bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Job 38
Job 38
Ilonggo (Maayong Balita nga Biblia (2012))
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 39 →
1
Dayon gikan sa bagyo ang Ginoo naghambal kay Job:
2
Sin-o bala ikaw nga magpangduhaduha sa akon kaalam Ginapakita mo lamang ang imo pagkakulang sing ihibalo sa imo ginpanghambal.
3
Maghanda ka kag magpakalalaki, kag sabta ang akon mga pamangkot.
4
Didto ka bala sang paghimo ko sang kalibutan? Kon maalam ka, sugiri ako.
5
Sin-o bala ang nagpat-od sang kadakuon sini? Sin-o bala ang nagtakos sini? Indi bala nga nahibal-an mo ini tanan?
6
Ano bala ang natindugan sang mga haligi nga nagatukod sang kalibutan? Sin-o bala ang nagpasad sang sadsaran sang kalibutan?
7
Sa kaagahon sadto nga adlaw ang mga bituon nagkanta sing tingob, kag ang langitnon nga mga tinuga naghinugyaw.
8
Sin-o bala ang nagtakop sang mga pwerta sa pagpugong sang dagat, sang magsagawak ini gikan sa alibutod sang duta?
9
Ako ang nagtabon sang dagat sing mga gal-om kag ginputos ko ini sang kadudulman.
10
Ginbutangan ko sing dulonan ang dagat kag gintrangkahan ang mga pwerta sini.
11
Ginsilingan ko ang dagat, “Tubtob ka lamang diri kag indi ka na maglapaw! Diri lang magalambot ang imo dalagku nga mga balod.”
12
Job, sa bug-os mo nga pagkabuhi nakamando ka bala sang adlaw nga magpamanagbanag?
13
Nakasugo ka bala sa pamanagbanag sa pagtugob sang duta kag nagapagwa sang mga malaut sa ila palanaguan?
14
Ang kasanag sang adlaw nagapakita sing maathag sang mga bakulod kag kapatagan kaangay sang pinil-an sang bayu, maathag subong sang marka sang selyo sa tabliya nga lunang.
15
Ang kapawa sang adlaw tama kasanag para sa malaut, kag nagaupang sa ila sa paghimo sing kalautan.
16
Nakakadto ka bala sa mga tuboran sa kaidadalman sang dagat? Nakalakat ka bala sa kadadalman sang kadagatan?
17
May nagpatan-aw na bala sa imo sang mga pwerta nga nagatakop sang madulom nga kalibutan sang mga patay?
18
Nakahibalo ka bala kon daw ano kadako sang kalibutan? Sabta ako, kon nahibal-an mo ini tanan.
19
Nakahibalo ka bala kon diin nagahalin ang kapawa ukon ang ginahalinan sang kadudulman?
20
Matudloan mo bala sila kon daw ano kalayo ang ila kaladtuan, ukon mapabalik mo bala sila?
21
Napat-od ko nga mahimo mo tungod kay tigulang na gid ikaw, kag natawo na ikaw sang pagtuga sang kalibutan!
22
Nakakadto ka na bala sa mga kwarto nga talaguan, sa diin ginbutang ko ang mapino nga yelo kag ang daw mga bato nga yelo?
23
Gintigana ko ang mga ini para sa tion sang kagamo, para sa adlaw sang inaway kag gira.
24
Nakakadto ka bala sa ginabutlakan sang adlaw, ukon sa ginahalinan sang salatan nga hangin?
25
Sin-o bala ang naghimo sang alagyan para sa daw ginabubo nga ulan, kag sin-o bala ang naghawan sang alagyan sang kilat kag daguob?
26
Sin-o bala ang nagapatupa sang ulan sa lugar nga wala sing may nagaestar?
27
Sin-o bala ang nagapatubig sang mamala kag kigas nga duta, agod ang mga hilamon magtubo?
28
May amay bala ang ulan ukon ang tun-og?
29
Sin-o bala ang iloy sang dalagku kag magamay nga yelo,
30
nga nagahimo sang tubig nga daw bato kag nagapatig-a sang naibabaw nga bahin sang dagat?
31
Mahugpong mo bala ang grupo sang mga bituon nga ginatawag Pleyades, ukon mahubad ang nagahigot sa grupo sang mga bituon nga ginatawag Orion?
32
Matuytoyan mo bala ang mga bituon sa tagsa ka panahon, kag magiyahan mo bala ang sa naaminhan nga mga bituon nga ginatawag Daku kag Diutay nga Kabo?
33
Nahibaluan mo bala ang mga kasugoan nga nagagahom sang kalangitan? Mapatuman mo man bala ini sa duta?
34
Makamando ka bala sa mga gal-om, agod nga bas-on ka nila sang ulan?
35
Kag kon manduan mo ang kilat sa pagkirab, magakadto bala ini sa imo kag magasiling, “Handa ako sa pag-alagad sa imo?”
36
Sin-o ang nagasugid sa ibis kon manugbaha ang Nilo, ukon sin-o ang nagasugid sa sulog nga manok nga ang ulan magatupa?
37
Sin-o bala ang maalam nga makaisip sang gal-om, kag nagapatakilid sini sa pagpadala sing ulan,
38
nga nagapabilog kag nagapatig-a sang yab-ok?
39
Nagapangita ka bala sing pagkaon para sa leon nga inang, kag mabusog mo bala ang gutom nga mga leon nga tutoy,
40
kon magpanago sila sa ila lungib, ukon maghukmong sila sa ila palanaguan sa pagbantay sang ila tulokbon?
41
Sin-o bala ang nagapatuka sang mga uwak kon nagadalangdalang sila nga gutom, kon ang ila mga buto magpangayo sa akon sing tulok-on?
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42