Galatians 6

ibibio

← Chapter 5 Jump to:

1Nditọete, adieke emʌmmọ awo ke idiọọkñkpọ, ndufo e-esʌkkọ eba ke Sịbidịd akpena enam usʌk-usʌk emaana ebenne anye edot ke itie amọ. Ado, ndufo ke idem ndufo ekpeme, mmiidooho ndufo ñkoo emekeme edinyʌñ ndʌk idomo.

2Ebiom mbiomo keed aken, ndin ke utọ usʌñ ami eyaenam ibed Krais ayọhọ-ayọhọ.

3Adieke awo akereke ke imọ ido ñkpọ ke ini anye mmiidooho, anye abiaaña idem amọ.

4Akpena awo keed-e-keed adomo utom amọ ase. Ndin anye akeme adinie ñkokidem mbaña idem amọ, ibenne idem amọ ikidomo ye awo mfen ise,

5sia ana awo keed-e-keed aben mbiomo amọ.

6Awo ndomokeed a-abọọhọ item ke ikọ Abasi ana awuana afịd nti ñkpọ ado mme andikpeeb anye.

7Ikiiyak ibiaaña ndufo, awo ikemeke adisak Abasi, Awo adọk se anye atọ.

8Awo anditọ mbo yak inem abʌkidem esịd ayaadọk nsobo; anye a-atọọhọ abo inem Sịbidịd esịd ayaadọk nsi-nsi uwem.

9Yak ñnyịn ikuukpa mba ke adinam etiñkpọ, sia ke akem ini iyaidọk idọk, adieke ñnyịn mmisịñeke idem ikpọñ.

10Ke ntodo, naña ñnyịn inenie ufañ, yak ñnyịn inam eti inọ afịd awo, akpan-akpan mbon e-esịneke ke ubon mbon e-enịmme ke akpanikọ.

11Ise utọ ñkpoon idiọọñọ a-ami ñkamake iwet ndufo deta ke ubọk mmi!

12Mbon e-eyemme adinam utom anyen awo enwana adinam ndufo enịm mboppo. Ñkukwere ntak a-ammọ enamma ami ado nọ ebọkkọ ndutʌkkọ ke ntak krọs Krais.

13Idooho idem mbon e-enịmme mboppo enam ibed, kpa ye ado ammọ eyem ndufo enịm mboppo nọ ammọ enam inua ebaña ikpọkidem ndufo.

14Abasi idiiyakka ami nnaminua ibọhọke ke krọs Abọọñ ñnyịn Yisọs Krais, a-atooho ke anye emaekọñ ederimbod ke idem mmi, enyʌñ enkọñ miin ke abaña ederimbod.

15Adinịm mboppo mme aditre adinịm mboppo iwuọọñọke ñkpọ ndomokeed; ukwere se iwuọọñọ ñkpọ ado adimana adufa.

16Yak emem ye mbọm asịm mbon e-ekeeneke ibed ami, kpa nditọ Isred Abasi.

17Ke akpatre, yak awo ndomokeed akemfịna miin, sia ami ñkamake idem mmi mme mbọn Yisọs.

18Yak mfọn Abọọñ ñnyịn Yisọs Krais aba mme Sịbidịd ndufo, mme nditọete, Amen.

← Chapter 5 Jump to: