bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Romans 9
Romans 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
M rị e ku ezioku idẹnya Kraịstị, arị m a tụ ntụ, ịhọrị m rị a ghọnị m idẹnya Mmọn-nsọ nị arị m a tụ ntụ, nị
2
okẹn ẹkwan jun m obi, nị ogẹn ile kẹ obi gi a chọ n'ọ gbawapụ m
3
ebe m rị e ro ndị alị m! Nkẹ ọ rị m nị Osolobuẹ bụ m ọnụ wepụ m imẹ Kraịstị, omẹni ọhụn kẹ wẹ e gi nwọn nzụọpụha.
4
M rị e ku oku ndị Izrẹlụ: uwẹ kẹ Osolobuẹ gi họnrin ụmụ; uwẹ k'ọ ghọsị ọghọ a hụ; uwẹ k'o ye nkwerigbama ahụn o kwademẹ; uwẹ k'o ye Iwu hụ; uwẹ k'o tumẹni ofufe hụ rị imẹ Iwu; uwẹ nwọnhẹn nkwa ndị hụ Osolobuẹ kwe;
5
Ebraham lẹ ndị nẹdi mbụ hụ wẹ marịn amarịn wụ ndị nke wẹ; ebọn wẹ kẹ wẹ mụye Kraịstị nọkẹ ịhịan — Kraịstị hụn wụ Osolobuẹ hụn ịhịan ile lẹ ihiẹn ile rị okpuru ẹ, ịja-mma ya rịn'a jẹnrin ejẹn! Isẹẹ.
6
Ẹlẹni ihiẹn Osolobuẹ ku banyeni ndị Izrẹlụ aghazịnị. Mba. Makẹni, ẹlẹ ndị Izrẹlụ ile wụ ndị Izrẹlụ nke-esi.
7
Ẹlẹdẹ ụmụ ẹfọ Ebraham ile wụ ụmụ a nke-esi, makẹni Osolobuẹ sị Ebraham, “Ẹka Aziki kẹ ụmụ wẹ jẹnkọ d'a kpọ ụmụ ị k'a gha bịa.”
8
Ọnwan ghọsị nị ẹlẹ ụmụ wẹ mụhụ ẹfọ wụ ụmụ Osolobuẹ, kanị, ụmụ gha nkwa Osolobuẹ kwe bịa, uwẹ kẹ wẹ a gụn nị wẹ wụ ụmụ nke-esi.
9
Makẹni, nkwa kẹ Osolobuẹ kwe ogẹn o gi sị, “Mgbeni akan-ile a bịazị m, Sẹra a mụ okẹnnyẹ.”
10
Ẹlẹdẹ ọhụn sụọ. Ogẹn Rebika gi rị imẹ ejimẹ, nẹdi ohu kẹ wẹ nwọn, hụn wụ Aziki nẹdi ẹnyi;
11
kanị, nị wẹ d'a mụ wẹ, kẹ wẹ kelẹni mẹ ihiẹn ọwụlẹ — kẹ mma kẹ njọ — Osolobuẹ nọ ghọsị nị ihiẹn ọ chọ n'o mẹ k'o mẹ —
12
nị ẹlẹ oku ọrụn kanị onyẹ ọ chọ n'ọ kpọ: ọ sị Rebika, “Hụn kanị sikọ d'e fe hụn-nta.”
13
Ọ rịhụ kẹ wẹ dọn de ẹ imẹ Ẹkụkwọ-nsọ sị, “M nwọn ihiẹn-ọsụsụọ Jekọpụ; kanị, enwọn m ihiẹn-ọsụsụọ Isọ.”
14
Nị ẹnyi sị nwan nị Osolobuẹ e gbeyeni ịhịan? Mba, kaka!
15
Makẹni ọ sị Mozizi, “Onyẹ m chọ nị m mẹ omikẹn ẹ kẹ m'e mẹ omikẹn ẹ; onyẹ m chọ nị m mẹ ebere ẹ kẹ m'e mẹ ebere ẹ.”
16
Ya wụ nwan nị ẹlẹ “onyẹ hụn chọnị” mọbụ “onyẹ hụn lịlịmanị” kẹ wẹ gi e mẹ ẹ, kanị omikẹn Osolobuẹ sụọ k'o gi e mẹ ẹ.
17
Imẹ Ẹkụkwọ-nsọ, Osolobuẹ sị eze alị Ijiptu wụ Fẹro, “M wepụha ị kẹni m gi i ghọsị ikẹn m, gi ẹ mẹ ẹfan m ghagbarị ụwa ile.”
18
Ya wụ, ọ chọ n'o mẹ omikẹn ịhịan o mẹ omikẹn ẹ; ọ chọ n'ọ kpọkin ịhịan obi ọ kpọkin ẹ obi.
19
Kanị ụnụ k'a sị m, “Kị Chuku rị nwan e kpeni? Onyẹ napụtu Chuku ihiẹn ọ chọ n'o mẹ?”
20
Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”
21
Ọkpụ-ite enwọnzi ikẹn gi ọkpụkpụ-ụrụa kpụ ihiẹn ọ chọ n'ọ kpụ? Ọsụọ a o gi ẹ kpụ ite wẹ gi ẹ mẹ ihiẹn-ọghọ, ọ sụọzịkwọ a o gi ẹ kpụ ite wẹ gi e gbu alị.
22
Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?
23
Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,
24
ya wụ ẹnyi ndị hụn ọ kpọ — kẹ ndị rị imẹ ẹnyi wụ ndị Ju ndị wụlẹni ndị Ju.
25
Ọnwan k'o ku imẹ Ẹkụkwọ-nsọ, imẹ ẹhụhụọ Hosia, sị, “Ndị te wụlẹni ndị nke m kẹ m jẹnkọ nwan d'a kpọ ‘Ndị nke m.’ Alị m te nwọnlẹni ihiẹn-ọsụsụọ a kẹ m jẹnkọ nwan d'a kpọ ‘alị m nwọn ihiẹn-ọsụsụọ a.’
26
Ebahụn wẹ nọ sị wẹ, ‘Ụnụ ẹlẹ ndị nke m’ kẹ wẹ k'a nọzị kpọ wẹ ‘ụmụ Osolobuẹ ahụn rị ndụn.’ ”
27
Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;
28
makẹni, Di-nwọnni-ẹnyi sikọ d'e mẹkẹnrin ihiẹn ọ sị o k'e mẹ alị hụ, mẹ wẹ ya ru alị!”
29
Ẹrịra kẹ Azaya dọnzi ku ẹ mbụ, sị, “Omẹni Osolobuẹ ihiẹn ile rị okpuru ẹ ete nịnị wẹ gbuhọdụnị ẹnyi ụmụ, nkẹ ẹnyi a nọgụọ kẹ Sodọm, nkẹ ẹnyi a nọgụọ kẹ Gomora.”
30
Kị ẹnyi k'e kuzi nwan? Nị ndị alị ọzọ te rịlẹni e mẹ oku ezi-omumẹ a wụrụgụọ nwan ndị ezi-omumẹ ẹnya Osolobuẹ, ezi-omumẹ wẹ gi okukwe wẹ ye wẹ;
31
bụ ndị Izrẹlụ, hụn rị a lụ nị Osolobuẹ gi Iwu wẹ rị e dọnmẹ kuni wẹ ọhụnma, asanị ẹka wụrụ ndị ezi-omumẹ ẹnya Osolobuẹ.
32
Kị haịn wẹ gilẹni sa ẹka? Makẹni egini wẹ okukwe mẹ ẹ, ọrụn wẹ kẹ wẹ gi dọn ẹnya, ya wẹ nọ kpọgburu Ọmụma ahụn ịhịan a kpọgburu,
33
kẹ Ẹkụkwọ-nsọ dọn ku ẹ, sị, “Lee ẹnya, e butọgụọ m ọmụma imẹ Zayọnụ, ọmụma ịhịan a kpọgburu a dan, nkumẹ hụn k'e mẹ wẹ dan. Kanị, o kpuyekọ onyẹ kwerinin'ẹ.”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16