bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Galatians 2
Galatians 2
ibibio
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
1
Ke isua duop mme inaañ emaekeboiyo, mmaamaana ndọọk ñka Yerusedem. Ñkesaña ye Banabas isañ anye ado; mmaanyʌñ ndat Taitọs ye.
2
Ami adika akedo adinam uyo ñkeene ediyaara a-ami ñkebọọhọ ma mben eti etob ñwọd ammọ: a-ami ñkwọrọke nnọ mme Yentaid. Ado ñkenam ami nnọ mbon e-ekebaaha nte mme adat usʌñ ikpọọñ mbaak ufeghe itọk mmi adido ñkaña.
3
Kpa ye ado, ukpọk Taitọs a-akebaaha mme ami, awo ikibooho anye ke ana anye adiọñ idem ideen, akpesʌk ado a-anye akedooho Krik.
4
Ikọ ami ake adakka ato mme nsu-nsu mbon e-emminịmme ke akpanikọ edʌk atu ñnyịn adiyeb untadñyaak a-ñnyịn inieeghe ke Krais Yisọs nọ atodo isịn ñnyịn ke ifʌn.
5
Ñnyịn ikiyakka idem inọ ammọ ndomo ke ata etək-etək ini, nọ akpanikọ eti etob ami akpesʌhọ mme ndufo.
6
Amaado mbon e-ekenamma nte iminekke ikoñ itie, se ammọ ekedodo inamma ukpəhọ ndomokeed aba ke iso mmi; sia Abasi ibieereke ikpe ikeene se awo ado. Mbon awo ado ikidianna ñkpọ ndomokeed inọ ukwọrọ ikọ nnọọ mme Yentaid insịn miin ke ubọk, kpa nte a-Bita akenieeghe adikwọrọ nnọọ mme Yuu.
7
Ado ammo emaedikịt ke emaennọ miin ubiọñ utom adikwọrọ eti etob nnọọ mbon awo mmiikinịmme mboppo, kpa naña ekenọọ Bita akekwọrọ anọọ mbon ekinịmme mboppo
8
Sia Abasi a-akebaaha ke utom Bita nte abọsịd mme Yuu, akenyʌñ aba ke utom mmi nte abọsịd mme Yentaid.
9
Yemsi, Kefas ye Yọọn, e-ekewuọọñọke etob nte mme adaha emaesịn ubọk unwam ennọ miin mme Banabas ke ammọ emaekekịt mfọn a-Abasi akennọọhọ miin. Ammọ emaenyịmme yak ñnyịn ika ibịne mme Yentaid, ammọ eka ebịne mme Yuu.
10
Ukwere se ammọ ekibeeñe ñnyịn akedo yak ika iso itoiyo mbon uwueene, ata ukem ñkpọ a-ami mmaakenenie udọñ adinam.
11
Ke Kefas amaakedi Antiọk mmaanie ntuaha iso ye iso mme anye sia anye akeba ke ubiom ikpe.
12
Ke iso mbon a-Yemsi akesiooho adọñ ekedisịm, anye amaasidia ñkpọ mme mbon Yentaid, ado ke ammọ emaekedisịm anye amaatọọñọ adisịkke nda ñnyʌñ mbakka idem amọ ñkpọñ mme Yentaid sia anye akebaak mbon e-ekesịneke ke atu mbon enahaa mboppo.
13
Mme Yuu mfen emaekeene ebaaka eda mme anye ke unam utom anyen awo, amaato ke ntak unam ñkpọ anyen awo ami, emaenam Banabas ñko awakka akpọñ usʌñ.
14
Sia ñkekịt ke ammọ ikinamma afọn nọ asaña akekem mme akpanikọ ke eti etob Abasi, mmaabo Bita ke iso afịd ammọ: “Afo ado Yuu ado afo adʌñ nte Yentaid udʌññọ nte Yuu. Nsinam ndin afo abo ke ana mme Yentaid ekeene enam eduuwem mme Yuu?
15
“Ñnyịn i-idooññoke mme Yuu ke emana e-mmiidoññoke mme Yentaid mme anam idiọọkñkpọ,
16
imidiọọñọ ibo ke ikpe itoppoke awo ikeene edinịm ibed ado ato mbuọdidem ke Yisọs Krais. Ke ntodo, ñnyịn ñko imikọọñ mbuọdidem ñnyịn ke Krais Yisọs ma ñnyịn inie utoppo ikpe ke Krais idooho ke edinịm ibed sia awo ndomokeed idibọọhọ utoppo ikpe ito ke edinịm ibed.
17
“Adieke adooho ke ñnyịn adinwana adibo utoppo ikpe ke Krais ekịt ebo ke ñnyịn ke idem ñnyịn idoñño mme anam idiọọkñkpọ, nte ado awọd abo ke Krais adada mme idiọọkñkpọ? Idooho ntodo ke ba usʌñ ndomokeed!
18
Adieke mmaanake mbọp se mmaakewuud, mmenam ediọọñọ ke ndo abiad ibed.
19
“Sia ke ntak ibed ke ñkekpa ke abaña ibed nọ ndu uwem ke Abasi.
20
Emaeñkoñ miin mme Krais ke ntodo ami nduuho aba uwem, ado Krais adu ke ami. Uwem ake ami nduuho ke abʌkidem, ndu ke adibuọd idem ke Ayịn Abasi, a-akemmaaha miin ayaak idem amọ annọ.
21
Ami nnəkko mfọn Abasi nnịm ñkañ keed, sia adieke ekpebọọhọ edisana uwem eto ibed, ado akpewuọ ke Krais akekpa ñkaña-ñkaña.”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
All chapters:
1
2
3
4
5
6