1 Corinthians 7

Hausa Arabic 2020 (أَتَّوْرَتْ دَ أَنَّبَاوَا)

1تُواْ، غَمٜىٰدَ أَبِنْدَ كُكَ رُبُوتُواْ، يَنَدَ ݣَوْ مُتُمْ يَذَوْنَ بَ مَتَ؞

2عَمَّا دُوانْ أَغُجٜىٰ وَحَلِنْ لَلَتَ، كُواْوَنٜىٰ مُتُمْ يَكَسَنْثٜىٰ دَ مَاتَرْسَ، كُمَ كُواْوَثٜىٰ مَثٜىٰ دَ مِجِنْتَ؞

3مِجِ يَبَا مَاتَرْسَ حَكِّنْتَ نَ عَوْرٜىٰ، حَكَكُمَ مَاتَرْ غَ مِجِنْتَ؞

4دُوانْ مَاتَرْ بَاتَ دَ إِيكُواْ دَ جِكِنْتَ، سَيْدَيْ مِجِنْ، حَكَمَا مِجِنْ بَاشِ دَ إِيكُواْ دَ جِكِنْسَ، سَيْدَيْ مَاتَرْ؞

5كَدَ طَيَنْكُ يَحَنَ وَطَيَنْ، سَيْ كُواْ كُنْيَرْدَ دَ حَكَ نَطَنْ لُواْكَثِ دُواْمِنْ كُنَڟُ ثِكِنْ أَدُّعَ؞ سَعَنً كُسَاكٜىٰ حَطُوَ، كَدَ شَيْطَنْ يَرُوطٜىٰكُ وَجٜىٰنْ رَشِنْ كَمٜىٰوَ؞

6وَنَّنْ شَوَرَاثٜىٰ نَكٜىٰ بَاكُ، بَ عُمَرْنِبَ؞

7دَمَا عَثٜىٰ كُواْوَ كَمَرْنِ يَكٜىٰ، عَمَّا دَيْ كُواْوَ يَنَدَ بَيْوَرْ دَ اللَّهْ يَبَا شِ، وَنِ يَنَدَ إِرِنْ وَنَّنْ، وَنِ يَنَدَ إِرِنْ وَنْثَنْ؞

8غَمٜىٰ دَ وَطَنْدَ بَسُيِ عَوْرٜىٰبَ دَ وَطَنْدَ مَذَنْسُ سُكَ مُتُ، إِنَ غَنِ ذَيْڢِ ݣَوْ سُذَوْنَ بَا عَوْرٜىٰ كَمَرْ يَدَّ نَكٜىٰ؞

9عَمَّا عِدَنْ بَاسُدَ كَمٜىٰوَ، يَا كَمَاتَ سُيِ عَوْرٜىٰ؞ غَمَا غَارَ عَيِ عَوْرٜىٰ دَ شَعَوَ تَشَا كَنْ مُتُمْ؞

10وَطَنْدَ سُكَيِ عَوْرٜىٰ كُمَ، إِنَبَاكُ عُمَرْنِ، بَ نِے بَنٜىٰ، عَمَّا عُبَنْ‌غِجِ ، ثٜىٰوَ كَدَ مَتَ تَرَبُ دَ مِجِنْتَ؞

11عِدَنْ كُوَ تَا رَبُ دَشِ، كَدَ تَيِ عَوْرٜىٰ، سَيْدَيْ تَسَاكٜىٰ شِرْيَ دَ مِجِنْتَ، مِجِ كُمَ كَدَ يَسَكِ مَاتَرْسَ؞

12غَمٜىٰ دَ سَوْرَنْ كُمَ، إِنْجِنِ، بَ إِنْجِ عُبَنْ‌غِجِ بَ، عِدَنْ وَنِ طَنْعُوَ يَنَدَ مَثٜىٰ مَرَرْ بِے، تَكُمَ يَرْدَ سُذَوْنَ تَرٜىٰ، تُواْ، كَدَ يَرَبُ دَ عِتَ؞

13عِدَنْ كُمَ وَتَ مَثٜىٰ تَنَدَ مِجِ مَرَرْ بِے، يَكُوَ يَرْدَ سُذَوْنَ تَرٜىٰ، تُواْ، كَدَ تَرَبُ دَشِ؞

14نَثٜىٰ حَكَنٜىٰ، غَمَا مِجِ مَرَرْ بَادَ غَسْكِيَ أَڟَرْكَكٜىٰ يَكٜىٰ تَوُرِنْ ذَمَ طَيَ دَ مَاتَرْسَ، حَكَ كُوَ مَثٜىٰ مَرَرْ بَادَ غَسْكِيَ أَڟَرْكَكٜىٰ تَكٜىٰ، تَوُرِنْ ذَمَ طَيَ دَ مِجِنْتَ؞ إِنْ بَهَكَبَ یَیَنْكُ ذَاسُ ذَمَ ڧَظَامَيْ، عَمَّا يَنْذُ سُو مَاسُ ڟَرْكِے نٜىٰ؞

15عِدَنْ كُوَ مَرَرْ بِنْ يَنَ سُواْ يَرَبُ دَ مَيْبِنْ، تُواْ، سَيْ سُرَبُ؞ أَوَنَّنْ حَلِ، طَنْعُوَ كُواْ یَرْعُوَ مَيْبِے بَابُ دُواْلٜىٰ عَكَنْسُ، دُوانْ اللَّهْ يَكِرَامُ غَ ذَمَنْ لَاڢِيَنٜىٰ؞

16كٜىٰ مَتَ، كِنْسَنِ كُواْ ذَاكِ ثٜىٰثِ مِجِنْكِ؟ كَيْ مِجِ، كَسَنِ كُواْ ذَاكَثٜىٰثِ مَاتَرْكَ؟

17سَيْ دَيْ عَثِكِنْ كُواْوَنٜىٰ حَلِ، كُواْوَ يَيِ ذَمَ إِرِنْ وَنْدَ عُبَنْ‌غِجِ يَسَا مَسَ، وَنْدَ كُمَ اللَّهْ يَكِرَا شِ يَيِ؞ عُمَرْنِنْ دَ نَكٜىٰ بَا دُكَنْ جَمَعَرْ مَاسُبِے كٜىٰنَنْ؞

18دُكْ وَنْدَ اللَّهْ يَكِرَا، وَنْدَ دَا مَا يَنَدَ كَاثِيَ، تُواْ، كَدَ يَنٜىٰمِ يَذَمَ مَرَرْ كَاثِيَ؞ وَنْدَ كُمَ اللَّهْ يَكِرَا، وَنْدَ دَا مَا بَاشِ دَ كَاثِيَ، تُواْ، كَدَ يَثٜىٰ سَيْ أَنْيِ مَسَ كَاثِيَ؞

19كَاثِيَ، كُواْ رَشِنْ كَاثِيَ، بَكُواْمٜىٰبَنٜىٰ، عَمَّا يِنْ بِيَيَّ دَ دُواْكُواْكِنْ اللَّهْ شِينٜىٰ دَ مُهِمَّنْثِ؞

20كُواْوَ يَكَسَنْثٜىٰ يَدَّ يَكٜىٰ سَعَدَّ عَكَ كِرَشِ؞

21عِدَنْ كَيْ بَاوَ نٜىٰ لُواْكَثِنْ دَ عَكَ كِرَاكَ، كَدَ كَدَامُ؞ عِدَنْ كُوَ ذَاكَ عِيَ سَامُنْ یَنْثِ، سَيْ كَيِ أَمْڢَانِ دَ وَنَّنْ دَامَرْ؞

22دُكْ وَنْدَ يَكٜىٰ بَاوَ نٜىٰ، سَعَدَّ عَكَ كِرَشِ ذُوَا وُرِنْ عُبَنْ‌غِجِ ، شِے بَ بَاوَ بَنٜىٰ كُمَ، شِے نَ عُبَنْ‌غِجِ نٜىٰ؞ حَكَكُمَ وَنْدَ عَكَ كِرَشِ سَعَدَّ يَكٜىٰدَ یَنْثِ، يَذَمَ بَاوَنْ أَلْمَسِيحُ ؞

23دَ ڟَادَ عَكَ سَيٜىٰكُ، كَدَ كُذَمَ بَايِنْ مُتَنٜىٰ؞

24تُواْ، یَنْعُوَ، دُكْ حَلِنْ دَ مُتُمْ يَكٜىٰ ثِكِ لُواْكَثِنْ دَ عَكَ كِرَشِ، سَيْ يَذَوْنَ حَكَ تَرٜىٰدَ اللَّهْ ؞

25غَمٜىٰ دَ مَتَنْ دَ بَسُيِ عَوْرٜىٰبَ كُوَ، عُبَنْ‌غِجِ بَيْبَانِ عُمَرْنِبَ، عَمَّا إِنَبَادَ رَعَيِنَ نٜىٰ عَكَنْ ثٜىٰوَ نِے وَنْدَ عَكَ أَمِنْثٜىٰ دَشِينٜىٰ، بِسَغَ جِنْڧَنْ عُبَنْ‌غِجِ ؞

26إِنَ غَنِ ذَيْڢِ ݣَوْ مُتُمْ يَذَوْنَ يَدَّ يَكٜىٰ سَبُواْدَ يَنْذُ لُواْكَثِنْ وَهَلَ نٜىٰ؞

27عِدَنْ كَيِ عَوْرٜىٰ، كَدَ كَكَشٜىٰ عَوْرٜىٰنْ؞ عِدَنْ بَ كَارِغَا كَايِ عَوْرٜىٰبَ، كَدَ كَيِ عَوْرٜىٰ؞

28عَمَّا عِدَنْ كَيِ عَوْرٜىٰ، بَ لَيْڢِے، بَ ذُنُوبِ بَنٜىٰ، كُمَ عِدَنْ يَارِنْيَ تَيِ عَوْرٜىٰ، بَ ذُنُوبِ بَنٜىٰ؞ دُكْدَهَكَ وَطَنْدَ سُكَيِ عَوْرٜىٰ ذَاسُ شَا وَهَلَ أَ رَايُوَرْ نَنْ، كُمَ إِنَ سُواْ إِنْ ڟَرٜىٰكُ دَغَ حَكَ؞

29أَبِنْ دَ نَكٜىٰ نُڢِ یَنْعُوَ، شِينٜىٰ لُواْكَثِنْ دَ عَكَ شِرْيَ يَكُسَ ڧَارٜىٰوَ؞ دَغَ يَنْذُ، مَاسُ عَوْرٜىٰ سُذَمَ كَمَرْ بَاسُدَ عَوْرٜىٰ؞

30وَطَنْدَ سُكٜىٰ بَڧِنْ ثِكِ سُذَمَ كَمَرْ بَاسَ بَڧِنْ ثِكِ، وَطَنْدَ سُكٜىٰ مُرْنَ سُذَمَ كَمَرْ بَاسَ مُرْنَ، كُمَ مَاسُ سَيٜىٰنْ كَايَ سُذَمَ كَمَرْ بَاسُ دَكُواْمٜىٰ،

31مَاسُ يِنْ أَمْڢَانِ دَ كَايَنْ دُونِيَا كُمَ كَدَ سُدُواْغَرَ غَرٜىٰسُ، غَمَا يَدَّ دُونِيَرْ نَنْ تَكٜىٰ، تَنَ وُثٜىٰوَنٜىٰ؞

32إِنَ سُواْ كُسَامِ یَنْثِ دَغَ دَامُوَ؞ وَنْدَ بَيْيِ عَوْرٜىٰبَ يَكَنْ دَامُ دَ شَعَنِنْ عُبَنْ‌غِجِ سُواْسَيْ، يَدَّ ذَيْسَا عُبَنْ‌غِجِ يَجِ دَاطِے؞

33عَمَّا وَنْدَ يَكٜىٰدَ عَوْرٜىٰ يَكَنْ دَامُ دَ أَبُبُوَنْ دُونِيَا، يَدَّ ذَيْسَا مَاتَرْسَ تَجِ دَاطِے؞

34حَنْكَلِنْسَ يَرَبُ بِيُ كٜىٰنَنْ؞ كُمَ مَثٜىٰ مَرَرْ عَوْرٜىٰ، كُواْ يَارِنْيَ، تَكَنْ دَامُ دَ شَعَنِنْ عُبَنْ‌غِجِ سُواْسَيْ يَدَّ ذَاتَ ذَمَ مَيْ ڟَرْكِے عَثِكِنْ جِكِے دَ رُوحُ؞ مَثٜىٰ مَيْ عَوْرٜىٰ كُوَ تَكَنْ دَامُ دَ أَبُبُوَنْ دُونِيَا، يَدَّ ذَاتَسَا مِجِنْتَ يَجِ دَاطِے؞

35نَڢَطِ حَكَ دُوانْ أَمْڢَانِنْكُنٜىٰ، بَ دُوانْ إِنْ مَاڟَ مُكُبَ، سَيْدَيْ دُوانْ ذَمَنْكُ يَيِݣَوْ، دُوانْ كُبَوْتَا وَ عُبَنْ‌غِجِ بَاتَرٜىٰدَ رَبَ حَنْكَلِنْكُبَ؞

36عَمَّا عَثٜىٰ مُتُمْ يَيِ أَلْڧَوَرِ دَ وَتَ دَ تَ إِسَ عَوْرٜىٰ، كُمَ يَنَ ڟَمَّنِ يَنَ يِنْ أَبِنْدَ بَيْ دَاثٜىٰبَ غَرٜىٰتَ، سَعَنً يَنَ شَعَوَرْتَ سُواْسَيْ، سَيْ يَ عَوْرٜىٰتَ؞ عِدَنْ حَكَنٜىٰ، بَ لَيْڢِے بَنٜىٰ؞

37عَمَّا مُتُمِنْدَ يَڟَيَ سُواْسَيْ عَكَنْ شَوَرَرْ ذُوثِيَارْسَ، أَبِنْ كُوَ بَا دُواْلٜىٰ بَنٜىٰ غَرٜىٰشِ، كُمَ يَنَ عِيَ كَمٜىٰ كَنْسَ، حَرْ كُمَ يَطَوْكَ أَ رَنْسَ بَذَيْ عَوْرٜىٰتَبَ، تُواْ، وَنَّنْ مَا دَيْدَيْنٜىٰ؞

38سَبُواْدَ حَكَ وَنْدَ يَ عَوْرِ يَارِنْيَرْ دَ يَيِ أَلْڧَوَرِ دَ عِتَ، يَيِ دَيْدَيْ؞ شِے كُوَ دَ بَيْ عَوْرٜىٰتَبَ مَا يَڢِ؞

39مَثٜىٰ بَذَاتَ رَبُ دَ مِجِنْتَبَ إِنْ دَيْ يَنَدَ رَيْ، عَمَّا عِدَنْ يَا مُتُ، تَنَ عِيَ عَوْرٜىٰنْ وَنِ دَ رَنْتَ يَكٜىٰسُواْ، عَمَّا ڢَا مَيْبِنْ عُبَنْ‌غِجِ ؞

40عَمَّا أَ نَوَ رَعَيِنْ، ذَاتَڢِ جِنْ دَاطِے عِدَنْ تَذَوْنَ يَدَّ تَكٜىٰ؞ أَغَنِينَ كُوَ إِنَدَ رُوحٌ اللَّهْ ؞

← Chapter 6 Jump to: Chapter 8 →