Joshua 15 — Hausa Arabic 2020 (أَتَّوْرَتْ دَ أَنَّبَاوَا)

1عَكَ بَا ذُرِيَرْ يَهُودَ رَبُوانْ ڧَسَا بِسَغَ دَنْ‌غِنْسُ؞ يَنْكِنْسُ نَڧَسَرْ يَيِ كُدُ يَمِيڧٜىٰ ذُوَا إِيَاكَرْ يَنْكِنْ عٜىٰدُوامْ، ذُوَا دَاجِنْ ظِنْ وَنْدَ يَكٜىٰ ثَنْ إِيَاكَرْ كُدُ، وَتُواْ ڧَرْشٜىٰنْ كُدَنْثِنْ ڧَسَرْ كٜىٰنَنْ؞

2وَنَّنْ إِيَاكَ وَجٜىٰنْ كُدُ تَمِيڧٜىٰ تُنْدَغَ وَجٜىٰنْ غَٻَرْ تٜىٰكُنْ غِشِرِ وَدَّ تَڢُسْكَنْثِ كُدُ،

3تَثِيغَبَ عَتَكُدُ دَغَ مَشِغِنْ عَكْرَبِّمْ تَوُثٜىٰ ذُوَا دَاجِنْ ظِنْ تَبِے تَكُدُ دَ كَدٜىٰشْ بَرْنٜىٰيَ، تَوُثٜىٰ وَجٜىٰنْ هٜىٰظْرُوانْ تَهَوْرَ ذُوَا أَدَّرْ تَكُمَ جُويَا ذُوَا كَرْكَ؞

4تَوُثٜىٰ ذُوَا أَظْمُوانْ تَبِے تَݣُورِنْ إِيَاكَرْ مَصَرْ حَرْ ذُوَا عِنْدَ يَغَنْ‌غَرَ عَتٜىٰكُ؞ وَنَّنْ عِتَثٜىٰ إِيَاكَرْ يَهُودَ وَجٜىٰنْ كُدُ؞

5إِيَاكَرْسُ وَجٜىٰنْ غَبَسْ كُوَ تَڢَارَ دَغَ تٜىٰكُنْ غِشِرِ ذُوَا بَاكِنْ كُواْغِنْ يُواْدَنْ؞ إِيَاكَرْسُ وَجٜىٰنْ أَرٜىٰوَ كُمَ تَڢَارَ دَغَ بَاكِنْ تٜىٰكُنْ غِشِرِ أَ عِنْدَ كُواْغِنْ يُواْدَنْ يَغَنْ‌غَرَ عَتٜىٰكُنْ؞

6إِيَاكَرْ تَهَوْرَ ذُوَا بٜىٰتْ هُواغْلَ تَبِے أَرٜىٰوَثِنْ أَرَبَ، تَكُمَ هَوْرَ ذُوَا دُوڟٜىٰنْ بُواْهَنْ طَنْ رَعُبَيْنُ؞

7إِيَاكَرْ كُوَ تَهَوْرَ دَغَ ݣُورِنْ عَكُوارْ ذُوَا دٜىٰبِرْ، سَعَنً تَجُويَا أَرٜىٰوَ ذُوَا غِلْغَلْ، وَدَّ تَكٜىٰ ڢُسْكَنْتَرْ مَشِغِنْ أَدُمِّمْ عَكُدَنْثِنْ غٜىٰڢٜىٰنْ ݣُورِنْ؞ سَيْ تَثِيغَبَ تَوُثٜىٰ ذُوَا ضُوً عٜىٰنْشٜىٰمٜىٰشْ تَكُمَ ڢِتَ أَ عٜىٰنْرُواْغٜىٰلْ؞

8دَغَ نَنْ إِيَاكَرْ تَهَوْرَ ذُوَا ݣُورِنْ هِنُّوامْ عَكُدَنْثِنْ غَنْ‌غَرٜىٰنْ بِرْنِنْ يٜىٰبُسْ، وَتُواْ عُرُوشَلِيمَ؞ دَغَ نَنْ إِيَاكَرْ تَهَوْرَ ذُوَا كَنْ تُدُ وَجٜىٰنْ يَمَّثِنْ ݣُورِنْ هِنُّوامْ عَبَاكِنْ ݣُورِنْ رٜىٰڢَيَاوَا عَ أَرٜىٰوَ؞

9دَغَ كَنْ تُدُنْ إِيَاكَرْ تَمِيڧٜىٰ ذُوَا مَٻُٻُّغَرْ ضُوً نٜىٰڢْتُواْوَ دَغَ ثَنْ تَڢِتَ ذُوَا غَرُرُوَ كُسَدَ بَبَّنْ تُدُنْ عٜىٰڢْرُوانْ، سَيْ تَجُويَا ذُوَا بَعَلَ، وَتُواْ كِرِيَتْ يٜىٰيَرِمْ؞

10إِيَاكَرْ كُوَ تَكٜىٰوَيٜىٰ يَمَّثِنْ بَعَلَ ذُوَا بَبَّنْ تُدُنْ سٜىٰيِرْ، تَبِے تَأَرٜىٰوَثِنْ بَبَّنْ تُدُنْ يٜىٰيَرِمْ، وَتُواْ كٜىٰسَلُوانْ، تَغَنْ‌غَرَ ذُوَا بٜىٰتْ شٜىٰمٜىٰشْ تَكُمَ وُثٜىٰ ذُوَا تِمْنَ؞

11إِيَاكَرْ تَكُمَ ڢِتَ ذُوَا غَنْ‌غَرٜىٰنْ عٜىٰكْرُوانْ تَأَرٜىٰوَ، تَجُويَا تَمِيڧٜىٰ ذُوَا شِكّٜىٰرُوانْ، تَوُثٜىٰ أَغٜىٰڢٜىٰنْ بَبَّنْ تُدُنْ بَعَلَ، تَكَيْ غَرِنْ يَبْنٜىٰيٜىٰلْ؞ سَعَنً إِيَاكَرْ تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞

12إِيَاكَرْسُ وَجٜىٰنْ يَمَّ كُوَ عِتَثٜىٰ بَاكِنْ وَنَّنْ تٜىٰكُ؞ وَنَّنْ عِتَثٜىٰ إِيَاكَرْ دَ تَكٜىٰوَيٜىٰ ذُرِيَرْ يَهُودَ بِسَغَ عِيَلَنْسُ؞

13كَمَرْ يَدَّ يَهْوٜىٰهْ يَعُمَرْثِ يُواْشُوَ، يُواْشُوَ كُوَ يَبَا كَلٜىٰبْ طَنْ يٜىٰڢُنّٜىٰ رَبُوانْسَ أَڟَكِيَرْ جَمَعَرْ يَهُودَ؞ عَكَ بَاشِ كِرِيَتْ أَرْبَ، وَتُواْ هٜىٰبْرُوانْ؞ أَرْبَ كُوَ شِينٜىٰ كَكَنْ أَنَكْ؞

14كَلٜىٰبْ كُوَ يَكُواْرِ ذُرِيَرْ أَنَكْ غُدَا عُكُ دَغَ هٜىٰبْرُوانْ، وَتُواْ دَنْ‌غُواْغِنْ شٜىٰشَيْ دَ أَهِمَنْ دَ كُمَ تَلْمَيْ؞

15دَغَ ثَنْ يَتَڢِے يَيَاڧِ مَذَوْنَنْ دٜىٰبِرْ، وَنْدَ دَا عَكٜىٰ كِرَنْتَ دَ سُونَ كِرِيَتْ سٜىٰڢٜىٰرْ؞

16كَلٜىٰبْ يَثٜىٰ «دُكْ وَنْدَ يَثِ كِرِيَتْ سٜىٰڢٜىٰرْ دَ يَاڧِ، ذَنْبَاشِ یَتَ عَكْسَ عَوْرٜىٰ؞»

17عُواتْنِيٜىٰلْ طَنْ كٜىٰنَظْ، طَنْعُوَنْ كَلٜىٰبْ يَثِ بِرْنِنْ؞ كَلٜىٰبْ كُوَ يَبَا شِ عَكْسَ یَرْسَ عَوْرٜىٰ؞

18دَتَذُواْ وُرِنْسَ، عُواتْنِيٜىٰلْ يَظُغَتَ دُواْمِنْ تَضُواْڧِ غُواْنَ أَوُرِنْ بَابَنْتَ؞ دَ تَسَوْكَ دَغَ جَاكِنْتَ، كَلٜىٰبْ يَتَمْبَيٜىٰتَ يَثٜىٰ «مٜىٰكِكٜىٰسُواْ؟»

19تَا أَمْسَ تَثٜىٰ «كَيِ مِنِ أَلْحٜىٰرِ؞ تُنْدَ كَتُورَنِ عَڧَسَرْ نٜىٰغٜىٰبْ عِنْدَ بَابُ ضُوَ، إِنَ ضُواْڧُوانْكَ كَكُمَ بَانِ مَٻُٻُّغَرْ ضُوَ؞» سَيْ كَلٜىٰبْ يَبَاتَ مَٻُٻُّغَرْ ضُوً دَتَكٜىٰ عَتُدُ دَ تَݣُورِ؞

20وَنَّنْ شِينٜىٰ رَبُوانْ غَادُوانْ ڧَسَرْ ذُرِيَرْ يَهُودَ دَنْ‌غِ دَنْ‌غِ؞

21غَرُضُوً ذُرِيَرْ يَهُودَ وَطَنْدَ سُكٜىٰ ثَنْ كُدُ سُواْسَيْ أَ نٜىٰغٜىٰبْ، وَجٜىٰنْ إِيَاكَرْ عٜىٰدُوامْ سُونٜىٰ، كَبْظٜىٰيٜىٰلْ دَ عٜىٰدٜىٰرْ دَ يَغُرْ،

22دَ كِنَ دَ دِمُواْنَ دَ أَدَدَ،

23دَ كٜىٰدٜىٰشْ دَ حَزُوارْ دَ إِتْنَنْ،

24دَ ظِڢْ دَ تٜىٰلٜىٰمْ دَ بٜىٰيَلُواتْ،

25دَ حَزُوارْ هَدَتَّ دَ كٜىٰرِيُواتْ هٜىٰظْرُوانْ وَتُواْ حَزُوارْ،

26دَ أَمَمْ دَ شٜىٰمَ دَ مُواْلَدَ،

27دَ هَظَرْ غَدَّ دَ هٜىٰشْمُوانْ دَ بٜىٰتْ ڢٜىٰلٜىٰتْ،

28دَ هَظَرْ شُوَلْ دَ بٜىٰيٜىٰرْشٜىٰبَ دَ بِظِيُواْتِيَ،

29دَ بَعَلَ دَ إِيِمْ دَ عٜىٰظٜىٰمْ،

30دَ عٜىٰلْتُواْلَدْ دَ كٜىٰسِلْ دَ هُوارْمَ،

31دَ ظِكْلَكْ دَ مَدْمَنَّ دَ سَنْسَنَّ،

32دَ لٜىٰبَوُاتْ دَ شِلْهِمْ دَ أَيِنْ دَ كُمَ رِمُّوانْ؞ غَرُرُوَ عَشِرِنْ دَ تَرَ دُكَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

33غَرُضُوً دَسُكٜىٰ عَيَنْكِنْ ڧأَنَانً تُدَّيْ سُونٜىٰ، عٜىٰشْتَوُالْ دَ ذُواْرَ دَ أَشْنَ،

34دَ ذَنُواْوَ دَ عٜىٰنْ‌غَنِّمْ دَ تَڢُّوَ دَ عٜىٰنَمْ،

35دَ يَرْمُتْ دَ أَدُلَّمْ دَ سُواْكُواْ دَ أَظٜىٰكَ،

36دَ شَعَرَيِمْ دَ أَدِتَيِمْ دَ غٜىٰدٜىٰرَ دَ كُمَ غٜىٰدٜىٰرُواْتَايِمْ؞ غَرُرُوَ غُواْمَشَا حُطُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

37أَݣَويْ كُمَ ظٜىٰنَنْ دَ هَدَشَ دَ مِغْدَلْغَدْ،

38دَ دِلٜىٰيَنْ دَ مِظْڢَ دَ يُواكْتٜىٰيٜىٰلْ،

39دَ لَكِشْ دَ بُواظْكَتْ دَ عٜىٰغْلُوانْ،

40دَ كَبُّوانْ دَ لَمَمْ دَ كِتْلِشْ،

41دَ غٜىٰدٜىٰرُواتْ دَ بٜىٰتْ دَغُوانْ دَ نَعَمَ دَ كُمَ مَكّٜىٰدَ؞ غَرُرُوَ غُواْمَشَا شِدَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

42أَݣَويْ كُمَ لِبْنَ دَ عٜىٰتٜىٰرْ دَ أَشَنْ،

43دَ يِڢْتَ دَ أَشْنَ دَ نٜىٰظِبْ،

44دَ كَيْلَ دَ عَكْظِبْ دَ كُمَ مَرٜىٰشَ؞ غَرُرُوَ تَرَ كٜىٰنَنْ، تَرٜىٰدَ ڧَوْيُكَنْسُ؞

45أَݣَويْ كُمَ عٜىٰكْرُوانْ، تَرٜىٰدَ غَرُرُوَنْتَ دَ ڧَوْيُكَنْتَ،

46دَ دُكَنْ غَرُرُوَ كُسَدَ أَشْدُوادْ دَغَ عٜىٰكْرُوانْ ذُوَا تٜىٰكُنْ مٜىٰدِتٜىٰرٜىٰنِيَ،

47أَشْدُوادْ تَرٜىٰدَ غَرُرُوَنْتَ دَ ڧَوْيُكَنْتَ، غَاظَ تَرٜىٰدَ غَرُرُوَنْتَ دَ ڧَوْيُكَنْتَ، حَرْ ذُوَا ݣُورِنْ إِيَاكَرْ مَصَرْ دَ كُمَ بَاكِنْ تٜىٰكُنْ مٜىٰدِتٜىٰرٜىٰنِيَ؞

48غَرُضُوً دَسُكٜىٰ عَيَنْكِنْ تُدَّيْ سُونٜىٰ، شَمِرْ دَ يَتِّرْ دَ سُواْكُواْ،

49دَ دَنَّ دَ كِرِيَتْ سٜىٰڢٜىٰرْ، وَتُواْ دٜىٰبِرْ،

50دَ أَنَبْ دَ عٜىٰشْتٜىٰمُواْوَ دَ أَنِمْ،

51دَ غُواْشٜىٰنْ دَ هُواْلُوانْ دَ كُمَ غِلُواْ؞ غَرُرُوَ غُواْمَشَا طَيَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

52أَݣَويْ كُمَ أَرَبْ دَ دُمَ دَ عٜىٰشَنْ،

53دَ يَنِمْ دَ بٜىٰتْ تَڢُّوَ دَ أَڢٜىٰكَ،

54دَ هُمْتَ دَ هٜىٰبْرُوانْ دَ كُمَ ظِيُوارْ؞ غَرُرُوَ تَرَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

55أَݣَويْ كُمَ مَوُانْ دَ كَرْمٜىٰلْ دَ ظِڢْ دَ يُتَّ،

56دَ يٜىٰظِرٜىٰيٜىٰلْ دَ يُواكْدٜىٰيَمْ دَ ذَنُواْوَ،

57دَ كَيِنْ دَ غِبٜىٰيَ دَ كُمَ تِمْنَ؞ غَرُرُوَ غُواْمَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

58أَݣَويْ كُمَ هَلْهُلْ دَ بٜىٰتْظُرْ دَ غٜىٰدُوارْ،

59دَ مَعَرَتْ دَ بٜىٰتَنُواتْ دَ كُمَ عٜىٰلْتٜىٰكُوانْ؞ غَرُرُوَ شِدَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

60أَݣَويْ كُمَ كِرِيَتْ بَعَلْ، وَتُواْ كِرِيَتْ يٜىٰيَرِمْ دَ رَبَّهْ؞ غَرُرُوَ بِيُ كٜىٰنَنْ، تَرٜىٰدَ ڧَوْيُكَنْسُ؞

61غَرُضُوً دَسُكٜىٰ أَدَاجِ عِنْدَ بَابُ كُواْوَ سُونٜىٰ، بٜىٰتْ أَرَبَ دَ مِدِّنْ دَ سٜىٰكَكَ،

62دَ نِبْشَنْ دَ بِرْنِنْ غِشِرِ دَ كُمَ عٜىٰنْ‌غٜىٰدِ؞ غَرُرُوَ شِدَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

63عَمَّا مُتَنٜىٰنْ يَهُودَ بَسُ عِيَ كُواْرَرْ يٜىٰبُسِيَاوَا مَذَوْنَنْ عُرُوشَلِيمَ بَ، كُمَ هَرْوَيَوْ يٜىٰبُسِيَاوَا سُنَانَنْ ظَوْنٜىٰ تَرٜىٰدَ مُتَنٜىٰنْ يَهُودَ أَ عُرُوشَلِيمَ؞