Joshua 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to: Chapter 7 →

1عَكَ كُلّٜىٰ ڧُواْڢُواْڢِنْ يٜىٰرِكُواْ دَغَ ثِكِ دَ كُمَ وَجٜىٰ سَبُواْدَ ڟُواْرُوانْ مُتَنٜىٰنْ إِسْرَٰٓءِيلَ؞ بَا مَيْ ڢِتَ، بَا مَيْشِغَ ثِكِنْ بِرْنِنْ؞

2يَهْوٜىٰهْ يَڢَطَوَ يُواْشُوَ ثٜىٰوَ «دُوبَ، نَا بَادَ يٜىٰرِكُواْ دَ سَرْكِنْتَ دَ سُواْجُواْجِنْتَ أَ حَنُّنْكَ؞

3كَيْ دَ سُواْجُواْجِنْكَ ذَاكُ ذَاغَيَ بِرْنِنْ سَوْ طَيَ عَكُواْوَثٜىٰ رَانَ حَرْ ݣُونَ شِدَ؞

4سَيْ كَسَا ڢِرِسْتُواْثِے غُدَا بَݣَويْ، كُواْوَنّٜىٰنْسُ رِڧٜىٰ دَ ڧَهُواْ، سُيِ تَڢِيَ أَغَبَنْ عَݣُوتِنْ يَرْجٜىٰجٜىٰنِيَ سَعَدَّ كُكٜىٰ ذَاغَيَ؞ عَكَنْ رَانَ تَبَݣَويْ، كَيْ دَ سُواْجُواْجِنْكَ ذَاكُ ذَاغَيَ بِرْنِنْ سَوْ بَݣَويْ، ڢِرِسْتُواْثِے سُنَ بُوسَرْ ڧَهُواْنِنْ؞

5سَعَدَّ كُكَجِ وَتَ بُوسَ مَيْ دُواْغُوَرْ ڧَارَ دَغَ ڧَهُواْنِ، سَيْ كَسَا دُكَنْ مُتَنٜىٰنْ سُيِ إِيهُ دَ بَبَّرْ مُرْيَ؞ كَتَنْ‌غَرْ بِرْنِنْ ذَاتَ رُشٜىٰ، سَيْ دُكَنْ سُواْجُواْجِ سُشِغَ ثِكِنْ بِرْنِنْ، كُواْوَنٜىٰ مُتُمْ يَشِغَ دَغَ عِنْدَ يَكٜىٰ ڟَيَاوَا؞»

6سَيْ يُواْشُوَ طَنْ نُنْ يَكِرَا ڢِرِسْتُواْثِے يَڢَطَا مُسُ يَثٜىٰ «كُطَوْكِ عَݣُوتِنْ يَرْجٜىٰجٜىٰنِيَ، وَطَنْسُ ڢِرِسْتُواْثِے غُدَا بَݣَويْ كُمَ سُوُثٜىٰ أَغَبَنْ عَݣُوتِنْ سُنَ رِڧٜىٰ دَ ڧَهُواْنِ نَرَغُنَ؞»

7سَيْ يُواْشُوَ يَعُمَرْثِ جَمَعَ يَثٜىٰ «كُتَاشِ! كُڢَارَ ذَاغَيَ كُكٜىٰوَيٜىٰ بِرْنِنْ، مَاسُ كَايَنْ يَاڧِ كُمَ سُوُثٜىٰ أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ ؞»

8كَمَرْ يَدَّ يُواْشُوَ يَعُمَرْتَ، مَاسُ كَايَنْ يَاڧِ دَ كُمَ ڢِرِسْتُواْثِنَّنْ غُدَا بَݣَويْ رِڧٜىٰ دَ ڧَهُواْنِ سُكَ وُثٜىٰ غَبَ، سُنَ بُوسَ ڧَهُواْنِنْسُ، عَݣُوتِنْ يَرْجٜىٰجٜىٰنِيَ نَ يَهْوٜىٰهْ كُمَ يَنَ بِنْ بَايَنْسُ؞

9مَاسُ كَايَنْ يَاڧِ كُوَ سُكَ وُثٜىٰ غَبَنْ ڢِرِسْتُواْثِے مَاسُ بُوسَ ڧَهُواْنِ، سَوْرَنْ مَاسُ كَايَنْ يَاڧِ كُمَ سُنَ بِنْ بَايَنْ عَݣُوتِنْ يَرْجٜىٰجٜىٰنِيَ؞ عَثِكِنْ دُكَنْ وَنَّنْ لُواْكَثِ أَنَ تَبُوسَ ڧَهُواْنِ؞

10عَمَّا يُواْشُوَ يَعُمَرْثِ مُتَنٜىٰ ثٜىٰوَ «كَدَ كُيِ إِيهُ، بَ كُوَ ذَاكُ بَرِ أَجِ مُرْيَرْكُبَ؞ كَدَ كُڢَطَا وَتَ كَلْمَ حَرْ سَيْ رَانَرْدَ نَعُمَرْثٜىٰكُ كُيِ إِيهُ؞ سَعَنً كُيِ إِيهُ!»

11يَكُوَ سَا عَكَ طَوْكِ عَݣُوتِنْ يَرْجٜىٰجٜىٰنِيَ عَكَ ذَاغَيَ بِرْنِنْ سَوْ طَيَ تَكْ؞ بَايَنْ وَنَّنْ سُكَ كُواْمَ ذَنْ‌غُواْ سُكَ ݣُونَ؞

12وَشٜىٰغَرِ سَيْ يُواْشُوَ يَتَاشِ دَ سَسَّڢٜىٰ، ڢِرِسْتُواْثِے كُمَ سُكَ طَوْكِ عَݣُوتِنْ يَرْجٜىٰجٜىٰنِيَ نَ يَهْوٜىٰهْ ؞

13ڢِرِسْتُواْثِے بَݣَويْ طِنْ وَطَنْدَ سُكٜىٰ رِڧٜىٰ دَ ڧَهُواْنِ بَݣَويْ نَرَغُنَ سُكَ وُثٜىٰ غَبَنْ عَݣُوتِنْ يَرْجٜىٰجٜىٰنِيَ، سُكَيِ تَبُوسَ ڧَهُواْنِ؞ مُتَنٜىٰ مَاسُ كَايَنْ يَاڧِ كُمَ سُنَ تَڢِيَ أَغَبَنْسُ، كُمَ سَوْرَنْ مَاسُ كَايَنْ يَاڧِ سُنَ بِنْ بَايَنْ عَݣُوتِنْ؞ ثِكِنْ دُكَنْ لُواْكَثِنَّنْ أَنَ تَبُوسَ ڧَهُواْنِ؞

14أَ رَانَ تَبِيُ سُكَ سَاكٜىٰ ذَاغَيَ بِرْنِنْ سَوْ طَيَ، سُكَ كُمَ كُواْمَ ذَنْ‌غُوانْسُ؞ حَكَ سُكَيِتَيِ حَرْ ݣُونَ شِدَ؞

15أَ رَانَ تَبَݣَويْ سُكَتَاشِ دَ سَسَّڢٜىٰ، سُكَسَاكٜىٰ ذَاغَيَ بِرْنِنْ يَدَّ سُكَ سَابَايِ؞ وَنَّنْ عِتَثٜىٰ رَانَ غُدَا طَيَ تَكْ وَدَّ سُكَ ذَاغَ بِرْنِنْ سَوْ بَݣَويْ؞

16أَ ذَاغَاوَ تَبَݣَويْ، سَعَدَّ ڢِرِسْتُواْثِے سُنَ شِرْيٜىٰ سُبُوسَ ڧَهُواْنِ، سَيْ يُواْشُوَ يَعُمَرْثِ مُتَنٜىٰنْسَ يَثٜىٰ «كُيِ إِيهُ! غَمَا يَهْوٜىٰهْ يَا رِغَا يَا بَاكُ بِرْنِنْ!

17بِرْنِنْ دَ دُكَنْ أَبِنْدَ يَكٜىٰ ثِكِنْسَ أَنْكٜىٰٻٜىٰسُ دُكَ غَ يَهْوٜىٰهْ دُواْمِنْ هَلَّكَرْوَ؞ سَيْ دَيْ رَهَبْ كَارُوَرْ نَنْ كَطَيْ دَ وَطَنْدَ سُكٜىٰ تَرٜىٰدَ عِتَ عَثِكِنْ غِدَنْتَ ذَاعَ بَرْسُ دَرَيْ، غَمَا تَا ٻُواْيٜىٰ یَنْ لٜىٰڧٜىٰنْ أَسِيرِنْ ڧَسَا دَ مُكَ عَيْكٜىٰسُ؞

18عَمَّا بَذَاكُ طَوْكِ وَنِ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ بَ، دُواْمِنْ كَدَ كُجَٰوُاْ وَكَنْكُ دَ دُكَنْ مُتَنٜىٰنْ إِسْرَٰٓءِيلَ مَسِيڢَ دَ هَلَّكَرْوَ؞

19دُكَنْ أَبِنْدَ عَكَيِ دَ أَظُرْڢَا دَ ظِينَارِيَ دَ تَغُلَّ دَ بَڧِنْ ڧَرْڢٜىٰ، أَنْكٜىٰٻٜىٰ سُونٜىٰ غَ يَهْوٜىٰهْ ؞ ذَاعَسَاسُ عَثِكِنْ طَاكِنْ أَجِيَ نَ يَهْوٜىٰهْ ؞»

20سَعَدَّ يُواْشُوَ يَغَمَ بَادَ عُمَرْنِ، سَيْ ڢِرِسْتُواْثِے سُكَ بُوسَ ڧَهُواْنِ، نَنْ دَنَنْ دَ مُتَنٜىٰنْ سُكَجِ سُكَيِ إِيهُ، سَيْ كَتَنْ‌غَرْ بِرْنِنْ تَرُشٜىٰ؞ دُكَنْ سُواْجُواْجِ سُكَ شِغَ ثِكِنْ بِرْنِنْ، كُواْوَنٜىٰ مُتُمْ يَشِغَ دَغَ عِنْدَ يَكٜىٰ ڟَيَاوَا، سُكَ كُوَ ثِ بِرْنِنْ؞

21سَعَنً سُكَ هَلَّكَرْ دَ دُكَنْ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ دَ تَكُواْبِے، دُكَنْ أَبِنْدَ يَكٜىٰ ثِكِنْ بِرْنِنْ دَ مَظَا دَ مَاتَا، ڟُواْڢَڢِّ دَ يَارَا؞ سُكَ كَكَّشٜىٰ دَبُّواْبِے دَ تُمَكِ دَ كُمَ جَاكُنَ؞

22يُواْشُوَ كُوَ يَثٜىٰ وَمُتَنٜىٰ بِيُ وَطَنْدَ سُكَجٜىٰ سُكَلٜىٰڧِ أَسِيرِنْ ڧَسَرْ «كُتَڢِے ثِكِنْ غِدَنْ كَارُوَرْنَنْ كُڢِتَرْدَ عِتَ دَ دُكَنْ وَطَنْدَ سُكٜىٰ نَاتَ، كَمَرْ يَدَّ كُكَيِ مَتَ أَلْڧَوَرِ؞»

23سَيْ سَمَارِنْ دَ سُكَ تَڢِے سُكَ لٜىٰڧِ أَسِيرِنْ ڧَسَرْ سُكَ شِغَ، سُكَ ڢِتَرْدَ رَهَبْ تَرٜىٰدَ بَابَنْتَ دَ مَامَرْتَ دَ یَنْعُوَنْتَ دَ كُمَ دُكَنْ دَنْ‌غِنْتَ؞ سُكَ ݣُوشٜىٰسُ دُكَ، سُكَ سَوْكَرْ دَسُو كُسَدَ بَايَنْ ذَنْ‌غُوانْ مُتَنٜىٰنْ إِسْرَٰٓءِيلَ؞

24سَعَنً سُواْجُواْجِنْ إِسْرَٰٓءِيلَ سُكَ ڧُواْنٜىٰ بِرْنِنْ دَ وُتَادَ دُكْ أَبِنْدَ سُكٜىٰ عَثِكِنْسَ، سَيْدَيْ أَبُبُوَنْ دَ عَكَيِ دَ أَظُرْڢَا دَ ظِينَارِيَ دَ تَغُلَّ دَ بَڧِنْ ڧَرْڢٜىٰ؞ وَطَنَّنْ سُكَ ݣُوشٜىٰ سُكَسَا أَطَاكِنْ أَجِيَ نَ يَهْوٜىٰهْ ؞

25عَمَّا يُواْشُوَ يَثٜىٰثِ رَنْ رَهَبْ كَارُوَرْ نَنْ دَ عِيَلِنْتَ دَ دُكَنْ وَطَنْدَ سُكٜىٰ نَاتَ، سَبُواْدَ تَٻُواْيٜىٰ یَنْ لٜىٰڧٜىٰنْ أَسِيرِنَّنْ بِيُ وَطَنْدَ يُواْشُوَ يَعَيْكٜىٰسُ يٜىٰرِكُواْ؞ رَهَبْ كُوَ تَايِ ذَمَنْتَ عَثِكِنْ مُتَنٜىٰنْ إِسْرَٰٓءِيلَ، كُمَ ذُرِيَرْتَ سُنَ ثِكِنْسُ هَرْوَيَوْ؞

26أَ لُواْكَثِنَّنْ كُوَ يُواْشُوَ يَيِ مُسُ مَغَنَ دَ ضَنْڟُوَا يَثٜىٰ، «لَعَنَنّٜىٰ نٜىٰ أَغَبَنْ يَهْوٜىٰهْ دُكْ مُتُمِنْدَ يَسَاكٜىٰ ڧُواْڧَرِ يَتَادَ بِرْنِنْ يٜىٰرِكُواْ! دَ ڢَارَوَرْ غِنِ، ذَيْ رَسَ طَنْسَ نَڢَرْكُواْ؞ دَ غَمَاوَرْ غِنِ، ذَيْ رَسَ طَنْ أَوْتَنْسَ؞»

27يَهْوٜىٰهْ يَنَ تَرٜىٰدَ يُواْشُوَ، يَكُمَيِ سُونَ ثِكِنْ دُكَنْ ڧَسَرْ؞

← Chapter 5 Jump to: Chapter 7 →