Matthew 27 — Hausa Arabic 2020 (أَتَّوْرَتْ دَ أَنَّبَاوَا)

1دَ غَرِ يَوَايٜىٰ، سَيْ دُكَنْ مَنْيَنْ ڢِرِسْتُواْثِے دَ شُوغَبَنِّنْ جَمَعَ سُكَيِ شَوَرَا سُكَشٜىٰ عِيسَىٰ ؞

2سَيْسُكَ طَوْرٜىٰ شِ، سُكَ تَڢِے دَشِ، سُكَ بَادَشِ غَ ڠُومْنَ بِلَتُسْ؞

3سَعَدَّ يَهُودَ وَنْدَ يَبَاشٜىٰشِ يَغَ أَنْيَنْكٜىٰوَ عِيسَىٰ حُكُنْثِنْ مُتُوَ، سَيْ يَيِ بَڧِنْ ثِكِ، يَدَاوُاْ وُرِنْ مَنْيَنْ ڢِرِسْتُواْثِے دَ شُوغَبَنِّ، يَمَيَرْ مُسُ دَ كُطِنْ أَظُرْڢَا تَلَاتِنْ طِنَّنْ؞

4يَثٜىٰ «نَيِ ذُنُوبِ دَ نَبَادَ مَرَرْ لَيْڢِے عَكَشٜىٰشِ؞» عَمَّا سُكَثٜىٰ «إِنَا ضُوَنْمُ؟ وَنَّنْ دَامُوَرْكَثٜىٰ؞»

5سَيْ يَظُبَرْدَ كُطِنْ أَظُرْڢَرْ نَنْ أَ هَيْكَلِ، يَڢِتَ، يَجٜىٰ يَرَاتَيٜىٰ كَنْسَ؞

6عَمَّا مَنْيَنْ ڢِرِسْتُواْثِے سُكَ ݣُوشِ كُطِنْ سُكَثٜىٰ «بَيْ كَمَاتَ أَ سَا كُطِنَّنْ أَوُرِنْ أَجِيَرْ كُطِنْ هَيْكَلِبَ، دُواْمِنْ كُطِنْ جِنِ نٜىٰ؞»

7سَيْ سُكَيِ شَوَرَا، سُكَ سَيِ وَنِ ڢِيلِ دَ كُطِنْ؞ أَنَ ثٜىٰ دَ ڢِيلِنْ، ڢِيلِنْ مَيْ غِنِنْ تُݣُونٜىٰ، دُوانْ وُرِنْ يَذَمَ وُرِنْ بِنّٜىٰ بَاڧِ إِنْ سُنْ مُتُ؞

8دُواْمِنْ حَكَ هَرْوَيَوْ أَنَثٜىٰ دَ ڢِيلِنْ، ڢِيلِنْ جِنِ؞

9تَهَكَ عَكَ ثِكَ أَبِنْدَ أَنَّبِے إِرْمِيَ يَڢَطَا ثٜىٰوَ «عَكَ طَوْكِ كُطِنْ أَظُرْڢَا تَلَاتِنْ، كُطِنْ دَ مُتَنٜىٰنْ إِسْرَٰٓءِيلَ سُكَ يَرْدَ عَبِيَ عَكَنْسَ كٜىٰنَنْ؞

10سُكَ سَيِ ڢِيلِنْ مَيْ غِنِنْ تُݣُونٜىٰ دَسُو، يَدَّ عُبَنْ‌غِجِ يَعُمَرْثٜىٰنِ؞»

11تُواْ، عِيسَىٰ يأَنَانً ڟَيٜىٰ أَغَبَنْ ڠُومْنَ كٜىٰنَنْ، سَيْ ڠُومْنَنْ يَتَمْبَيٜىٰشِ يَثٜىٰ «كَيْ نٜىٰ سَرْكِنْ يَهُودَاوَا؟» عِيسَىٰ يَثٜىٰ مَسَ، «كَيْنٜىٰ كَڢَطِ حَكَ؞»

12عَمَّا دَ مَنْيَنْ ڢِرِسْتُواْثِے دَ شُوغَبَنِّ سُكَ ظَرْغٜىٰ شِ، بَيْثٜىٰ كُواْمٜىٰبَ؞

13سَيْ بِلَتُسْ يَثٜىٰ مَسَ «بَ كَجِ أَبُبُوَنَّنْ دَ سُكَ ظَرْغٜىٰكَ عَكَيْبَ؟»

14عَمَّا عِيسَىٰ بَيْ أَمْسَ مَسَ كُواْ تَمْبَيَ طَيَبَ، حَرْ ڠُومْنَ يَيِ مَامَاكِ سُواْسَيْ؞

15تُواْ، أَ لُواْكَثِنْ بِكٍ ڧٜىٰتَرٜىٰوَ كُوَ، ڠُومْنَ يَسَابَا سَكَرْ وَمُتَنٜىٰ مَيْ لَيْڢِے غُدَا طَيَ دَسُكٜىٰسُواْ؞

16أَ لُواْكَثِنْ أَݣَويْ وَنِ سَنَنّٜىٰنْ طَنْ كُرْكُكُ مَيْ سُونَ بَرَبَّسْ؞

17دَ يَهُودَاوَا سُكَ تَارُ سَيْ بِلَتُسْ يَثٜىٰ مُسُ «وَ كُكٜىٰسُواْ إِنْ سَكٜىٰمُكُ؟ بَرَبَّسْ كُواْ كُوَ عِيسَىٰ دَ عَكٜىٰ ثٜىٰ دَشِ أَلْمَسِيحُ ؟»

18غَمَا بِلَتُسْ يَسَنِ سَبُواْدَ كِيشِنٜىٰ سُكَ بَادَ عِيسَىٰ ؞

19دَ بِلَتُسْ يَذَوْنَ أَوُرِنْ شَرِيعَ، سَيْ مَاتَرْسَ تَ عَيْكُواْ عَثٜىٰمَسَ «كَڢِتَ شَعَنِنْ مَرَرْ لَيْڢِنَّنْ، دُواْمِنْ يَوْ نَشَا وَهَلَ سُواْسَيْ أَمَڢَرْكِ عَكَنْسَ؞»

20تُواْ، سَيْ مَنْيَنْ ڢِرِسْتُواْثِے سُكَ ذُغَ جَمَعَ سُثٜىٰ أَ سَكِ بَرَبَّسْ، عَكَشٜىٰ عِيسَىٰ ؞

21ڠُومْنَنْ كُوَ يَسَاكٜىٰ ثٜىٰ مُسُ «وَنٜىٰنٜىٰ عَثِكِنْ بِيُنَّنْ كُكٜىٰسُواْ إِنْ سَكٜىٰ مُكُ؟» سَيْ سُكَثٜىٰ «بَرَبَّسْ؞»

22سَيْ بِلَتُسْ يَثٜىٰ مُسُ «تُواْ، مٜىٰ ذَنْيِ دَ عِيسَىٰ دَ عَكٜىٰ ثٜىٰ دَشِ أَلْمَسِيحُ ؟» دُكْ سَيْ سُكَثٜىٰ «أَغِثِّيٜىٰشِ!»

23بِلَتُسْ يَثٜىٰ «سَبُواْدَمٜىٰ؟ وَنٜىٰ مُوغُنْ أَبُ نٜىٰ يَيِ؟» عَمَّا مُتَنٜىٰنْ سُنْ ڧَارَ تَادَ مُرْيَ سُنَ ثٜىٰوَ «أَغِثِّيٜىٰشِ!»

24دَ بِلَتُسْ يَغَ بَا أَبِنْدَ ذَيْ عِيَيِ، كُمَ مُتَنٜىٰنْ سُنَ شِرِنْ تَادَ حَنْكَلِ، سَيْ يَطٜىٰبِے ضُوَ يَوَنْكٜىٰ حَنُّوَنْسَ أَغَبَنْ مُتَنٜىٰ، يَثٜىٰ «نِے دَيْ، بَا ضُوَنَ دَ أَلْحَكِنْ جِنِنْ مَرَرْ لَيْڢِنَّنْ؞ وَنَّنْ ضُوَنْكُ نٜىٰ؞»

25سَيْ مُتَنٜىٰنْ دُكَ سُكَ أَمْسَ سُكَثٜىٰ «أَلْحَكِنْ جِنِنْسَ يَذَوْنَ أَوُيَنْمُ، مُو دَ یَیَنْمُ!»

26سَعَنً يَسَكٜىٰ مُسُ بَرَبَّسْ؞ بَايَنْ يَسَا عَكَيِ وَ عِيسَىٰ بُلَلَ، سَيْ يَبَادَشِ أَغِثِّيٜىٰشِ؞

27دَغَ نَنْ سُواْجُواْجِنْ ڠُومْنَ سُكَ كَيْ عِيسَىٰ ثِكِنْ ڢَادَرْ ڠُومْنَ، سُكَ تَارَ دُكَنْ ڧُنْ‌غِيَرْ سُواْجُواْجِنْ عَكَنْسَ،

28سُكَ تُوٻٜىٰ مَسَ كَايَ، سُكَ يَاڢَ مَسَ وَتَ جَرْ رِغَا إِرِنْ تَسَرَاكُنَ؞

29سُكَيِ وَتَ هُولَرْ مُلْكِ تَڧَيَ، سُكَسَا مَسَ عَكَيْ، سُكَسَا يَرِڧٜىٰ سَنْدَا أَ حَنُّنْسَ نَدَمَ، سَعَنً سُكَ دُرْڧُسَ أَغَبَنْسَ سُنَيِمَسَ بَعَ سُنَ ثٜىٰوَ «رَنْكَيَدَطٜىٰ، سَرْكِنْ يَهُودَاوَا!»

30سُكَ تُواْتُّواْڢَ مَسَ مِيَوْ، سُكَ كَرْٻِ سَنْدَنْ سُكَ بُبُّغٜىٰشِ دَ عِتَ عَكَيْ؞

31دَ سُكَ غَمَيِ مَسَ بَعَ، سَيْ سُكَ ثِرٜىٰ مَسَ جَرْ رِغَرْ، سُكَسَا مَسَ رِيغُنَنْسَ، سُكَ تَڢِے دَشِ دُواْمِنْ سُغِثِّيٜىٰشِ؞

32سُنَ تَڢِيَ كٜىٰنَنْ، سَيْ سُكَ غَمُ دَ وَنِ مُتُمِنْ سَيِرِنْ، مَيْ سُونَ سِيمَنْ، سُكَسَاشِ دُواْلٜىٰ يَطَوْكِ غِثِّيٜىٰنْ عِيسَىٰ ؞

33سُكَ كَيْ وُرِنْ دَ عَكٜىٰثٜىٰ دَشِ غُوالْغُواْتَ، وَتُواْ وُرِنْ ڧُواْڧُوانْ كَيْ؞

34سُكَ بَاشِ ضُوً إِنَبِے حَطٜىٰ دَ وَنِ أَبُ مَيْ طَاثِ دُواْمِنْ يَشَا، عَمَّا دَ يَطَنْطَنَ سَيْ يَڧِشَا؞

35دَ سُكَ غِثِّيٜىٰشِ، سَيْ سُكَجٜىٰڢَ ڧُرِعَ سُكَ رَبَ رِيغُنَنْسَ؞

36بَايَنْ حَكَ سَيْ سُكَ ذَوْنَ أَنَنْ سُنَ غَادِنْسَ؞

37دَيْدَيْ كَنْسَ عَكَ كَڢَ سَنَرْوَرْ لَيْڢِنْسَ ثٜىٰوَ «وَنَّنْ شِينٜىٰ عِيسَىٰ ، سَرْكِنْ يَهُودَاوَا؞»

38عَكَ كُمَ غِثِّيٜىٰ وَطَنْسُ یَنْ ڢَشِ غُدَا بِيُ تَرٜىٰدَشِ، طَيَ أَدَمَنْسَ، طَيَ أَ هَغُنْسَ؞

39مُتَنٜىٰنْ دَسُكٜىٰ وُثٜىٰوَ سُكَ يِتَيِ مَسَ رٜىٰنِ سُنَ كَطَ كَيْ،

40سُنَ ثٜىٰوَ «كَيْ دَ كَاثٜىٰ ذَاكَ رُشٜىٰ هَيْكَلِ، كَكُمَ غِنَا شِ ثِكِنْ ݣُونَ عُكُ، كَثٜىٰثِ كَنْكَ مَنَ! عِدَنْ كَيْ طَنْ اللَّهْ نٜىٰ، كَسَوْكُواْ دَغَ غِثِّيٜىٰنْ مَنَ!»

41حَكَكُمَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى دَ شُوغَبَنِّ سُكَ دِنْ‌غَيِ مَسَ بَعَ، سُنَ ثٜىٰوَ

42«يَاثٜىٰثِ وَطَنْسُ، يَكَاسَ ثٜىٰتُوانْ كَنْسَ؞ عِدَنْ شِے سَرْكِنْ إِسْرَٰٓءِيلَ نٜىٰ، بَرِ يَسَوْكُواْ دَغَ غِثِّيٜىٰنْ مَنَ، سَعَنً ذَامُ غَسْكَتَشِ؞

43يَدُواْغَرَ غَ اللَّهْ ؞ بَرِ اللَّهْ يَثٜىٰثٜىٰشِ يَنْذُ، عِدَنْ يَنَسُواْ، غَمَا يَاثٜىٰ وَيْ شِے طَنْ اللَّهْ نٜىٰ؞»

44حَكَ مَا یَنْ ڢَشِنْ دَ عَكَ غِثِّيٜىٰسُ تَرٜىٰ، سُو مَا سُكَيِ مَسَ بَڧَرْ مَغَنَ؞

45تُنْدَغَ ڟَكَرْ رَانَ، دُهُ يَرُڢٜىٰ ڧَسَرْ دُكَ، حَرْ ذُوَا وَجٜىٰنْ ڧَرْڢٜىٰ عُكُ نَيَمَّ؞

46وَجٜىٰنْ ڧَرْڢٜىٰ عُكُ كُمَ عِيسَىٰ يَطَغَ مُرْيَ دَ ڧَرْڢِے يَثٜىٰ «عٜىٰلُواْإِ، عٜىٰلُواْإِ، لَمَ سَبَكْتَنِ؟» وَتُواْ «يَا اللَّهْ نَا، يَا اللَّهْ نَا، دُوانْمٜىٰ كَيَاشٜىٰنِ؟»

47سَعَدَّ وَطَنْسُ دَسُكٜىٰ ڟَيٜىٰ أَوُرِنْ سُكَجِ حَكَ، سَيْ سُكَثٜىٰ «مُتُمِنَّنْ يَنَ كِرَنْ إِلْيَاسُ نٜىٰ؞»

48سَيْ نَنْ دَنَنْ وَنِ يَيِ غُدُ، يَجٜىٰ يَطَوْكِ سُواْسُواْ، يَجِڧَشِ عَثِكِنْ ضُوً ڟَامِ دَغَ یَیَنْ إِنَبِے، يَسُواْكَ أَ سَنْدَا، يَمِيڧَ مَسَ يَشَا؞

49عَمَّا سَوْرَنْ سُكَثٜىٰ «كُبَرِ مُغَنِ، كُواْ إِلْيَاسُ ذَيْذُواْ يَثٜىٰثٜىٰشِ؞»

50سَيْ عِيسَىٰ يَسَاكٜىٰ طَغَ مُرْيَ دَ ڧَرْڢِے، سَعَنً يَسَكِ رَنْسَ؞

51سَيْ لَبُلٜىٰنْ دَيَكٜىٰ ثِكِنْ هَيْكَلِ يَيَاغٜىٰ كَشِ بِيُ دَغَ سَمَ ذُوَا ڧَسَا؞ عَكَيِ ضَوَرْ ڧَسَا، دُوَڟُو سُكَ ڢَرْڢَشٜىٰ؞

52عَكَ بُبُّوطٜىٰ كَبُرْبُرَ، ڟَرْكَكَا دَيَوَ دَ سُكَ مُتُ سُكَتَاشِ دَ رَيْ

53سُكَ ڢِڢِّتُواْ دَغَ كَبُرْبُرَنْسُ؞ بَايَنْ عِيسَىٰ يَتَاشِ دَغَ مَتَتُّو، سَيْ سُكَ شِغَ بِرْنِ مَيْ ڟَرْكِے، مُتَنٜىٰ دَيَوَ سُكَ غَنْسُ؞

54أَ لُواْكَثِنْ دَ بَبَّنْ سُواْجَنْ رُواْمَ دَ سَوْرَنْ وَطَنْدَ سُكٜىٰ غَادِنْ عِيسَىٰ سُكَغَ ضَوَرْ ڧَسَا دَ كُمَ دُكْ أَبِنْدَ يَڢَرُ، سَيْ سُكَجِڟُواْرُواْ سُواْسَيْ، سُكَثٜىٰ «لَلَّيْ، وَنَّنْ طَنْ اللَّهْ نٜىٰ!»

55أَݣَويْ كُمَ وَطَنْسُ مَاتَادَيَوَ دَ سُكَبِے عِيسَىٰ تُنْدَغَ غَلِيلِ سُنَيِ مَسَ حِدِمَ؞ سُكَ ڟَيَ دَغَ نٜىٰسَ سُنَ كَلُّوانْ أَبِنْدَ يَكٜىٰ ڢَرُوَ؞

56ثِكِنْسُ أَݣَويْ مَرْيَمُ دَغَ مَغَدَلَ دَ مَرْيَمُ مَامَرْ يَعْڧُوبَ دَ يُوسُڢَ دَ كُمَ مَامَرْ یَیَنْ ظَبَدِ؞

57دَ يَمَّ تَيِ، سَيْ وَنِ مَيْ أَرْزِڧِ، مُتُمِنْ أَرِمَتِيَ، مَيْ سُونَ يُوسُڢَ يَذُواْ، شِے مَا أَلْمَجِرِنْ عِيسَىٰ نٜىٰ؞

58يَجٜىٰ وُرِنْ بِلَتُسْ يَضُواْڧَا عَبَاشِ غَاوَرْ عِيسَىٰ ؞ بِلَتُسْ كُوَ يَبَادَ عُمَرْنِ عَبَاشِ؞

59سَيْ يُوسُڢَ يَطَوْكِ غَاوَرْ عِيسَىٰ يَنَطٜىٰ أَ ذَنٜىٰنْ لِيلِنْ مَيْ ڟَبْتَ؞

60يَسَاشِ عَثِكِنْ سَابُوانْ كَبَرِ نَاسَ، وَنْدَ يَحَڧَ أَجِكِنْ دُوڟٜىٰ؞ سَيْ يَتُورَ بَبَّنْ دُوڟٜىٰ عَبَڧِنْ كَبَرِنْ، يَتَڢِے؞

61مَرْيَمُ دَغَ مَغَدَلَ دَ طَيَ مَرْيَمُنْ سُنَانَنْ ظَوْنٜىٰ أَغَبَنْ كَبَرِنْ؞

62وَشٜىٰغَرِ، وَتُواْ بَايَنْ رَانَرْ شِرِ، سَيْ مَنْيَنْ ڢِرِسْتُواْثِے دَ ڢَرِسِيَاوَا سُكَ تَارُ أَغَبَنْ بِلَتُسْ،

63سُكَثٜىٰ «رَنْكَيَدَطٜىٰ! مُنْ تُنَ دَ أَبِنْدَ مَيْ رُوطِنْ مُتَنٜىٰنَّنْ يَثٜىٰ تُنْيَنَدَ رَيْ، وَيْ بَايَنْ ݣُونَ عُكُ ذَيْتَاشِ دَغَ مَتَتُّو؞

64سَبُواْدَ حَكَ كَسَا عَيِ غَادِنْ كَبَرِنَّنْ سُواْسَيْ حَرْ ذُوَا رَانَ تَ عُكُ، دُواْمِنْ كَدَ أَلْمَجِرَنْسَ سُتَڢِے سُسَاثِ غَاوَرْسَ، سَعَنً سُثٜىٰ وَمُتَنٜىٰ يَتَاشِ دَغَ مَتَتُّو؞ رُوطِنْ ڧَرْشٜىٰ ڢَا ذَيْڢِ نَڢَرْكُوانْ مُونِ؞»

65بِلَتُسْ يَثٜىٰ مُسُ «كُطٜىٰبِے سُواْجُواْجِ، كُجٜىٰ كُيِ غَادِنْسَ دُكْ يَدَّ ذَاكُ عِيَ؞»

66سَيْ سُكَجٜىٰ سُكَ ڟَرٜىٰ كَبَرِنْ، سُكَ بُغَ هَاتِمِنْ سَرْكِے أَدُوڟٜىٰنْ كَبَرِنْ، سُكَ كُمَسَا سُواْجُواْجِ سُيِ غَادِنْ وُرِنْ؞