Joshua 22

Hausa Arabic 2020 (أَتَّوْرَتْ دَ أَنَّبَاوَا)

← Chapter 21 Jump to: Chapter 23 →

1سَعَنً يُواْشُوَ يَكِرَا مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ كُمَ رَبِنْ ذُرِيَرْ مَنَسّٜىٰ،

2يَثٜىٰ مُسُ، «كُنْ كِيَايٜىٰ دُكَنْ أَبِنْدَ مُوسَٰى بَاوَنْ يَهْوٜىٰهْ يَڢَطَا، كُمَ كُنْيِ بِيَيَّ ثِكِنْ دُكَنْ أَبِنْدَ نَعُمَرْثٜىٰكُ؞

3عَثِكِنْ وَطَنَّنْ يَوَنْ ݣُونَكِے، بَكُ تَٻَ بَرِنْ یَنْعُوَنْكُبَ؞ عَمَّا كُكَ كِيَايٜىٰ عُمَرْنِنْ يَهْوٜىٰهْ اللَّهْ نْكُ سُواْسَيْ؞

4يَنْذُ دَيْ يَهْوٜىٰهْ اللَّهْ نْكُ يَبَا یَنْعُوَنْكُ هُوتُ، كَمَرْ يَدَّ يَيِ أَلْڧَوَرِ؞ سَبُواْدَ حَكَ، سَيْ كُكُواْمَ غِدَاجٜىٰنْكُ عَثِكِنْ ڧَسَرْكُ تَغَادُواْ وَدَّ مُوسَٰى بَاوَنْ يَهْوٜىٰهْ يَبَاكُ عَڧٜىٰتَرٜىٰنْ كُواْغِنْ يُواْدَنْ؞

5كُتَبَّتَرْ كُنْ كِيَايٜىٰ عُمَرْنَيْ دَ كُواْيَرْوَرْ دَ مُوسَٰى بَاوَنْ يَهْوٜىٰهْ يَعُمَرْثٜىٰكُ؞ كُڧَوْنَثِ يَهْوٜىٰهْ اللَّهْ نْكُ، كُيِ تَڢِيَ أَ حَنْيَرْسَ، كُيِ بِيَيَّ دَ دُواْكُواْكِنْسَ، كُمَنّٜىٰ مَسَ، كُبَوْتَا مَسَ دَ ذُوثِيَا طَيَ دَ دُكَنْ رَنْكُ كُمَ؞»

6يُواْشُوَ كُوَ يَسَا مُسُ أَلْبَرْكَ، سَعَنً يَسَلَّمٜىٰسُ سُكَ كُواْمَ غِدَاجٜىٰنْسُ؞

7مُوسَٰى كُوَ يَا رِغَا يَا بَا رَبِنْ ذُرِيَرْ مَنَسّٜىٰ طَيَ رَبُوانْ غَادُوانْ ڧَسَا عَبَشَنْ؞ غَ سَوْرَنْ رَبِنْ ذُرِيَرْ كُوَ يُواْشُوَ يَبَاسُ رَبُوانْ غَادُوانْ ڧَسَرْ تَرٜىٰدَ یَنْعُوَنْسُ عَيَمَّثِنْ ڧٜىٰتَرٜىٰنْ يُواْدَنْ؞ سَعَدَّ يُواْشُوَ يَسَلَّمٜىٰسُ، سُكُواْمَ غِدَاجٜىٰنْسُ، يَسَا مُسُ أَلْبَرْكَ،

8يَثٜىٰ مُسُ «كُكُواْمَ غِدَاجٜىٰنْكُ دَ أَرْزِڧِنْكُ مَيْ يَوَ، تَرٜىٰدَ دَبُّواْبِے مَاسُيَوَ دَ أَظُرْڢَا دَ ظِينَارِيَ دَ تَغُلَّ دَ بَڧِنْ ڧَرْڢٜىٰ دَ كُمَ رِيغُنَ مَاسُيَوَ؞ كُرَبَ دَ یَنْعُوَنْكُ دُكَنْ كَايَنْ دَ كُكَ ݣُوشٜىٰ دَغَ أَبُواْكَنْ غَابَنْكُ؞»

9سَيْ مُتَنٜىٰنْ ذُرِيَرْ رَعُبَيْنُ دَ نَ غَدْ دَ كُمَ نَرَبِنْ ذُرِيَرْ مَنَسّٜىٰ سُكَ كُواْمَ غِدَا؞ سُكَ بَرْ سَوْرَنْ مُتَنٜىٰنْ إِسْرَٰٓءِيلَ أَ شِلُواْ عَثِكِنْ ڧَسَرْ كَنْعَنَ، سُكَ كُواْمَ ڧَسَرْ غِلٜىٰيَدْ، ڧَسَرْسُ تَغَادُواْ وَدَّ سُكَ غَادَ بِسَغَ عُمَرْنِنْ يَهْوٜىٰهْ تَبَاكِنْ مُوسَٰى؞

10مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ سُكَ كَيْ غٜىٰلِلُواتْ كُسَدَ كُواْغِنْ يُواْدَنْ عَثِكِنْ ڧَسَرْ كَنْعَنَ؞ سَعَدَّ سُكَ إِسُواْ وُرِنْ، سَيْ سُكَ غِنَا بَبَّنْ بَغَدٜىٰ عَبَاكِنْ كُواْغِنْ، بَغَدٜىٰنْ كُوَ أَبِنْ كَلُّواْ نٜىٰ ڨُورَيْ؞

11سَوْرَنْ مُتَنٜىٰنْ إِسْرَٰٓءِيلَ سُكَجِ لَابَرِ؞ سَيْ سُكَثٜىٰ «دُوبَ ڢَا! مُتَنٜىٰنْ ذُرِيَرْ رَعُبَيْنُ دَ نَظُرِيَرْ غَدْ دَ رَبِنْ ذُرِيَرْ مَنَسّٜىٰ سُنْ غِنَا بَغَدٜىٰ أَ غٜىٰلِلُواتْ كُسَدَ كُواْغِنْ يُواْدَنْ عَ إِيَاكَرْ ڧَسَرْ كَنْعَنَ، أَوَجٜىٰنْ غٜىٰڢٜىٰنْمُ نَ إِسْرَٰٓءِيلَاوَا؞»

12دَ إِسْرَٰٓءِيلَاوَا سُكَجِ لَابَرِنْ، سَيْ دُكَنْسُ سُكَ تَتَّارُ أَ شِلُواْ دُواْمِنْ سُكَيْ مُسُ يَاڧِ؞

13سَيْ مُتَنٜىٰنْ إِسْرَٰٓءِيلَ سُكَ عَيْكِ ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ وُرِنْ مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ عَثِكِنْ ڧَسَرْ غِلٜىٰيَدْ؞

14شُوغَبَنِّ غُواْمَ سُكَ تَڢِے تَرٜىٰدَ ڢِنٜىٰهَسْ، طَيَ دَغَ ثِكِنْ كُواْوَثٜىٰ ذُرِيَرْ إِسْرَٰٓءِيلَ؞ كُواْوَنٜىٰ طَيَنْسُ شُوغَبَنٜىٰ أَدَنْ‌غِنْسَ نَظُرِيَرْ إِسْرَٰٓءِيلَ؞

15سَعَدَّ سُكَ كَيْ ڧَسَرْ غِلٜىٰيَدْ، سُنْ ذُواْ وُرِنْ مُتَنٜىٰنْ رَعُبَيْنُ دَ مُتَنٜىٰنْ غَدْ دَ رَبِنْ مُتَنٜىٰنْ مَنَسّٜىٰ، سُكَيِ مَغَنَ سُكَثٜىٰ،

16«إِنْجِ دُكَنْ تَارُوانْ جَمَعَرْ يَهْوٜىٰهْ ، ‹وَنٜىٰ إِرِنْ ثِنْ أَمَانَ نٜىٰ وَنَّنْ دَ كُكَيِ وَ اللَّهْ نَ إِسْرَٰٓءِيلَ؟ كُكَ تَيَرْ وَ يَهْوٜىٰهْ تَوُرِنْ غِنَاوَا كَنْكُ بَغَدٜىٰ، كُكَ بَرْ بِنْ يَهْوٜىٰهْ يَوْ!

17ذُنُوبِنْ دَ مُكَيِ أَ ڢٜىٰيُوارْ، أَشٜىٰ، بَيْ إِشٜىٰمُبَ؟ غَاشِ هَرْوَيَوْ بَمُسَامِ ثِكَكّٜىٰنْ سَوْڧِ دَغَ حَكِّنْ وَنَّنْ ذُنُوبِ بَ، كُواْدَيَكٜىٰ بَلَعِ دَغَ يَهْوٜىٰهْ يَاڢَاطَ عَكَنْمُ، مُو جَمَعَرْسَ؞

18دُكْدَهَكَ، ذَاكُ جُويَا كُبَرْ بِنْ يَهْوٜىٰهْ يَوْ؟ عِدَنْ ڢَا كُكَ تَيَرْ وَ يَهْوٜىٰهْ يَوْ، غُواْبٜىٰ ذَيْ يِڢُشِے دَ دُكَنْ جَمَعَرْ إِسْرَٰٓءِيلَ؞

19عِدَنْ ڧَسَرْدَ كُكَ مَلَّكٜىٰتَ تَڧَظَنْتُ، سَيْ كُڧٜىٰتَرٜىٰ نَنْ ذُوَا ڧَسَرْدَ تٜىٰنْتِنْ يَهْوٜىٰهْ يَكٜىٰ، كُسَامِ يَنْكِنْ مَلَّكَ عَثِكِنْمُ؞ عَمَّا كَدَ كُتَيَرْ وَ يَهْوٜىٰهْ كُواْ كُوَ كُتَيَرْ مَنَ تَوُرِنْ غِنَاوَا كَنْكُ وَنِ بَغَدٜىٰ دَبَمْ دَ بَغَدٜىٰنْ يَهْوٜىٰهْ اللَّهْ نْمُ؞

20بَكُ تُنَ بَ لُواْكَثِنْ دَ عَكَنْ طَنْ ظٜىٰرَ يَڧِ يِنْ بِيَيَّ دَ عُمَرْنِ غَمٜىٰدَ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ يَدَّ ڢُشِنْ يَهْوٜىٰهْ يَسَوْكُواْوَ دُكَنْ جَمَعَرْ إِسْرَٰٓءِيلَ؟ أَيْ، بَ عَكَنْ نٜىٰ كَطَيْ يَهَلَّكَ سَبُواْدَ ذُنُوبِنْسَبَ؞› »

21سَعَنً مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ سُكَ أَمْسَوَ شُوغَبَنِّنْ دَنْ‌غُواْغِنْ إِسْرَٰٓءِيلَ سُكَثٜىٰ،

22« اللَّهْ مَيْ إِيكُواْ اللَّهْ نٜىٰ! يَهْوٜىٰهْ اللَّهْ نٜىٰ! اللَّهْ مَيْ إِيكُواْ نٜىٰ يَسَنْ دَلِيلِنْ دَ مُكَيِ وَنَّنْ، مُنَ كُمَسُواْ كُو إِسْرَٰٓءِيلَاوَا كُسَنِ؞ عِدَنْ وَنَّنْ تَيَرْوَثٜىٰ كُواْ رَشِنْ أَمِنْثِ غَ يَهْوٜىٰهْ نٜىٰ، كَدَ كُبَرْمُ دَرَيْ يَوْ؞

23عِدَنْ مُكَيِ رَشِنْ بِيَيَّ غَ يَهْوٜىٰهْ ، حَرْ مُكَ غِنَاوَا كَنْمُ بَغَدٜىٰ دُواْمِنْ مُمِيڧَ هَدَايُ نَڧُواْنَاوَا دَ هَدَايُ نَهَڟِ، كُواْ هَدَايُ نَڠَرَنْ زُمُنْثِ، بَرِ يَهْوٜىٰهْ دَ كَنْسَ يَحُكُنْتَمُ!

24أَيْ، مُنْيِ حَكَنٜىٰ سَبُواْدَ غُدُنَّنْ غَبَ، كَدَ وَتَ رَانَ یَیَنْكُ سُثٜىٰوَ یَیَنْمُ، ‹بَا ضُوَنْكُ دَ يَهْوٜىٰهْ اللَّهْ نَ إِسْرَٰٓءِيلَ؞

25غَمَا يَهْوٜىٰهْ يَا سَا كُواْغِنْ يُواْدَنْ يَا ذَمَ إِيَاكَ ڟَكَانِنْمُ دَكُو، يَا كُو مُتَنٜىٰنْ رَعُبَيْنُ دَ مُتَنٜىٰنْ غَدْ؞ دُواْمِنْ حَكَ بَاكُ دَ رَبُواْ عَثِكِنْ يَهْوٜىٰهْ ؞› تَهَكَ یَیَنْكُ ذَاسُ حَنَ یَیَنْمُ يِوَ يَهْوٜىٰهْ سُجَّدَ؞

26سَبُواْدَ حَكَنٜىٰ مُكَثٜىٰ، ‹بَرِ مُشِرْيَ مُغِنَ بَغَدٜىٰ، عَمَّا بَدُواْمِنْ مِيڧَ هَدَايُ كُواْ نَڧُواْنَ هَدَايُبَ؞›

27مَيْمَكُوانْ حَكَ ذَيْ ذَمَ شَيْدَ ڟَكَانِنْمُ دَكُو دَ ڟَارَا مَاسُ ذُوَا نَنْ غَبَ ثٜىٰوَ مُو مَا مُنَيِ وَ يَهْوٜىٰهْ سُجَّدَ أَ وُرِنْ ذَمَنْسَ مَيْ ڟَرْكِے دَ هَدَايُنْمُ نَمِيڧَاوَا دَ نَڧُواْنَاوَا دَ نَڠَرَنْ زُمُنْثِ؞ تَهَكَ كَدَ یَیَنْكُ نَنْ غَبَ سُڢَطَا وَیَیَنْمُ سُثٜىٰ، ‹بَاكُ دَ وَنِ رَبُواْ ثِكِنْ يَهْوٜىٰهْ ؞›

28مُنْيِ تُنَانِ ثٜىٰوَ عِدَنْ وَتَرَانَ عَكَ ڢَطَا مَنَ كُواْ كُوَ عَكَ ڢَطَا وَیَیَنْمُ حَكَ، سَيْمُثٜىٰ، ‹كُدُوبِے بَغَدٜىٰنْ دَ كَاكَنِّنْمُ سُكَ غِنَا؞ يَنَنً دَيْدَيْ دَ نَ يَهْوٜىٰهْ ؞ بَسُيِشِ دُواْمِنْ مِيڧَ هَدَايُ كُواْ دُواْمِنْ ڧُواْنَ هَدَايُبَ، عَمَّا دُواْمِنْ شَيْدَ ڟَكَانِنْمُ دَكُو؞›

29اللَّهْ يَسَوَّڧَ مَنَ مُتَيَرْوَ يَهْوٜىٰهْ كُواْ كُوَ مُجُويَا دَغَ بِنْ يَهْوٜىٰهْ يَوْ تَوُرِنْ غِنَا وَنِ بَغَدٜىٰ دُواْمِنْ مِيڧَ هَدَايُ نَڧُواْنَاوَا دَ نَهَڟِ دَ نَڠَرَنْ زُمُنْثِ، بَنْدَ بَغَدٜىٰنْ يَهْوٜىٰهْ اللَّهْ نْمُ وَنْدَ يَكٜىٰ أَغَبَنْ تٜىٰنْتِنْسَ؞»

30ڢِنٜىٰهَسْ ڢِرِسْتِ دَ شُوغَبَنِّنْ جَمَعَرْ إِسْرَٰٓءِيلَ، وَتُواْ شُوغَبَنِّ غُواْمَ نَدَنْ‌غِنْ إِسْرَٰٓءِيلَاوَا، سُكَجِ مَغَنَرْ مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ؞ دَ سُكَجِ وَنَّنْ بَيَانِ، سَيْ سُكَ غَانٜىٰ سُكَ كُمَجِ دَاطِے؞

31ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ يَأَمْسَا وَمُتَنٜىٰنْ رَعُبَيْنُ دَ مُتَنٜىٰنْ غَدْ دَ مُتَنٜىٰنْ رَبِنْ ذُرِيَرْ مَنَسّٜىٰ «يَوْ مُنْ سَنْ يَهْوٜىٰهْ يَنَ تَرٜىٰدَمُو؞ بَكُ تَيَرْ مَسَ عَثِكِنْ وَنَّنْ ذَنْثٜىٰبَ؞ يَنْذُ كُنْ ثٜىٰثِ إِسْرَٰٓءِيلَ دَغَ حَنُّنْ يَهْوٜىٰهْ ؞»

32سَعَنً ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ دَ شُوغَبَنِّنْ سُكَ بَرْ مُتَنٜىٰنْ رَعُبَيْنُ دَ غَدْ عَڧَسَرْ غِلٜىٰيَدْ، سُكَ كُواْمَ ڧَسَرْ كَنْعَنَ سُكَ كَيْ وَ إِسْرَٰٓءِيلَاوَا رَهُواْتُوانْ أَبِنْدَ سُكَجِ؞

33مُتَنٜىٰنْ إِسْرَٰٓءِيلَ كُوَ سُكَجِ دَاطِنْ رَهُواْتُوانْ، سُكَ يَبِے اللَّهْ ؞ بَسُ سَاكٜىٰيِنْ ذَنْثٜىٰنْ ذُوَا يَاڧِ دُواْمِنْ سُهَلَّكَ ڧَسَرْدَ مُتَنٜىٰنْ رَعُبَيْنُ دَ مُتَنٜىٰنْ غَدْ سُكٜىٰ ذَمَبَ؞

34مُتَنٜىٰنْ رَعُبَيْنُ دَ مُتَنٜىٰنْ غَدْ سُكَسَا وَبَغَدٜىٰنْ سُنَ شَيْدَ، غَمَا إِنْجِيسُ «بَغَدٜىٰنَّنْ شَيْدَ نٜىٰ أَڟَكَانِنْمُ ثٜىٰوَ يَهْوٜىٰهْ شِينٜىٰ اللَّهْ ؞»

← Chapter 21 Jump to: Chapter 23 →