مُتُوَرْ نَنْ يَذَمَ مَرَرْ مُتُوَ، أَ لُواْكَثِنَّنْ نٜىٰ ڢَا مَغَنَرْ نَنْ دَتَكٜىٰ أَرُبُوثٜىٰ ثِكِنْ مَغَنَرْ اللَّهْ ذَاتَ ثِكَ، ثٜىٰوَ «أَنْهَلَّكَ مُتُوَ، أَنْيِنَصَرَا عَكَنْتَ؞

55كٜىٰ، مُتُوَ، إِنَا نَصَرَرْكِ؟ كٜىٰ، مُتُوَ، إِنَا دَڢِنْكِ؟»

56أَيْ، ذُنُوبِ شِينٜىٰ دَڢِنْ مُتُوَ، ذُنُوبِ كُوَ يَسَامِ إِيكُوانْسَ تَدَلِيلِنْ كُواْيَرْوَرْ؞

57عَمَّا بَرِ غُواْدِيَ تَتَبَّتَا غَ اللَّهْ وَنْدَ يَكٜىٰ بَامُ نَصَرَا تَوُرِنْ عُبَنْ‌غِجِنْمُ عِيسَىٰ أَلْمَسِيحُ!

58سَبُواْدَ حَكَ یَنْعُوَنَ وَطَنْدَ نَكٜىٰ ڧَوْنَ، كُڟَيَ دَرَمْ، كُكَڢُ، كُلُّمْ كُنَ يَلْوَتَ ثِكِنْ عَيْكِنْ عُبَنْ‌غِجِ ، دُواْمِنْ كُوَ كُنْ سَنْ ڢَامَرْ دَ كُكٜىٰيِ سَبُواْدَ عُبَنْ‌غِجِ بَعَبَنْظَ تَكٜىٰبَ؞

← Chapter 14 Jump to: Chapter 16 →