2 Corinthians 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1وَتُواْ، يَبُوانْ كَنْمُ ذَامُ ڢَارَيِ كُمَ؟ كُواْ كُوَ مُنَ نٜىٰمَنْ وَسِيڧُنْ شَيْدَ نٜىٰ ذُوَا وُرِنْكُ، كُواْ دَغَ وُرِنْكُ، كَمَرْ يَدَّ وَطَنْسُ سُكٜىٰيِ؟

2أَيْ، كُو دَ كَنْكُنٜىٰ وَسِيڧَرْ دَمُكٜىٰ دَ عِتَ، وَدَّ عَكَ رُبُوتَ أَ ذُوثِيَارْمُ دُوانْ كُواْوَ يَغَنِ يَكُمَ كَرَنْتَ؞

3كُنْ نُونَ ثٜىٰوَ كُو وَسِيڧَثٜىٰ تَ أَلْمَسِيحُ ، وَدَّ تَكٜىٰ سَكَمَكُوانْ حِدِمَرْمُ؞ وَنَّنْ وَسِيڧَرْ كُوَ بَعَرُبُوتَتَ دَ أَبِنْ رُبُوتُوبَ، عَمَّا أَنْرُبُوتَتَ دَ رُوحُ مَيْ ڟَرْكِے نَ اللَّهْ مَيْ رَيْ؞ بَعَرُبُوتَتَ عَكَنْ أَلُّوانْ دُووَڟُبَ، عَمَّا أَ ظُكَاتَنْ مُتَنٜىٰ؞

4مُنْ ڢَطِ حَكَ دُواْمِنْ مُنَدَ تَبَّثِ أَغَبَنْ اللَّهْ تَوُرِنْ أَلْمَسِيحُ ؞

5بَامُ دَ وَنِ أَبِنْدَ ذَامُ نُونَ ثٜىٰوَ دَ عِيَوَرْمُ نٜىٰ مُكٜىٰ عَيْكِنَّنْ؞ عِيَوَرْمُ دَغَ وُرِنْ اللَّهْ نٜىٰ يَڢِتُواْ؞

6شِيَسَا مُكَ عِيَ ذَمَ مَاسُ حِدِمَرْ سَابُوَرْ يَرْجٜىٰجٜىٰنِيَرْ وَدَّ بَتَوُرِنْ دُواْكَرْ دَ عَكَ رُبُوتَ بَ، عَمَّا تَوُرِنْ رُوحُ ؞ دُواْكَرْ نَنْ دَتَكٜىٰ أَرُبُوثٜىٰ عِتَثٜىٰ تَكٜىٰ كَٰوُاْ مُتُوَ، عَمَّا رُوحُ يَنَ بَادَ رَيْ؞

7أَنْ رُبُوتَ كُواْيَرْوَرْ مُوسَٰى عَكَنْ أَلُّنَنْ دُوڟٜىٰ، كُمَ طَوْكَكَرْ اللَّهْ تَابَيَّنَ أَسَعَدَّ عَكٜىٰ بَايَرْدَ عِتَ؞ كُواْدَيَكٜىٰ ڨَلِّنْ دَيَكٜىٰ أَ ڢُسْكَرْ مُوسَٰى مَيْ شُوطٜىٰوَ نٜىٰ، يَحَصْكَكَا سُواْسَيْ حَرْ مَا مُتَنٜىٰنْ إِسْرَٰٓءِيلَ سُكَ كَاسَ كَڢَ عِدُواْ أَ ڢُسْكَرْسَ؞ عِدَنْ حَرْ كُواْيَرْوَا وَدَّ تَكٜىٰ كَٰوُاْ مُتُوَ تَذُواْ دَ طَوْكَكَ حَكَ،

8تُواْ، يَيَ يَوَنْ طَوْكَكَ وَدَّ تَكٜىٰ تَحِدِمَرْ رُوحُ ذَاتَ كَسَنْثٜىٰ؟

9عِدَنْ أَبِنْدَ يَكٜىٰ كَٰوُاْ مُتُوَ يَسَامِ طَوْكَكَ، لَلَّيْ أَبِنْدَ يَكٜىٰ جَٰوُاْ سَامُنْ أَدَلْثِنْ اللَّهْ يَڢِيشِ طَوْكَكَ نٜىٰسَ؞

10حَڧِيڧَ، طَوْكَكَ تَڟُواْهُوَرْ يَرْجٜىٰجٜىٰنِيَ بَاتَدَ وَتَ دَرَجَ يَنْذُ، عِدَنْ أَنْ‌ڠُودَتَ دَ دَرَجَ تَسَابُوَرْ يَرْجٜىٰجٜىٰنِيَ؞

11عِدَنْ حَرْ أَبِنَّنْ مَيْ شُوطٜىٰوَ يَذُواْ دَ طَوْكَكَ، يَيَ ذَيْ ذَمَ غَ أَبِنَّنْ دَ ذَيْ كَسَنْثٜىٰ حَرْ أَبَدَا!

12سَبُواْدَ مُنَدَ إِرِنْ وَنَّنْ سَا ذُوثِيَا، شِے يَسَا مُكٜىٰ دَ ڧَرْڢِنْ حَلِ سُواْسَيْ؞

13مُو بَكَمَرْ مُوسَٰى بَنٜىٰ، وَنْدَ يَرُڢٜىٰ ڢُسْكَرْسَ دَ مَيَاڢِ، دُواْمِنْ كَدَ إِسْرَٰٓءِيلَاوَا سُغَ ڧَارٜىٰوَرْ طَوْكَكَرْ نَنْ مَيْ شُوطٜىٰوَ؞

14عَمَّا حَنْكَلِنْسُ يَتَوْرَرٜىٰ، دُواْمِنْ حَرْ ذُوَا يَوْ، أَݣَويْ وَنِ أَبِنْدَ يَكٜىٰ هَنَاسُ غَنِنْ غَسْكِيَرْ نَنْ إِنْ أَنَ كَرَاتُنْ ڟُواْهُوَرْ يَرْجٜىٰجٜىٰنِيَرْ؞ مَيَاڢِنَّنْ حَرْ يَنْذُ بَعَ ثِرٜىٰشِ، دُواْمِنْ بَعَ عِيَ ثِرٜىٰشِيبَ سَيْ تَوُرِنْ أَلْمَسِيحُ كَطَيْ؞

15هَرْوَيَوْ، عِدَنْ أَنَ كَرَاتُنْ لِتَّتَّڢَنْ مُوسَٰى، سَيْ وَنَّنْ مَيَاڢِ يَرُڢٜىٰ ذُوثِيَارْسُ؞

16عَمَّا ذَاعَ عِيَ ثِرٜىٰشِ عِدَنْ مُتُمْ يَجُويُواْ غَ عُبَنْ‌غِجِ ؞

17تُواْ، عُبَنْ‌غِجِ ڢَا، شِينٜىٰ رُوحُ ؞ أَ عِنْدَ رُوحٌ عُبَنْ‌غِجِ يَكٜىٰ كُوَ أَنَنْ یَنْثِ يَكٜىٰ؞

18مُو دَ بَعَرُڢٜىٰ ڢُسْكَرْمُبَ، مُنَ نُونَ حَصْكٜىٰنْ طَوْكَكَرْ عُبَنْ‌غِجِ كَمَرْ مَدُوبِے، كُمَ أَنَ ثَنْجَمُ مُذَمَ كَمَرْسَ؞ وَنَّنْ ثَنْجَاوَرْ دَ عَكٜىٰيِ مَنَ تَنَ تَڧَارُوَ ثِكِنْ طَوْكَكَ وَدَّ تَڢِتُواْ دَغَ وُرِنْ عُبَنْ‌غِجِ ، وَنْدَ يَكٜىٰ رُوحُ نٜىٰ؞

← Chapter 2 Jump to: Chapter 4 →