2 Corinthians 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1غَمَا مُنْ سَنْ ثٜىٰوَ عِدَنْ أَنْرُشٜىٰ تٜىٰنْتِنَّنْ دَمُكٜىٰ ذَمَ عَثِكِ، وَتُواْ جِكِنْمُ نَوَنَّنْ دُونِيَا، اللَّهْ دَ كَنْسَ يَيِ مَنَ غِدَا أَ سَمَ؞ غِدَنَّنْ كُوَ بَمُتُمْ نٜىٰ يَغِنَاشِيبَ، كُمَ ذَيْ كَسَنْثٜىٰ حَرْ أَبَدَا؞

2عَيَنْظُ كَمْ، مُنَ أَجِيَرْ ذُوثِيَا، مُنَ مَرْمَرِ سُواْسَيْ مُسَامِ وَنَّنْ جِكِے وَنْدَ ذَاعَ سَنْيَ مَنَ أَ سَمَ؞

3عِدَنْ كُوَ عَكَ سَنْيَمُ دَشِ، بَذَاعَ سَامٜىٰمُ ڟِرَرَبَ؞

4سَعَدَّ مُكٜىٰ ظَوْنٜىٰ ثِكِنْ جِكِنَّنْ نَدُونِيَا، مُنَ نِيشِ سَبُواْدَ مَڟِنْ دَمُكٜىٰشَا؞ بَوَيْ مُنَسُواْ مُرَبُ دَ جِكِنَّنْ نَامُ نَدُونِيَابَ، عَمَّا مُنَسُواْ أَ سَنْيَمُ دَ نَسَمَ، دُواْمِنْ أَبُ مَيْ رَيْ نَهَرْ أَبَدَا يَثَنْجَ أَبِنَّنْ مَيْ مُتُوَ غَبَاطَيَ؞

5اللَّهْ دَ كَنْسَ نٜىٰ يَشِرْيَ مَنَ وَنَّنْ ثَنْجَاوَا، كُمَ يَبَامُ رُوحُنْسَ دُواْمِنْ يَتَبَّتَرْ دَ أَبِنْدَ ذَيْ يِمَنَ نَنْ غَبَ؞

6شِيَسَا كُلُّمْ مُكٜىٰ دَ ڧَرْڢِنْ ذُوثِيَا، مُنْ كُمَ سَنِ ثٜىٰوَ عِدَنْ دَيْ مُنَدَ وَنَّنْ جِكِے نَدُونِيَا، تُواْ، مُنَ نٜىٰسَ دَ غِدَنْمُ وَنْدَ يَكٜىٰ تَرٜىٰدَ عُبَنْ‌غِجِ ؞

7غَمَا تَڢِيَرْ بَنْ‌غَسْكِيَ مُكٜىٰيِ، بَبِسَغَ أَبِنْدَ مُكٜىٰ غَنِ دَ عِدُواْبَ؞

8حَڧِيڧَ مُنَدَ ڧَرْڢِنْ ذُوثِيَا، كُمَ مُنْڢِے سُواْ مُرَبُ دَ وَنَّنْ جِكِے، مُذَوْنَ تَرٜىٰدَ عُبَنْ‌غِجِ أَ سَمَ؞

9ڢِيٜىٰ دَكُواْمٜىٰ دَيْ، مُنْڢِے سُواْ يَجِ دَاطِنْمُ، كُواْ مُنَ أَوَنَّنْ دُونِيَا كُواْ مُنَ أَ سَمَ؞

10دُوانْ دُواْلٜىٰنٜىٰ دُكَنْمُ مُڟَيَ أَغَبَنْ أَلْمَسِيحُ ، دُواْمِنْ يَيِ مَنَ شَرِيعَ؞ غَمَا كُواْوَ ذَيْكَرْٻِ لَادَنْ عَيْكِنْ دَ يَيِ أَوَنَّنْ جِكِے نَدُونِيَا، كُواْ مَيْݣَوْ نٜىٰ كُواْ كُمَ مَرَرْݣَوْ؞

11تُنْدَيَكٜىٰ مُنْسَنْ أَبِنْدَ عَكٜىٰ نُڢِ إِنْ أَنَ مَغَنَرْ ڟُواْرُوانْ اللَّهْ ، شِے يَسَا مُكٜىٰ ڧُواْڧَرِ مُجَٰوُاْ وَطَنْسُ؞ اللَّهْ يَسَنْ دُكْ يَدَّ مُكٜىٰ، كُمَ إِنَ ڢَاتَا كُنْ سَنْ دَ وَنَّنْ أَ ذُوثِيَارْكُ؞

12بَوَيْ مُنَ سُواْ مُيَبِے كَنْمُ أَغَبَنْكُ بَنٜىٰ، سَيْدَيْ مُنَ ڧُواْڧَرِ مُبَاكُ دَلِيلِ مَيْݣَوْنٜىٰ وَنْدَ ذَاكُجِ دَاطِنْمُ، دُوانْ كُإِيَ بَادَ أَمْسَ غَ وَطَنْدَ سُكٜىٰ طَغَ كَيْ سَبُواْدَ مَڟَيِنْسُ، أَمَيْمَكُوانْ حَلِنْسُ؞

13مُنَ هَوْكَ نٜىٰ، كَمَرْ يَدَّ وَطَنْسُ سُكَ ڢَطَا؟ كُواْ مَا مُنَ هَوْكَنٜىٰ، مُنَيِ نٜىٰ دُواْمِنْ طَوْكَكَرْ اللَّهْ ؞ إِنْ كُمَ بَهَوْكَ مُكٜىٰيِبَ، وَنَّنْ دُواْمِنْكُنٜىٰ؞

14كُواْمٜىٰ مُكَيِ، مُنْيِشِ نٜىٰ بَدُوانْ رِيبَرْمُبَ، عَمَّا سَبُواْدَ ڧَوْنَرْ أَلْمَسِيحُنْ دَتَكٜىٰبِے دَمُو؞ دَيَكٜىٰ مُنْ بَادَ غَسْكِيَ أَلْمَسِيحُ يَمُتُ دُواْمِنْ دُكَنْ مُتَنٜىٰ، سَبُواْدَ حَكَ دُكَ سُنْ مُتُ تَرٜىٰدَشِ؞

15يَكُوَ مُتُنٜىٰ سَبُواْدَ دُكَنْ مُتَنٜىٰ، دُواْمِنْ وَطَنْدَ سُكٜىٰ دَ رَيْ، كَدَ سُيِ ذَمَنْ غَنِنْ دَامَ نَنْ غَبَ، سَيْدَيْ سُيِ ذَمَ سَبُواْدَ وَنْدَ يَمُتُ دُواْمِنْسُ، عَكَ كُمَ تَاشٜىٰشِ سَبُواْدَسُو؞

16سَبُواْدَ حَكَنَنْ غَبَ بَذَامُ ڧَارَ تُنَانِنْ وَنِ بِسَغَ سَنِنْ مُتُمْبَ، دُواْمِنْ كُواْدَيَكٜىٰ مُنْ تَٻَ تُنَانِنْ أَلْمَسِيحُ بِسَغَ سَنِنْ مُتُمْ، يَنْذُ بَ مَا ڧَارَ تُنَانِنْسَ حَكَبَ؞

17سَبُواْدَ حَكَ عِدَنْ مُتُمْ يَنَ ثِكِنْ أَلْمَسِيحُ ، يَذَمَ سَابُوَرْ حَلِتَّ كٜىٰنَنْ، ڟُواْڢَڢِّنْ أَبُبُوَ دُكْ سُنْ وُثٜىٰ، غَاشِ، كُواْمٜىٰ يَذَمَ سَابُواْ؞

18دُكْ وَنَّنْ دَغَ وُرِنْ اللَّهْ نٜىٰ، وَنْدَ يَشِرْيَ ڟَكَانِنْمُ دَشِ تَوُرِنْ أَلْمَسِيحُ ، يَكُمَ بَامُ حِدِمَ تَشِرْيَ ڟَكَانِنْ مُتَنٜىٰ دَ اللَّهْ ؞

19سَڧُوانْمُ شِينٜىٰ اللَّهْ يَنَ شِرْيَ یَنْ أَدَمْ دَشِ تَوُرِنْ أَلْمَسِيحُ ، بَايَ كُمَ لِسَّڢْتَا ذُنُبَنْسُ عَكَنْسُ؞ اللَّهْ كُمَ يَبَامُ حَكِّنْ حِدِمَرْ شِرْيَ مُتَنٜىٰ دَشِ؞

20سَبُواْدَ حَكَ مُو وَكِلَيْنٜىٰ نَ أَلْمَسِيحُ ، كَمَرْ دَيْ اللَّهْ نٜىٰ دَ كَنْسَ يَكٜىٰ مَغَنَ تَوُرِنْمُ؞ عَثِكِنْ سُونَنْ أَلْمَسِيحُ ، مُنَ ضُواْڧُوانْكُ كُشِرْيَ دَ اللَّهْ كُذَمَ أَبُواْكَنْسَ، بَا مَاسُ غَابَادَشِيبَ؞

21أَلْمَسِيحُ بَيْتَٻَيِنْ ذُنُوبِبَ، عَمَّا سَبُواْدَمُو اللَّهْ يَمَيْدَشِ كَمَرْ مَيْ ذُنُوبِ؞ تَوَنَّنْ دَلِيلِنْ نٜىٰ، ثِكِنْ أَلْمَسِيحُ ، ذَامُ عِيَ سَامِ أَدَلْثِنْ اللَّهْ ؞

← Chapter 4 Jump to: Chapter 6 →