bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Genesis 43
Genesis 43
Ilokano (Ti Biblia (1973))
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 44 →
1
Ket ti bisin nagpalalo iti daga.
2
Ket naaramid, idi a nacandan amin ti pagtaraon nga ingapuda sadi Egipto, ti amada kinunana cadacuada, Incayo manen, gumatangcayo iti bassit a taraontayo.
3
Ket ni Juda nagsao kencuana a kinunana, Incarina iti nainget cadacami daydi lalaki a cunana, Dicayonto makita ti rupac, no di maicuyog cadacayo ni cabsatyo a lalaki.
4
No ipacuyogmo ni cabsatmi a lalaki cadacami, sumalogcamto ket igatangandacanto iti taraon:
5
Ngem no dica ibaon, saancamto a sumalog; ta daydi lalaki kinunana cadacami, Saanyo a makita ti rupac, no awan ni cabsatyo a lalaki a maicuyog cadacayo.
6
Ket ni Israel kinunana, Ania ket ngamin a nagdakes ti inaramidyon caniac, iti panangibagayo iti daydiay a tao nga adda pay cabsatyo?
7
Ket kinunada, Nagintuudannacami iti nainget daydi a lalaki iti maipapan cadacami, ken cadagiti cacabagianmi, a kinunana, Sibibiag pay laeng ni amayo? adda pay maysa a cabsatyo a lalaki? Ket impalawagmi kencuana a cas mayannatup cadagitoy a sasao: naammoamin cadi aya nga sawenna idi, Yegyo ti cabsatyo?
8
Ket ni Juda kinunana ken amana nga Israel, Ipacuyogmo caniac ti ubing, ket tumacdercamto a mapan; tapno agbiagtayo, ket ditay matay, dacami, ken sica, ken dagiti met annacmi a babassit.
9
Siacto ti agsungbat a maipaay kencuana; iti imac ti pagtontonamto: no siac diacto isubli kenca, ken yegco iti saclangmo, uray siac ti agawit iti basol iti agnanayon:
10
Ta no saancami coma a nagtactac pudno nga ita uray namindua a nagsublicamin.
11
Ket ti amada nga Israel kinunana cadacuada, No casta ita, aramidenyo daytoy: icabilyo dagiti nasayaat a bungbunga ti daga cadagiti curcuributyo, ket alaenyo nga isagut iti daydiay a lalaki, ti bassit a resina, ken bassit a diro, recrecado ken mirra, pinones ken almendras;
12
Ket paminduaenyo ti pirac nga icuyogyo iti imayo; ket ti pirac a naisubli iti wangawangan ti supotyo itugotyo; no cas pagarigan adda idi maysa a biddut:
13
Alaenyo met ti cabsatyo a lalaki, ket tumacdercayo nga agsubli iti daydiay a tao:
14
Ket ti Dios a Mannacabalin amin yetnagna coma cadacayo ti caasi iti sango daydiay a lalaki, tapno yawatna cadacayo daytay maysa a cabsatyo a lalaki ken ni Benjamin. Ket no maulilaac cadagiti annacco, maulilaac.
15
Ket dagiti lallaki innalada ti sagut, ket iniggamanda ti pirac a pinaminduada, ken ni Benjamin; ket timmacderda, ket napanda simmalog sadi Egipto, ket dimmatagda iti saclang ni Jose.
16
Ket idi ni Jose nakitana ni Benjamin a caduada, kinunana iti pangoloen ti balayna, Ipastrecmo dagiti lallaki iti balay, ket pumartica ket agsaganaca; ta dagiti lallaki makipangaldawda caniac.
17
Ket ti lalaki tinungpalna ti imbilin ni Jose; kencuana ket ti lalaki inserrecna dagiti lallaki iti balay ni Jose.
18
Ket dagiti lallaki nagbutengda, ta naipanda iti balay ni Jose; ket kinunada, Maipuon iti daydi pirac, a naisubli cadagiti supsupottayo idi immuna a daras, maiserrectayo; tapno agsapul iti pangidarumanna cadatayo, ket duclusennatayo, ket sa alaennatayo a tagabuen, ken dagiti as-asnotayo.
19
Ket immasidegda iti pangoloen ti balay ni Jose, ket nakisaoda kencuana iti ruangan ti balay,
20
Ket kinunada, O, apoc, immaycami idi damona gimmatang iti taraon:
21
Ket naaramid nga, idi dimtengcami iti nagsangbayanmi, linuctanmi dagiti supsupotmi, ket, adtoy, ti pirac ti tunggal maysa adda idi iti wangawangan ti supotna, ti piracmi iti met la gatadna: ket incuyogmi manen a binitbit.
22
Ket binitbitmi met ti sabali a pirac nga igatang iti taraon: saanmi nga ammo no asino ti nangicabil ti daydi piracmi cadagiti supsupotmi.
23
Ket kinunana, Talna cadacayo, dicayo agbuteng: ti Diosyo, ken ti Dios ni amayo, intedna cadacayo ti gameng cadagiti supsupotyo: naadda idi caniac ti piracyo. Ket inruarna cadacuada ni Simeon.
24
Ket ti lalaki inserrecna dagiti lallaki iti balay ni Jose, ket intedna cadacuada ti danum, ket binuggoanda dagiti sacsacada; ket pinacanna dagiti as-asnoda.
25
Ket insaganada ti sagut a maipaay iti yaay ni Jose iti tengnga ti aldaw: ta nangngegda idi nga idiay ti inda panganan.
26
Ket idi ni Jose immay iti balayna, impanda kencuana ti sagut nga adda idi cadacuada iti uneg ti balay, ket nagrucnoyda kencuana agingga iti daga.
27
Ket sinaludsudna cadacuada no casanoda, ket kinunana, Sisasalunat ni amayo, daydi lacay a kinunayo? Sibibiag pay?
28
Ket kinunada, Ti adipenmo nga amami nasalun-at, nabiag pay. Ket indumogda dagiti ol-oloda, ket nagrucnoyda.
29
Ket isu intaliawna dagiti matana, ket nakitana ni Benjamin a cabsatna nga anac ni inana, ket kinunana, Daytoy aya ti cabsatyo a lalaki nga inaudi a sinaoyo caniac? Ket kinunana, Caasiannaca coma ti Dios, anacco.
30
Ket ni Jose maganatan; ta ti pusona natignay gapu iti cabsatna: ket sinapulna ti yan a pagsangitanna; ket simrec iti siledna, ket nagsangit sadiay.
31
Ket nagdiram-os ket rimmuar; ket nagibtor ket kinunana, Mangicabilcayo iti canen.
32
Ket incabilda ti canenna a maymaysa, ken ti canenda nga is-isuda, ket ti canen dagiti Egipcios, a cadduana a mangan, nailasinda met: ta dagiti Egipcios dida mabalin ti makipangan cadagiti Hebreos; ta daytoy rimon cadagiti Egipcios.
33
Ket nagtugawda iti sangoananna, ti inauna a cas iti calintegan ti pannacayanacna, ket ti inaudi a cas iti kinaubingna: ket dagiti lallaki nagsidsiddaawda ti maysa ken maysa cadacuada.
34
Ket isu nangala ket nangibaon iti canenda nga aggapu iti saclangna: ngem ti biang ni Benjamin incacaaduna iti maminlima ngem ti bagi ti uray siasino cadacuada. Ket imminumda, ket nakipagragsacda kencuana.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50