Matthew 25

Hausa Arabic 2020 (أَتَّوْرَتْ دَ أَنَّبَاوَا)

← Chapter 24 Jump to: Chapter 26 →

1«سَعَنً ذَاعَ ݣُوتَنْتَا مُلْكٍ سَمَ دَ یَنْ مَاتَا غُواْمَ وَطَنْدَ سُكَ طَوْكِ ڢِتِلُنْسُ سُكَ تَڢِے سُكَرْٻِ أَنْ‌غُواْ؞

2بِيَرْ دَغَ ثِكِنْسُ وَوَيٜىٰ نٜىٰ، بِيَرْ كُمَ مَاسُ حِكِمَ نٜىٰ؞

3لُواْكَثِنْ دَ وَوَيٜىٰنَّنْ سُكَ طَوْكِ ڢِتِلُنْسُ بَسُ رِڧٜىٰ مَيْ دُواْمِنْ ڧَارِبَ؞

4مَاسُ حِكِمَرْ نَنْ كُوَ سُنْ رِڧٜىٰ ݣُولَبَ مَاسُ مَيْ تَرٜىٰدَ ڢِتِلُنْسُ؞

5أَنْ‌غُوانْ كُوَ بَيْذُواْ دَ وُرِيبَ، سَيْ دُكَنْسُ سُكَيِ تَجِنْ بَرْثِ حَرْ بَرْثِ يَݣُوشٜىٰسُ؞

6«ثَنْ دَ دَرٜىٰ سُواْسَيْ، سَيْ عَكَجِ كِرَا أَنَثٜىٰوَ ‹غَا أَنْ‌غُواْ! كُڢِتُواْ كُكَرْٻٜىٰشِ؞›

7سَيْ یَنْ مَاتَنَّنْ غُواْمَ سُكَتَاشِ سُكَ ڠَغْڠَرَ ڢِتِلُنْسُ؞

8سَيْ وَوَيٜىٰنَّنْ سُكَثٜىٰ وَ مَاسُ حِكِمَرْ نَنْ، ‹كُطَنْ بَامُ مَنْكُ كَطَنْ مَنَ؞ ڢِتِلُنْمُ سُنَ مُتُوَ؞›

9عَمَّا مَاسُ حِكِمَرْ سُكَثٜىٰ مُسُ، ‹أَعَ، بَذَيْ إِشٜىٰمُ دَكُوبَ؞ غَارَ كُجٜىٰ وُرِنْ مَاسُ سَيَرْوَ كُسَيُواْ نَاكُ؞›

10دَ سُكَ تَڢِے دُواْمِنْ سُسَيُواْ مَنْ، كَاڢِنْ سُدَاوُاْ سَيْ أَنْ‌غُوانْ يَ إِسُواْ؞ وَطَنْدَ سُكٜىٰ أَشِرْيٜىٰ كُوَ سُكَ شِغَ وُرِنْ بِكِ دَشِ، عَكَ كُمَ رُڢٜىٰ ڧُواْڢَ؞

11«دَغَ بَايَ سَيْ سَوْرَنْ یَنْ مَاتَانْ سُكَذُواْ، سُكَثٜىٰ، ‹مَيْغِرْمَ، مَيْغِرْمَ، كَبُوطٜىٰ مَنَ!›

12عَمَّا أَنْ‌غُوانْ يَأَمْسَ مُسُ يَثٜىٰ، ‹حَڧِيڧَ إِنَ غَيَ مُكُ، بَنْسَنْكُبَ؞›

13«دُواْمِنْ حَكَ سَيْ كُذَوْنَ دَ شِرِ، غَمَا بَكُسَنْ رَانَرْ، كُواْ عَڧَرْڢٜىٰ نَوَنٜىٰبَ؞»

14«مُلْكٍ اللَّهْ ذَيْ ذَمَ كَمَرْ مُتُمْ نٜىٰ وَنْدَ ذَيْ يِتَڢِيَ، سَيْ يَكِرَا بَايِنْسَ، يَدَنْڧَ دُوكِيَرْسَ أَ حَنُّنْسُ؞

15يَبَا طَيَ ظِينَارِيَ دُبُو بِيَرْ، طَيَ كُمَ ظِينَارِيَ دُبُو بِيُ، يَبَا وَنِ كُمَ ظِينَارِيَ دُبُو طَيَ، كُواْوَ دَيْدَيْ دَ ڧَرْڢِنْسَ؞ سَعَنً يَتَڢِے؞

16وَنْدَ يَكَرْٻِ ظِينَارِيَ دُبُو بِيَرْ طِنَّنْ، نَنْ دَنَنْ يَجٜىٰ يَيِ كَاسُوَنْثِ دَ كُطِنْ، حَرْ يَيِ رِيبَرْ دُبُو بِيَرْ؞

17حَكَ مَا وَنْدَ يَكَرْٻِ ظِينَارِيَ دُبُو بِيُ طِنَّنْ، يَيِ رِيبَرْ دُبُو بِيُ؞

18عَمَّا وَنْدَ يَكَرْٻِ ظِينَارِيَ دُبُو طِنَّنْ يَجٜىٰ يَتُواْنَ رَامِ يَٻُواْيٜىٰ كُطِنْ مَيْغِدَنْسَ؞

19«دَ عَكَ دَطٜىٰ، سَيْ مَيْغِدَنْ بَايِنَّنْ يَدَاوُاْ دُواْمِنْ يَدَيْدَيْتَ لِسَّڢِنْ أَبِنْدَ سُكَيِ دَ كُطِنْ؞

20سَيْ وَنْدَ يَكَرْٻِ ظِينَارِيَ دُبُو بِيَرْ طِنْ يَذُواْ غَبَ يَكَٰوُاْ وَطَنْسُ ظِينَارِيَ دُبُو بِيَرْ يَثٜىٰ، ‹مَيْغِدَا، كَبَانِ ظِينَارِيَ دُبُو بِيَرْ؞ غَاشِ كُمَ نَيِ رِيبَرْ دُبُو بِيَرْ؞›

21سَيْ مَيْغِدَنْسَ يَثٜىٰ مَسَ، ‹مَادَلَّ، بَاوَنْ كِرْكِ، مَيْ أَمِنْثِ! كَيِ أَمِنْثِ عَكَنْ ڧَرَمِنْ أَبُ؞ ذَنْبَاكَ عَيْكِنْدَ يَڢِ وَنَّنْ؞ كَذُواْ كَيِ مُرْنَ تَرٜىٰدَنِ؞›

22«سَيْ وَنْدَ يَكَرْٻِ ظِينَارِيَ دُبُو بِيُنَّنْ كُمَ يَذُواْ غَبَ، يَثٜىٰ، ‹مَيْغِدَا، كَبَانِ ظِينَارِيَ دُبُو بِيُ؞ غَاشِ كُمَ نَيِ رِيبَرْ دُبُو بِيُ؞›

23سَيْ مَيْغِدَنْسَ يَثٜىٰ مَسَ، ‹مَادَلَّ، بَاوَنْ كِرْكِ مَيْ أَمِنْثِ! كَيِ أَمِنْثِ عَكَنْ ڧَرَمِنْ أَبُ؞ ذَنْبَاكَ عَيْكِنْدَ يَڢِ وَنَّنْ؞ كَذُواْ كَيِ مُرْنَ تَرٜىٰدَنِ؞›

24«سَعَنً وَنْدَ يَكَرْٻِ ظِينَارِيَ دُبُو طَيَ شِے مَا يَذُواْ غَبَ يَثٜىٰ، ‹مَيْغِدَا، نَسَنِ كَيْ كَنَدَ وُيَرْ شَعَنِ، كَنَ غِرْبِے أَ عِنْدَ بَكَيِ شُوكَبَ؞ كَيْ كُمَ مَيْ سُوانْ نَبَنْظَ نٜىٰ؞

25شِے يَسَا نَجِڟُواْرُواْ نَجٜىٰ نَتُواْنَ رَامِ نَٻُواْيٜىٰ ظِينَارِيَرْكَ؞ كَرْٻِ أَبِنْكَ؞›

26«سَيْ مَيْغِدَنْسَ يَأَمْسَ مَسَ يَثٜىٰ، ‹كَيْ مُوغُنْ بَاوَ مَيْ ڧِوِيَ! أَشٜىٰ، كَا سَنِ إِنَ غِرْبِے عِنْدَ بَنْ شُوكَبَ، نَكَنْ كُمَ تَتَّارَ دَغَ عِنْدَ بَنْ بَظَ إِرِبَ؞

27أَيْ دَ كَسَا مِنِ كُطِنَ عَبَنْكِ، سَعَدَّ نَدَاوُاْ كُمَ إِنْكَرْٻِ أَبِنَ حَرْ دَ رِيبَ!

28دُواْمِنْ حَكَ سَيْ كُكَرْٻِ ظِينَارِيَ دُبُو طَيَنَّنْ دَغَ وُرِنْسَ كُبَا مَيْ دُبُو غُواْمَنَّنْ؞

29غَمَا دُكْ وَنْدَ يَكٜىٰدَ أَبُ، ذَاعَ ڧَارَ مَسَ، حَرْ يَسَامُ دَيَوَ؞ وَنْدَ بَاشِ دَ أَبُ كُوَ، كُواْ طَنْ كَطَنْ طِنْ دَ يَكٜىٰدَشِيمَا، ذَاعَ كَرْٻَ دَغَ غَرٜىٰشِ؞

30كُكُمَ جٜىٰڢَ بَنْظَنْ بَاوَنَّنْ عَبَڧِنْ دُهُ؞ نَنْ ذَاعَيِ كُوكَا دَ ثِظُوانْ هَڧُواْرَ؞› »

31«لُواْكَثِنْ دَ طَنْ مُتُمْ ذَيْذُواْ ثِكِنْ طَوْكَكَرْسَ تَرٜىٰدَ مَلاَىِٕكُ دُكَ، سَعَنً نٜىٰ ذَيْ ذَوْنَ أَ مَطَوْكَكِنْ كُجٜىٰرَرْ مُلْكِنْسَ؞

32ذَاعَ تَارَ دُكْ مُتَنٜىٰنْ دُونِيَا أَغَبَنْسَ، ذَيْ رَرَّبَسُ دَبَمْ دَبَمْ، كَمَرْ يَدَّ مَكِيَايِ يَكٜىٰ رَبَ تُمَكِ دَ أَوَكِ؞

33ذَيْسَا تُمَكِ أَ حَنُّنْ دَامَنْسَ، أَوَكِ كُوَ أَ هَغُنْسَ؞

34سَعَنً نٜىٰ سَرْكِے ذَيْثٜىٰ وَ وَطَنْدَ سُكٜىٰ دَامَنْسَ، ‹كُذُواْ، كُو دَ عُبَانَ يَيِ مُكُ أَلْبَرْكَ! كُكَرْٻِ مُلْكٍ دَ اللَّهْ يَشِرْيَ مُكُ تُنْ ڢَرْكُوانْ دُونِيَا؞

35غَمَا سَعَدَّ نَكٜىٰ جِنْ يُنْوَ كُنْ بَا نِے عَبِنْثِ؞ دَنَكٜىٰجِنْ ڧِشِنْ ضُوَ، كُنْ بَانِ ضُوَ نَشَا؞ إِنَ بَڧُواْ، كُكَ كَرْٻٜىٰنِ؞

36بَانِ دَ رِغَا، كُكَ بَانِ رِغَا؞ بَانِ دَ لَاڢِيَ، كُكَ لُورَ دَنِے؞ إِنَ كُرْكُكُ، كُكَ ظِيَرْثٜىٰنِ؞›

37«سَعَنً نٜىٰ مَاسُ أَدَلْثِے ذَاسُ أَمْسَ مَسَ سُثٜىٰ، ‹ عُبَنْ‌غِجِ ، يَوْشٜىٰنٜىٰ مُكَ غَنْكَ كَنَ جِنْ يُنْوَ مُكَ بَاكَ عَبِنْثِ؟ كُواْ كُوَ كَنَ جِنْ ڧِشِنْ ضُوَ مُكَ بَاكَ ضُوَ كَشَا؟

38كُمَ يَوْشٜىٰ نٜىٰ مُكَ غَنْكَ بَڧُواْ مُكَ كَرْٻٜىٰكَ؟ كُواْ كُوَ بَاكَ دَ رِغَا مُكَ بَاكَ رِغَا؟

39كُمَ يَوْشٜىٰ نٜىٰ مُكَغَ بَاكَ دَ لَاڢِيَ كُواْ كَنَ كُرْكُكُ مُكَ ظِيَرْثٜىٰكَ؟›

40سَرْكِنْ ذَيْ أَمْسَ مُسُ يَثٜىٰ، ‹حَڧِيڧَ إِنَ غَيَ مُكُ، تُنْدَيَكٜىٰ كُنْيِ وَطَيَ دَغَ ثِكِنْ وَطَنَّنْ یَنْعُوَنَ مَڢِے ڧَنْڧَنْتَ، أَيْ، كُنْيِ مِنِ كٜىٰنَنْ؞›

41«سَعَنً ذَيْثٜىٰ وَنَهَغُنْسَ، ‹كُرَبُ دَنِے، كُو لَعَنَنُّ، كُشِغَ وُتَرْ دَ بَذَاتَ تَٻَ مُتُوَبَ حَرْ أَبَدَا، وَدَّ عَكَ شِرْيَ وَ شَيْطَنْ دَ مَلاَىِٕكُنْسَ؞

42غَمَا سَعَدَّ نَكٜىٰ جِنْ يُنْوَ، بَكُ بَانِ عَبِنْثِبَ؞ إِنَ جِنْ ڧِشِنْ ضُوَ، بَكُ بَانِ ضُوَ نَشَا بَ؞

43إِنَ بَڧُواْ، بَكُ كَرْٻٜىٰنِبَ؞ بَانِ دَ رِغَا، بَكُ بَانِ رِغَا بَ؞ نَيِ رَشِنْ لَاڢِيَ، كُمَ إِنَ كُرْكُكُ بَكُ ظِيَرْثٜىٰنِبَ؞›

44«سَعَنً سُو مَا ذَاسُ أَمْسَ سُثٜىٰ، ‹ عُبَنْ‌غِجِ ، يَوْشٜىٰ مُكَ غَنْكَ كَنَ جِنْ يُنْوَ، كُواْ ڧِشِنْ ضُوَ، كُواْ كَنَ بَڧُنْثِ، كُواْ بَاكَ دَ رِغَا، كُواْ كَنَ رَشِنْ لَاڢِيَ، كُواْ كَنَ كُرْكُكُ، بَمُ كُلَ دَكَيْ بَ؟›

45سَعَنً ذَيْ أَمْسَ مُسُ يَثٜىٰ، ‹حَڧِيڧَ إِنَ غَيَ مُكُ، تُنْدَيَكٜىٰ بَكُيِ وَطَيَ دَغَ ثِكِنْ وَطَنَّنْ مَڢِے ڧَنْڧَنْتَبَ، أَيْ، بَكُيِ مِنِبَ كٜىٰنَنْ؞›

46وَطَنَّنْ ذَاسُ شِغَ عَذَابَ مَرَرْ ڧَارٜىٰوَ، مَاسُ أَدَلْثِے كُوَ سُشِغَ رَيْ نَهَرْ أَبَدَا؞»

← Chapter 24 Jump to: Chapter 26 →