2 Corinthians 12

Hausa Arabic 2020 (أَتَّوْرَتْ دَ أَنَّبَاوَا)

← Chapter 11 Jump to: Chapter 13 →

1كُواْدَيَكٜىٰ بَذَاتَ أَمْڢَانَ كُواْمٜىٰبَ، دُواْلٜىٰنٜىٰ إِنْيِ تَاڧَمَ؞ عَيَنْظُ، ذَنْ ثِيغَبَدَ ذَنْثٜىٰ عَكَنْ أَبُبُوَنْ دَ عُبَنْ‌غِجِ عِيسَىٰ أَلْمَسِيحُ يَبَيَّنَ مِنِ كَمَرْ أَمَڢَرْكِ دَ كُمَ ثِكِنْ رُعُيَ؞

2نَسَنْ وَنِ مُتُمْ وَنْدَ يَوْ شٜىٰكَرَا غُواْمَشَا حُطُ كٜىٰنَنْ، عَكَ طَوْكٜىٰشِ ذُوَا سَمَ تَعُكُ بِسَغَ إِيكُوانْ أَلْمَسِيحُ ، كُواْ يَنَ ثِكِنْ جِكِے نٜىٰ، كُواْ بَثِكِنْ جِكِبَ، بَنْسَنِبَ، اللَّهْ كَطَيْ يَسَنِ؞

3نَكُمَ سَنْ مُتُمِنَّنْ، أَنْطَوْكٜىٰشِ ذُوَا سَمَ نَعُكُ، كُواْ يَنَ ثِكِنْ جِكِے نٜىٰ، كُواْ بَثِكِنْ جِكِبَ، بَنْسَنِبَ، اللَّهْ نٜىٰ كَطَيْ يَسَنِ؞

4عَثَنْ يَجِ وَطَنْسُ أَلْعَمُرَنْ دَ بَذَاعَ عِيَ ڢَطَا بَ، إِرِنْ وَطَنْدَ طَنْ أَدَمْ بَذَيْ عِيَيِنْ مَغَنَ عَكَيْبَ؞

5ذَنْيِ تَاڧَمَ عَكَنْ مُتُمِنَّنْ، عَمَّا بَذَنْيِ تَاڧَمَ دَكَيْنَ بَ، سَيْدَيْ عَكَنْ أَبُبُوَنْ دَ سُكَ نُونَ كَاسَوَتَ؞

6دَانَا سُواْ يِنْتَاڧَمَ، بَذَنْ ذَمَ وَاوَابَ، دُوانْ ذَنْ ڢَطِ غَسْكِيَ نٜىٰ؞ عَمَّا بَذَنْيِ تَاڧَمَ بَ، دُواْمِنْ بَانَسُواْ وَنِ يَطَوْكٜىٰنِ ڢِيٜىٰدَ يَدَّ يَكٜىٰ غَنِينَ دَ يَدَّ يَتَٻَجِ دَغَ غَرٜىٰنِ؞

7دُواْمِنْ كَدَ إِنْكُمَيِ تَاڧَمَ دَ وَطَنَّنْ رُعُيَ مَڢِے بَنْ مَامَاكِ، سَيْ أَنْعَيْكُواْ مِنِ وَتَ ثُوتَرْ دَ تَذَمَ مِنِ ڧَيَ أَجِكِے؞ وَنَّنْ يَذَمَ طَنْ عَيْكَ نٜىٰ وَنْدَ شَيْطَنْ يَعَيْكُواْ دُواْمِنْ يَدِنْ‌غَ بَانِ وَهَلَ يَكُمَ هَنَنِ طَغَ كَيْ؞

8سَوْ عُكُ نَا ضُواْڧِ عُبَنْ‌غِجِ دُواْمِنْ إِنْ رَبُ دَ وَنَّنْ أَبُ،

9عَمَّا يَثٜىٰ مِنِ «أَلْحٜىٰرِنَ يَ إِشٜىٰكَ، دُواْمِنْ تَوَجٜىٰنْ كَاسَوَرْكَ عَكٜىٰ غَنِنْ ثِكَكّٜىٰنْ إِيكُواْنَ؞» سَبُواْدَ حَكَ دَ مُرْنَ ذَنْ ڧَارَ تَاڧَمَ دَ كَاسَوَرْ نَنْ تَاوَ دُواْمِنْ إِيكُوانْ أَلْمَسِيحُ يَذَوْنَ تَرٜىٰدَنِ؞

10سَبُواْدَ حَكَ نَغَمْسُ دَ رَشِنْ ڧَرْڢِينَ دَ ثِنْمُتُنْثِنْ دَ عَكٜىٰيِمِنِ دَ شَنْ وَهَلَ دَ ڟَنَنِ دَ مَسِيڢُ سَبُواْدَ أَلْمَسِيحُ ؞ غَمَا سَعَدَّ إِنَدَ رَشِنْ ڧَرْڢِے، أَ لُواْكَثِنْ نٜىٰ نَكٜىٰ دَ ڧَرْڢِے؞

11نَيِ وَوَنْثِ كَمْ، عَمَّا كُو كُكَ سَانِ؞ كُو نٜىٰ كُوَ يَا كَمَاتَ كُيَبٜىٰنِ؞ كُواْدَيَكٜىٰ نِے بَكُواْمٜىٰبَنٜىٰ، بَيْ ذَمَ ثٜىٰوَ «مَنْيَنْ مَنْذَنِّےنْ» نَنْ نَاكُ سُنْ ڢِينِبَ؞

12اللَّهْ يَيِ عَلَمُ دَ أَيُّكَنْ بَنْ مَامَاكِ تَوُرِينَ عَثِكِنْكُ دَ نَيِ عَيْكِنَ ثِكِنْ حَڧُرِ؞ وَطَنَّنْ أَلْعَمُرَنْ بَنْ مَامَاكِ سُنْ شَيْدَ ثٜىٰوَ نِے مَنْذُواْ نٜىٰ نَغَسْكِيَ؞

13تَوَثٜىٰ حَنْيَ ثٜىٰ نَنُونَ ثٜىٰوَ بَكُذَمَ دَيْدَيْ دَ وَطَنْسُ جَمَعَرْ مَاسُبِے بَ؟ كُواْ كُوَ دُواْمِنْ نَهَنَكُ كُتَيْمَكٜىٰنِ دَ كُطِ؟ تُواْ، كُيَاڢٜىٰمِنِ وَنَّنْ لَيْڢِے!

14إِنَ أَشِرْيٜىٰ إِنْ ظِيَرْثٜىٰكُ سَوْ نَعُكُ يَنْذُ؞ بَذَنْسَا مُكُ وَنِ كَايَبَ، دُواْمِنْ كُو نَكٜىٰسُواْ، بَكُطِنْكُبَ؞ غَمَا بَيْ كَمَاتَ يَارَا سُطَوْكِ نَوْيِنْ إِيَايٜىٰنْسُبَ، سَيْدَيْ إِيَايٜىٰ سُطَوْكِ نَوْيِنْ يَارَانْسُ؞

15ذَنْجِے دَاطِے إِنْكَشٜىٰ دُكْ أَبِنْدَ نَكٜىٰ دَشِ، حَرْ دَكَيْنَ مَا، دُوانْ إِنْتَيْمَكٜىٰكُ؞ عِدَنْ نَڧَارَ ڧَوْنَرْكُ، أَشٜىٰ، ذَاكُ ضَغٜىٰ ڧَوْنَرْ دَ كُكٜىٰيِ مِنِ كٜىٰنَنْ؟

16ذَاكُيَرْدَ دَنِے ثٜىٰوَ بَنْذَمَ مُكُ وَنِ كَايَبَ؞ عَمَّا وَنِ ذَيْثٜىٰ نَيِمُكُ وَيُواْنٜىٰ، نَرِنْجَيٜىٰكُ دَڧَضْيَا؞

17نَثُوثٜىٰكُ نٜىٰ تَوُرِنْ وَنِ دَغَ ثِكِنْ وَطَنْدَ نَ عَيْكُواْ غَرٜىٰكُ؟

18نَضُواْڧِ تِيتُسْ يَجٜىٰ، نَكُمَ عَيْكُواْ دَ وَنِ طَنْعُوَ مَيْبِے تَرٜىٰدَشِ؞ ذَاكُثٜىٰ تِيتُسْ يَثُوثٜىٰكُ نٜىٰ؟ أَشٜىٰ، نِدَشِے بَمَنُڢَ طَيَ تَكٜىٰ بِدَمُبَ؟ بَكُمَ حَنْيَ طَيَ مُكٜىٰبِبَ؟

19أَشٜىٰ، تُنْدَا كُنْيِ ڟَمَّنِ ثٜىٰوَ مُنَ ڧُواْڧَرِنْ كَارٜىٰ كَنْمُ نٜىٰ أَغَرٜىٰكُ؞ اللَّهْ نٜىٰ شَيْدَرْمُ، مُنَ ڢَطِنْ غَسْكِيَ ثِكِنْ أَلْمَسِيحُ ؞ كُمَ كُواْ مٜىٰنٜىٰنٜىٰ مُكَيِ، يَا كُو وَطَنْدَ نَكٜىٰ ڧَوْنَ، مُنْيِ نٜىٰ دُواْمِنْ كُغِنُ؞

20غَمَا إِنَ جِنْ ڟُواْرُواْ، لُواْكَثِنْدَ نَذُواْ، وَتَڧِيلَ بَذَنْ سَامٜىٰكُ عَيَدَّ نَكٜىٰسُواْبَ، كُوكُمَ كُسَامٜىٰنِ بَعَيَدَّ كُكٜىٰسُواْبَ؞ إِنَجِنْ ڟُواْرُواْ ذَنْتَرَرْ دَ ڢَطَ دَ كِيشِ دَ ذَاڢِنْ رَيْ دَ سُوانْكَيْ دَ ٻَاتَ سُنَ دَ غُلْمَ دَ طَغَ كَيْ دَ كُمَ تَاشِنْ حَنْكَلِ؞

21إِنَجِنْ ڟُواْرُواْ ثٜىٰوَ عِدَنْ نَسَاكٜىٰ كَيْوَ وُرِنْكُ، اللَّهْ نَا ذَيْسَا إِنْشَا كُنْيَا أَغَبَنْكُ؞ إِنَڟُواْرُواْ كَدَ إِنْيِ بَڧِنْ ثِكِ سَبُواْدَ مُتَنٜىٰ دَيَوَ دَسُكٜىٰ تَيِنْ ذُنُوبِ أَدَا، وَطَنْدَ بَسُتُوبَ دَغَ عَيْكِنْ لَلَتَبَ دَ إِسْكَنْثِ دَ حَلِنْ نٜىٰمَنْ جِنْ دَاطِے نَرَشِنْ كُنْيَا؞

← Chapter 11 Jump to: Chapter 13 →