bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Genesis 19
Genesis 19
Ilokano (Ti Biblia (1973))
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 20 →
1
Ket dagiti dua nga angel dimtengda idiay Sodoma iti malem; ket ni Lot nagtugtugaw iti ruangan ti Sodoma; ket ni Lot nakitana ida, ket timmacder a sumabet cadacuada; ket intamedna ti rupana iti daga;
2
Ket kinunana, Adtoy ita, appoc, dawatec, cadacayo, umaycayo coma iti balay ti adipenyo, ket umyancayo, ket buggoanyo dagiti sacsacayo, ket bumangoncayto a masapa, ket mapancayo iti dalanyo. Ket kinunada, Saan; ngem agyancaminto nga agpacnag iti calzada,
3
Ngem inuyutanna ida iti napalalo; ket napanda kencuana ket simrecda iti balayna; ket inyaramidanna ida iti maysa a daya, ket nagluto iti tinapay a di-nalevaduraan, ket nanganda.
4
Ngem idi dida pay nagidda, dagiti lallaki ti ili, dagiti lallaki a taga Sodoma, bumaro man ken lumacay, amin a tattao iti amin a yan linacubda ti balay:
5
Ket inayabanda ni Lot, ket kinunada kencuana, Adino ti yan dagiti lallaki nga immayda kenca ita a rabii? Iruarmo ida cadacami, tapno maam-ammomi ida.
6
Ket rimmuar ni Lot cadacuada agingga iti ruangan, ket rinepcanna ti ruangan iti licudanna.
7
Ket kinunana, Cacabsatco, dawatec cadacayo, dicayo agaramid coma iti casta a dakes.
8
Adtoy ita, addada caniac dua nga annac a babbai a dida pay naam-ammo ti lalaki; dawatec cadacayo, palubosandac nga iyegco ida cadacayo, ket aramidenyo cadacuada ti pagayatanyo: isuna laeng a dicay aramiden cadagitoy a lallaki ti uray no ania, gapu ta immaydan iti linung ti atepco.
9
Ket kinunada, Aglisica. Ket kinunada manen, Daytoy maysa a tao immay nga agnaed, ket agbalinto nga ocom: ita aramidenminto kenca ti dacdakes ngem cadacuada. Ket dinarupda ti lalaki, ni Lot, ket immasidegda a mangracrac iti rikep.
10
Ngem dagiti lallaki inunnatda ti imada ket impasrecda ni Lot iti balay cadacuada, ket rinipcanda ti ruangan.
11
Ket pinabulsecda dagiti lallaki nga adda iti ruangan ti balay, ubing ken lacay, man iti casta nabannogda nga agsapsapul iti ruangan.
12
Ket dagiti lallaki kinunada ken Lot, Adda pay sabali kenca ditoy? Manugang a lalaki, ken annacmo a lallaki, ken babbai nga annacmo, ken uray siasino nga adda kenca iti ili; ipanawmo ida ditoy a disso;
13
Ta pucawenminto daytoy a disso, gapu ta ti ariwawada pimmigsa unay iti sango ni Jehova; ket ni Jehova imbaonnacami tapno pucawenmi ida.
14
Ket ni Lot pimmanaw, ket kinasaona dagiti manugangna a nangasawa cadagiti annacna a babbai, ket kinunana, Bumangoncayo, agtalawcayo itoy a disso; ta ni Jehova pucawennanto ti ili. Ngem inawatda a casla mangrabrabac.
15
Ket idi nagbanawagen, dagiti angel pinagdarasda ni Lot, a cunada, Tumacderca, alaem ta asawam, ken dagiti dua nga annacmo a babbai nga adda ditoy, di la ket ta mapucawca iti kinadakes ti ili.
16
Ngem nagmayeng; ket dagiti lallaki iniggamanda ti imana, ken ti ima ti asawana, ken dagiti imima dagiti dua nga annacna a babbai, ta ni Jehova naasi unay kencuana: ket inruarda, ket incabilda iti ruar ti ili.
17
Ket naaramid nga, idi nairuardan ida, kinunana, Agtalawca gapu iti biagmo; dica taliawen ti licudam, ken dica agsardeng iti amin a Tanap; agcamangca iti bantay di la ket ta mapucawca.
18
Ket ni Lot kinunana cadacuada, O, saan coma a casta, apoc:
19
Adtoy ita, ti adipenmo nacasarac iti parabur cadagiti matam, ket pinadackelmo ti caasim, nga impakitam caniac iti panangispalmo iti biagco; ket diac macatalaw a mapan idiay bantay, di la ket ta macamacamnac ti dakes, ket matayac:
20
Adtoy ita, daytoy nga ili asideg a pagcamangac, ket bassit, O palubosannac nga agcamang sadiay (saan aya a bassit nga ili?) ket agbiagto ti cararuac.
21
Ket isu kinunana kencuana, Adtoy, inanamunganca met maipuon itoy a banag, nga diac to pucawen ti ili a nasaom.
22
Agdarasca, agcamangca idiay; ta awanto ti mabalinco nga aramiden agingga iti macadanonca idiay. Gapu iti daytoy nanaganan ti ili iti Zoar.
23
Ti init naglawagen iti rabaw ti daga idi ni Lot nacadanon idiay Zoar.
24
Idin ni Jehova pinagtudona idiay Sodoma ken Gomorra ti azufre ken apuy, a naggapu ken Jehova manipud sadi langit;
25
Ket dinadaelna dagidiay nga il-ili, ken amin ti Tanap, ken amin dagiti agnaed cadagiti il-ili, ken dagiti nagtubo iti daga.
26
Ngem ti asawana timmaliaw iti nalicudanna, ket nagbalin a teddec nga asin.
27
Ket iti agsapa ni Abraham napan immuli iti disso a nagyananna iti sangoanan ni Jehova:
28
Ket kimmita iti Sodoma ken Gomorra, ken ti amin a daga iti Tanap, ket nakitana, ket, adtoy, ti asuc ti daga nagpangato a cas la asuc ti maysa nga horno.
29
Ket naaramid nga, idi pinucaw ti Dios dagiti il-ili iti Tanap, ti Dios nalagipna ni Abraham, ket pinapanawna ni Lot iti tengnga ti pannacapucaw, idi rineb-bana dagiti il-ili a nagnaedan ni Lot.
30
Ket ni Lot nagtalaw idiay Zoar ket nagtaeng iti bantay, agraman dagiti dua nga annacna a babbai; ta nagbuteng a nagnaed idiay Zoar: ket nagtaeng iti maysa a rukib, isu ken dagiti dua nga annacna a babbai.
31
Ket ti inauna kinunana iti inaudi, Ni amata lacayen, ket awanen ti lalaki iti daga a sumrec cadata cas iti cadawyan ti amin a daga:
32
Umayca, painumenta ni amata iti arac, ket makicaiddatanto kencuana, tapno maitaginayonta ti caputotan gapu ken amata.
33
Ket pinainumda ni amada iti arac iti daydi a rabii: ket simrec ti inauna, ket nakicaidda ken amana; ket isu dina naammoan idi nakicaidda, ken uray idi bimmangon ti anacna.
34
Ket naaramid nga iti sumono nga aldaw, kinuna ti inauna iti inaudi, Adtoy, idi rabii calman nakicaiddaac ken amac: painumenta manen ala ti arac ita a rabii; ket sumrecca, ken makicaidda kencuana, tapno maitaginayonta ti caputotan ni amata.
35
Ket pinainumda manen iti arac ni amada idi a rabii: ket timmacder ti inaudi, ket nakicaidda kencuana; ket isu dina naammoan idi nakicaidda ti inacna, ken uray idi bimmangon ti inacna.
36
Iti casta nagsicug dagiti dua nga annac ni Lot, gapu ken amada.
37
Ket nangyanac ti inauna iti lalaki, ket pinanaganna iti Moab: isu ti ama agpapan ita dagiti Moabitas.
38
Ket ti inaudi, nangyanac met iti lalaki, ket pinanagananna iti Benami: isu ti ama nga agpapan ita dagiti annac ni Ammon.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50