Matthew 21

Hausa Arabic 2020 (أَتَّوْرَتْ دَ أَنَّبَاوَا)

1سَعَدَّ عِيسَىٰ دَ أَلْمَجِرَنْسَ سُكَ كَيْ ڧَوْيٜىٰنْ بٜىٰتَڢَجِ كُسَدَ عُرُوشَلِيمَ، وَجٜىٰنْ تُدُنْ عِتَتُوَنْ ظَيْتُنْ، سَيْ يَعَيْكِ أَلْمَجِرَيْ بِيُ،

2يَثٜىٰ مُسُ «كُشِغَ ڧَوْيٜىٰنَّنْ نَغَبَنْكُ؞ دَ شِغَرْكُ ذَاكُغَ وَتَ جَكَ أَطَوْرٜىٰ تَرٜىٰدَ طَنْتَ؞ كُكُنْثٜىٰسُ كُكَٰوُاْ مِنِ؞

3عِدَنْ وَنِ يَيِ مُكُ مَغَنَ كُثٜىٰ، ‹ عُبَنْ‌غِجِ نٜىٰ يَكٜىٰ بُڧَاتَرْسُ؞› ذَيْ كُوَ مَيْدَسُو أَنْجِمَ؞»

4وَنَّنْ يَڢَرُ نٜىٰ دُواْمِنْ عَثِكَ أَبِنْدَ أَنَّبِے يَڢَطَا ثٜىٰوَ

5«كُثٜىٰ وَذُوثِيَاتَ عُرُوشَلِيمَ، ‹غَا سَرْكِنْكُ نَنْ ذُوَا غَرٜىٰكُ! مَيْ سَوْڧِنْ كَيْنٜىٰ شِ؞ يَنَ تَڢِيَ عَكَنْ جَاكِ، عَكَنْ طَنْ جَاكِ نٜىٰ يَكٜىٰ تَڢِيَ؞› »

6سَيْ أَلْمَجِرَنْ سُكَجٜىٰ، سُكَيِ يَدَّ عِيسَىٰ يَثٜىٰ سُيِ؞

7سُكَ كَٰوُاْ جَكَرْ دَ طَنْتَ، سُكَ شِمْڢِطَا مُسُ رِيغُنَنْسُ، شِيكُوَ يَهَوْ يَذَوْنَ؞

8مُتَنٜىٰ دَيَوَ سُكَ شِمْڢِطَا رِيغُنَنْسُ عَكَنْ حَنْيَ، وَطَنْسُ كُمَ سُكَ كَرْيَ غَنْيٜىٰ دَغَ عِتَتُوَ سُكَ شِمْڢِطَا عَكَنْ حَنْيَ؞

9مُتَنٜىٰنْ دَسُكٜىٰ غَبَنْسَ دَ وَطَنْدَ سُكٜىٰبِنْسَ عَبَايَ سُكَ طَغَ مُرْيَ سُنَ ثٜىٰوَ «هُواْسَنَّ غَ طَنْ دَاوُدَ! أَلْبَرْكَ تَا تَبَّتَا غَ مَيْ ذُوَا ثِكِنْ سُونَنْ عُبَنْ‌غِجِ! هُواْسَنَّ غَ مَڢِے طَوْكَكَ!»

10دَ عِيسَىٰ يَشِغَ عُرُوشَلِيمَ، دُكْ بِرْنِنْ يَرُوطٜىٰ، أَنَ تَتَمْبَيَ أَنَ ثٜىٰوَ «وَنٜىٰنٜىٰ وَنَّنْ؟»

11سَيْ مُتَنٜىٰنْ دَسُكٜىٰبِنْ عِيسَىٰ سُكَثٜىٰ «أَيْ، وَنَّنْ شِينٜىٰ أَنَّبِے عِيسَىٰ دَغَ نَظَرٜىٰتْ نَ غَلِيلِ؞»

12سَيْ عِيسَىٰ يَشِغَ هَيْكَلِ يَكُواْرِ دُكَنْ مَاسُ سَيَ دَ سَيَرْوَ عَثِكِ، يَتُتُّرٜىٰ تٜىٰبُرَنْ مَاسُ ثَنْجِنْ كُطِ دَ كُجٜىٰرُنْ مَاسُ سَيَرْ دَ تَتَّبَرُ؞

13يَثٜىٰ مُسُ «أَ رُبُوثٜىٰ يَكٜىٰ، « ‹ذَاعَ ثٜىٰ دَ غِدَانَ غِدَنْ أَدُّعَ،› عَمَّا كُنْ مَيْدَشِ وُرِنْ ٻُيَنْ یَنْ ڢَشِ؞»

14سَيْ مَكَڢِ دَ غُرَغُ سُكَذُواْ وُرِنْسَ أَ هَيْكَلِنْ، يَكُوَ وَرْكَرْ دَسُو؞

15عَمَّا دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَغَ أَيُّكَنْ بَنْ مَامَاكِ دَ يَيِ، حَرْ يَارَا سُنَ إِيهُ ثِكِنْ هَيْكَلِنْ سُنَ ثٜىٰوَ «هُواْسَنَّ غَ طَنْ دَاوُدَ!» سَيْ سُكَجِ ڢُشِے؞

16سُكَثٜىٰ مَسَ «كَنَ جِنْ أَبِنْدَ وَطَنَّنْ سُكٜىٰثٜىٰوَ كُوَ؟» عِيسَىٰ يَأَمْسَ يَثٜىٰ «عِ، أَشٜىٰ، بَكُ تَٻَ كَرَنْتَ ثِكِنْ رُبُوتَثِّيَرْ مَغَنَرْ اللَّهْ بَ ثٜىٰوَ « ‹دَغَ بَاكِنْ يَارَا دَ جَرِرَيْ كَسَا يَبُوانْكَ يَڢِتَ؟› »

17دَغَ نَنْ سَيْ يَبَرْسُ يَڢِتَ دَغَ بِرْنِنْ، يَتَڢِے بٜىٰتَنِ، يَݣُونَ عَثَنْ؞

18دَ غَرِ يَوَايٜىٰ يَنَ دَاوُاْوَ، سَيْ يُنْوَ تَكَامَ شِ؞

19دَ يَغَ وَنِ إِتَاثٜىٰنْ ٻَوْرٜىٰ أَغٜىٰڢٜىٰنْ حَنْيَ، سَيْ يَجٜىٰ وُرِنْ إِتَاثٜىٰنْ، عَمَّا بَيْ سَامِ كُواْمٜىٰبَ سَيْ غَنْيٜىٰ؞ يَثٜىٰ وَ إِتَاثٜىٰنْ «كَدَ كَڧَارَ يِنْ یَیَ حَرْ أَبَدَا؞» نَنْ تَكٜىٰ كُوَ إِتَاثٜىٰنْ يَبُوشٜىٰ؞

20دَ أَلْمَجِرَنْ سُكَغَ حَكَ، سُكَيِ مَامَاكِ سُواْسَيْ؞ سُكَثٜىٰ «يَيَ إِتَاثٜىٰنْ يَبُوشٜىٰ حَكَنَنْ تَكٜىٰ؟»

21عِيسَىٰ يَأَمْسَ مُسُ يَثٜىٰ «حَڧِيڧَ إِنَ غَيَ مُكُ، عِدَنْ كُنَدَ بَنْ‌غَسْكِيَ، كُمَ بَ كُيِ شَكَّ بَ كُواْ كَطَنْ، ذَاكُ عِيَيِنْ ڢِيٜىٰدَ أَبِنْدَ نَيِ وَوَنَّنْ ٻَوْرٜىٰ، حَرْ مَا عِدَنْ كُكَثٜىٰ وَبَبَّنْ تُدُنَّنْ، ‹تَاشِ كَڢَاطَ ثِكِنْ تٜىٰكُ،› ذَيْ ڢَرُ؞

22عِدَنْ كُنْ بَادَ غَسْكِيَ، دُكْ إِيَاكَرْ أَبِنْدَ كُكَ ضُواْڧِ اللَّهْ ثِكِنْ أَدُّعَ، ذَاكُ سَامُ؞»

23سَعَدَّ عِيسَىٰ يَشِغَ هَيْكَلِ، يَنَ ثِكِنْ كُواْيَرْوَا كٜىٰنَنْ، سَيْ مَنْيَنْ ڢِرِسْتُواْثِے دَ شُوغَبَنِّنْ جَمَعَ سُكَذُواْ وُرِنْسَ سُكَثٜىٰ «دَ وَنٜىٰ إِظْنِ كَكٜىٰيِنْ أَبُبُوَنَّنْ، كُمَ وَيَبَاكَ وَنَّنْ إِظْنِ؟»

24سَيْ عِيسَىٰ يَأَمْسَ مُسُ يَثٜىٰ «نِے مَا ذَنْيِ مُكُ وَتَ تَمْبَيَ؞ عِدَنْ كُنْ بَانِ أَمْسَ، نِے مَا ذَنْ ڢَطَا مُكُ كُواْ دَ وَنٜىٰ إِيكُواْ نَكٜىٰيِنْ أَبُبُوَنَّنْ؞

25دَغَ إِنَا نٜىٰ يَحْيَى يَسَامِ إِظْنِنْ بَڢْتِسْمَرْ دَ يَيِ، اللَّهْ نٜىٰ يَبَاشِ كُواْ مُتُمْ؟» سَيْ سُكَ ڢَارَ غَرْدَمَ أَڟَكَانِنْسُ سُنَ ثٜىٰوَ «عِدَنْ مُكَثٜىٰ دَغَ وُرِنْ اللَّهْ نٜىٰ، ذَيْثٜىٰ مَنَ، ‹تُواْ، دُوانْمٜىٰ بَكُ غَسْكَتَ شِيبَ؟›

26عَمَّا عِدَنْ مُكَثٜىٰ، ‹دَغَ وُرِنْ مُتُمْ نٜىٰ›، مُنَ جِنْ ڟُواْرُوانْ أَبِنْدَ مُتَنٜىٰ ذَاسُيِ مَنَ، غَمَا كُواْوَ يَطَوْكِ يَحْيَى أَنَّبِے نٜىٰ؞»

27سَيْ سُكَ أَمْسَ وَ عِيسَىٰ سُكَثٜىٰ «بَمُ سَنِبَ؞» سَيْ يَثٜىٰ مُسُ «نِے مَا بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ أَبُبُوَنَّنْبَ؞»

28«تُواْ، مٜىٰ كُكَ غَنِ؟ أَݣَويْ وَنِ مُتُمْ يَنَدَ یَیَ بِيُ مَظَا، يَجٜىٰ وُرِنْ نَڢَرْكُوانْ يَثٜىٰ، ‹طَانَ، يَوْ كَجٜىٰ كَيِ عَيْكِ أَغُواْنَرْ إِنَبِے؞›

29سَيْ طَنْ يَثٜىٰ، ‹بَذَنْ جٜىٰبَ،› عَمَّا دَغَ بَايَ يَسَاكٜىٰ تُنَانِ يَجٜىٰ؞

30سَيْ بَابَنْ يَجٜىٰ وُرِنْ نَبِيُنْ، يَڢَطَا مَسَ أَبِنْدَ يَڢَطَا وَنَڢَرْكُوانْ؞ سَيْ طَنْ يَأَمْسَ يَثٜىٰ، ‹تُواْ، ذَنْجٜىٰ، بَابَ،› عَمَّا بَيْجٜىٰبَ؞

31ثِكِنْسُ بِيُنَّنْ، وَنٜىٰنٜىٰ يَيِ أَبِنْدَ بَابَنْسَ يَكٜىٰسُواْ؟» سَيْ سُكَثٜىٰ «نَڢَرْكُوانْ؞» عِيسَىٰ كُوَ يَثٜىٰ مُسُ «حَڧِيڧَ إِنَ غَيَ مُكُ مَاسُ كَرْٻَرْ هَرَاجِ دَ كَارُوَيْ سُنَ رِغَاكُ شِغَ مُلْكٍ سَمَ؞

32غَمَا يَحْيَى يَاذُواْ يَنُونَ مُكُ حَنْيَرْ أَدَلْثِے، بَكُ بَادَ غَسْكِيَابَ؞ عَمَّا مَاسُ كَرْٻَرْ هَرَاجِ دَ كَارُوَيْ سُنْ بَادَ غَسْكِيَ غَرٜىٰشِ؞ دُكْ دَ غَنِنْ حَكَمَا دَغَ بَايَ بَكُ تُوبَ كُنْ غَسْكَتَ شِيبَ؞»

33«تُواْ، غَ وَنِ مِصَالِ كُمَ؞ أَݣَويْ وَنِ مُتُمِنْ دَ يَيِ غُواْنَرْ إِنَبِے، يَكٜىٰوَيٜىٰتَ دَ كَتَنْ‌غَ، يَحَڧَ وُرِنْ مَڟٜىٰوَرْ یَیَنْ إِنَبِے عَثِكِ، يَكُمَ غِنَا رُمْڢَرْ مَيْغَادِ؞ يَبَا وَطَنْسُ مَنُواْمَ هَيَرْ غُواْنَرْ، سَعَنً يَتَڢِے وَتَ ڧَسَا؞

34دَ لُواْكَثِنْ غِرْبِے يَيِ، سَيْ يَعَيْكِ بَايِنْسَ سُجٜىٰ وُرِنْ وَطَنْدَ سُكَ كَرْٻِ هَيَرْ غُواْنَرْ سُكَرْٻُواْ مَسَ نَاسَ رَبُوانْ أَمْڢَانِنْ غُواْنَرْ؞

35عَمَّا مَاسُ هَيَرْ سُكَ كَامَ بَايِنْ، سُكَيِ وَطَيَ دُوكَ، سُكَ كَشٜىٰ طَيَ، سُكَ كُمَ جٜىٰجّٜىٰڢِ طَيَ؞

36سَيْ يَسَاكٜىٰ عَيْكَ وَطَنْسُ بَايِ ڢِيٜىٰدَ نَڢَرْكُواْ؞ مَاسُ هَيَرْ غُواْنَرْ سُكَيِ مُسُ يَدَّ سُكَيِ وَنَڢَرْكُوانْ؞

37دَغَ ڧَرْشٜىٰ سَيْ مَيْ غُواْنَرْ يَعَيْكِ طَنْسَ ذُوَا وُرِنْسُ يَنَ ثٜىٰوَ ‹بَاشَكَّ ذَاسُ بَا طَانَ غِرْمَ؞›

38عَمَّا دَ مَاسُ هَيَرْ سُكَغَ طَنْ، سَيْ سُكَثٜىٰ وَجُونَنْسُ، ‹يَوَّ! أَيْ، وَنَّنْ شِينٜىٰ ذَيْ غَاجِ غُواْنَرْ؞ مُكَشٜىٰشِ، غَادُوانْسَ يَذَمَ نَامُ!›

39سَيْ سُكَ كَامَ شِ، سُكَ جٜىٰڢَشِ بَايَنْ كَتَنْ‌غَرْ غُواْنَرْ، سُكَ كَشٜىٰشِ؞

40«تُواْ، عِدَنْ مَيْ غُواْنَرْ نَنْ يَذُواْ، مٜىٰ ذَيْ يِوَمَاسُ هَيَرْ نَنْ؟»

41سَيْ سُكَثٜىٰ مَسَ «أَيْ، لَلَّيْ ذَيْ كَكَّشٜىٰ مُوغَيٜىٰنَّنْ، يَبَا وَطَنْسُ هَيَرْ غُواْنَرْ، وَطَنْدَ ذَاسُدِنْ‌غَ بَاشِ نَاسَ رَبُوانْ أَمْڢَانِنْ غُواْنَرْ؞»

42عِيسَىٰ يَثٜىٰ مُسُ «أَشٜىٰ، بَكُ تَٻَ كَرَنْتَاوَا أَ رُبُوتَثِّيَرْ مَغَنَرْ اللَّهْ بَ؟ ثٜىٰوَ، « ‹دُوڟٜىٰنْ دَ مَاسُ غِنِ سُكَڧِ، شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ؞ وَنَّنْ عَيْكِنْ عُبَنْ‌غِجِ نٜىٰ، أَبِنْ مَامَاكِ نٜىٰ كُوَ أَعِدَنُونْمُ؞› »

43«سَبُواْدَ حَكَ إِنَ غَيَ مُكُ، ذَاعَ كَرْٻِ مُلْكٍ اللَّهْ دَغَ وُرِنْكُ، عَبَا وَتَ أَلْعُمَّرْدَ ذَاتَ حَيْڢَرْ دَ هَلَيٜىٰ مَاسُ ݣَوْ نَمُلْكٍ؞

44وَنْدَ يَڢَاطِ عَكَنْ وَنَّنْ دُوڟٜىٰ ذَيْ هَلَّكَ، كُمَ وَنْدَ دُوڟٜىٰنَّنْ يَڢَاطَ مَسَ، ذَيْ نِڧَشِ كَمَرْ غَارِ؞»

45دَ مَنْيَنْ ڢِرِسْتُواْثِے دَ ڢَرِسِيَاوَا سُكَجِ مِصَلَنَّنْ دَ يَبَايَرْ، سَيْ سُكَ غَانٜىٰ ثٜىٰوَ يَنَ مَغَنَ عَكَنْسُنٜىٰ؞

46سُنْسُواْ سُكَامَشِ، عَمَّا سُنَ ڟُواْرُوانْ جَمَعَ، غَمَا جَمَعَ سُنْ طَوْكَ شِے أَنَّبِنٜىٰ؞

← Chapter 20 Jump to: Chapter 22 →