bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Galatians 5
Galatians 5
Ilokano (Ti Biblia (1973))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
Maipaay iti panagwayawaya linuc-atannatayo ni Cristo. Agtalinaedcayo ngarud ket dicay paisangol manen iti babaen ti sangol ti pannacaadipen.
2
Adtoy, siac ni Pablo cunac cadacayo, a no awatenyo ti pannacacugit, awan ti magungunayonto ken Cristo.
3
Ket sacsiac manen iti amin a tao nga umawat iti pannacacugit, nga annongda a tungpalen ti amin a linteg.
4
Naisinacayon ken Cristo, dacayo nga agtarigagay a mapalinteg gapu iti linteg; natnagcayo a naisina iti parabur.
5
Ta dacami, gapu iti Espiritu babaen iti pammati ur-urayenmi ti inanama ti kinalinteg.
6
Ta ken Cristo Jesus uray ti pannacacugit, uray pay met ti saan a pannacacugit awan ti pannacabalinda no di ket ti pammati nga agaramid gapu iti ayat.
7
Nagtartaraycayo a naimbag; siasino ti nanglapped cadacayo, tapno dicay tungpalen ti pudno?
8
Daytoy a panangawis saan nga aggapu iti daydiay mangayab cadacayo.
9
Ti bassit a Levadura pabussogenna ti amin a masa.
10
Siac adda pananginanamac iti Apo a maipaay cadacayo, a dicayto panunuten ti sabali a banag; ngem ti mangriribuc cadacayo awatennanto ti dusana, uray no siasino.
11
Ngem siac, cacabsat, no icascasabac pay laeng ti pannacacugit, apayapay maidadanesac ngarud? No casta napucawen ti pacaitibcolan iti cruz.
12
Sapay coma a dagiti mangriribuc cadacayo, uray nalablabes paycoma ti pannacacugitda.
13
Ta dacayo, cacabsat, naayabancayo iti panagwayawaya; isuna laeng a ti wayawaya saan coma a paggundawayan ti lasag; no saan ket nga agtitinnulongcayo iti maysa ken maysa babaen ti ayat.
14
Ta ti amin a linteg natungpal itoy maymaysa a sao: Ayatem ti caarrobam a cas iti bagim.
15
Ngem no agkikinnagat ken aggiinnalun-uncayo, aluadanyo ta dicay coma agiinnibus.
16
Cunac ngarud: Magnacayo cas iti Espiritu, ket dicayto tungpalen dagiti tarigagay ti lasag.
17
Ta ti lasag agumanna ti maibusor iti Espiritu, ket ti Espiritu maibusor iti lasag; ta dagitoy agkinnabusor iti maysa ken maysa; iti casta dicay mabalin nga aramiden dagiti banbanag a cayatyo coma.
18
Ngem no idalannacayo ti Espiritu, awancayo iti babaen ti linteg.
19
Ket addada a sipapatac dagiti aramid ti lasag, nga isuda dagitoy: Pannakicamalala, kinarugit, derrep,
20
Panagrucbab cadagiti didiosen, panaganito, gurangura, ringringgor, im-imun, panagpungpungtot, panagsususic, panagsisina, panangilkil-lo ti pammati.
21
Ap-apal, panagbarbartec, panagragragsac nga aglablabes ken banbanag nga umas-asping cadagitoy: ipacpacaunac, cas iti imbagacon cadacayo, idi damo, a dagiti agaramid cadagitoy, saandanto a tawiden ti pagarian ti Dios.
22
Ngem ti bunga ti Espiritu ayat, rag-o, talna, mabayag a panagitured, kinaanus, kinalaing, kinamanagtalec,
23
Kinaemma, panagteppel: awan linteg a maibusor cadagitoy a banag.
24
Ket dagiti adda ken Cristo, inlansada iti cruz ti lasag agraman dagiti naalas a ricnada ken dagiti dakes a tarigagayda.
25
No agbiagtayo gapu iti Espiritu, magnatay met coma gapu iti Espiritu.
26
Ditay coma aguman ti dayaw a barengbareng, ditay agpipinnasakit ti maysa, ken maysa, ditay agiinnapal ti maysa ken maysa.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6