Matthew 13

Hausa Arabic 2020 (أَتَّوْرَتْ دَ أَنَّبَاوَا)

1أَ رَانَرْ نَنْ عِيسَىٰ يَڢِتَ دَغَ غِدَنْ، يَجٜىٰ يَذَوْنَ عَبَاكِنْ تٜىٰكُ؞

2تَرُوانْ مُتَنٜىٰ دَيَوَ سُواْسَيْ سُكَ تَارُ كٜىٰوَيٜىٰ دَشِ، حَرْ سَيْ دَ يَشِغَ جِضْغٍ ضُوَ يَذَوْنَ، تَارُوانْ مُتَنٜىٰنْ كُمَ سُكَ ڟَيَ عَبَاكِنْ تٜىٰكُنْ؞

3سَيْ يَغَيَ مُسُ أَبُبُوَ دَيَوَ تَوُرِنْ مِصَلَيْ، يَثٜىٰ «وَنِ مَنُواْمِ يَجٜىٰ غُواْنَ دُواْمِنْ يَيِ شُوكَ؞

4يَنَ ثِكِنْ يَاڢَ إِرِ كٜىٰنَنْ، سَيْ وَطَنْسُ إِرِ سُكَ ڢَاطِ عَكَنْ حَنْيَ، سَيْ ڟُنْڟَيٜىٰ سُكَذُواْ سُكَ ثِنْيٜىٰسُ؞

5وَطَنْسُ كُمَ سُكَ ڢَاطِ أَوُرِے مَيْ دُوَڟُو عِنْدَ بَا ڧَسَا سُواْسَيْ؞ سُكَ ڟِرُواْ دَ سَوْرِ سَبُواْدَ ڧَسَرْ وُرِنْ بَا ظُرْڢِ؞

6دَ رَانَ تَيِ ذَاڢِ سَيْ تَڧُواْنٜىٰسُ، حَرْ سُكَ بُوشٜىٰ، غَمَا بَسُ دَ سَيْوَ سُواْسَيْ؞

7وَطَنْسُ كُمَ سُكَ ڢَاطِ أَوُرِنْ دَ أَݣَويْ ڧَيَ، سَيْ ڧَيَرْ تَتَاشِ تَشَا ڧَرْڢِنْسُ؞

8وَطَنْسُ كُمَ سُكَ ڢَاطِ عَڧَسَا مَيْݣَوْ، سُكَيِ ڟَابَ طَرِے طَرِے، وَطَنْسُ سِتِّنْ سِتِّنْ، وَطَنْسُ كُمَ تَلَاتِنْ تَلَاتِنْ؞

9بَرِ مَيْكُنّٜىٰنْجِ، يَجِ؞»

10سَيْ أَلْمَجِرَنْ عِيسَىٰ سُكَذُواْ سُكَثٜىٰ مَسَ «دُوانْمٜىٰ كَكٜىٰيِ مُسُ مَغَنَ دَ مِصَلَيْ؟»

11يَأَمْسَ مُسُ يَثٜىٰ «كُو دَيْ أَنْيَرْدَ مُكُ كُغَانٜىٰ أَسِيرِنْ مُلْكٍ سَمَ، عَمَّا سُو بَعَبَاسُبَ؞

12غَمَا وَنْدَ يَكٜىٰدَ أَبُ ذَاعَ ڧَارَ مَسَ حَرْ يَيَلْوَتَ سُواْسَيْ، عَمَّا وَنْدَ بَاشِدَ كُواْمٜىٰ، ذَاعَ كَرْٻِ طَنْ كَطَنْ طِنْ دَ يَكٜىٰدَشِ؞

13أَبِنْدَ يَسَا نَكٜىٰيِ مُسُ مَغَنَ دَ مِصَلَيْ شِينٜىٰ، « ‹غَمَا كُواْ سُنْ دُوبَ بَاسَ غَنِ، كُواْ سُنْ سَوْرَرَ بَاسَجِ؞ بَاسَ كُمَ غَانٜىٰوَ؞›

14«لَلَّيْ أَنَّبْثِنْ عِشَايَ يَا ثِكَ عَكَنْسُ ثٜىٰوَ ‹ذَاكُيِ تَجِ كَمْ، عَمَّا بَذَاكُ غَانٜىٰبَ سَمْ، ذَاكُيِ تَدُوبَاوَ كُمَ، عَمَّا بَذَاكُ ڢَهِمْتَبَ سَمْ؞

15غَمَا ذُوثِيَارْ مُتَنٜىٰنَّنْ تَيِ تَوْرِ، كُنُّوَنْسُ كُمَ بَاسَجِ؞ سُنْ كُمَ رُڢٜىٰ عِدَنُونْسُ، دُواْمِنْ كَدَ سُغَنِ دَ عِدَنُونْسُ، كَدَ كُمَ سُجِ دَ كُنُّوَنْسُ، دُواْمِنْ كَدَ سُغَانٜىٰ أَ ذُوثِيَارْسُ، حَرْ سُجُويُواْ وُرِينَ إِنْوَرْكَرْ دَسُو؞›

16«عِدَنُونْكُ مَاسُ أَلْبَرْكَ نٜىٰ غَمَا سُنَ غَنِ؞ كُنُّوَنْكُ مَا حَكَ غَمَا سُنَجِ؞

17حَڧِيڧَ إِنَغَيَ مُكُ، أَنَّبَاوَا دَ مَاسُ أَدَلْثِے دَيَوَ سُنْسُواْ سُغَ أَبِنْدَ كُكٜىٰ غَنِ، عَمَّا بَسُ غَنِبَ، سُكُمَجِ أَبِنْدَ كُكٜىٰجِ، عَمَّا بَسُجِبَ؞»

18«تُواْ، غَا أَبِنْدَ مِصَالِنْ مَيْ شُوكَ يَكٜىٰ نُڢِ؞

19عِدَنْ مُتُمْ يَجِ كَلْمَرْ مُلْكٍ سَعَنً بَيْ غَانٜىٰبَ، شَيْطَنْ يَكَنْذُواْ يَڨُوثٜىٰ أَبِنْدَ عَكَ شُوكَ عَثِكِنْ ذُوثِيَارْ مُتُمِنْ؞ وَنَّنْ شِينٜىٰ إِرِنْدَ يَڢَاطِ عَكَنْ حَنْيَ؞

20إِرِنْدَ يَڢَاطِ أَوُرِنْ دَ يَكٜىٰدَ دُوَڟُو كُوَ، شِينٜىٰ ݣُوتَنْثِنْ مُتُمْ وَنْدَ دَظَرَرْ يَا جِ كَلْمَرْ اللَّهْ ، سَيْ يَكَرْٻَ دَ ڢَضٍ ثِكِ؞

21عَمَّا دَيَكٜىٰ بَاشِدَ تُوشٜىٰ، بَيْ دَطٜىٰ سُواْسَيْبَ؞ سَعَدَّ عَذَابَ كُواْ ڟَنَنِ يَتَاشِ سَبُواْدَ وَنَّنْ كَلْمَرْ اللَّهْ ، سَيْ مُتُمِنْ يَجَا دَ بَايَ؞

22إِرِنْدَ يَڢَاطِ أَوُرِنْ دَ أَݣَويْ ڧَيَ كُمَ، شِينٜىٰ ݣُوتَنْثِنْ مُتُمِنْ دَ عِدَنْ يَا جِ كَلْمَرْ اللَّهْ ، سَيْ دَامُوَرْ دُونِيَا دَ سُوانْ أَرْزِڧِ سُحَنَ كَلْمَرْ غِرْمَ، حَرْ تَذَمَ بَاتَدَ أَمْڢَانِ؞

23إِرِنْدَ يَڢَاطِ عَڧَسَا مَيْݣَوْ كُمَ، شِينٜىٰ ݣُوتَنْثِنْ مُتُمِنْ دَ عِدَنْ يَا جِ كَلْمَرْ اللَّهْ يَكُمَ غَانٜىٰتَ، سَيْ يَيِ أَمْڢَانِ دَ عِتَ، حَرْ يَيِ رِيبَ، وَنِ طَرِے طَرِے، وَنِ سِتِّنْ سِتِّنْ، وَنِ كُمَ تَلَاتِنْ تَلَاتِنْ؞»

24عِيسَىٰ يَسَاكٜىٰبَاسُ وَنِ مِصَالِ يَثٜىٰ «ذَاعَ عِيَ ݣُوتَنْتَا مُلْكٍ سَمَ دَ مُتُمِنْدَ يَشُوكَ إِرِ مَيْݣَوْ أَغُواْنَرْسَ،

25عَمَّا لُواْكَثِنْ دَ كُواْوَ يَكٜىٰ بَرْثِ، سَيْ أَبُواْكِنْ غَابَنْسَ يَجٜىٰ يَشُوكَ وَتَ إِرِنْ ثِيَوَ أَغُواْنَرْ أَلْكَمَرْ، يَتَڢِے أَبِنْسَ؞

26دَ شُوكَرْ تَتَاشِ تَيِ ڟَابَ، سَيْ ثِيَوَرْ مَا تَتَاشِ؞

27سَيْ بَايِنْ مَيْغِدَنْ سُكَذُواْ سُكَثٜىٰ مَسَ، ‹مَيْغِدَا، أَشٜىٰ، بَ إِرِ مَيْݣَوْ كَشُوكَ أَغُواْنَرْكَبَ؟ تُواْ، يَيَ دُكْ ثِيَوَ تَڢِتُواْ أَوُرِنْ؟›

28«يَثٜىٰ مُسُ، ‹أَبُواْكِنْ غَابَنَ نٜىٰ يَيِ وَنَّنْ؞› «بَايِنْ سُكَثٜىٰ، ‹كَنَسُواْ مُجٜىٰ مُثِرٜىٰ ثِيَوَرْ؟›

29«عَمَّا يَثٜىٰ، ‹أَعَ، كَدَ غَرِنْ ثِرٜىٰ ثِيَوَرْ كُثِرٜىٰ تَرٜىٰدَ أَلْكَمَرْ؞

30بَرِ دُكَنْسُ سُيِ غِرْمَ تَرٜىٰ حَرْ لُواْكَثِنْ غِرْبِے، أَ لُواْكَثِنْ غِرْبِنْ ذَنْ غَيَ وَمَاسُ غِرْبِنْ سُڢَارَ ثِرٜىٰ ثِيَوَرْ سُتَارَ، سُطَطَّوْرٜىٰ، عَڧُواْنٜىٰ، عَمَّا عَتَارَ أَلْكَمَرْ أَ ظُبَ أَ ضُمْبُنَ؞› »

31عِيسَىٰ يَسَاكٜىٰبَاسُ وَنِ مِصَالِ، يَثٜىٰ «مُلْكٍ سَمَ كَمَرْ ڨُويَرْ مَسْتَدْ نٜىٰ وَنْدَ وَنِ مُتُمْ يَطَوْكَ يَشُوكَ أَغُواْنَرْسَ؞

32عِتَثٜىٰ تَاڢِ ڧَنْڧَنْتَ ثِكِنْ سَوْرَنْ إِرِ، عَمَّا عِدَنْ تَايِ غِرْمَ، سَيْ تَڢِے دُكْ سَوْرَنْ غَنْيَيٜىٰ، تَذَمَ بَبَّنْ إِتَاثٜىٰ، حَرْ مَا ڟُنْڟَيٜىٰ سُيِ غِدَنْسُ عَكَنْ رَسَّنْسَ؞»

33عِيسَىٰ يَسَاكٜىٰبَاسُ وَنِ مِصَالِ، يَثٜىٰ «مُلْكٍ سَمَ كَمَرْ يِسْتِ يَكٜىٰ، وَنْدَ وَتَ مَثٜىٰ تَطَوْكَ تَݣُوٻَ دَ مُودُ عُكُ نَغَارِنْ أَلْكَمَ، حَرْ دُكْ غَارِنْ يَغَمٜىٰدَ يِسْتِنْ؞»

34عِيسَىٰ يَغَيَوَ تَارُوانْ مُتَنٜىٰنْ دُكْ وَطَنَّنْ أَبُبُوَ دَ مِصَلَيْ؞ بَايَغَيَ مُسُ وَنِ أَبُ سَيْ تَرٜىٰدَ مِصَالِ؞

35وَنَّنْ كُوَ دُواْمِنْ عَثِكَ أَبِنْدَ أَنَّبِے عِشَايَ يَڢَطَا نٜىٰ ثٜىٰوَ «ذَنْيِ مَغَنَ دَ مِصَلَيْ، أَبِنْدَ يَكٜىٰ عَٻُواْيٜىٰ تُنْ ڢَرْكُوانْ دُونِيَا، ذَنْ سَنَرْدَشِ؞»

36سَيْ عِيسَىٰ يَبَرْ تَارُوانْ مُتَنٜىٰنْ يَشِغَ غِدَا، أَلْمَجِرَنْسَ كُمَ سُكَذُواْ وُرِنْسَ سُكَثٜىٰ مَسَ «كَغَيَ مَنَ أَبِنْدَ مِصَالِنَّنْ نَثِيَوَ أَغُواْنَ يَكٜىٰ نُڢِ؞»

37سَيْ يَأَمْسَ يَثٜىٰ «وَنْدَ يَشُوكَ إِرِ مَيْݣَوْ شِينٜىٰ طَنْ مُتُمْ؞

38غُواْنَرْ كُمَ عِتَثٜىٰ دُونِيَا، إِرِ مَيْݣَوْ كُمَ شِينٜىٰ یَیَنْ مُلْكٍ، ثِيَوَرْ كُمَ یَیَنْ مُوغُنَّنْ نٜىٰ؞

39كُمَ أَبُواْكِنْ غَابَنْدَ يَشُوكَ ثِيَوَرْ، شِينٜىٰ شَيْطَنْ؞ لُواْكَثِنْ غِرْبِنْ كُوَ، ڧَرْشٜىٰنْ دُونِيَا نٜىٰ؞ مَاسُ غِرْبِنْ كُمَ سُونٜىٰ مَلاَىِٕكُ؞

40كَمَرْ يَدَّ عَكٜىٰ تَارَ ثِيَوَ عَڧُواْنٜىٰتَ، حَكَ ذَيْ ذَمَ عَڧَرْشٜىٰنْ دُونِيَا؞

41طَنْ مُتُمْ ذَيْ عَيْكُواْ دَ مَلاَىِٕكُنْسَ، ذَاسُ تَارَ دُكَنْ أَبُبُوَنْ دَ سُكَسَا مُتَنٜىٰ سُيِ ذُنُوبِ دَ كُمَ دُكْ مَاسُ يِنْ مُوغَيٜىٰنْ أَيُّكَ، سُڢِتَرْ دَسُو دَغَ مُلْكِنْسَ،

42سُكُمَ جٜىٰڢَسُ عَثِكِنْ غِدَنْ وُتَا مَيْ ذَاڢِ؞ أَ نَنْ ذَاسُيِ تَكُوكَا سُنَ ثِظُوانْ هَڧُواْرَنْسُ؞

43أَ لُواْكَثِنْ نٜىٰ مَاسُ أَدَلْثِے ذَاسُ حَصْكَكَ كَمَرْ رَانَ عَثِكِنْ مُلْكٍ عُبَنْسُ؞ بَرِ مَيْكُنّٜىٰنْجِ، يَجِ؞»

44«مُلْكٍ سَمَ كَمَرْ دُوكِيَ نٜىٰ وَدَّ عَكَٻُواْيٜىٰ أَغُواْنَ، وَدَّ وَنِ يَسَامُ، يَسَاكٜىٰ ٻُواْيٜىٰوَ؞ سَبُواْدَ يَوَنْ مُرْنَ يَجٜىٰ يَسَيَرْ دَ دُكَنْ أَبُبُوَنْ دَ يَكٜىٰدَسُو، يَسَيِ غُواْنَرْ؞»

45«حَرْ يَنْذُ دَيْ، مُلْكٍ سَمَ كَمَرْ طَنْ كَاسُوَ يَكٜىٰ، مَيْ نٜىٰمَنْ دُوَڟُو مَاسُ دَرَجَ وَتُواْ، لُعُلُعُ؞

46دَ يَسَامِ لُعُلُعُ طَيَ مَيْ دَرَجَ سُواْسَيْ، سَيْ يَجٜىٰ يَسَيَرْ دَ دُكَنْ أَبُبُوَنْ دَ يَكٜىٰدَسُو، يَسَيٜىٰشِ؞»

47«حَرْ يَنْذُ دَيْ، مُلْكٍ سَمَ يَنَ كَمَ دَ رَاغَرْ كَامُنْ كِيڢِ وَدَّ عَكَ جٜىٰڢَ عَتٜىٰكُ تَكَمُواْ كِيڢِ إِرِ إِرِ؞

48دَ تَثِكَ، عَكَ جَٰوُاْ تَغٜىٰڢٜىٰنْ تٜىٰكُنْ، عَكَ ذَوْنَ، عَكَ ذَاٻَا كِيڢِ مَاسُ ݣَوْ، عَكَسَا عَݣُونْدُواْ، عَكَ ظُبَرْدَ وَطَنْدَ بَاسُ دَݣَوْ؞

49حَكَ ذَيْ ذَمَ عَڧَرْشٜىٰنْ دُونِيَا، مَلاَىِٕكُ ذَاسُذُواْ سُرَبَ، سُثِرٜىٰ مُوغَيٜىٰ دَغَ مَاسُ أَدَلْثِے؞

50سُكُمَ جٜىٰڢَ مُوغَيٜىٰنْ ثِكِنْ غِدَنْ وُتَا مَيْذَاڢِ، عِنْدَ ذَاسُيِ كُوكَا دَ ثِظُوانْ هَڧُواْرَ؞

51«كُنْ غَانٜىٰ وَنَّنْ دُكَ؟» سُكَ أَمْسَ سُكَثٜىٰ «عِ؞»

52سَيْ يَثٜىٰمُسُ «سَبُواْدَ حَكَ دُكْ مَلَمِنْدَ يَذَمَ أَلْمَجِرِنْ مُلْكٍ سَمَ، كَمَرْ مَيْغِدَا يَكٜىٰ وَنْدَ يَطٜىٰبُواْ سَابُوَرْ دُوكِيَ دَ ڟُواْهُوَ دَغَ وُرِنْ أَجِيَرْسَ؞»

53دَ عِيسَىٰ يَغَمَ ڢَطِنْ وَطَنَّنْ مِصَلَيْ، سَيْ يَبَرْ وُرِنْ؞

54عِيسَىٰ يَذُواْ غَرِنْسَ يَڢَارَ كُواْيَ وَمُتَنٜىٰ أَ مَجَمِعُنْسُ؞ سُكَيِ مَامَاكِ سُكَثٜىٰ «إِنَا وَنَّنْ مُتُمْ يَسَامِ حِكِمَرْ نَنْ حَكَ دَ كُمَ إِيكُوانْ يِنْ وَطَنَّنْ أَيُّكَنْ بَنْ مَامَاكِ؟

55وَنَّنْ بَشِينٜىٰ طَنْ كَاڢِنْتَنَّنْبَ؟ بَمَمَرْسَ ثٜىٰ سُونَنْتَ مَرْيَمُ بَ؟ بَ یَنْعُوَنْسَ بَنٜىٰ سُو يَعْڧُوبَ دَ يُوسُڢَ دَ سِيمَنْ دَ يَهُودَ؟

56بَ یَنْعُوَنْسَ مَتَ دُكْ تَرٜىٰدَمُو سُكٜىٰبَ؟ تُواْ دَغَ إِنَا يَسَامُواْ دُكْ وَطَنَّنْ؟»

57سَيْ سُكَجِ هَوْشِنْسَ؞ عَمَّا عِيسَىٰ يَثٜىٰ مُسُ «أَيْ، أَنَّبِے بَايَ رَسَ دَرَجَ سَيْدَيْ أَغَرِنْسَ دَ كُمَ ثِكِنْ غِدَنْسَ؞»

58كُمَ بَيْيِ أَيُّكَنْ بَنْ مَامَاكِ دَيَوَ عَثَنْبَ، سَبُواْدَ رَشِنْ بَنْ‌غَسْكِيَرْسُ؞

← Chapter 12 Jump to: Chapter 14 →