Matthew 22 — Hausa Arabic 2020 (أَتَّوْرَتْ دَ أَنَّبَاوَا)

4يَسَاكٜىٰ عَيْكٜىٰنْ وَطَنْسُ بَايِنْ يَثٜىٰ، ‹كُڢَطَا وَمُتَنٜىٰنْ دَ عَكَ غَيَّتَ ثٜىٰوَ «غَاشِ نَشِرْيَ عَبِنْثِ، أَنْيَنْكَ شَانُو مَاسُ ڧِبَ دَ عَكَ ثِيَرْ دَسُو مُسَمَّنْ؞ دُكْ أَنْ‌غَمَ شِرْيَ كُواْمٜىٰ؞ كُذُواْ بِكٍ مَنَ!» ›

5عَمَّا بَسُ كُلَبَ؞ سُكَ تَڢِے أَبِنْسُ، وَنِ يَتَڢِے غُواْنَرْسَ، وَنِ يَتَڢِے كَاسُوَنْثِنْسَ،

6وَطَنْسُ كُمَ سُكَ كَامَ بَايِنْ سُكَيِ مُسُ دُوكَ، حَرْ سُكَ كَشٜىٰسُ؞

7سَرْكِنْ كُوَ يَيِ ڢُشِے سُواْسَيْ؞ يَعَيْكَ سُواْجُواْجِنْسَ سُكَ كَكَّشٜىٰ مَاسُ كِسَنْ كَنَّنْ، حَرْ سُكَ ڧُواْنٜىٰ غَرِنْسُ تَسْ؞

8سَعَنً يَثٜىٰ وَبَايِنْسَ، ‹أَنْ‌غَمَ شِرِنْ بِكٍ، عَمَّا وَطَنْدَ عَكَ غَيَّتَ بَسُ ثَنْثَنْتَبَ؞

9سَبُواْدَ حَكَ كُبِے تِيتِ تِيتِ كُثٜىٰ وَدُكْ وَطَنْدَ كُكَ سَامُ سُذُواْ بِكٍ؞›

10بَايِنَّنْ كُوَ سُكَبِے تِيتِ تِيتِ سُكَ تَتَّارُواْ دُكْ وَطَنْدَ سُكَ سَامُ، نَكِرْكِ دَ وَطَنْدَ بَ نَكِرْكِبَ، حَرْ وُرِنْ بِكٍ يَا ثِكَ دَ بَاڧِ؞

11«عَمَّا دَ سَرْكِنْ يَشِغُواْ دُواْمِنْ يَغَ بَڧِنْ، سَيْ يَغَ وَنِ مُتُمْ بَيْ سَا رِغَرْ بِكِبَ؞

12سَيْ يَثٜىٰ وَمُتُمِنْ، ‹أَبُواْكِ، يَيَ عَكَيِ كَشِغُواْ نَنْ بَاتَرٜىٰدَ كَسَا رِغَرْ بِكِبَ؟› عَمَّا مُتُمِنْ يَرَسَ أَبِنْدَ ذَيْ ڢَطَا؞

13سَيْ سَرْكِنْ يَثٜىٰ وَمَاسُ يِمَسَ حِدِمَ، ‹كُطَوْرٜىٰ حَنُّوَنْسَ دَ ڧَڢَاڢُنْسَ، كُجٜىٰڢَ شِ ثِكِنْ مُوغُنْ دُهُ، عِنْدَ ذَاعَيِ كُوكَا دَ ثِظُوانْ هَڧُواْرَ؞›

14«أَيْ، أَنْكِرَا مُتَنٜىٰ دَيَوَ، عَمَّا كَطَنْ نٜىٰ عَكَ ذَاٻَا؞»

15أَنَانً سَيْ ڢَرِسِيَاوَا سُكَجٜىٰ سُكَيِ شَوَرَا يَدَّ ذَاسُيِ مَسَ تَرْكُواْ ثِكِنْ أَبِنْدَ ذَيْ ڢَطَا؞

16سَيْ سُكَ عَيْكُواْ دَ أَلْمَجِرَنْسُ تَرٜىٰدَ وَطَنْسُ مُتَنٜىٰنْ هِرُدُسْ سُكَثٜىٰ «مَلَمْ، مُنْ سَنِ كَيْ مَيْ غَسْكِيَانٜىٰ، كَنَ كُمَ كُواْيَرْ دَ حَنْيَرْ اللَّهْ ثِكِنْ غَسْكِيَ، دُواْمِنْ مُتَنٜىٰ دُكْ طَيَ نٜىٰ أَغَرٜىٰكَ، غَمَا بَاكَ نُونَ بَمْبَنْثِ ڟَكَانِنْ مُتَنٜىٰ؞

17تُواْ، كَغَيَ مَنَ، كَنَ غَنِ دَيْدَيْنٜىٰ مُبِيَ وَ كَيْسَرْ بَبَّنْ سَرْكِنْ رُواْمَ هَرَاجِ، كُواْ أَعَ؟»

18عَمَّا سَبُواْدَ عِيسَىٰ يَغَانٜىٰ ڧِيَيَّرْ ذُوثِيَارْسُ سَيْيَثٜىٰ «دُوانْمٜىٰ كُكٜىٰ ڠُودَانِ، كُو مُنَاڢُكَيْ؟

19كُنُونَ مِنِ كُطِنْ دَ عَكٜىٰ بِيَنْ هَرَاجِنْ دَشِ؞» سَيْ سُكَ كَٰوُاْ مَسَ دِنَرِ؞

20سَيْ يَثٜىٰ مُسُ «حُواْتُواْنَّنْ دَ سُونَنَّنْ نَوَنٜىٰنٜىٰ؟»

21سُكَ أَمْسَ سُكَثٜىٰ «نَ كَيْسَرْ نٜىٰ؞» سَيْ عِيسَىٰ يَثٜىٰ مُسُ «تُواْ، سَيْ كُبَا كَيْسَرْ أَبِنْدَ يَكٜىٰ نَ كَيْسَرْ، كُكُمَبَا اللَّهْ أَبِنْدَ يَكٜىٰ نَ اللَّهْ ؞»

22دَ سُكَجِ حَكَ، سَيْ سُكَ كَامَ بَاكِ سُنَ مَامَاكِ، سُكَ بَرْشِ، سُكَ تَڢِے؞

23أَ رَانَرْ نَنْ كُوَ، وَطَنْسُ سَدُوكِيَاوَا سُكَذُواْ وُرِنْ عِيسَىٰ ؞ سُونٜىٰ سُكٜىٰثٜىٰوَ وَيْ بَابُ تَاشِنْ مَتَتُّو؞ سُكَ تَمْبَيٜىٰشِ،

24سُكَثٜىٰ «مَلَمْ، مُوسَٰى يَثٜىٰ، ‹عِدَنْ مُتُمْ يَمُتُ بَاشِ دَ طَا، سَيْ طَنْعُوَنْسَ يَ عَوْرِ مَاتَرْ دُواْمِنْ يَحَيْڢَ وَطَنْعُوَنْسَ یَیَ؞›

25تُواْ، أَݣَويْ وَطَنْسُ یَنْعُوَ غُدَا بَݣَويْ عَثِكِنْمُ؞ نَڢَرْكُوانْ يَيِ عَوْرٜىٰ، يَمُتُ بَيْ حَيْڢُبَ، يَبَرْ وَطَنْعُوَنْسَ مَاتَرْسَ؞

26حَكَ يَڢَرُ دَ نَبِيُنْ دَ نَعُكُنْ، حَرْ يَكَيْ كَنْ نَبَݣَويْ طِنْ؞

27دَغَ ڧَرْشٜىٰ، سَيْ مَاتَرْ تَمُتُ؞

28تُواْ، عَتَاشِنْ مَتَتُّو، مَاتَرْ وَ ذَاتَ ذَمَ عَثِكِنْسُ؟ غَمَا دُكَنْسُ سُنْ عَوْرٜىٰتَ؞»

29عِيسَىٰ يَأَمْسَ مُسُ يَثٜىٰ «تُنَانِنْكُ بَ دَيْدَيْ بَنٜىٰ، غَمَا بَكُسَنْ رُبُوتَثِّيَرْ مَغَنَرْ اللَّهْ بَ، كُمَ بَكُسَنْ إِيكُوانْ اللَّهْ بَ؞

30أَيْ، عَتَاشِنْ مَتَتُّو، مَظَا بَذَاسُيِ عَوْرٜىٰبَ، مَتَ كُمَ بَذَاعَ بَادَسُو غَ عَوْرٜىٰبَ، سَيْدَيْ ذَاسُ ذَمَ كَمَرْ مَلاَىِٕكُنْ اللَّهْ ؞

31كُمَ غَمٜىٰدَ تَاشِنْ مَتَتُّو، بَكُ كَرَنْتَ أَبِنْدَ اللَّهْ يَڢَطَا مُكُبَ؟ أَنْرُبُوتَ ثٜىٰوَ

32‹نِنٜىٰ اللَّهْ نَ إِبْرَٰهِيمْ، اللَّهْ نَ إِسْحَٰڧَ دَ كُمَ اللَّهْ نَ يَعْڧُوبَ؞› شِ اللَّهْ نَمَاسُ رَيْ نٜىٰ، بَنَمَتَتُّوبَ؞»

33دَ مُتَنٜىٰ سُكَجِ حَكَ، سَيْ سُكَيِ مَامَاكِنْ كُواْيَرْوَرْسَ؞

34دَ ڢَرِسِيَاوَا سُكَجِ يَڧُرٜىٰ سَدُوكِيَاوَا، سَيْ سُكَ تَارُ؞

35وَنِ مَلَمِنْ كُواْيَرْوَرْ مُوسَٰى عَثِكِنْسُ يَيِ وَ عِيسَىٰ تَمْبَيَ دُواْمِنْ يَڠُودَاشِ؞

36يَثٜىٰ «مَلَمْ، وَثٜىٰ دُواْكَاثٜىٰ تَڢِے غِرْمَ عَثِكِنْ دُواْكُواْكِ؟»

37عِيسَىٰ يَأَمْسَ مَسَ يَثٜىٰ « ‹كَڧَوْنَثِ عُبَنْ‌غِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ حَنْكَلِنْكَ؞›

38وَنَّنْ عِتَثٜىٰ دُواْكَا تَڢَرْكُواْ، كُمَ مَڢِے غِرْمَ؞

39تَبِيُنْ مَا كَمَرْ تَڢَرْكُوانْ تَكٜىٰ، ‹كَڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ؞›

40دُكَنْ كُواْيَرْوَرْ مُوسَٰى دَ تَأَنَّبَوَ سُنْ رَاتَيَ عَكَنْ وَطَنَّنْ دُواْكُواْكِ بِيُ؞»

41دَ ڢَرِسِيَاوَا سُكَ تَارُ وُرِے طَيَ، سَيْ عِيسَىٰ يَتَمْبَيٜىٰسُ

42يَثٜىٰ «مٜىٰنٜىٰنٜىٰ تُنَانِنْكُ غَمٜىٰدَ أَلْمَسِيحُ ؟ طَنْ وَنٜىٰنٜىٰ شِ؟» سَيْ سُكَثٜىٰ مَسَ «طَنْ دَاوُدَ نٜىٰ؞»

43سَيْ عِيسَىٰ يَثٜىٰ مُسُ «تُواْ، يَيَ دَاوُدَ تَ إِيكُوانْ رُوحُ يَكٜىٰثٜىٰ دَشِ ‹ عُبَنْ‌غِجِ ›؟ غَمَا دَاوُدَ يَثٜىٰ،

44« ‹ عُبَنْ‌غِجِ يَثٜىٰ وَ عُبَنْ‌غِجِنَ ، «ذَوْنَ نَنْ أَ حَنُّنْ دَامَنَ سَيْ نَسَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞» ›

45«عِدَنْ دَاوُدَ يَنَثٜىٰ دَ أَلْمَسِيحُ ‹ عُبَنْ‌غِجِ ›، تُواْ، يَيَ أَلْمَسِيحُ يَذَمَ طَنْسَ؟»

46بَاوَنْدَ يَ عِيَ بَاشِ أَمْسَ؞ دَغَ رَانَرْ نَنْ كُوَ بَاوَنْدَ يَيِ ڧَرْڢِنْ حَلِنْ يَسَاكٜىٰيِ مَسَ تَمْبَيَ؞