2 Corinthians 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ وَنْدَ يَذَمَ مَنْذُوانْ أَلْمَسِيحُ عِيسَىٰ بِسَغَ نُڢِنْ اللَّهْ دَ كُمَ طَنْعُوَنْمُ تِمُواْتِ، ذُوَاغَ جَمَعَرْ مَاسُبِنْ اللَّهْ أَ كُواْرِنْتِ، تَرٜىٰدَ دُكَنْ ڟَرْكَكَا أَدُكْ ڢَاطِنْ ڧَسَرْ عَكَيَ؞

2أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

3أَلْبَرْكَ تَا تَبَّتَا غَ اللَّهْ عُبَا، شِ دَيَكٜىٰ عُبَنْ عُبَنْ‌غِجِنْمُ عِيسَىٰ أَلْمَسِيحُ ، عُبَا مَيْ يَوَنْ تَوْسَيِ، اللَّهْ وَنْدَ يَكٜىٰيِ مَنَ كُواْوَثٜىٰ إِرِنْ تَعَظِيَّ!

4اللَّهْ يَنَيِ مَنَ تَعَظِيَّ عَثِكِنْ دُكَنْ وَهَلَرْمُ، دُوانْ مُو مَا مُيِ وَ وَطَنْسُ تَعَظِيَّ عَثِكِنْ كُواْوَنٜىٰ إِرِنْ وَهَلَرْسُ دَ وَنَّنْ تَعَظِيَّرْ دَ مُكَ سَامُ دَغَ وُرِنْ اللَّهْ ؞

5كَمَرْ يَدَّ مُكٜىٰ شَنْ وُيَ يَدَّ أَلْمَسِيحُ دَ كَنْسَ يَشَا، حَكَكُمَ تَوُرِنْ أَلْمَسِيحُ ذَامُ سَامِ بَبَّرْ تَعَظِيَّرْ نَنْ تَ اللَّهْ ؞

6كُواْ مُنَ شَنْ وَهَلَ، أَيْ، مُنَ شَنْتَ نٜىٰ دُواْمِنْ تَذَمَ أَبِنْ تَعَظِيَّ أَغَرٜىٰكُ تَكُمَ ڧَرْڢَڢَ رَايُوَرْكُ تَ رُوحَنِيَ؞ عِدَنْ كُمَ تَعَظِيَّ عَكٜىٰمَنَ نٜىٰ، تُواْ، كُو مَا كُنْ سَامِ تَعَظِيَّ كٜىٰنَنْ يَدَّ ذَاكُ سَامِ ڧَرْڢِنْ يِنْ حَڧُرِ عَكَنْ وَنَّنْ وَهَلَرْ دَ مُو مَا مُكٜىٰ شَا؞

7بَا مَا شَكَّرْكُ كُواْ كَطَنْ، دُواْمِنْ مُنْ سَنِ ثٜىٰوَ كَمَرْ يَدَّ كُكٜىٰ شَنْ وَهَلَ إِرِنْ تَامُ، حَكَ كُو مَا ذَاكُ سَامِ إِرِنْ تَعَظِيَّرْ دَ عَكٜىٰيِ مَنَ؞

8یَنْعُوَ، بَامَ سُواْ كُكَسَنْثٜىٰ دَ رَشِنْ سَنِ غَمٜىٰدَ إِرِنْ وَهَلَرْ دَ مُكَ شَا عَڧَسَرْ أَسِيَ، وَنَّنْ وَهَلَرْ تَايِيَوَ سُواْسَيْ حَرْ بَمُسَنْ ذَامُ رَايُبَ؞

9حَرْ مَا مُكَجِ كَمَرْ حُكُنْثِنْ مُتُوَ عَكَيِ مَنَ؞ عَمَّا وَنَّنْ يَڢَرُ نٜىٰ دُواْمِنْ كَدَ مُدُواْغَرَ غَ ڧُواْڧَرِنْ كَنْمُ، سَيْدَيْ مُدُواْغَرَ غَ اللَّهْ ، وَنْدَ يَكٜىٰ تَادَ وَطَنْدَ سُكَ مُتُ؞

10اللَّهْ يَڢِتَرْ دَمُو دَغَ وَنَّنْ مُوغُوَرْ مُتُوَ، مُنْ كُمَ تَبَّتَا ذَيْثٜىٰثٜىٰمُ؞ أَغَرٜىٰشِنٜىٰ مُكٜىٰ دُواْغَضَ دُواْمِنْ يَسَاكٜىٰ ثٜىٰتُوانْمُ؞

11كُتَيْمَكٜىٰمُ دَ أَدُّعَ؞ تَهَكَنٜىٰ مُتَنٜىٰ دَيَوَ ذَاسُغُواْدٜىٰ وَ اللَّهْ سَبُواْدَمُو، سَبُواْدَ أَلْبَرْكُنْ دَ ذَامُ سَامُ تَوُرِنْ أَمْسَ أَدُّعُواْعِ مَاسُيَوَ؞

12أَبِنْ دَ يَكٜىٰسَا مُتَاڧَمَ شِينٜىٰ تُنَانِنْ ذُوثِيَارْمُ تَنَ شَيْدَ مَنَ ثٜىٰوَ مُنْيِ ذَمَ مَيْ ڟَرْكِے عَدُونِيَا دَ ذُوثِيَا طَيَ، مُسَمَّنْ ثِكِنْ ذَمَنْ دَ مُكَيِ دَكُو؞ ذَنْ ڢَطَا ثٜىٰوَ مُنْيِ حَكَ ثِكِنْ غَسْكِيَ إِرِنْ تَحَلِنْ اللَّهْ ، تَوُرِنْ أَلْحٜىٰرِنْ اللَّهْ نٜىٰ، بَتَوُرِنْ حِكِمَرْ وَنَّنْ دُونِيَا بَ؞

13مُنَ رُبُوتَ مُكُ أَبِنْدَ ذَاكُ كَرَنْتَ كُغَانٜىٰنٜىٰ كَوَيْ؞ عَمَّا كُواْدَيَكٜىٰ كُنْ سَامِ غَانٜىٰوَ كَطَنْ يَنْذُ، إِنَ ڢَاتَا ذَاكُ سَامِ غَانٜىٰوَرْ كُواْمٜىٰ دَكُواْمٜىٰ، دُواْمِنْ رَانَرْ دَ عُبَنْ‌غِجِنْمُ عِيسَىٰ ذَيْ دَاوُاْ، كُيِ تَاڧَمَ دَمُو، كَمَرْ يَدَّ مُو مَا ذَامُيِ تَاڧَمَ دَكُو؞

15دَ وَنَّنْ أَمِنْثٜىٰوَ ڢَا، إِنَدَ نُڢِ إِنْذُواْ وُرِنْكُ دَ ڢَارِ، دُواْمِنْ كُسَامِ أَلْبَرْكَ سَوْ بِيُ؞

16نَا شِرْيَ إِنْظِيَرْثٜىٰكُ عِدَنْ ذَنْ تَڢِے مَكِدُواْنِيَ، إِنْسَاكٜىٰ بِنْ وُرِنْكُ كُمَ عِدَنْ إِنَدَاوُاْوَ، دُواْمِنْ إِنْسَامِ تَيْمَكُوانْكُ دُواْمِنْ تَڢِيَاتَ ذُوَا يَهُودِيَ؞

17كُنَ غَنِ ثٜىٰوَ نَايِ وَنَّنْ شِرِ بَدَسَنِنْ أَبِنْدَ نَكٜىٰيِبَنٜىٰ؟ كُواْ كُوَ، كُنَ غَنِ نَايِ شِرِنَّنْ دَ حَلِنْ مُتُنْتَكَ نٜىٰ، دُواْمِنْ إِنْثٜىٰ «عِ،» إِنْكُواْمَ إِنْثٜىٰ «أَعَ»؟

18كَمَرْ يَدَّ بَاشَكَّ اللَّهْ مَيْ أَمِنْثِ نٜىٰ، حَكَمَا مَغَنَرْ دَ مُكَيِ مُكُ بَتَ «عِ» دَ «أَعَ» بَثٜىٰ؞

19دُواْمِنْ طَنْ اللَّهْ عِيسَىٰ أَلْمَسِيحُ ، وَنْدَ نِے دَ سِيلَ دَ تِمُواْتِ مُكَيِ مُكُ وَعَظِنْسَ، أَيْ، بَوَنِ مَيْ «عِ» دَ «أَعَ» بَنٜىٰ، عَمَّا عَثِكِنْسَ «عِ» نٜىٰ كُلُّمْ؞

20غَمَا تَوُرِنْسَ نٜىٰ اللَّهْ يَثِكَ دُكَنْ أَلْكَوَرَنْ دَ يَيِ؞ شِيَسَا تَوُرِنْ عِيسَىٰ أَلْمَسِيحُ مُكٜىٰثٜىٰوَ «أَمِينْ» دُواْمِنْ طَوْكَكَرْ اللَّهْ ؞

21يَنْذُ ڢَا اللَّهْ نٜىٰ يَكٜىٰ تَبَّتَرْ مَنَ دَمُو دَكُو غَبَاطَيَ، سَامُنْ رَيْ عَثِكِنْ أَلْمَسِيحُ ، شِينٜىٰ كُمَ يَكٜىٰٻٜىٰمُ،

22يَسَا مَنَ عَلَمَرْ شَيْدَرْسَ تَنُونَ ثٜىٰوَ مُو نَاسَنٜىٰ، يَكُمَ بَامُ ݣَوْتَرْ رُوحُنْسَ أَ ذُوثِيَارْمُ دُواْمِنْ يَتَبَّتَا مَنَ دَ أَبِنْدَ ذَيْ يِ نَنْ غَبَ؞

23اللَّهْ نٜىٰ شَيْدَتَ، عِدَنْ ڧَضْيَا نٜىٰ نَكٜىٰيِ دَ نَثٜىٰ دَلِيلِنْ دَ بَنْ كُواْمَ كُواْرِنْتِ بَ شِينٜىٰ دُواْمِنْ كَدَ إِنْڧَارَ مُكُ وَهَلَ؞

24بَوَيْ مُنَسُواْ مُنُونَ مُكُ إِيكُواْ عَكَنْ بَنْ‌غَسْكِيَرْكُ بَنٜىٰ، أَعَ، مُنَ عَيْكِنٜىٰ تَرٜىٰ، دُواْمِنْ كُيِ ڢَضٍ ثِكِ، سَبُواْدَ كُنَ ڟَيٜىٰ دَ ڧَرْڢِے ثِكِنْ بَنْ‌غَسْكِيَرْكُ؞

Jump to: Chapter 2 →