Galatians 1

ibibio

Jump to: Chapter 2 →

1Ado ami Bọọd abọsịd e-esiooho edọñ, idooho mme awo inyʌññọ ido awo ndomokeed andọñ, ado Yisọs Krais mme Abasi Ete, a-akenamma anye ased ke ñkpa,

2ye afịd nditọete e-ebaaha ye ami. Enọ esọk ufọkabasi ke Kadesia.

3Mfọn ye emem a-atooho Abasi Ete ye Abọọñ ñnyịn Yisọs Krais aba mme ndufo.

4Anye a-akenọọhọ idem amọ ke ntak mme idiọọkñkpọ ñnyịn ma inyaaña ñnyịn asio ke idiọọk ayo emana ami, nte asañake akekem ke uduak Abasi Ete,

5ubọọñ anieeghe anye ke nsi-nsi, nsi-nsi. Amen.

6Añkpa idem eti-eti ke ndufo emesọsọp esịn anye a-akikoodo ndufo ke mfọn Krais ndin ekappa ekpañ utọñ enọ etob mfen,

7a-mmiidooho ata eti etob ke ba usʌñ ndomokeed. Ami mmediọọñọ ke abañña mme awo e-edinamma esịd ndufo adʌk ndutịme sia ammọ enwana adibiabiad eti etob Krais.

8Ado adieke ñnyịn, mme idem enyere a-atooho abio ubọọñ Abasi akpadikwọrọke eti etob mfen a-mmiidooho se ñnyịn imaikikwọọkwọrọ inọ, yak ebiom anye ikpe.

9Naña imaikitatañ, ñnyʌñ mmaana ñtañ: Awo ndomokeed akpekwọọrọ eti mbʌk a-awuọọhọ akpọñ se afo umaukunyimme, yak eba ke isuuñọ Abasi?

10Idahado me ami ñnwana adinem mme awo esịd mme Abasi? Mme ami ñnwana adinam esịd anem mme awo? Akpedo ñkesʌk ñnwana adinem mme awo esịd, ñkpedooho isʌñutom Krais.

11Ami ñyem ndufo nditọete ediọọñọ ke eti etob: a-ami ñkekwọọrọke idooho ubọkutom awo,

12Ami ñkibọọhọ anye nto awo ndomokeed, inyʌññọ ido nte ekeñkpeekpeeb; ñkebọ nto adiyaara Yisọs Krais.

13Sia ndufo emekop ebaña akpa usʌñ eduuwem mmi ke idak edu ukpono Abasi mme Yuu naña ñkesidutʌkkọ ufọkabasi afai-afai ke afịd usʌñ mme naña ñkeyem adibiabiad ukeed nsio.

14Mmaadọọk idaha ke edu ukpono Abasi mme Yuu ñkan uwak mme Yuu e-ekedooho ubọk ñka mmi, ñkenyʌñ nsịn idem eti-eti ke adinam eduuwem mme eteete mmi.

15Ado ke ini Abasi a-akensiooho miin asaña-asaña anịm tọọñọ ke emana mmi a-akenyʌññọ añkood ke mfọn amọ, anemme esịd

16adiyaara Ayịn amọ ke ami ma ato do ñkwọrọ anye ke atu mme Yentaid, ami ñkebịppe awo ndomokeed,

17ñkenyʌññọ ñka Yerusedem mbo ñkekịt mbon e-ekembemme iso edo abọsịd, ado ñkesọọsọp ñka Arebia, ñkema nditịmme ñka Damaskọs.

18Ke isua ita emaekeboiyo mmaadidọọk ñkaa Yerusedem mbo ñkediọọñọ Kefas ñnyʌñ ntie mme anye usen duop ye ition.

19Ami ñkekịtte mme abọsịd mbon ñko ibọọhọke Yemsi ayịneka Abọọñ ñnyịn.

20Ami mmenwọñọ ke iso Abasi mbo ke afịd se ñwed ndomokeed idooho nsu.

21Akema, mmaadika Siria mme Sidisia.

22Ami ke idem mmi, mme ufọkabasi ke Yudia e-ebaaha ke Krais ikindiọọñọke.

23Ammọ ekekop etop kpọd: “Awodeen a-akesidutʌkkọke ñnyịn, adikwọkwọrọ ikọ mbuọdidem a-anye akenwanake-nwana adisobo.”

24Ndin ammọ emaetooro Abasi ke ntak mmi.

Jump to: Chapter 2 →