Joshua 24

Hausa Arabic 2020 (أَتَّوْرَتْ دَ أَنَّبَاوَا)

← Chapter 23 Jump to:

1سَيْ يُواْشُوَ يَتَتَّارَ دُكَنْ ظُرِيُواْيِنْ إِسْرَٰٓءِيلَ أَ شٜىٰكٜىٰمْ؞ يَكِرَا دَتَّاوَا دَ شُوغَبَنِّ دَ مَاسُ شَرِيعَ دَ شُوغَبَنِّنْ سُواْجُواْجِنْ إِسْرَٰٓءِيلَ، سُو كُوَ سُكَ كَسَنْثٜىٰ أَغَبَنْ اللَّهْ ؞

2سَيْ يُواْشُوَ يَثٜىٰ وَدُكَنْ مُتَنٜىٰنْ، «غَا أَبِنْدَ يَهْوٜىٰهْ اللَّهْ نَ إِسْرَٰٓءِيلَ يَڢَطَا، ‹أَ زَامَانِنْ دَا كَاكَنِّنْكُ، وَتُواْ تَيْرَا، بَابَنْ إِبْرَٰهِيمْ دَ نَهُوارْ، سُكَ ذَوْنَ عَڧٜىٰتَرٜىٰنْ كُواْغِنْ يُڢِرٜىٰتِسْ؞ سُكَ بَوْتَاوَ وَطَنْسُ أَلُّواْلِ؞

3سَيْ نَطَوْكِ كَكَنْكُ إِبْرَٰهِيمْ دَغَ وَثَّنْ ڧَسَا تَڧٜىٰتَرٜىٰنْ كُواْغِنْ يُڢِرٜىٰتِسْ، نَبِدَشِ ثِكِنْ دُكَنْ ڧَسَرْ كَنْعَنَ؞ نَكُمَسَا ذُرِيَرْسَ تَيِيَوَ؞ نَبَاشِ إِسْحَٰڧَ؞

4نَكُمَ بَا إِسْحَٰڧَ یَیَ مَظَا، وَتُواْ يَعْڧُوبَ دَ إِسُوَ؞ نَبَا إِسُوَ يَنْكِنْ تُدَّيْ نَ عٜىٰدُوامْ يَذَمَ مَلَّكَرْسَ؞ عَمَّا كَكَنْكُ يَعْڧُوبَ دَ یَیَنْسَ سُكَ غَنْ‌غَرُواْ ذُوَا مَصَرْ؞

5دَغَ بَايَ نَعَيْكِ مُوسَٰى دَ هَٰرُونَ سُتَيْمَكِ كَاكَنِّنْكُ؞ نَكُمَ عَيْكَ وَ مَصَرْ وَهَلَ تَوُرِنْ أَبِنْدَ نَيِ عَثِكِنْتَ؞ دَغَ بَايَ كُمَ نَڢِتَرْ دَكُو؞

6نَا كُوَ ڢِتَرْدَ كَاكَنِّنْكُ دَغَ مَصَرْ؞ سَيْ مَصَرَاوَا سُكَبِے كَاكَنِّنْكُ دَ كٜىٰكُنَنْ دُواْكِنْ يَاڧِ دَ مَاسُ هَوَنْ دَوَكِ حَرْ سُكَ كَيْ تٜىٰكُنْ ثِيَوَرْ إِوَ؞

7سَعَدَّ سُكَيِ مِنِ كُوكَنْ نٜىٰمَنْ تَيْمَكُواْ، نَا كُوَ سَا دُهُ ڟَكَانِنْسُ دَ مَصَرَاوَا، نَا كُمَسَا تٜىٰكُ تَشَرٜىٰ مَصَرَاوَنْ؞ دَ عِدُوانْكُ كُكَغَ أَبِنْدَ نَيِ وَ مَصَرَاوَا؞ « ‹كُكَيِ ݣُونَكِے دَيَوَ كُنَ ظَوْنٜىٰ عَثِكِنْ دَاجِ؞

8سَعَنً نَكَٰوُاْكُ عَڧَسَرْ أَمُواْرِيَاوَا، وَطَنْدَ سُكَ ذَوْنَ أَغَبَشِنْ يُواْدَنْ؞ سُكَ يَاڧٜىٰكُ، عَمَّا نَبَاكُ نَصَرَا عَكَنْسُ؞ نَكُمَ هَلَكَاسُ دَغَ غَبَنْكُ، كُكَ مَلَّكِ ڧَسَرْسُ؞

9حَكَكُمَ بَلَكْ طَنْ ظِڢُّوارْ، سَرْكِنْ مُواْوَبْ، يَتَاشِ يَيِ يَاڧِ دَكُو إِسْرَٰٓءِيلَاوَا؞ سَيْ يَعَيْكَ عَكِرَا بَلَعَمْ طَنْ بٜىٰيُوارْ يَذُواْ يَلَعَنْتَكُ؞

10عَمَّا بَنْ سَوْرَرِ بَلَعَمْ بَ، سَبُواْدَ حَكَ يَيِ تَسَا مُكُ أَلْبَرْكَ عَكَيْ عَكَيْ؞ تَهَكَ نَثٜىٰثٜىٰكُ دَغَ حَنُّنْسَ؞

11دَ كُكَ ڧٜىٰتَرٜىٰ يُواْدَنْ، كُكَذُواْ يٜىٰرِكُواْ، مُتَنٜىٰنْ يٜىٰرِكُواْ سُكَ يَاڧٜىٰكُ، كَمَرْ يَدَّ أَمُواْرِيَاوَا دَ ڢٜىٰرِظِّيَاوَا دَ كَنْعَنِيَاوَا دَ هِتِّيَاوَا دَ غِرْغَشِيَاوَا دَ هِوِيَاوَا دَ يٜىٰبُسِيَاوَا سُكَيِ؞ عَمَّا نَبَاشٜىٰسُ دُكَ أَ حَنُّنْكُ؞

12كَاڢِنْ كُإِسُواْ نَكُمَ عَيْكُواْ مُسُ دَ وَنِ أَبُ مَيْ كَٰوُاْ رَظَنَ وَنْدَ يَكُواْرِ سَرَاكُنَنَّنْ بِيُ نَ أَمُواْرِيَاوَا دَغَ غَبَنْكُ؞ بَتَوُرِنْ تَكُواْبِنْكُ كُواْ بَكَنْكُ كُكَثِ نَصَرَبَ؞

13نَبَاكُ ڧَسَرْدَ بَكُشَا وَهَلَ عَكَنْتَبَ دَ غَرُضُوً دَ بَكُ غِنَابَ؞ يَنْذُ كُنَ ظَوْنٜىٰ عَثِكِ، كُنَ كُمَ ثِنْ یَیَنْ إِنَبِے دَ ظَيْتُنْ دَغَ عِتَتُوَنْ دَ بَكُ شُوكَبَ؞› »

14يُواْشُوَ يَثِيغَبَدَ ثٜىٰوَ «يَنْذُ ڢَا سَيْ كُجِڟُواْرُوانْ يَهْوٜىٰهْ ، كُكُمَ بَوْتَا مَسَ دَ غَسْكِيَ دَ أَمِنْثِ؞ كُرَبُ دَ أَلُّواْلِنْ دَ كَاكَنِّنْكُ سُكَ بَوْتَاوَ عَڧٜىٰتَرٜىٰنْ كُواْغِنْ يُڢِرٜىٰتِسْ دَ ثِكِنْ مَصَرْ؞ يَهْوٜىٰهْ نٜىٰ كَطَيْ ذَاكُ بَوْتَا مَسَ؞

15عَمَّا عِدَنْ بَاكُ دَ نِيَّ كُبَوْتَا وَ يَهْوٜىٰهْ ، تُواْ يَوْ سَيْ كُذَاٻِ وَنْدَ ذَاكُ بَوْتَا مَسَ، كُواْ أَلُّواْلِنْ دَ كَاكَنِّنْكُ سُكَ بَوْتَاوَ عَڧٜىٰتَرٜىٰنْ كُواْغِنْ يُڢِرٜىٰتِسْ، كُواْ كُوَ أَلُّواْلِنْ أَمُواْرِيَاوَنْ دَ كُكٜىٰ ظَوْنٜىٰ عَڧَسَرْسُ؞ عَمَّا دَنِے دَ غِدَانَ، يَهْوٜىٰهْ نٜىٰ ذَامُ بَوْتَا مَسَ؞»

16سَيْ جَمَعَ سُكَ أَمْسَ سُكَثٜىٰ، « اللَّهْ يَسَوَّڧَ، بَذَامُ تَٻَ رَبُوَ دَ يَهْوٜىٰهْ دُواْمِنْ مُبَوْتَاوَ وَطَنْسُ أَلُّواْلِبَ!

17غَمَا شِے يَهْوٜىٰهْ اللَّهْ نْمُ نٜىٰ يَڢِتَرْ دَمُو دَ كَاكَنِّنْمُ دَغَ مَصَرْ دَغَ غِدَنْ بَوْتَا؞ شِينٜىٰ يَعَيْكَتَ مَنْيَنْ عَلَمُ أَعِدُوانْمُ؞ يَكِيَايٜىٰمُ عَثِكِنْ دُكَنْ حَنْيَرْ دَ مُكَبِے دَ كُمَ ثِكِنْ دُكَنْ أَلْعُمَّنْ دَ مُكَبِے تَڧَسَرْسُ؞

18يَهْوٜىٰهْ كُوَ يَكُواْرِ دُكَنْ أَمُواْرِيَاوَا وَطَنْدَ سُكٜىٰ ظَوْنٜىٰ عَڧَسَرْ؞ دُواْمِنْ وَنَّنْ ڢَا، يَهْوٜىٰهْ ذَامُ بَوْتَا مَسَ، غَمَا شِينٜىٰ اللَّهْ نْمُ؞»

19سَيْ يُواْشُوَ يَثٜىٰ وَمُتَنٜىٰنْ، «عَمَّا بَذَاكُ عِيَ بَوْتَاوَ يَهْوٜىٰهْ بَ، غَمَا شِے اللَّهْ مَيْ ڟَرْكِے نٜىٰ، شِ اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَ؞ بَذَيْ غَاڢَرْتَ تَيَرْوَرْكُ دَ ذُنُبَنْكُبَ؞

20عِدَنْ ڢَا كُكَ رَبُ دَ يَهْوٜىٰهْ دُواْمِنْ كُبَوْتَا وَغُمَكَنْ أَلُّواْلِنْ ڧَبِيلُ، ذَيْ جُويُواْ يَكَٰوُاْ مُكُ مَسِيڢَ؞ ذَيْ هَلَكَاكُ، كُواْدَيَكٜىٰ يَا رِغَا يَا يِمُكُ أَلْحٜىٰرِ؞»

21جَمَعَرْ كُوَ سُكَثٜىٰ وَ يُواْشُوَ «بَهَكَبَ! مُو، يَهْوٜىٰهْ نٜىٰ ذَامُ بَوْتَا مَسَ؞»

22يُواْشُوَ كُمَ يَثٜىٰمُسُ «كُونٜىٰ شَيْدُنْ كَنْكُ دَ كَنْكُ ثٜىٰوَ كُنْ ذَاٻِ يَهْوٜىٰهْ دُواْمِنْ كُبَوْتَا مَسَ؞» سَيْ سُكَثٜىٰ «عِ، مُونٜىٰ شَيْدُنْ كَنْمُ؞»

23يُواْشُوَ يَثٜىٰ «تُواْ، يَنْذُ ڢَا سَيْ كُكَوَرْدَ غُمَكَنْ أَلُّواْلِنْ ڧَبِيلُنْ دَ كُكٜىٰدَسُو عَثِكِنْكُ؞ كُسَا ذُوثِيَارْكُ غَ يَهْوٜىٰهْ اللَّهْ نَ إِسْرَٰٓءِيلَ؞»

24جَمَعَ سُكَثٜىٰ وَ يُواْشُوَ «مُو يَهْوٜىٰهْ اللَّهْ نْمُ نٜىٰ ذَامُ بَوْتَا مَسَ؞ ذَامُيِ بِيَيَّ دَ عُمَرْنَنْسَ؞»

25أَوَنَّنْ رَانَ يُواْشُوَ يَيِ يَرْجٜىٰجٜىٰنِيَ دَ جَمَعَ أَ شٜىٰكٜىٰمْ، يَكَڢَ مُسُ ڧَٰعِدُواْدِ دَ عُمَرْنَيْ؞

26يَكُمَ رُبُوتَ وَطَنَّنْ عَثِكِنْ لِتَّڢِنْ كُواْيَرْوَرْ اللَّهْ ؞ يَكُمَ طَوْكِ وَنِ بَبَّنْ دُوڟٜىٰ يَكَڢَشِ عَڧَرْڧَشِنْ إِتَاثٜىٰنْ ڟَاڢِ كُسَدَ وُرِے مَيْ ڟَرْكِے نَ يَهْوٜىٰهْ ؞

27سَيْيَثٜىٰ وَدُكَنْ جَمَعَ «وَنَّنْ دُوڟٜىٰ ذَيْ ذَمَ شَيْدَ عَكَنْمُ، غَمَا يَا جِدُكَنْ كَلْمُواْمِنْ دَ يَهْوٜىٰهْ يَڢَطَا مَنَ؞ دُواْمِنْ حَكَ ذَيْ ذَمَ شَيْدَ عَكَنْكُ، دُواْمِنْ كَدَ كُيِ وَ اللَّهْ نْكُ ڧَضْيَا؞»

28سَعَنً يُواْشُوَ يَسَلَّمِ مُتَنٜىٰنْ، كُواْوَنٜىٰ مُتُمْ يَكُواْمَ ڢِيلِنْ غَادُوانْسَ؞

29أَنَانً بَايَنْ وَنَّنْ، سَيْ يُواْشُوَ طَنْ نُنْ بَاوَنْ يَهْوٜىٰهْ يَمُتُ، يَنَدَ شٜىٰكَرَا طَرِے دَ غُواْمَ؞

30عَكَ بِنّٜىٰشِ أَ ڢِيلِنْسَ تَغَادُواْ أَ تِمْنَتْ سٜىٰرَ عَيَنْكِنْ تُدَّيْ نَ إِڢْرَيِمْ، أَرٜىٰوَ دَ بَبَّنْ تُدُنْ غَعَشْ؞

31إِسْرَٰٓءِيلَاوَا كُوَ سُكَ بَوْتَاوَ يَهْوٜىٰهْ ثِكِنْ دُكَنْ ݣُونَكِنْ دَ يُواْشُوَ يَكٜىٰدَ رَيْ، حَكَ كُوَ سُكَ ثِيغَبَدَ بَوْتَاوَ يَهْوٜىٰهْ بَايَنْ مُتُوَرْسَ دُكَنْ ݣُونَكِنْ دَتَّاوَنْ دَ سُكَ رَغُ، وَطَنْدَ سُكَ سَنْ دُكَنْ أَيُّكَنْ دَ يَهْوٜىٰهْ يَيِ دُواْمِنْ إِسْرَٰٓءِيلَاوَا؞

32ڧَسُسُوَنْ يُوسُڢَ وَطَنْدَ جَمَعَرْ إِسْرَٰٓءِيلَ سُكَ كَٰوُاْ دَغَ مَصَرْ، عَكَ بِنّٜىٰسُ أَ شٜىٰكٜىٰمْ، عَثِكِنْ يَنْكِنْ ڧَسَرْدَ يَعْڧُوبَ يَسَيَ دَ أَظُرْڢَا طَرِے دَغَ وُرِنْ یَیَنْ هَمُوارْ بَابَنْ شٜىٰكٜىٰمْ؞ وَنَّنْ وُرِے يَذَمَ غَادُوانْ ذُرِيَرْ يُوسُڢَ؞

33عٜىٰلٜىٰيَظَرْ طَنْ هَٰرُونَ كُمَ يَمُتُ، عَكَ بِنّٜىٰشِ أَ غِبٜىٰيَ وَنْدَ عَكَبَا طَنْسَ ڢِنٜىٰهَسْ عَثِكِنْ يَنْكِنْ تُدَّيْ نَ إِڢْرَيِمْ؞

← Chapter 23 Jump to: