2 Corinthians 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1یَنْعُوَ وَطَنْدَ نَكٜىٰ ڧَوْنَ دَيَكٜىٰ أَنْيِ مَنَ وَطَنَّنْ أَلْكَوَرَيْ، بَرِ مُڟَبْتَثٜىٰ كَنْمُ دَغَ دُكَنْ أَبِنْدَ ذَيْسَا جِكِے دَ ذُوثِيَارْمُ يَڧَظَنْتُ؞ بَرِ كُمَ مُذَمَ دَ ثِكَكّٜىٰنْ ڟَرْكِے ثِكِنْ ڟُواْرُوانْ اللَّهْ ؞

2كُنُونَ كُنَ ڧَوْنَرْمُ؞ أَيْ، بَمُيِ وَكُواْوَ لَيْڢِے بَ، بَمُكُمَ ٻَاتَ كُواْوَبَ، بَلّٜىٰ مُثُوثِ وَنِ؞

3بَ طُواْرَ مُكُ لَيْڢِے نَكٜىٰيِبَ دَ نَثٜىٰ حَكَ، كَمَرْ دَيْ يَدَّ نَارِغَا نَا ڢَطَا مُكُ، بَابُ أَبِنْدَ ذَيْ عِيَ رَبَكُ دَ ڧَوْنَرْمُ، كُواْ أَ مُتُوَ كُواْ أَ رَايُوَا؞

4نَيَرْدَ دَكُو سُواْسَيْ، إِنَ كُمَ تَاڧَمَ دَكُو؞ ذُوثِيَاتَ تَنَدَ ڧَرْڢَڢَاوَا سُواْسَيْ؞ دُكْ دَ وَهَلَرْ دَمُكٜىٰ شَا، إِنَانَنْ دَيْ، ثِكٜىٰ دَ ڢَضٍ ثِكِ؞

5كُواْ لُواْكَثِنْ دَ مُكَذُواْ ڧَسَرْ مَكِدُواْنِيَ مَا، بَمُسَامِ هُوتُبَ؞ كُواْعِنَ مُكَ جُويَا غَ ڢِتِنَ، أَوَجٜىٰ غَ ڟُواْكَنَ، عَثِكِ كُمَ ڟُواْرُواْ يَثِكَ ذُوثِيَارْمُ؞

6عَمَّا اللَّهْ وَنْدَ يَكٜىٰ ڧَرْڢَڢَ وَنْدَ يَڢِدَّ ذُوثِيَا، يَڧَرْڢَڢَامُ دَ ذُوَانْ تِيتُسْ؞

7بَ دُوانْ ذُوَانْسَ نٜىٰ كَوَيْ يَسَا مُكَيِ مُرْنَبَ، عَمَّا لَابَرِنْدَ يَغَيَ مَنَ نَيَدَّ كُكَ ڧَرْڢَڢَشِ؞ يَغَيَ مَنَ يَدَّ كُكٜىٰسُواْ كُغَنِّ سُواْسَيْ دَ كُمَ يَدَّ كُكَيِ بَڧِنْ ثِكِ غَمٜىٰدَ أَبِنْدَ يَڢَرُ دَ ڨُوظُوانْ دَ كُكَيِ نَغُواْيُوانْ بَايَنَ؞ وَنَّنْ نٜىٰ يَسَا نَجِ دَاطِے سُواْسَيْ؞

8كُواْ مَا وَسِيڧَاتَ تَسَاكُ بَڧِنْ ثِكِ، بَنْ دَامُبَ؞ أَ دَا كَمْ نَايِ بَڧِنْ ثِكِ دُواْمِنْ نَاغَ وَسِيڧَرْ تَٻَاتَ مُكُ رَيْ، كُواْدَيَكٜىٰ دَيْ نَطَنْ لُواْكَثِ نٜىٰ كَوَيْ؞

9تُواْ، كَمَرْ دَيْ يَدَّ أَبُبُوَ سُكٜىٰ، إِنَ ڢَضٍ ثِكِ؞ كُواْدَيَكٜىٰ بَنْجِ دَاطِنْ يَدَّ نَٻَاتَ مُكُ رَيْبَ، عَمَّا بَڧِنْ ثِكِنْكُ يَسَا كُكَ تُوبَ كُكَ ثَنْجَ هَلَيٜىٰنْكُ؞ بَڧِنْ ثِكِنْكُ إِرِنَّحَلِنْ اللَّهْ نٜىٰ، سَبُواْدَ حَكَ بَكُيِ هَسَرَرْ كُواْمٜىٰ تَوُرِنْمُبَ؞

10غَمَا بَڧِنْ ثِكِ إِرِنَّحَلِنْ اللَّهْ نٜىٰ يَكَنْسَا مُتُمْ يَتُوبَ، يَكُواْمَ وُرِنْ اللَّهْ ، تَهَكَ كُمَ ذَيْسَامِ ثٜىٰتُواْ؞ كُمَ بَابُ «دَ نَسَنِ» عَثِكِ؞ عَمَّا بَڧِنْ ثِكِنْ دَ مُتُمْ نٜىٰ يَجَٰوُاْ، يَكَنْ كَيْ غَ مُتُوَ؞

11كُدُوبَ كُغَ أَبِنْدَ وَنَّنْ بَڧِنْ ثِكِ إِرِنَّحَلِنْ اللَّهْ وَنْدَ يَسَا أَ ظُكَاتَنْكُ يَجَٰوُاْ مُكُ؞ يَسَا كُمَرْمَرِنْ عَيْكَتَاوَا دَ نُونَ ثٜىٰوَ كُنْيِ كُسْكُرٜىٰ؞ يَسَا كُكَيِ ڢُشِے، كُكَ كُمَجِڟُواْرُواْ؞ يَسَا كُكَسَا ذُوثِيَا، كُكَ كُمَيِ ڨُوذُواْ؞ يَسَا كُنَ أَشِرْيٜىٰ كُغَ أَنْيِ حُواْرُوانْدَ يَدَاثٜىٰ؞ غَمٜىٰ دَ وَنَّنْ شَعَنِ كَمْ، لَلَّيْ تَكُواْوَثٜىٰ حَنْيَ كُنْ نُونَ ثٜىٰوَ بَاكُدَ لَيْڢِے؞

12لُواْكَثِنْدَ نَرُبُوتُواْ وَنْثَنْ وَسِيڧَرْ، بَنْدَامُ دَ مُتُمِنْ دَ يَيِ لَيْڢِنْبَ، كُواْ كُمَ مُتُمِنْ دَ عَكَيِ مَسَ لَيْڢِنْ؞ أَ مَيْمَكُواْ نَا رُبُوتَ نٜىٰ دُوانْ إِنْبَيَّنَ مُكُ دَلَّ دَلَّ ثٜىٰوَ اللَّهْ يَسَنْ كُنْ يَرْدَ دَمُو سُواْسَيْ؞

13دَلِيلِنْدَ يَسَا مُكَ سَامِ ڧَرْڢَڢَاوَا أَ ظُكَاتَنْمُ كٜىٰنَنْ؞ بَنْ دَ ڧَرْڢَڢَاوَرْ ظُكَاتَنْمُ، هَرْوَيَوْ مُنْ ڧَارَ ڢَضٍ ثِكِ ڨُورَيْ سَبُواْدَ إِرِنْ ڢَضٍ ثِكِنْ دَ تِيتُسْ يَكٜىٰ ثِكِ، دُواْمِنْ دُكَنْكُ كُنْ تَيْمَكَ عَكَنْ ڧَرْڢَڢَاوَرْ دَ يَسَامُ؞

14غَمَا كُواْ دَ نَغَيَ مَسَ إِنَ تَاڧَمَ دَكُو، بَنْجِ وَتَ كُنْيَابَ؞ كَمَرْ يَدَّ دُكْ أَبِنْدَ مُكَ غَيَ مُكُ غَسْكِيَ نٜىٰ، حَكَكُمَ تَاڧَمَرْمُ غَمٜىٰدَكُو تَذَمَ غَسْكِيَ أَعِدُوانْ تِيتُسْ؞

15ڧَوْنَرْ دَ تِيتُسْ يَكٜىٰيِ مُكُ تَنَ تَڧَارُوَ سُواْسَيْ يَايِنْدَ يَتُنَ دَ بِيَيَّرْكُ دُكَ دَ كُمَ إِرِنْ يَوَنْ بَنْ غِرْمَنْ دَ كُكَ نُونَ مَسَ لُواْكَثِنْ دَ كُكَ كَرْٻٜىٰشِ؞

16إِنَڢَضٍ ثِكِ يَنْذُ سَبُواْدَ نَأَمِنْثٜىٰ دَكُو ڨُورَيْ دَ غَسْكٜىٰ؞

← Chapter 6 Jump to: Chapter 8 →