Matthew 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1دَ عِيسَىٰ يَغَ مُتَنٜىٰ سُنْ تَارُ دَيَوَ، سَيْ يَهَوْ كَنْ تُدُ يَذَوْنَ؞ أَلْمَجِرَنْسَ كُمَ سُكَذُواْ وُرِنْسَ،

2سَيْ يَبُوطٜىٰ بَاكِ يَڢَارَ كُواْيَ مُسُ؞

3«مَاسُ أَلْبَرْكَنٜىٰ وَطَنْدَ سُكَ سَنْ كَاسَوَرْسُ تَرُوحُ، غَمَا مُلْكٍ سَمَ نَاسُنٜىٰ؞

4مَاسُ أَلْبَرْكَنٜىٰ مَاسُ بَڧِنْ ثِكِ، غَمَا ذَاعَيِ مُسُ تَعَظِيَّ؞

5مَاسُ أَلْبَرْكَنٜىٰ مَاسُ تَوَلِعُ، غَمَا ذَاسُ غَاجِ دُونِيَا؞

6مَاسُ أَلْبَرْكَنٜىٰ مَاسُ جِنْ يُنْوَ دَ ڧِشِنْ يِنْ أَدَلْثِے، غَمَا ذَاعَ ڧُواْسَرْ دَسُو؞

7مَاسُ أَلْبَرْكَنٜىٰ مَاسُ نُونَ جِنْڧَيْ، غَمَا ذَاعَ نُونَ مُسُ جِنْڧَيْ؞

8مَاسُ أَلْبَرْكَنٜىٰ مَاسُ ڟَبْتَرْ ذُوثِيَا، غَمَا ذَاسُ غَ اللَّهْ ؞

9مَاسُ أَلْبَرْكَنٜىٰ مَاسُ سَدَ زُمُنْثِ، غَمَا ذَاعَ ثٜىٰ دَسُو یَیَنْ اللَّهْ ؞

10مَاسُ أَلْبَرْكَنٜىٰ مَاسُ شَنْ ڟَنَنِ سَبُواْدَ أَدَلْثِے، غَمَا مُلْكٍ سَمَ نَاسُنٜىٰ؞»

11«مَاسُ أَلْبَرْكَنٜىٰ كُو، سَعَدَّ مُتَنٜىٰ سُكَ ذَاغٜىٰكُ، سُكَ ڟَنَنْتَ مُكُ، سُكَ كُمَيِ مُكُ مُغُنْتَا إِرِ إِرِ سَبُواْدَنِ؞

12كُيِ مُرْنَ دَ ڢَضٍ ثِكِ سُواْسَيْ، دُواْمِنْ ذَاكُ سَامِ لَادَ مَيْ يَوَ أَ سَمَ، غَمَا حَكَ مُتَنٜىٰ سُكَ ڟَنَنْتَا وَ أَنَّبَاوَنْ دَ سُكَ رِغَاكُ؞»

13«كُو نٜىٰ غِشِرِنْ دُونِيَا؞ عَمَّا عِدَنْ غِشِرِ يَا رَبُ دَ دَاطِنْسَ، تَيَيَا ذَاعَ مَيْدَ دَاطِنْسَ؟ ذَيْ ذَمَ بَاشِدَ سَوْرَنْ أَمْڢَانِ سَيْدَيْ أَ ظُبَرْ دَشِ، عَتَتَّاكَ شِ؞

14«كُو نٜىٰ حَصْكٜىٰنْ دُونِيَا؞ أَيْ، بِرْنِنْ دَ عَكَ غِنَا عَكَنْ تُدُ بَعَ عِيَ ٻُواْيٜىٰشِ؞

15بَعَكُنَّ ڢِتِلَ أَ رُڢٜىٰتَ دَ ݣُونُواْ، سَيْدَيْ عَ أَجِيٜىٰتَ عَكَنْ سَنْدَا مَيْ رِڧٜىٰ ڢِتِلُ عِنْدَ ذَاتَ بَادَ حَصْكٜىٰ غَ دُكَنْ مُتَنٜىٰنْ غِدَنْ؞

16حَكَكُمَ، بَرِ كُذَمَ مَاسُ حَصْكٜىٰ غَ مُتَنٜىٰ، دُواْمِنْ عِدَنْ سُكَغَ أَيُّكَ مَاسُ ݣَوْ دَ كُكٜىٰيِ، ذَاسُ طَوْكَكَ عُبَنْكُ وَنْدَ يَكٜىٰ ثِكِنْ سَمَ؞

17«كَدَ كُيِ ڟَمَّنِ نَذُواْ نٜىٰ إِنْ رُشٜىٰ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا؞ بَنْ ذُواْ دُواْمِنْ إِنْ رُشٜىٰسُ بَ، سَيْدَيْ دُواْمِنْ إِنْ ثِكَسُ؞

18حَڧِيڧَ إِنَ غَيَ مُكُ، حَرْ سَيْ سَمَ دَ ڧَسَا سُنْ شُوطٜىٰ، بَا وَنِ وَسَلِ كُواْ طِغُواْ نَكُواْيَرْوَرْ مُوسَٰى وَنْدَ ذَيْ شُوطٜىٰ، سَيْ أَنْثِكَ كُواْمٜىٰ دُكَ؞

19سَبُواْدَ حَكَ دُكْ وَنْدَ يَكَرْيَ كُواْ دَ طَيَ دَغَ ثِكِنْ ڧأَنَانً دُواْكُواْكِنَّنْ، يَكُمَ كُواْيَ وَمُتَنٜىٰ سُكَرْيَ دُواْكُواْكِنْ، ذَاعَ ثٜىٰ دَشِ مَڢِے ڧَنْڧَنْتَ عَثِكِنْ مُلْكٍ سَمَ؞ دُكْ وَنْدَ يَبِيسُ كُوَ حَرْ يَكُواْيَرْ دَسُو، ذَاعَ ثٜىٰ دَشِ مَيْغِرْمَ أَمُلْكٍ سَمَ؞

20إِنَ غَيَ مُكُ عِدَنْ بَكُڢِ مَلَمً كُواْيَرْوَرْ مُوسَٰى دَ ڢَرِسِيَاوَا أَدَلْثِبَ، بَذَاكُ شِغَ مُلْكٍ سَمَبَ، كُواْ كَطَنْ؞

21«كُنْ دَيْجِ أَنْڢَطَا وَكَاكَنِّنْمُ ثٜىٰوَ ‹كَدَ كَكَشٜىٰ وَنِ، وَنْدَ يَكَشٜىٰ وَنِ كُمَ، ذَاعَ حُكُنْتَ شِ؞›

22عَمَّا إِنَ غَيَ مُكُ، وَنْدَ يَكٜىٰ ڢُشِے دَ طَنْعُوَنْسَ، ذَاعَ حُكُنْتَشِ؞ وَنْدَ يَكِرَا طَنْعُوَنْسَ بَنْظَ، ذَاعَ كَيْشِ كُواْتُ؞ وَنْدَ كُمَ يَكِرَا طَنْعُوَنْسَ وَاوَا، يَا دَاثٜىٰ دَ غِدَنْ وُتَا؞

23سَبُواْدَ حَكَ، عِدَنْ كَنَ ثِكِنْ بَادَ بَيْكُواْ عَكَنْ بَغَدٜىٰنْ هَدَايَ، أَنَنْ كَتُنَ ثٜىٰوَ طَنْعُوَنْكَ يَنَدَ وَتَ دَامُوَ غَمٜىٰدَ كَيْ،

24سَيْ كَأَجِيٜىٰ بَيْكُوانْكَ أَغَبَنْ بَغَدٜىٰنْ تُكُنَ، كَجٜىٰ كَشِرْيَ دَ طَنْعُوَنْكَ؞ سَعَنً كَذُواْ كَبَادَ بَيْكُوانْكَ؞

25«عِدَنْ وَنِ يَا كَيْ ڧَارَرْكَ، كَيِ سَوْرِ كَشِرْيَ دَشِ تُنْ كُنَ كَنْ حَنْيَ كَاڢِنْ كُإِسَ كُواْتُ؞ عِدَنْ بَهَكَبَ كُوَ ذَيْ حَطَكَ دَ أَلْڧَلِ، أَلْڧَلِ كُمَ يَهَطَكَ دَ طَنْ سَنْدَا عَكُمَ كُلّٜىٰكَ عَكُرْكُكُ؞

26غَسْكِيَ إِنَ غَيَ مَكَ، كَاڢِنْ أَ ڢِتَرْ دَكَيْ دَغَ نَنْ، سَيْ كَبِيَ دُكَنْ كُطِنْ دَ عَكٜىٰ بِنْكَ؞

27«كُنْ دَيْ جِ أَنْڢَطَا ثٜىٰوَ ‹كَدَ كَيِ ظِنَ؞›

28عَمَّا إِنَ ڢَطَا مُكُ ثٜىٰوَ عِدَنْ مُتُمْ يَيِ وَمَثٜىٰ كَلُّوانْ شَعَوَ، يَا رِغَا يَا يِظِنَ كٜىٰنَنْ دَ عِتَ أَ ذُوثِيَارْسَ؞

29عِدَنْ عِدُوانْكَ نَدَمَ يَنَ سَاكَ كَيِ ذُنُوبِ، كَثِرٜىٰشِ كَيَرْ؞ غَارَ كَرَسَ وَتَ غَٻَ تَجِكِنْكَ دَ أَ جٜىٰڢَ دُكَنْ جِكِنْكَ عَثِكِنْ غِدَنْ وُتَا؞

30عِدَنْ حَنُّنْكَ نَدَمَ يَنَ سَاكَ كَيِ ذُنُوبِ، كَثِرٜىٰشِ كَيَرْ؞ غَارَ كَرَسَ وَتَ غَٻَ تَجِكِنْكَ دَ أَ جٜىٰڢَ جِكِنْكَ طُنْ‌غُمْ عَثِكِنْ غِدَنْ وُتَا؞

31«أَنْ كُمَ ڢَطَا ثٜىٰوَ ‹وَنْدَ يَسَكِ مَاتَرْسَ دُواْلٜىٰ يَبَاتَ تَكَرْدَرْ سَكِ؞›

32عَمَّا أَبِنْدَ نَكٜىٰ غَيَ مُكُ شِينٜىٰ، عِدَنْ مُتُمْ يَسَكِ مَاتَرْسَ بَ دُواْمِنْ لَيْڢِنْ يِنْ ظِنَبَ، يَا سَاتَ أَهَنْيَرْ يِنْ ظِنَ كٜىٰنَنْ؞ دُكْ وَنْدَ يَ عَوْرٜىٰتَ كُمَ، يَيِ ظِنَ؞

33«حَرْ يَنْذُ دَيْ كُنْ جِ أَنْڢَطَا وَكَاكَنِّنْكُ ثٜىٰوَ ‹كَدَ كَيِ ضَنْڟُوَارْ ڧَضْيَا، سَيْدَيْ كَثِكَ ضَنْڟُوَارْدَ كَيِ وَ عُبَنْ‌غِجِ ؞›

34عَمَّا أَبِنْدَ نَكٜىٰ غَيَ مُكُ شِينٜىٰ، كَدَ كُرَنْڟٜىٰ سَمْ، كُواْ دَ سَمَ، دُواْمِنْ وُرِنْ ذَمَنْ اللَّهْ كٜىٰنَنْ؞

35كَدَ كُمَ كُرَنْڟٜىٰ دَ ڧَسَا، دُواْمِنْ نَنْ نٜىٰ اللَّهْ يَكٜىٰسَا ڧَڢَرْسَ، كُواْ كُمَ دَ عُرُوشَلِيمَ دُواْمِنْ عِتَثٜىٰ بِرْنِنْ بَبَّنْ سَرْكِے؞

36كَدَ كُوَ كَرَنْڟٜىٰ دَ كَنْكَ دُواْمِنْ بَذَاكَ عِيَ مَيْدَ كُواْ غَاشِ طَيَ يَذَمَ ڢَرِ كُواْ بَڧِبَ؞

37أَبِنْ دَ يَكَمَاتَ كُثٜىٰ كَوَيْ، شِينٜىٰ ‹عِ› كُواْ ‹أَعَ›، أَبِنْدَ يَوُثٜىٰ حَكَ كُوَ، دَغَ وُرِنْ مُوغُنَّنْ يَكٜىٰ؞

38«كُنْ دَيْ جِ أَنْڢَطَا ثٜىٰوَ ‹عِدُواْ أَمَيْمَكُوانْ عِدُواْ، هَڧُواْرِ كُمَ أَمَيْمَكُوانْ هَڧُواْرِ؞›

39عَمَّا أَبِنْدَ نَكٜىٰ ڢَطَا مُكُ شِينٜىٰ، كَدَ كُڧِ وَنْدَ يَيِ مُكُ لَيْڢِے؞ عِدَنْ وَنِ يَمَرٜىٰكَ عَكُمَتُنْ دَامَ، كَجُويَا مَسَ طَيَنْ يَمَرَ؞

40عِدَنْ وَنِ يَكَيْ ڧَارَرْكَ دُواْمِنْ يَڨُوثٜىٰ رِغَرْكَ، تُواْ، كَبَاشِ حَرْ دَ مَيَڢِنْكَ مَا؞

41عِدَنْ وَنِ مَيْ إِيكُواْ يَا مَاڟَ مَكَ كُيِ تَڢِيَرْ كِلُواْمِتَ طَيَ، تُواْ، كُيِ تَڢِيَرْ كِلُواْمِتَ بِيُ؞

42عِدَنْ وَنِ يَا ضُواْڧٜىٰكَ أَبُ، كَبَاشِ؞ وَنْدَ كُمَ يَذُواْ نٜىٰمَنْ أَرُواْ دَغَ وَجٜىٰنْكَ، كَدَ كَهَنَشِ؞

43«كُنْ دَيْجِ أَنْڢَطَا ثٜىٰوَ ‹كَڧَوْنَثِ طَنْعُوَنْكَ، كَڧِ وَنْدَ بَايَ ڧَوْنَرْكَ؞›

44عَمَّا أَبِنْدَ نَكٜىٰ غَيَ مُكُ شِينٜىٰ، كُڧَوْنَثِ وَطَنْدَ بَاسَ ڧَوْنَرْكُ، كُيِ وَمَاسُ ڟَنَنْتَ مُكُ أَدُّعَ؞

45تَيِنْ حَكَنٜىٰ ذَاكُ ذَمَ یَیَنْ عُبَنْكُ نَسَمَ، وَنْدَ يَكٜىٰسَا رَانَ تَيِ حَصْكٜىٰ عَكَنْ مَاسُ كِرْكِ دَ مَرَسَ كِرْكِ مَا، يَكُمَ عَيْكُواْ ضُوً سَمَ عَكَنْ مَاسُ أَدَلْثِے دَ مَرَسَ أَدَلْثِے؞

46عِدَنْ وَطَنْدَ سُكٜىٰ ڧَوْنَرْكُ كَوَيْ كُكٜىٰ ڧَوْنَ، وَنٜىٰ لَادَ ذَاكُ سَامُ؟ كُواْ مَاسُ كَرْٻَرْ هَرَاجِ مَا، أَيْ، سُنَيِنْ حَكَ؞

47عِدَنْ كُوَ یَنْعُوَنْكُ كَوَيْ كُكٜىٰ غَيْدَسُو، تُواْ، مٜىٰ كُكٜىٰيِ وَنْدَ يَڢِ نَوَطَنْسُ؟ أَيْ، كُواْ وَطَنْدَ بَا يَهُودَاوَا بَ مَا سُنَيِنْ حَكَ؞

48سَبُواْدَ حَكَ سَيْ كُذَمَ ثِكَكُّ كَمَرْ يَدَّ عُبَنْكُ نَسَمَ يَكٜىٰ ثِكَكّٜىٰ؞

← Chapter 4 Jump to: Chapter 6 →