bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Romans 12
Romans 12
Ika 2018 Bible
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
1
Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.
2
Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.
3
M rị e gi ikẹn Osolobuẹ ye m a sị onyẹ-onyẹ imẹ ụnụ: edọnmẹlẹ enwẹn i ebe i rulẹni, ka dọnrin ẹnya lele kẹ Osolobuẹ yehan ị okukwe, n'i dọnmẹ enwẹn i ebẹhụ.
4
Makẹni, kẹ ẹhụ ẹnyi dọn nwọn mkpamkpa ẹhụ bu ọda kanị w'a ra rụn ihiẹn ohu,
5
ẹrịra kẹ ẹnyi hụn bu ọda dọn wụ ẹhụ ohu imẹ Kraịstị kanị mkpamkpa ichẹn-ichẹn.
6
Ẹnyi nwọnsọnmẹ oyiye ichẹn-ichẹn, onyẹ-onyẹ lẹ hụn Osolobuẹ ye ẹ. Omẹni oyiye ịhịan wụ izi-ozi Osolobuẹ, y'a mẹ ẹ kẹ okukwe ẹ han.
7
Omẹni ijẹn-ozi rọ, ya jẹnmẹ ozi; omẹni nkuzi rọ, ya kuzimẹ nkuzi;
8
omẹni ịkasị-obi rọ, ya kasị obi; omẹni iye ndị nwọnlẹni rọ, ya hama ẹka; omẹni ọkịkị rọ, ya rụnshi ikẹn; omẹni imẹ-omikẹn rọ, ya gi ịghọghọ e mẹ ẹ.
9
E nwọnni ihiẹn-ọsụsụọ gha akpakalị obi pụha. A jụ nị eje-ihiẹn; e kwọnkẹnmẹ ni ihiẹn rị mma.
10
Ụnụ lẹ ibe ụnụ k'a gha a sụọ kẹ umunẹ; e yekarị nị ibe ụnụ ọghọ.
11
Anịkwọlẹ ni adụdụ ụnụ belụa, ka a dụnnị kẹ ọkụn imẹ-mmọn, a rụnnị Di-nwọnni-ẹnyi ọrụn.
12
A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.
13
E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.
14
A gọzi ni ndị rị e kpokponi ụnụ; a gọzi ni, abụkwọlẹ ni ọnụ.
15
Sọn ni ndị rị a ghọghọnị ghọghọ, ụnụ e sọn ndị rị a kwannị kwan.
16
E gi ni obi ohu e bi. Apachelẹ ni, agbalalẹni ni ndị ọnọdị wẹ lụa alị mọbụ ọrụn lụa alị. Erolẹ ni nị ụnụ ka ndị ọzọ mkpa.
17
Emẹgwarịlẹ ni ịhịan eje-ihiẹn. Dọnrin ni ẹnya a hụn a nị ụnụ e mẹ ihiẹn rị mma ẹnya ịhịan ile.
18
E mẹ ihiẹn ile i k'a saẹka mẹ ni udọn rị ẹgbata yụ lẹ ndị ọzọ ile.
19
Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”
20
Kama, “Omẹni ẹgụn rị a gụn eṅẹnrẹn i, y'e ye ẹ ihiẹn-oriri; omẹni ẹgụn mirin rị a gụn a, y'e ye ẹ ihiẹn ọ k'a ra. Makẹni ị gha e mẹ ẹ, ị rị ‘a bụọ ikeke-ọkụn a bụọye ẹ isi’.”
21
Anịlẹ eje-ihiẹn mẹri i, ka gi ihiẹn rị mma mẹri eje-ihiẹn.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
All chapters:
1
2
3
4
5
6
7
8
9
10
11
12
13
14
15
16