1 Samuel 13

Ilokano (Ti Biblia (1973))

← Chapter 12 Jump to: Chapter 14 →

1Ni Saul uppat a pulo dagiti tawenna idi nangrugi nga agari; ket idi a nacapagari cadagiti dua a tawen iti Israel,

2Ni Saul nangpili ti agpaay kencuana iti tallo ribu a lallaki ti israel, dagiti dua ribu cadacuada addada idi ken Saul idiay Micmas, ken idiay bantay ti Bet-el, ket dagiti sangaribu addada idi ken Jonatan idiay Gabaa ti Benjamin ket ti natda iti umili isu imbaonna tunggal lallaki iti toldana.

3Ket ni Jonatan kinabilna ti agbantay a buyot dagiti Filisteos, ken addada idi idiay Geba; ket dagiti Filisteos sumalogdanto caniac agingga Saul pinagumina ti tangguyob iti amin a daga, a kinunana, Denggen coma dagiti Hebreo.

4Ket amin nga Israel nangngegda a masasao a ni Saul kinabilna ti agbantay a buyot dagiti Filisteos nga casta met a ti Israel naaddaanda ti kinaimon cadagiti Filisteos. Ket ti umili naurnong a nagtitipon a simmurot ken ni Saul idiay Gilgal.

5Ket dagiti Filisteos naggigimongda a nagtitipon a makibacal iti Israel, tallopulo ribu a luglugan, ken innem a ribu a tattao a nagcacabayo, ken tattao a casda la iti darat nga adda iti igid ti baybay iti caadu: ket isuda simmang-atda, ket nagpacarsoda idiay Micmas, iti daya ti Bet-aven.

6Idi a dagiti tattao ti Israel nakitada nga addada idi iti maysa a narigat a casasaad (ta ti umili nariribuc idi), idin ti umili naglemmeng cadagiti gucgucayab, ken samsamec, ken batbato, ken cadagiti socsocsoc, ken cadagiti bitbito.

7Ita dadduma cadagiti Hebreo bimmallasiwda idi iti Jordan agingga iti daga ti Gad ken Galaad; ngem maipapan ken Saul, isu adda pay laeng idi idiay Gilgal, ket amin nga umili simmurot kencuana a sitatayegtegda.

8Ket isu naguray bayat ti pito nga aldaw, a cas mayabuloy iti nakedngan a tiempo a ni Samuel tinudinganna idi: ngem ni Samuel saan nga immay iti Gilgal; ket ti umili nawarawara idi nanipud kencuana.

9Ket ni Saul kinunana, Mangyegcayo caniac ditoy iti daton a mapuuran, ken dagiti datdaton ti cappia. Ket isu indatagna ti daton a mapuuran.

10Ket naaramid nga apaman nga isu nagibusna ti panangidatagna iti daton a mapuuran, adtoy ni Samuel dimteng; ket ni Saul rimmuar a simmabet kencuana, tapno isu cablaawanna.

11Ket ni Samuel kinunana, Ania ti inaramidmo? ket ni Saul kinunana, Agsipud ta nakitac a ti umili nawara idi nanipud caniac, ken sica dica immay cadagiti al-aldaw a natudingan, ket dagiti Filisteos naguummongda idiay Micmas;

12Gapuna kinunac, Ita dagiti Filisteos nangngegda daydi. Ket ni iti Gilgal, ket siac saanac a nagdawat iti caasi ni Jehova: siac napilitac ngarud, ket indatagco ti daton a mapuuran.

13Ket ni Samuel kinunana ken Saul, Nagaramidca a simamauyong; sica dica inaywanan ti bilin ni Jehova a Diosmo, nga imbilinna kenca: ta ita ni Jehova pinasingkedanna coma ti pagariam iti Israel iti agnanayon.

14Ngem ita ti pagariam saanto a mataginayon: ni Jehova nangsapul ti agpaay kencuana iti maysa a lalaki a mayannurot iti pusona met laeng, ket ni Jehova isu tinudinganna a pangulo ti ilina, agsipud ta sica dica inaywanan daydi a ni Jehova imbilinna kenca.

15Ket ni Samuel timmacder ket simmang-at nanipud Gilgal agingga iti Gabaa ti Benjamin. Ket ni Saul binilangna dagiti tattao nga adda idi kencuana, nga aginnem a gasut a lallaki.

16Ket ni Saul ken ni Jonatan nga anacna a lalaki, ken dagiti tattao nga adda idi cadacuada, nagtaengda idiay Gabaa ti Benjamin: ngem dagiti Filisteos nagpacarsoda idiay Micmas.

17Ket dagiti managsamsam rimmuarda a naggapu iti pacarso dagiti Filisteos a nagcatlo cabuyotan: ti maysa a cabuyotan nagsicco iti dalan nga agturong iti Ofra, agingga iti daga ti Sual.

18Ket ti sabali a cabuyotan nagsicco iti dalan nga agpa-Bethoron; ket sabali a cabuyotan nagsicco iti dalan ti beddeng a tumannawag iti lobong ti Seboim nga agturong iti let-ang.

19Idiay idi awan masaracan a mammanday iti isu-amin a daga ti Israel; ta dagiti Filisteos kinunada, di la ket ta dagiti Hebreo mangaramidda ti cucuada a camcampilan wenno gaygayang:

20Ngem amin dagiti Israelitas simmalogda cadagiti Filisteos tapno agasa tunggal lalaki ti subsubna, ken ti dingdingna, ken ti wasayna, ken ti gabionna;

21Nupay isuda addaanda idi iti maysa a garugad a maipaay cadagiti gabion, ken cadagiti dingding, ken cadagiti carudcud, ken cadagiti wasay, ket pangisaadda cadagiti pagtugkic.

22Iti casta naaramid idi aldaw ti gubat, nga awan idi ti campilan wenno gayang a nasaracan iti ima ti uray siasinoman cadagiti tattao nga adda idi ken Saul ken ni Jonatan; ngem ken Saul ken ni Jonatan nga anacna a lalaki nasaracanda idi.

23Ket ti agaywan a buyot dagiti Filisteos rimmuarda iti wangawangan ti Micmas.

← Chapter 12 Jump to: Chapter 14 →