bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Romans 13
Romans 13
Ika 2018 Bible
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 14 →
1
Ịhịan ile wẹ humẹni ndị-ọkịkị isi. Makẹni, onwọnni ọkịkị rịnị hụn Osolobuẹ tumẹlẹni. Osolobuẹ tumẹ ọkịkị ile rịnị.
2
Ya wụ, onyẹ ọwụlẹ nupụnị ndị-ọkịkị isi rị e nupụ isi okpuru ihiẹn Osolobuẹ tumẹ; o sikọ d'a narịn afụnfụn.
3
Makẹni, egun ndị ọkịkị ara tụ ndị e mẹ ihiẹn rị mma, kanị ndị e mẹ eje-ihiẹn k'ọ tụ. Y'a chọnị nị egun onyẹ rị a kịnị tụ ị? Mẹmẹ nwan ihiẹn rị mma, o k'a ja ị mma.
4
Makẹni odibo Osolobuẹ k'ọ wụ: ọ rị a rụn n'ọ rịnị ị mma. Kanị, i mẹ eje-ihiẹn, egun ẹ ya tụmakwọ ị, nị ẹlẹ o gi ọpịa-agha hụ mmaka! Odibo Osolobuẹ k'ọ wụ, ịya kẹ Osolobuẹ gi e ye ndị mẹ eje-ihiẹn afụnfụn.
5
Ya wụ, ọ rịka mkpa nị w'e humẹni ndị ọkịkị isi. Ẹlẹ ufiri afụnfụn wẹ k'e ye i sụọ, kanị makẹ obi gha e gbu i mgbu.
6
Ya haịn ụnụ gizi a kụ ụgwọ-isi: makẹni ndị rị a kịnị wụ idibo Osolobuẹ hụn e gichanrịn ogẹn wẹ ile a kị.
7
Kụ nị nwan onyẹ ọwụlẹ ihiẹn ụnụ gi ẹ: omẹni ụgwọ-isi kẹ i gi wẹ, y'a kụ wẹ ya; omẹni egho-alị rọ, y'a kụ a; omẹni mgbaye k'i gi wẹ, y'e ye wẹ mgbaye; omẹni ọghọ rọ, y'e ye wẹ ọghọ.
8
Ẹghẹẹ, kụpụ nị ịhịan ile ụgwọ ụnụ gi wẹ — mmanị ihiẹn-ọsụsụọ hụn wẹ ghalẹni e nwọnbehi. Makẹni, onyẹ rị e nwọn ihiẹn-ọsụsụọ ibe ẹ e mẹzuchanrịngụọ Iwu.
9
Ihiẹn Iwu ku: “Aghẹrẹlẹ; egbulẹ ọchụn; ezunlẹ ohin; anịlẹ ihiẹn ịhịan la ị ẹnya” lẹ ihiẹn ọwụlẹ Iwu ku kẹ wẹ wegbama imẹ iwuni hụn sị, “Ihiẹn ibe i ya sụọ ị kẹ enwẹn i dọn a sụọ ị.”
10
Onyẹ nwọn ihiẹn-ọsụsụọ ịhịan ara mẹ ẹ eje-ihiẹn; ya wụ nwan nị onyẹ nwọn ihiẹn-ọsụsụọ ibe ẹ e mẹzuchanrịngụọ Iwu.
11
E bi ni nwan ẹnịna makẹni ụnụ a marịngụọ ogẹn ẹnyi rị imẹ ẹ: nị ogẹn e rugụọ ụnụ e gi tẹnhin, makẹni ogẹn nzụọpụha ẹnyi a rịgụọ nsue karị k'ọ rị ọrụrụ-alị hụ ẹnyi gi kweri.
12
O teọlẹ ọhịhị gba; eki e d'e fọn. Nị ẹnyi mẹbehi ni nwan ihiẹn w'e mẹ imẹ ishi, ẹnyi e buru ihiẹn-ọgụn ukpẹ.
13
Nị ẹnyi e bi ni ọhụnma kẹ w'e bi ebe eki rị elu. Ẹlẹzi ijẹn eje-mmẹmmẹ lẹ ịra-manya a tụ; ẹlẹzi ughẹrẹ lẹ eje-obibi; ẹlẹzi ikpe lẹ ẹnya-ụfụ.
14
Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 14 →
All chapters:
1
2
3
4
5
6
7
8
9
10
11
12
13
14
15
16