Joshua 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1يَهْوٜىٰهْ كُوَ يَعُمَرْثِ مُتَنٜىٰنْ إِسْرَٰٓءِيلَ كَدَ سُطَوْكِ وَنِ أَبُ أَ يٜىٰرِكُواْ دَغَ أَبُبُوَنْ دَ عَكَ كٜىٰٻٜىٰسُ دُواْمِنْ هَلَّكَرْوَ، عَمَّا بَسُيِ بِيَيَّبَ؞ وَنِ مُتُمْ وَتُواْ، عَكَنْ طَنْ كَرْمِ، جِيكَنْ ظَبْدِ نَدَنْ‌غِنْ ظٜىٰرَ دَغَ ذُرِيَرْ يَهُودَ، يَطَوْكِ وَطَنْسُ أَبُبُوَ؞ سَيْ يَهْوٜىٰهْ يَيِ ڢُشِے دَ مُتَنٜىٰنْ إِسْرَٰٓءِيلَ؞

2يُواْشُوَ كُوَ يَعَيْكَ وَطَنْسُ مُتَنٜىٰ دَغَ يٜىٰرِكُواْ ذُوَا أَيْ، بِرْنِنْ دَيَكٜىٰ غَبَسْ دَ بٜىٰتٜىٰلْ كُسَدَ بٜىٰتَوٜىٰنْ، يَثٜىٰ مُسُ «كُتَڢِے كُلٜىٰڧِ أَسِيرِنْ ڧَسَرْ؞» سَيْ كُمَ مُتَنٜىٰنْ سُكَ تَڢِے سُكَ لٜىٰڧُواْ أَسِيرِنْ أَيْ؞

3سَعَدَّ سُكَ كُواْمَ وُرِنْ يُواْشُوَ دَ لَابَرِ، سُكَثٜىٰ مَسَ «بَ دُكَنْ مُتَنٜىٰنٜىٰ ذَاسُ تَڢِسُ يَاڧِ مُتَنٜىٰنْ أَيْبَ؞ سَيْ كَعَيْكِ مُتَنٜىٰ وَجٜىٰنْ دُبُو بِيُ كُواْ دُبُو عُكُ سُجٜىٰ، كَدَ أَوَهَلَرْ دَ دُكَنْ مُتَنٜىٰ سُيِ يَاڧِ، غَمَا بَ بَبَّنْ بِرْنِ بَنٜىٰ؞»

4سَيْ مُتَنٜىٰ وَجٜىٰنْ دُبُو عُكُ سُكَ تَڢِے سُيَاڧِ أَيْ؞ عَمَّا مُتَنٜىٰنْ أَيْ سُكَ كُواْرٜىٰسُ؞

5مُتَنٜىٰنْ أَيْ سُكَ كَشٜىٰ وَجٜىٰنْ مُتَنٜىٰ تَلَاتِنْ دَ شِدَ دَغَ ثِكِنْ سُواْجُواْجِنْ إِسْرَٰٓءِيلَ، سُكَ كُواْرٜىٰسُ سُكَبِيسُ دَغَ ڧُواْڢَرْ غَرِنْ حَرْ ذُوَا ثَنْ شٜىٰبَرِمْ، سُكَ كُوَ كَكَّشٜىٰسُ أَوُرِنْ غَنْ‌غَرَ؞ ظُكَاتَنْ مُتَنٜىٰنْ إِسْرَٰٓءِيلَ سُكَ نَرْكٜىٰ، سُكَ ذَمَ كَمَرْ ضُوَ؞

6سَيْ يُواْشُوَ دَ شُوغَبَنِّنْ إِسْرَٰٓءِيلَ سُكَ يَيَّاغٜىٰ رِيغُنَنْسُ سُكَ كُمَ ڢَاطِ دَ ڢُسْكَرْسُ حَرْ ڧَسَا أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ ؞ سُكَ ݣُونْتَ أَوُرِنْ حَرْ يَمَّ، سُكَ ظُبَ ڧُورَا عَكَنْسُ دُواْمِنْ سُنُونَ بَڧِنْ ثِكِ؞

7يُواْشُوَ يَثٜىٰ «كَيْتُوانْمُ، يَا عُبَنْ‌غِجِ يَهْوٜىٰهْ! مٜىٰيَسَا كَكَٰوُاْ وَطَنَّنْ مُتَنٜىٰ أَوَنَّنْ ڧٜىٰتَرٜىٰنْ كُواْغِنْ يُواْدَنْ؟ نُڢِنْكَ كَبَاشٜىٰمُ غَ حَنُّنْ أَمُواْرِيَاوَا سُهَلَكَامُ كٜىٰنَنْ؟ دُوانْمٜىٰ بَمُيِ حَڧُرِ مُذَوْنَ أَوَنْثَنْ ڧٜىٰتَرٜىٰنْ يُواْدَنْبَ؟

8يَا عُبَنْ‌غِجِ ، مٜىٰ ذَنْ ڢَطَا يَنْذُ دَ مُتَنٜىٰنْ إِسْرَٰٓءِيلَ سُكَ غُدُ سُكَجَا بَايَ دَغَ أَبُواْكَنْ غَابَنْسُ؟

9غَمَا مُتَنٜىٰنْ كَنْعَنَ دَ سَوْرَنْ مَذَوْنَنْ ڧَسَا ذَاسُجِ لَابَرِنْ؞ ذَاسُ كٜىٰوَيٜىٰمُ سُشَرٜىٰ سُونَنْمُ دَغَ دُونِيَا؞ تُواْ، مٜىٰ كُمَ ذَاكَيِ غَمٜىٰدَ سُونَنْكَ مَيْغِرْمَ؟»

10يَهْوٜىٰهْ يَثٜىٰ وَ يُواْشُوَ «تَاشِ! دُوانْمٜىٰ كَڢَاطِ دَ ڢُسْكَرْكَ حَرْ ڧَسَا حَكَ؟

11جَمَعَرْ إِسْرَٰٓءِيلَ سُنْيِ ذُنُوبِ! سُنْ كَرْيَ يَرْجٜىٰجٜىٰنِيَتَ، وَدَّ نَعُمَرْثٜىٰسُ سُكِيَايٜىٰ؞ سُنْ طَوْكَ دَغَ ثِكِنْ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ؞ سُنْ سَاثٜىٰسُ، سُنْيِ ڧَضْيَا، سُكَ أَجِيٜىٰ عَثِكِنْ كَايَنْسُ؞

12سَبُواْدَ وَنَّنْ ذُنُوبِ نٜىٰ جَمَعَرْ إِسْرَٰٓءِيلَ بَسُ عِيَ ڟَيَاوَا أَغَبَنْ أَبُواْكَنْ غَابَنْسُبَ؞ سُكَ جُويَا سُكَ غُدُ دَغَ غَبَنْسُ، غَمَا يَنْذُ سُو كَنْسُ سُكَ ذَمَ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ؞ بَذَنْ كَسَنْثٜىٰ تَرٜىٰدَكُوبَ كُمَ، سَيْ كُنْ هَلَّكَ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ دَغَ ثِكِنْكُ؞

13تَاشِ! كَكٜىٰٻٜىٰ مُتَنٜىٰ دَ ڟَرْكِے؞ كَڢَطَا مُسُ سُكٜىٰٻٜىٰ كَنْسُ دَ ڟَرْكِے دُواْمِنْ غُواْبٜىٰ؞ غَمَا غَا أَبِنْدَ نِے يَهْوٜىٰهْ اللَّهْ نَ إِسْرَٰٓءِيلَ نَثٜىٰ، ‹يَا إِسْرَٰٓءِيلَ، كُنَ رِڧٜىٰ دَ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ أَڟَكِيَرْكُ؞ بَذَاكُ عِيَ ڟَيَاوَا أَغَبَنْ أَبُواْكَنْ غَابَنْكُ بَ، سَيْ كُنْ كَوَرْدَ وَطَنَّنْ أَبُبُوَ؞

14دَسَڢٜىٰ ذَاكُذُواْ غَبَنَ، كُجٜىٰرَ كَنْكُ ذُرِيَ ذُرِيَ؞ ذُرِيَرْ دَ يَهْوٜىٰهْ يَوَارٜىٰ، ذَاتَذُواْ غَبَ دَنْ‌غِ دَنْ‌غِ؞ دَنْ‌غِنْ دَ يَهْوٜىٰهْ يَوَارٜىٰ، ذَيْذُواْ غَبَ عِيَلِ عِيَلِ؞ عِيَلِنْ دَ يَهْوٜىٰهْ يَاوَارٜىٰ، ذَيْذُواْ غَبَ مُتُمْ مُتُمْ؞

15وَنْدَ عَكَ سَامٜىٰشِ تَرٜىٰدَ وَطَنَّنْ كَايَنْ دَ عَكَ كٜىٰٻٜىٰ دُواْمِنْ هَلَّكَرْوَ، ذَاعَ ڢِتَرْ دَشِ عَڧُواْنٜىٰشِ دَ وُتَا، تَرٜىٰدَ عِيَلِنْسَ دَ دُكَنْ أَبِنْدَ يَكٜىٰدَشِ؞ غَمَا يَيِ مُومُّنَنْ أَبِنْ كُنْيَا تَوُرِنْ كَرْيَ يَرْجٜىٰجٜىٰنِيَرْ دَ يَهْوٜىٰهْ يَيِ دَ إِسْرَٰٓءِيلَ؞› »

16يُواْشُوَ كُوَ يَتَاشِ دَ سَسَّڢٜىٰ، سَيْ يَكَٰوُاْ مُتَنٜىٰنْ إِسْرَٰٓءِيلَ ذُرِيَ ذُرِيَ، عَكَ كُوَ وَارٜىٰ ذُرِيَرْ يَهُودَ؞

17يَكَٰوُاْ ذُرِيَرْ يَهُودَ غَبَ دَنْ‌غِ دَنْ‌غِ، سَيْ عَكَ وَارٜىٰ دَنْ‌غِنْ ظٜىٰرَ؞ يَكُمَ كَٰوُاْ دَنْ‌غِنْ ظٜىٰرَ غَبَ عِيَلِ عِيَلِ، سَيْ عَكَ وَارٜىٰ عِيَلِنْ ظَبْدِ؞

18يَكُوَ كَٰوُاْ عِيَلِنْ ظَبْدِ غَبَ مُتُمْ مُتُمْ، سَيْ عَكَ وَارٜىٰ عَكَنْ طَنْ كَرْمِ جِيكَنْ ظَبْدِ دَغَ دَنْ‌غِنْ ظٜىٰرَ نَظُرِيَرْ يَهُودَ؞

19سَيْ يُواْشُوَ يَثٜىٰ وَ عَكَنْ «طَانَ، كَغَيَ مِنِ غَسْكِيَ كَكُمَ ڢُرْتَ أَغَبَنْ يَهْوٜىٰهْ اللَّهْ نَ إِسْرَٰٓءِيلَ؞ كَغَيَ مِنِ يَنْذُ أَبِنْدَ كَيِ، كَدَ كَٻُواْيٜىٰ مِنِ؞»

20عَكَنْ كُوَ يَأَمْسَا وَ يُواْشُوَ يَثٜىٰ «غَسْكِيَانٜىٰ، نَايِ وَ يَهْوٜىٰهْ اللَّهْ نَ إِسْرَٰٓءِيلَ ذُنُوبِ؞ غَا أَبِنْدَ نَيِ؞

21عَثِكِنْ أَبُبُوَنْ دَ مُكَ ݣُوشٜىٰ، سَيْ نَغَ وَتَ رِغَا مَيْݣَوْ إِرِنْ تَ بَابِيلَ دَ أَظُرْڢَا وَجٜىٰنْ كِلُواْ بِيُ دَ كُمَ سَنْدَا نَظِنَرِيَ مَيْ نَوْيِنْدَ يَڢِ رَبِنْ كِلُواْ؞ نَسُواْسُ سُواْسَيْ، سَيْ نَݣُوشٜىٰسُ نَٻُواْيٜىٰ؞ غَا سُو أَبِنّٜىٰ عَڧَسَا عَثِكِنْ تٜىٰنْتِنَ، تَرٜىٰدَ أَظُرْڢَا عَڧَرْڧَشِ؞»

22سَيْ يُواْشُوَ يَعَيْكَ دَ وَطَنْسُ مُتَنٜىٰ، سُكَ شٜىٰڧَ دَ غُدُ ذُوَا تٜىٰنْتِنْ، سُكَ تَرَرْ دَ أَبُبُوَنْ دَ عَكَ حَنَ ثِكِنْ تٜىٰنْتِنْسَ أَبِنّٜىٰ، تَرٜىٰدَ أَظُرْڢَا عَڧَرْڧَشِ؞

23سُكَ ڢِتَرْ دَسُو دَغَ تٜىٰنْتِنْ، سُكَ ݣُوشٜىٰ سُكَ كَٰوُاْوَ يُواْشُوَ دَ كُمَ دُكَنْ مُتَنٜىٰنْ إِسْرَٰٓءِيلَ، سُكَ شِمْڢِطَاسُ أَغَبَنْ يَهْوٜىٰهْ ؞

24يُواْشُوَ تَرٜىٰدَ دُكَنْ مُتَنٜىٰنْ إِسْرَٰٓءِيلَ سُكَ طَوْكِ عَكَنْ طَنْ ظٜىٰرَ دَ أَظُرْڢَا دَ رِغَا مَيْݣَوْ دَ سَنْدَنْ ظِينَارِيَ، سُكَ كَٰوُاْسُ أَ ݣُورِنْ عَكُوارْ، وَتُواْ ݣُورِنْ عَذَابَ؞ سُكَ كُمَ طَوْكِ یَیَنْسَ مَاتَادَ مَظَا دَ شَانُنْسَ دَ جَاكُنَنْسَ دَ تُمَكِنْسَ دَ تٜىٰنْتِنْسَ دَ كُمَ دُكَنْ سَوْرَنْ أَبُبُوَنْ دَ يَكٜىٰدَسُو؞

25سَيْ يُواْشُوَ يَثٜىٰ «دُوانْمٜىٰ كَجَٰوُاْ وَهَلَ عَكَنْمُ؟ كَيْ مَا، يَهْوٜىٰهْ ذَيْ كَٰوُاْ وَهَلَ عَكَنْكَ يَوْ!» سَيْ دُكَنْ مُتَنٜىٰنْ إِسْرَٰٓءِيلَ سُكَ جٜىٰجّٜىٰڢِ عَكَنْ دَ دُوَڟُو حَرْ مُتُوَ؞ سُكَ كُمَ جٜىٰجّٜىٰڢِ عِيَلِنْسَ، سُكَ ڧُواْنٜىٰسُ دَ كَايَنْسُ دَ وُتَا؞

26سُكَ تَارَ تُلِنْ دُوَڟُو عَكَنْسُ؞ تُلِنْ دُووَڟُنْ كُوَ يأَنَانً هَرْوَيَوْ؞ بَايَنْ وَنَّنْ سَيْ ڢُشِنْ يَهْوٜىٰهْ يَݣُونْتَ؞ دُواْمِنْ حَكَنٜىٰ عَكٜىٰكِرَنْ وَنَّنْ وُرِے دَ سُونَ ݣُورِنْ عَذَابَ هَرْوَيَوْ؞

← Chapter 6 Jump to: Chapter 8 →