Galatians 2

Ilokano (Ti Biblia (1973))

← Chapter 1 Jump to: Chapter 3 →

1Ket idi calpasan ti sangapulo ket uppat a tawen, simmang-atac manen idiay Jerusalem, agraman ken Bernabe, nga incuyogco met ni Tito.

2Ket simmang-atac gapu iti palti-ing; ket impalawagco iti sangoananda ti evangelio nga icascasabac cadagiti Gentil; ngem naisingayan cadagiti maibilang a panguloen; di la ket ta agtartarayac coma wenno nagtartarayac nga awan banbanagna.

3Ngem uray ni Tito, a naicuyog idi caniac, idinto a taga Grecia, saan a napilit a nacugit:

4Ket uray gapu cadagidi sinan cacabsat a naiserrec a di nadnadlaw, isuda a simrec iti nalimed, tapno siimenda ti wayawaya a cupcupicupanmi ken Cristo Jesus, tapno ipandacam iti pannacaadipen:

5Cadacuada dicam immannugot iti panagtulnog uray no maymaysa nga horas; tapno ti kinapudno ti evangelio mataginayon coma cadacayo.

6Ngem iti biang dagidiay a cas la maibilang a panguloen (uray no ania ti sasaadda idi, awan ti nacaidumaanna caniac; ti Dios saanna a bigbigen ti langa ti uray siasino)—cunac, a dagidi cas la maibilang a panguloen, awan ti intedda caniac.

7No di ket, idi nakitada a naitalec caniac ti evangelio ti saan a pannacacugit, a cas iti pannacaitalec ken Pedro ti evangelio ti pannacacugit,

8(Ta ti nangpaaramid ken Pedro iti kinaapostol ti pannacacugit, nagar-aramid met caniac iti maipaay cadagiti Gentil):

9Ket idinto a da Santiago, Cefas ken Juan, isuda a maibilang nga adigi makitada ti parabur a naited caniac intedda caniac ken ni Bernabe ti ima a macanawan a cas tanda ti pannakicadcadua, tapno mapancami cadagiti Gentil, ket mapanda iti pannacacugit;

10Isuna laeng a tartarigagayanda idi a lagipenmi coma dagiti napanglaw; daydi met la banag a rinegtaac nga inaramid.

11Ngem idi immay ni Cefas idiay Antioquia, sinuppiatco a rupanrupa, ta rimsua a nacabiddut.

12Ta idi saan pay nga immay dagiti dadduma iti biang ni Santiago, nakipangpangan cadagidi Gentil: ngem idi immaydan, naglicud ket simmina cadacuada, a kinabutengna dagidi nacugit.

13Ket dagidi dadduma cadagidi Judio, inlimedda a cas met kencuana; iti casta uray ni Bernabe nayawawan a cas cadagidi dadduma, gapu iti panangilimedda.

14Ngem idi nakitac a dida magna a sililinteg cas iti kinapudno ti evangelio, kinunac ken Cefas iti sangoananda amin: No sica, idinto a Judioca, agbiagca a cas la cadagiti Gentil, ket saan a cas cadagiti Judio, apayapay pilitem dagiti Gentil nga agbalinda a Judio?

15Dacami, idinto a Judiocami gapu iti pannacayanac, ket saancam a managbasol a Gentil.

16Ngem agsipud ta ammomi a ti tao mapalinteg saan a gapu cadagiti ar-aramid ti linteg, no di ket gapu iti pammati ken Jesu-Cristo, dacami met namaticami ken Cristo Jesus, tapno mapalintegcami gapu iti pammati ken Cristo, a di ket gapu cadagiti aramid ti linteg: ta gapu cadagiti aramid ti linteg dinto mapalinteg ti aniaman a lasag.

17Ngem idinto nga agawaanmi ti mapalinteg ken Cristo, rumsuacami met a managbasol, ni Cristo aya ti ministro ti basol? Ni caanoman.

18Ta no dagiti banbanag a rinebbacon bangonecto manen rumsuaac a managsalungasing.

19Ta gapu iti linteg, natayac a maipaay iti linteg, tapno agbiagac a maipaay iti Dios.

20Nailansaac a naicuyog ken Cristo; ket saan a siac ti agbiagen no di ket ni Cristo ti agbiag caniac: ket ti biag a pagbiagco ita iti lasag, pagbiagco gapu iti pammati iti Anac ti Dios, isu a nagayat caniac, ket inyawatna ti bagina gapu caniac.

21Diac paawanen ti parabur ti Dios: ta no ti pannacapalinteg magunodan gapu iti linteg, ni Cristo natay ngarud nga awan banbanagna.

← Chapter 1 Jump to: Chapter 3 →