bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Romans 10
Romans 10
Ika 2018 Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Umunẹ m, ihiẹn a gụnnị m lẹ ihiẹn m'a rịọ Osolobuẹ wụ n'ọ zụọpụha ndị alị m.
2
M k'a shịanị wẹ ẹri nị ihiẹn Osolobuẹ a rịka wẹ mkpa, kanị, amamihiẹn arịa —
3
makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.
4
Makẹni ẹka Kraịstị kẹ Iwu nọ bi, kẹni Osolobuẹ hụn ụzọ kpọ ndị ile sikọ d'e kwerini Kraịstị ndị ezi-omumẹ.
5
Mozizi ku oku ezi-omumẹ wẹ gi idọnmẹ Iwu e nwọnhẹn, sị: “Onyẹ dọnmẹ iwu ndịnị, o gi wẹ rị ndụn.”
6
Kanị, nke ezi-omumẹ wẹ gi okukwe e nwọnhẹn, ihiẹn Ẹkụkwọ-nsọ ku wụ, “Ajụlẹ ni enwẹn ụnụ kẹ ‘Onyẹ k'e jẹn nwan elu-igwee?’ (Ya wụ, kẹni o d'e wẹhẹ Kraịstị)
7
mọbụ ‘Onyẹ k'e jẹn nwan alị-mmọn?’ (Ya wụ, kẹni o d'a gha ọnwụn weli Kraịstị.)”
8
K'ọ sị ịhịan mẹ? Ọ sị, “Oku Osolobuẹ rị ụnụ nsue — ọ rịdẹ ụnụ ụgb'ọnụ, rị ụnụ obi.” Elee oku rọ? Oku okukweni ẹnyi rị e kusọnmẹ:
9
nị, i gi ọnụ ị ku ẹ nị Jesu wụ Di-nwọnni i, kweri imẹ obi i nị Osolobuẹ gha ọnwụn weli ẹ, i k'e nwọn nzụọpụha.
10
Makẹni, ịhịan gi obi ẹ kweri, Osolobuẹ a kpọ a onyẹ ezi-omumẹ; o gi ọnụ a ku ẹ n'o kwerighọ, Osolobuẹ a zụọpụha a.
11
Makẹni, Ẹkụkwọ-nsọ sị, “O kpuyekọ onyẹ kwerinin'ẹ.”
12
Makẹni ẹka ohu kẹ Osolobuẹ gi e sọn ịhịan ile, kẹ ndị Ju kẹ ndị wụlẹni ndị Ju. Osolobuẹ ohu ahụn wụ Osolobuẹ ịhịan ile. O hu ngọzi ẹ e kpu onyẹ ọwụlẹ kpọkun'ẹ mmagi-mmagi.
13
Makẹni Ẹkụkwọ-nsọ sị, “Onyẹ ọwụlẹ kpọku ẹfan Onyẹ-nwọnni-ẹnyi k'e nwọn nzụọpụha.”
14
Kanị, nanị w'a dọn kpọku onyẹ wẹ kelẹni kwerini? Nanị w'e dọn kwerini onyẹ wẹ kelẹni nụ ukwere ẹ? Nanị w'a dọn nụ omẹni e kuni wẹ oku ẹ?
15
Nanị w'a dọn ku oku ẹ omẹni e zijẹnni wẹ ndị-ozi? Ya kẹ Ẹkụkwọ-nsọ gi sị nị “Ụkụ ndị wẹhẹ oziọma a rịka mma!”
16
Kanị, ẹlẹ ịhịan ile kweri oziọma wẹ zi wẹ. Azaya lẹ enwẹn ẹ sị, “Di-nwọnni-ẹnyi, onyẹ kweri ozi ẹnyi zi?”
17
Ya wụ, ihiẹn onyẹ nụ k'o gi e nwọn okukwe; ihiẹn w'a nụ e nwọnrin okukwe wụ ozi Kraịstị.
18
Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”
19
Nị m jụzịdẹ nwan: ndị Izrẹlụ aghọtanị ra? Nke ibuzọ, Mozizi lẹ enwẹn ku ni Osolobuẹ sị, “M k'e gi ndị wụlẹni ndị mẹ ẹnya fụma ụnụ; m k'e gi alị nwọnlẹni nghọta kpasu ụnụ iwe.”
20
Azaya kupụ a, sị, “Ndị rịlẹni a chọ m, uwẹ hụn m; e we m enwẹn m ghọsị ndị rịlẹni a jụ ukwere m.”
21
Nke ndị Izrẹlụ, ọ sị, “M shịapụ ẹka ụhụọhịn ile, e che ndị isi-ikẹnni rị e nupụ isi.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16