Joshua 8

Hausa Arabic 2020 (أَتَّوْرَتْ دَ أَنَّبَاوَا)

1يَهْوٜىٰهْ كُمَ يَثٜىٰ وَ يُواْشُوَ «كَدَ كَجِڟُواْرُواْ كُواْ كَڢِدَّ ذُوثِيَا؞ سَيْ كَطَوْكِ دُكَنْ سُواْجُواْجِ، كَتَاشِ، كَتَڢِے أَيْ كَڢَاطَ مُسُ دَ يَاڧِ؞ غَاشِ، نَارِغَا نَا بَادَ سَرْكِنْ أَيْ دَ دُكَنْ مُتَنٜىٰنْسَ دَ غَرِنْسَ دَ ڧَسَرْسَ أَهَنُّنْكَ؞

2ذَاكَيِ وَ أَيْ دَ سَرْكِنْتَ أَبِنْدَ كَيِ وَ يٜىٰرِكُواْ دَ سَرْكِنْتَ، عَمَّا وَنَّنْ لُواْكَثِ ذَاكُ عِيَ ݣُوشِ كَايَنْتَ دَ دَبُّواْبِنْتَ دُواْمِنْ سُذَمَ نَاكُ؞ كُيِ شِرِ كُيِ وَغَرِنْ ݣُونْتُوانْ ٻَوْنَ دَغَ بَايَنْ غَرِنْ؞»

3سَيْ يُواْشُوَ يَتَاشِ تَرٜىٰدَ دُكَنْ سُواْجُواْجِنْسَ ذُوَا أَيْ؞ يُواْشُوَ كُوَ يَذَاٻِ سُواْجُواْجِ مَڢِيَ عِيَ يَاڧِ غُدَا دُبُو تَلَاتِنْ، يَعَيْكٜىٰسُ دَ دَرٜىٰ؞

4يَ عُمَرْثٜىٰسُ يَثٜىٰ «كُتَڢِے كُٻُيَ عَبَايَنْ غَرِنْ، عَمَّا بَذَاكُيِ نِيسَ دَغَ غَرِنْ سُواْسَيْ بَ، كُذَمَ دَ شِرِنْ كَيْ هَرِ؞

5نِے دَ دُكَنْ مُتَنٜىٰنْ دَسُكٜىٰ تَرٜىٰدَنِ، ذَامُجٜىٰ كُسَدَ غَرِنْ؞ سَعَدَّ مُتَنٜىٰنْ أَيْ سُكَ ڢِتُواْ دُواْمِنْ سُيَاڧٜىٰمُ كَمَرْ يَدَّ سُكَيِ أَدَا، ذَامُ جُويَا مُغُدُ كَمَرْ يَدَّ مُكَيِ دَ ڢَرْكُواْ؞

6ذَاسُ كُوَ ڢِتُواْ سُبِيمُ، حَرْ سَيْ مُنْ جَنْيٜىٰسُ نٜىٰسَ دَ غَرِنْ؞ ذَاسُيِ ڟَمَّنِ ثٜىٰوَ مُنَ غُدُ دَغَ غَرٜىٰسُ كَمَرْ يَدَّ دَا مُكَيِ؞

7كُو كُوَ سَيْ كُتَاشِ دَغَ وُرِنْ ٻُيَنْكُ، كُثِ غَرِنْ؞ غَمَا يَهْوٜىٰهْ اللَّهْ نْكُ ذَيْبَادَ غَرِنْ أَ حَنُّنْكُ؞

8سَعَدَّ كُكَثِ غَرِنْ، سَيْ كُسَا وَغَرِنْ وُتَا؞ كُيِ بِيَيَّ ڢَا دَ وَنَّنْ عُمَرْنِنْ يَهْوٜىٰهْ دَ نَڢَطَا مُكُ؞»

9سَيْ يُواْشُوَ يَسَلَّمٜىٰسُ، سُكَ تَڢِے وُرِنْ دَ ذَاسُيِ ݣُونْتُوانْ ٻَوْنَ، سُكَجِرَا ڟَكَانِنْ بٜىٰتٜىٰلْ دَ أَيْ، تَوَجٜىٰنْ يَمَّ دَ أَيْ؞ يُواْشُوَ كُوَ يَݣُونَ تَرٜىٰدَ مُتَنٜىٰنْسَ؞

10يُواْشُوَ يَتَاشِ دَ سَسَّڢٜىٰ يَتَتَّارَ سُواْجُواْجِنْسَ؞ سَيْ شِ دَ شُوغَبَنِّنْ مُتَنٜىٰنْ إِسْرَٰٓءِيلَ سُكَ تَڢِے سُكَ وُثٜىٰ ذُوَا غَبَ، سُكَبِدَ سُواْجُواْجِ ذُوَا أَيْ؞

11دُكَنْ سُواْجُواْجِنْ دَسُكٜىٰ تَرٜىٰ دَشِ، سُكَ تَڢِے كُسَدَ غَرِنْ سُكَ كَڢَ سَنْسَنِنْ يَاڧِ أَغٜىٰڢٜىٰنْ أَرٜىٰوَ دَ أَيْ؞ ڟَكَانِنْسُ دَ أَيْ أَݣَويْ ݣُورِ؞

12يُواْشُوَ يَذَاٻِ مُتَنٜىٰ وَجٜىٰنْ دُبُو بِيَرْ يَكُمَسَا سُكَ ٻُيَ ڟَكَانِنْ بٜىٰتٜىٰلْ دَ أَيْ، تَوَجٜىٰنْ يَمَّ دَ غَرِنْ؞

13سُواْجُواْجِنْ سُكَ كَڢَ سَنْسَنِنْسُ أَرٜىٰوَ دَ غَرِنْ أَ جٜىٰرٜىٰ دُواْمِنْ يَاڧِ، مَاسُ ݣُونْتُوانْ ٻَوْنَ كُوَ سُنَ يَمَّ دَ غَرِنْ؞ عَمَّا يُواْشُوَ يَݣُونَ عَݣُورِنْ؞

14سَعَدَّ سَرْكِنْ أَيْ يَغَ سُواْجُواْجِنْ يُواْشُوَ، يَطَوْكِ مَتَاكِ دَ سَوْرِ؞ شِے دَ دُكَنْ مُتَنٜىٰنْسَ سُكَ ڢِتَ ذُوَا وَجٜىٰنْ ݣُورِنْ يُواْدَنْ دُواْمِنْ سُيَاڧِ مُتَنٜىٰنْ إِسْرَٰٓءِيلَ أَوُرِنْ دَ دَا سُكَيِ يَاڧِ؞ عَمَّا سَرْكِنْ بَيْسَنْ أَݣَويْ یَنْ ݣُونْتُوانْ ٻَوْنَ عَبَايَنْ غَرِنْبَ؞

15سَيْ يُواْشُوَ دَ دُكَنْ مُتَنٜىٰنْسَ سُكَ رُوطٜىٰسُ، سُكَيِ تَجَنْ بَايَ سُكَ رُوغَ دَ غُدُ ذُوَا دَاجِ؞

16سَبُواْدَ حَكَ، عَكَ كِرَا دُكَنْ مُتَنٜىٰنْ دَسُكٜىٰ ثِكِنْ بِرْنِنْ سُتَارُ سُبِيسُ؞ سُكَبِے مُتَنٜىٰنْ إِسْرَٰٓءِيلَ، تَهَكَ عَكَجَاسُ نٜىٰسَ دَ غَرِنْ؞

17بَا وَنِ مُتُمِنْدَ يَرَغُ عَثِكِنْ أَيْ كُواْ بٜىٰتٜىٰلْ وَنْدَ بَيْڢِتَ دُواْمِنْ يَبِے سُواْجُواْجِنْ إِسْرَٰٓءِيلَ بَ؞ سُكَبَرْ ڧُواْڢُواْڢِنْ غَرِنْ عَبُوطٜىٰ سُكَبِے سُواْجُواْجِنْ إِسْرَٰٓءِيلَ؞

18سَيْ يَهْوٜىٰهْ يَثٜىٰ وَ يُواْشُوَ «كَمِيڧَ مَاشِنْ دَيَكٜىٰ حَنُّنْكَ وَجٜىٰنْ أَيْ، غَمَا نَا بَادَ عِتَ أَ حَنُّنْكَ؞» يُواْشُوَ كُوَ يَيِ يَدَّ عَكَ ڢَطَا مَسَ؞

19دَظَرَرْ يُواْشُوَ يَمِيڧَ حَنُّنْسَ، یَنْ ݣُونْتُوانْ ٻَوْنَ سُكَتَاشِ أَغُجٜىٰ، سُكَ رُوغَ دَ غُدُ ذُوَا ثِكِنْ غَرِنْ سُكَ كُوَثِشِ؞ سُكَيِ سَوْرِ سُكَسَا وَغَرِنْ وُتَا؞

20سَعَدَّ مُتَنٜىٰنْ أَيْ سُكَ دُوبِے بَايَ، سُكَغَ هَيَاڧِنْ غَرِنْ يَنَ تَاشِ ذُوَا سَمَ؞ بَابُوَتَ حَنْيَ كُمَ وَدَّ ذَاسُ ڟِيرَا، سَبُواْدَ مُتَنٜىٰنْ إِسْرَٰٓءِيلَ وَطَنْدَ سُكٜىٰ غُدُ ذُوَا دَاجِ، سُكَ جُويَا دُواْمِنْ سُڢَاطَ مُسُ دَ يَاڧِ؞

21غَمَا سَعَدَّ يُواْشُوَ دَ دُكَنْ إِسْرَٰٓءِيلَاوَا سُكَغَ وَطَنْدَ سُكَ ٻُيَ سُنْ رِغَا سُنْثِ غَرِنْ، هَيَاڧِے نَغَرِنْ كُمَ يَنَ تَتَاشِ ذُوَا سَمَ، سَيْ سُكَ جُويَا كَنْ مُتَنٜىٰنْ أَيْ، سُكَ كَكَّشٜىٰسُ؞

22إِسْرَٰٓءِيلَاوَنْ دَ سُكَثِ غَرِنْ سُكَ ڢِتُواْ دَغَ غَرِنْ سُكَ ڢَاطَ مُسُ دَ يَاڧِ؞ سَيْ مُتَنٜىٰنْ أَيْ سُكَ سَامِ كَنْسُ أَڟَكِيَرْ إِسْرَٰٓءِيلَاوَا غَبَ دَ بَايَ؞ إِسْرَٰٓءِيلَاوَا كُوَ سُكَ كَكَّشٜىٰسُ، بَاوَنْدَ يَڟِيرَا كُواْ يَغُدُ دَغَ غَرٜىٰسُ؞

23عَمَّا سُكَ كَامَ سَرْكِنْ أَيْ دَ رَيْ، سُكَ كَٰوُاْشِ وُرِنْ يُواْشُوَ؞

24سَعَدَّ إِسْرَٰٓءِيلَاوَا سُكَ غَمَ كَكَّشٜىٰ مَذَوْنَنْ أَيْ أَ ڢِيلَيٜىٰ دَ كُمَ دَاجِ عِنْدَ سُكَ كُواْرٜىٰسُ، سَيْ إِسْرَٰٓءِيلَاوَا سُكَ كُواْمَ أَيْ، سُكَ كُمَ كَكَّشٜىٰ وَطَنْدَ سُكٜىٰ ثِكِنْتَ؞

25أَ رَانَرْ نَنْ أَنْ‌غَمَ دَ مُتَنٜىٰنْ أَيْ، مُتُمْ دُبُو غُواْمَشَا بِيُ نٜىٰ، مَظَا دَ مَاتَا؞

26غَمَا يُواْشُوَ بَيْ جَنْيٜىٰ حَنُّنْسَ وَنْدَ يَمِيڧَ مَاشِ دَشِيبَ، سَيْ دَ يَغَمَ هَلَّكَ دُكَنْ وَطَنْدَ عَكَ كٜىٰٻٜىٰ غَ يَهْوٜىٰهْ دُواْمِنْ هَلَّكَرْوَ، دُكَنْ مَذَوْنَنْ أَيْ؞

27سَيْ دَبُّواْبِے دَ كَايَيَّكِ نَغَرِنْ نٜىٰ كَطَيْ سُكَ ضَغٜىٰ، إِسْرَٰٓءِيلَاوَا كُوَ سُكَ ݣُوشٜىٰ بِسَغَ يَدَّ يَهْوٜىٰهْ يَعُمَرْثِ يُواْشُوَ؞

28يُواْشُوَ يَڧُواْنٜىٰ أَيْ، بَيْ بَرْ كُواْمٜىٰبَ؞ سَيْ غِدَاجٜىٰنْ دَ عَكَ ڧُواْنٜىٰ دَ كُمَ عَكَ رُرُّشٜىٰ سُنْ ذَمَ كُڢَيْ؞ حَكَ يَكٜىٰ هَرْوَيَوْ؞

29يَرَاتَيٜىٰ سَرْكِنْ أَيْ عَكَنْ إِتَاثٜىٰ يَكُمَ بَرْ غَاوَرْسَ حَرْ يَمَّ؞ دَيْدَيْ ڢَاطُوَرْ رَانَ، يُواْشُوَ يَبَادَ عُمَرْنِ سُجٜىٰ سُطَوْكِ غَاوَا دَغَ إِتَاثٜىٰنْ سُجٜىٰڢَرْ دَشِ عَڧُواْڢَرْ غَرِنْ؞ سُكَ رُڢٜىٰ غَاوَا دَ تُلِنْ دُوَڟُو مَيْ يَوَ، وَنْدَ يأَنَانً هَرْوَيَوْ؞

30سَيْ يُواْشُوَ يَغِنَ وَ يَهْوٜىٰهْ اللَّهْ نَ إِسْرَٰٓءِيلَ بَغَدٜىٰ عَكَنْ بَبَّنْ تُدُنْ عٜىٰبَلْ؞

31يَيِشِ كَمَرْ يَدَّ دَا مُوسَٰى بَاوَنْ يَهْوٜىٰهْ يَعُمَرْثِ إِسْرَٰٓءِيلَاوَا؞ يَغِنَ بَغَدٜىٰنْ بِسَغَ أَبِنْدَ يَكٜىٰ أَرُبُوثٜىٰ ثِكِنْ لِتَّڢِنْ كُواْيَرْوَرْ مُوسَٰى ثٜىٰوَ «أَغِنَ بَغَدٜىٰنْ دَ دُووَڟُنْ دَ بَعَتَٻَ سَسَّڧَ بَ، بَعَكُمَ تَٻَ دَ كَايَنْ عَيْكِ نَڧَرْڢٜىٰبَ؞» عَكَنْسَ كُوَ سُكَ مِيڧَ هَدَايُ نَڧُواْنَاوَا غَ يَهْوٜىٰهْ ، سُكَ كُمَ مِيڧَ هَدَايُ نَڠَرَنْ زُمُنْثِ؞

32أَوَنَّنْ وُرِے نٜىٰ أَعِدُوانْ إِسْرَٰٓءِيلَاوَا، يُواْشُوَ يَرُبُوتَ كُواْيَرْوَرْ مُوسَٰى عَكَنْ دُوَڟُو؞

33دُكَنْ إِسْرَٰٓءِيلَاوَا، بَاڧِ دَ یَنْ غِدَا، تَرٜىٰدَ دَتَّاوَنْسُ دَ شُوغَبَنِّنْسُ دَ كُمَ مَاسُ شَرِيعَ سُكَ ڟَيَ أَغٜىٰڢٜىٰ بِيُ نَأَݣُوتِنْ يَرْجٜىٰجٜىٰنِيَ نَ يَهْوٜىٰهْ ، سُنَ ڢُسْكَنْتَرْ ڢِرِسْتُواْثِے، ذُرِيَرْ لَوِ، مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ؞ رَبِنْ مُتَنٜىٰنْ سُكَ ڟَيَ أَغَبَنْ بَبَّنْ تُدُنْ غٜىٰرِظِمْ، رَبِنْسُ كُمَ سُكَ ڟَيَ أَغَبَنْ بَبَّنْ تُدُنْ عٜىٰبَلْ؞ حَكَ يَهْوٜىٰهْ يَعُمَرْثِ مُوسَٰى أَدَا، ثٜىٰوَ يَسَا مُتَنٜىٰ سُڟَيَ حَكَ أَ لُواْكَثِنْ دَ ذَاعَ سَا مُسُ أَلْبَرْكَ؞

34بَايَنْ حَكَ يُواْشُوَ يَكَرَنْتَ دُكَنْ كَلْمُواْمِنْ دَسُكٜىٰ ثِكِنْ لِتَّڢِنْ كُواْيَرْوَرْ مُوسَٰى، دَ أَلْبَرْكُ دَ لَعَنَ، كَمَرْ يَدَّ عَكَ رُبُوتَ ثِكِنْ نَطَطّٜىٰنْ لِتَّڢِنَّنْ؞

35بَابُوَتَ مَغَنَرْ دَ مُوسَٰى يَعُمَرْتَ وَدَّ يُواْشُوَ بَيْ كَرَنْتَ أَغَبَنْ دُكَنْ تَارُوانْ إِسْرَٰٓءِيلَاوَا بَ، تَرٜىٰدَ مَاتَنْسُ دَ یَیَنْسُ دَ كُمَ بَڧِنْ دَسُكٜىٰ ظَوْنٜىٰ تَرٜىٰدَسُو؞

← Chapter 7 Jump to: Chapter 9 →