bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Galatians 3
Galatians 3
ibibio
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 4 →
1
Ndufo mme ndisịme mbon Kadesia! Anie awo ikifʌk ndufo ñkịm? Emaenekke eben Yisọs Krais e-ekọññọ ke eto iwọd ndufo.
2
Ñkpaama adikpeep ñkpọ keed ito ndufo: Ndufo ekebọ edisana Sịbidịd ke adinịm ibed me ke adinịm se ekekop?
3
Ndufo esesịme die? Ke ini adooho eketọọñọ mme Sịbidịd, enwana idahado edikinam utom ndufo nto ke adudu ndufo?
4
Ebọ afịd utọ ufen ado ñkaña-ñkaña?
5
Nte Abasi inọ ndufo Sịbidịd amọ mme unam utịbeñkpọ ke atu ndufo sia emenịm ibed me sia emenịm se ekekop?
6
Kere baña Ebraham: “anye amaanịm Abasi ke akpanikọ ekebatta enọ anye nte adinenido.”
7
Yak inwaña ndufo ndin ke mbon e-enịmme ke akpanikọ edoñño nditọ Ebraham.
8
Ikọ Abasi amaada akịd ke Abasi ayaatoppo mme Yentaid ikpe ke mbuọdidem, ndin anye amaabem iso asuan etob ado anọ Ebraham ate. “Afịd-afịd mme idịd eyaebọ edidiọñ uto fiin.”
9
Ke ntodo mbon e-enieeghe mbuọdidem e-ediọñ ammọ edian mme Ebraham, awo mbuọdidem.
10
Afịd mbon e-edotto anyen ke edinịm ibed eba ke idak isuuñọ, sia e-ewet: “Adọdiọọk anọ afịd awo e-mmiikaaha iso inam se iwere ke ñwed Ibed.”
11
Ado awọd anwa-anwa ke awo ndomokeed inieeghe utoppo ikpe ke iso Abasi ito ibed sia, “Mme ndisana awo eyaedu uwem ke mbuọdidem.”
12
Mbed ikọñọke ke mbuọdidem, utu ke ado, “Awo a-anamma mme ñkpọ ami ayaadu uwem akeene ammọ.”
13
Krais amaifak ñnyịn asio ke isuuñọ ibed ke anye adikikappa ndo isuuñọ inọọ ñnyịn, sia e-ewet ebo, “Adọdiọọk anọ awo ake adodo e-ekọññọ ke eto.”
14
Anye akifak ñnyịn nọ ato do mme adidiọñ e-ekenọọhọ Ebraham akanna abịne mme Yentaid ato ke Krais Yisọs, nọ ato ke mbuọdidem ñnyịn ibọ enwọñọ ake Sịbidịd.
15
Nditọete, yak ndat uwọdñkpọ ke eduuwem ke usen ke usen. Kpa nte a-awo ndomokeed mmiikemeke adisịk nnịm me edidaadian edioomo uduod awo a-amaakebaba, anyʌñ aba ntodo ke ñkpọ anye ami.
16
Emaetatañ mme enwọñọ ami enọ Ebraham ye mme mfịd idịb amọ. Ñwed Abasi ibooho, “ye mme mfịd,” a-adooho Krais.
17
Se ami ntañ ami awuọñọ ntom: Mbed e-ekediọọhọ ke mme isua 430 emaekeboiyo, isịkke isio edioomo a-Abasi amaakenanam, ke ntodo inyʌññọ itop enwọñọ ado iduọk.
18
Sia, adieke ñyaknnọ inie akọñọke ke ibed, ado awuọ ikọñọke aba ke enwọñọ; ado Abasi ke mfọn amọ akeyaak anye anọ Ebraham ato ke enwọñọ.
19
Nso-o ikido ufọn ibed ndin? Ekedian anye ke ntak mme ndiọiñkpọ tutu mfịd ado e-ekekaaha iso enwọñọ adi. Ibed akedinam utom ato mme enyere ato ke asine ufọọd.
20
Asine ufọọd, isidaaha ñkañ keed kpọd; ado Abasi ado keed.
21
Ke ntodo, mme ibed anie ntuaha ye mme enwọñọ Abasi? Iyoo! Sia akpedooho emaenọ ibed akpekekanna anọ uwem, adinenido akpeketo ke ibed ado.
22
Ado ñwed Abasi a-anam ediọọñọ ke afịd ederimbod aba ke ñkpakọb idiọọkñkpọ, ke ntodo se emaekenwọñọ, e-ekenọọhọ ato mbuọdidem ke Yisọs Krais, ekeme iyak nnọ mbon e-enịmme ke akpanikọ.
23
Mbemiso mbuọdidem ami akedidi, ekimʌm ñnyịn mbon ñkpakọb ke ibed, ekọp enịm tutu mbuọdidem akpediyaara.
24
Ke ntodo ekenịm ibed edikara ma idat ñnyịn usʌñ asọk Krais, nọ itoppo ñnyịn ikpe ke mbuọdidem.
25
Idahami sia mbuọdidem amaakedi, ñnyịn ibaaha aba ke idak ukara ibed.
26
Afịd ndufo edoñño nditọ Abasi ato ke adibuọd idem ke Krais Yisọs,
27
sia afịd ndufo e-emaekeduọk mmọọñ isịn ke Krais emeben Krais esịne ke idem.
28
Adido Yuu me Krik, me ifʌn me amanaisọñ, awodeen me awonwaan ibaaha, sia afịd ndufo edo keed ke Krais Yisọs.
29
Adieke adooho Krais inie ndufo, awuọ ndufo edoñño mfịd Ebraham, mme adia akpa amọ ato ke enwọñọ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 4 →
All chapters:
1
2
3
4
5
6