2 Corinthians 11

Hausa Arabic 2020 (أَتَّوْرَتْ دَ أَنَّبَاوَا)

← Chapter 10 Jump to: Chapter 12 →

1إِنَ ڢَاتَا ذَاكُيِ حَڧُرِ دَنِے كُواْ إِنَ طَنْ وَوَنْثِ؞ سَيْكُدَيْ يِحَڧُرِ دَنِے!

2إِنَ كِيشِ سَبُواْدَكُو دَ كِيشِ إِرِنَّڧَوْنَرْ دَ اللَّهْ يَكٜىٰيِ عَكَنْكُ؞ نَشِرْيَ عَوْرٜىٰنْكُ دَ أَلْمَسِيحُ ، إِنَ كُمَ سُواْ كُذَوْنَ دَ ڟَرْكِے، دُواْمِنْ إِنْمِيڧَكُ غَرٜىٰشِ كَمَرْ يَدَّ عَكٜىٰمِيڧَ أَمَرْيَ مَيْ ڟَرْكِے غَ وَنْدَ شِينٜىٰ كَطَيْ مِجِنْتَ؞

3عَمَّا إِنَ ڟُواْرُواْ كَدَ يَذَمَ أَبِنْدَ يَڢَرُ دَ هَوَّآءُ، يَڢَرُ دَكُو؞ مَثِيجِ يَرُوطٜىٰتَ دَ وَيُوانْسَ حَرْ تَيِ ذُنُوبِ؞ حَكَ كُو مَا، تُنَانِنْكُ ذَيْ عِيَ ذَمَ مَرَرْ كِرْكِ، تَهَكَ، بَذَاكُ كَسَنْثٜىٰ دَ ثِكَكّٜىٰنْ بَادَكَيْ دَ كُمَ أَمِنْثِ ثِكِنْ أَلْمَسِيحُ بَ؞

4غَمَا كُنَدَ سَوْڧِنْ يَرْدَ دَ وَطَنْدَ سُكٜىٰ ذُوَا وُرِنْكُ؞ كُنْ يَرْدَ دَ كُواْيَرْوَرْسُ عَكَنْ عِيسَىٰ ، كُواْدَيَكٜىٰ تَيِ دَبَمْ دَ وَدَّ مُكَيِ وَعَظِنْتَ؞ كُنْ يَرْدَ دَ إِرِنْ رُوحٌ دَ سُكَ ڢَطَا مُكُ، كُواْدَيَكٜىٰ وَنَّنْ رُوحُ بَ رُوحُ مَيْ ڟَرْكِے وَنْدَ كُكَ كَرْٻَ بَنٜىٰ؞ كُنْ كُمَ يَرْدَ دَ إِرِنْ لَابَرِ مَيْ دَاطِے نَاسُ، كُواْدَيَكٜىٰ يَيِ دَبَمْ دَ وَنْدَ مُكَ كَٰوُاْ مُكُ؞

5بَنْيِ ڟَمَّنِ وَطَنَّنْ دَ كُكٜىٰثٜىٰ دَسُو «مَنْيَنْ مَنْذَنِّے» سُنْڢِے نِے دَ وَنِ أَبُبَ؞

6مَيْ يِوُوَ بَعَكُواْيَرْ دَنِے أَ مَغَنَ بَ، عَمَّا إِنَدَ سَنِ؞ مُنْ نُونَ مُكُ وَنَّنْ عَتَكُواْوَثٜىٰ حَنْيَ؞

7نَيِ مُكُ وَعَظِنْ لَابَرِ مَيْ دَاطِنَّنْ نَ اللَّهْ عَݣَوْتَا؞ نَطَوْكِ مَڟَيِ مَرَرْ غِرْمَ، دُوانْ أَطَغَكُ ذُوَا بَبَّنْ مَڟَيِ؞ نَيِ لَيْڢِے كٜىٰنَنْ؟

8يَذَمَ كَمَرْ نَيِ وَ وَطَنْسُ جَمَعَرْ مَاسُبِے ڨُوثٜىٰ دُواْمِنْ إِنْيِ مُكُ حِدِمَ؞

9لُواْكَثِنْ دَ نَكٜىٰ تَرٜىٰدَكُو، إِنَدَ بُڧَاتَرْ كُطِ، دُكْدَهَكَ بَنْ دَامٜىٰكُبَ؞ یَنْعُوَ مَاسُبِے وَطَنْدَ سُكَذُواْ دَغَ مَكِدُواْنِيَ نٜىٰ سُكَ كَٰوُاْ مِنِ دُكْ أَبِنْدَ نَكٜىٰ بُڧَاتَ؞ بَنْ طُواْرَ مُكُ نَوْيِ أَ لُواْكَثِنْ بَ، كُمَ ذَنْ ثِيغَبَدَ يِنْهَكَ؞

10بِسَغَ غَسْكِيَرْ أَلْمَسِيحُ دَتَكٜىٰ عَثِكِنَ، نَثٜىٰ بَاوَنْدَ يَ إِسَ أَدُكْ ڢَاطِنْ ڧَسَرْ عَكَيَ يَثٜىٰ إِنْبَرْ يِنْ تَاڧَمَ؞

11مٜىٰيَسَا إِنَ ڢَطِنْ حَكَ؟ دُواْمِنْ بَانَ ڧَوْنَرْكُ نٜىٰ؟ أَيْ، اللَّهْ يَسَنْ إِنَ ڧَوْنَرْكُ!

12ذَنْ ثِيغَبَدَ مَتَاكِنَّنْ نَوَ نَڧِنْ يَرْدَ دَ تَيْمَكُوانْ كُطِ دَغَ غَرٜىٰكُ، دُواْمِنْ إِنْحَنَ وَطَنَّنْ «مَنْيَنْ مَنْذَنِّےنْ» وَنِ دَلِيلِنْ تَاڧَمَ ثٜىٰوَ أَيْ، سُنَ عَيْكِ دَيْدَيْ دَمُو؞

13إِرِنْ مُتَنٜىٰنَّنْ بَ مَنْذَنِّےنْ غَسْكِيَ بَنٜىٰ، عَمَّا مَاسُ عَيْكِنْ ڧَضْيَانٜىٰ؞ سُنَ مَيْدَ كَنْسُ كَمَرْ مَنْذَنِّےنْ أَلْمَسِيحُ ؞

14بَ أَبِنْ مَامَاكِ بَنٜىٰ، دُواْمِنْ كُواْ شَيْطَنْ مَا دَ كَنْسَ يَكَنْ مَيْدَ كَنْسَ كَمَرْ مَلاَىِٕكَنْ حَصْكٜىٰ؞

15سَبُواْدَ حَكَبَ أَبِنْ مَامَاكِ بَنٜىٰ عِدَنْ مَاسُ يِمَسَ حِدِمَ سُنْ مَيْدَ كَنْسُ كَمَرْ مَاسُ حِدِمَرْ أَدَلْثِے؞ عَڧَرْشٜىٰ ذَاسُ سَامِ لَادَنْ دَ يَيِ دَيْدَيْ دَ عَيْكِنْسُ؞

16إِنَ سَاكٜىٰ ثٜىٰوَ كَدَ وَنِ يَيِ ڟَمَّنِ نِے وَاوَا نٜىٰ؞ عَمَّا عِدَنْ كُنَ ڟَمَّنِ حَكَنٜىٰ، تُواْ، كُيَرْدَ دَنِے كَمَرْ وَاوَا، دُواْمِنْ نِے مَا إِنْ طَنْ سَامِ أَبِنْ تَاڧَمَ؞

17إِرِنْ تَاڧَمَرْ نَنْ دَ نَكٜىٰيِ، بَ بِسَغَ عُمَرْنِنْ عُبَنْ‌غِجِ نَكٜىٰ ڢَطِ حَكَبَ؞ أَعَ، أَوَنَّنْ ذَنْثٜىٰ، إِنَ دَيْ تَاڧَمَ كَمَرْ وَاوَا نٜىٰ؞

18دَيَكٜىٰ أَݣَويْ وَطَنْسُ مَاسُ تَاڧَمَ كَمَرْ يَدَّ مُتَنٜىٰنْ دُونِيَا سُكٜىٰيِ، بَرِ نِے مَا إِنْيِ حَكَ؞

19كُو كَمْ كُنَدَ وَيُواْ سُواْسَيْ، حَرْ تَرٜىٰدَ مُرْنَ كُنَ جِمْرٜىٰ وَ وَوَيٜىٰ!

20غَمَا إِنْ وَنِ يَسَاكُ بَوْتَا، كُكَنْ جِمْرٜىٰ مَسَ، كُواْ يَيِ مُكُ ڨُوثٜىٰ، كُواْ يَمُواْرٜىٰكُ، كُواْ يَنُونَ مُكُ إِسَ، كُواْ كُوَ يَمَرٜىٰكُ أَ ڢُسْكَ؞

21نِے كَمْ، إِنَ جِنْ كُنْيَا إِنْثٜىٰ سَبُواْدَ رَشِنْ ڧَرْڢِنْمُ بَمُيِ وَطَنَّنْ أَبُبُوَنْبَ! عَمَّا عِدَنْ وَنِ يَيِ ڧَرْڢِنْ حَلِ يَيِ تَاڧَمَ عَكَنْ وَنِ أَبُ نٜىٰ، نِے مَا ذَنْيِ ڧَرْڢِنْ حَلِ إِنْيِ حَكَ؞ أَ نَنْ دَيْ إِنَ مَغَنَ نٜىٰ كَمَرْ وَاوَا!

22عِدَنْ سُو إِبْرَانِيَاوَا نٜىٰ، نِمَا حَكَ؞ عِدَنْ سُو إِسْرَٰٓءِيلَاوَا نٜىٰ، نِمَا حَكَ؞ إِنْ سُو ذُرِيَرْ إِبْرَٰهِيمْ نٜىٰ، نِمَا حَكَ؞

23عِدَنْ سُو مَاسُ حِدِمَرْ أَلْمَسِيحُ نٜىٰ، نِے نَا ڢِسُ! إِنَ مَغَنَ كَمَرْ نَهَوْكَثٜىٰنٜىٰ ڢَا! أَيْ، نَا ڢِسُ ڧُواْڧَرِ ڨُورَيْ دَ غَسْكٜىٰ، غَ شَنْ طَوْرِ؞ نَشَا دُوكَ دَيَوَ، نَكُمَ شَا شِغَ حَڟَرِنْ مُتُوَ سَوْ دَيَوَ؞

24سَوْ بِيَرْ يَهُودَاوَا سُكَيِ مِنِ بُلَلَ تَلَاتِنْ دَ تَرَ؞

25سَوْ عُكُ حُكُمَرْ رُواْمَاوَا سُكَيِ مِنِ بُلَلَ؞ أَنْ كُمَ تَٻَ جٜىٰجّٜىٰڢٜىٰنِ دَ دُوَڟُو سَوْ طَيَ؞ سَوْ عُكُ جِضَاغٜىٰنْ ضُوَ سُنْ ڢَرْڢَشٜىٰ إِنَ ثِكِ؞ نَكُمَ تَٻَ ݣُونَ حَرْ نَا يِنِ عَثِكِنْ تٜىٰكُ، كَاڢِنْ عَكَذُواْ عَكَ ثِرٜىٰنِ؞

26عَثِكِنْ تَڢِيٜىٰ تَڢِيٜىٰنَ نَغَمُ دَ حَڟَرِ عَكُواْغُنَ، نَكُمَ غَمُ دَ حَڟَرِ أَ حَنُّنْ یَنْ ڢَشِ؞ نَشَا شِغَ حَڟَرِ دَغَ حَنُّنْ یَنْعُوَنَ يَهُودَاوَا، نَكُمَ شَا شِغَ حَڟَرِ أَ حَنُّنْ وَطَنْدَ بَا يَهُودَاوَا بَ؞ نَشَا شِغَ حَڟَرِ عَبِرَنٜىٰ، نَشَا شِغَ حَڟَرِ أَدَاجِ، نَشَا شِغَ حَڟَرِ عَتٜىٰكُ، نَكُمَ شَا شِغَ حَڟَرِ أَ حَنُّنْ یَنْعُوَنْ ڧَضْيَا؞

27نَشَا ڢَامَ، نَشَا وَهَلَ، نَشَا رَشِنْ بَرْثِ، نَشَا يُنْوَ دَ ڧِشِنْ ضُوَ؞ سَوْ دَيَوَ نَرَسَ عَبِنْثِ، نَشَا سَنْيِ، نَكُمَ رَسَ رِغَرْدَ ذَنْسَا؞

28بَنْ دَ وَطَنْسُ أَبُبُوَ دَبَمْ دَبَمْ كُمَ، كُواْوَثٜىٰ رَانَ إِنَدَ نَوْيِنْ كُلَ دَ دُكَنْ جَمَعَرْ مَاسُبِے؞

29عِدَنْ وَنِ يَرَسَ ڧَرْڢِے، نَكَنْجِ كَمَرْ نِنٜىٰ نَرَسَ، عِدَنْ كُمَ أَنْسَا وَنِ يَڢَاطَ ثِكِنْ ذُنُوبِ، أَبِنْ يَكَنْ سَانِ إِنْجِ ڢُشِے سُواْسَيْ؞

30إِنْ مَا يَذَمَ لَلَّيْنٜىٰ إِنْيِ تَاڧَمَ، تُواْ، سَيْ إِنْيِ تَاڧَمَ دَ أَبُبُوَنْ دَ سُكَ نُونَ كَاسَوَتَ؞

31اللَّهْ يَسَنْ بَا ڧَضْيَا نَكٜىٰيِبَ، شِ دَيَكٜىٰ اللَّهْ ، كُمَ عُبَنْ عُبَنْ‌غِجِ عِيسَىٰ أَلْمَسِيحُ ؞ بَرِ أَلْبَرْكَ تَتَبَّتَا أَغَرٜىٰشِ حَرْ أَبَدَا!

32لُواْكَثِنْ دَ نَكٜىٰ دِمَشْڧُ، ڠُومْنَنْ دَيَكٜىٰ ڧَرْڧَشِنْ سَرْكِے أَرٜىٰتَسْ يَڟَرٜىٰ ڧُواْڢُواْڢِنْ بِرْنِنْ دِمَشْڧُ دُواْمِنْ يَكَامَ نِے؞

33عَمَّا أَبُواْكَيْنَ سُكَ سَوْكُواْ دَنِے عَثِكِنْ ݣُونْدُواْ دَغَ كَتَنْ‌غَرْ بِرْنِنْ، نَكُٻُثٜىٰ مَسَ؞

← Chapter 10 Jump to: Chapter 12 →