bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Genesis 46
Genesis 46
Ilokano (Ti Biblia (1973))
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 47 →
1
Ket nagluas ni Israel agraman amin a cucuana, ket dimmanon sadi Beer-seba, ket nangipaay cadagiti datdaton iti Dios ni amana nga Isaac.
2
Ket ti Dios nakisao ken Israel cadagiti parparmata ti rabii, ket kinunana, Jacob, Jacob. Ket isu kinunana, Adtoyac.
3
Ket kinunana, Siac ti Dios, ti Dios ni amam: dica agbuteng a sumalog sadi Egipto; ta aramidencanto a dackel a nacion sadiay:
4
Cuyogencanto a sumalog sadi Egipto; ket pasang-atencanto manen a di bumurong: ket ni Jose isaadnanto ti imana cadagiti matam.
5
Ket nagrubbuat ni Jacob sadi Beer-seba: ket dagiti annac a lallaki ni Israel innalada ni Jacob nga amada, ken dagiti ubbingda, ken dagiti assawada, cadagiti luglugan nga inbaon ni Faraon a paglugananda.
6
Ket innalada dagiti an-animalda, ken dagiti cucuada, a nasapsapulanda idiay Canaan, ket dimmanonda sadi Egipto, ni Jacob, ken amin a putotna a naicuyog kencuana:
7
Dagiti annacna a lallaki, ken dagiti annac a lallaki dagiti annacna a lallaki agraman kencuana, ken dagiti annacna a babbai, ken dagiti annac a babbai dagiti annacna a lallaki, ken amin a putotna incuyogna ida sadi Egipto.
8
Ket dagitoy dagiti nagnagan dagiti annac ni Israel, a simrec sadi Egipto, ni Jacob ken dagiti annacna a lallaki: ni Ruben, anac nga inauna ni Jacob.
9
Ket dagiti annac a lallaki ni Ruben: da Hanoch, ken Phallu, ken Hezron, ken Carmi.
10
Ket dagiti annac a lallaki ni Simeon: da Jamuel, ken Jamin, ken Ohad, ken Jachin, ken Zohar, ken Saul nga anac ti maysa a babai a taga Canaan.
11
Ket dagiti annac a lallaki ni Levi: da Gerson, ken Coath, ken Merari.
12
Ket dagiti annac a lallaki ni Juda: da Er, ken Onan, ken Sela, ken Phares, ken Zara; ngem natay da Er ken Onan sadi daga a Canaan. Ket dagiti annac a lallaki ni Phares isuda idi da Hezron ken Hamul.
13
Ket dagiti annac a lallaki ni Issacar: da Thola, ken Phua, ken Job, ken Simron.
14
Ket dagiti annac a lallaki ni Zabulon: da Sered, ken Elon, ken Jahiell.
15
Dagitoy dagiti annac a lallaki ni Lea, nga inyanacna ken Jacob idiay Padan-aram, ken ni Dina, nga annacna a babai: dagup dagiti cararua nga annacna a lallaki ken annacna a babai, tallopuloda ket tallo.
16
Ket dagiti annac a lallaki ni Gad: da Ziphion, ken Aggi, ken Ezbon, ken Suni, ken Heri, ken Arodi, ken Areli.
17
Ket dagiti annac a lallaki ni Aser: da Jimna, ken Ishua, ken Isui, ken Beria, ken ni Sara a cabsatda a babai; ket dagiti annac a lallaki ni Beria; da Heber ken Malchiel.
18
Dagitoy dagiti annac a lallaki ni Zilpa, isu nga inted ni Laban ken anacna a babai a Lea; ket inyanacna ken Jacob dagitoy, sangapuloda ket innem a tattao.
19
Dagiti annac a lallaki ni Raquel, nga asawa ni Jacob: da Jose ken Benjamin.
20
Ket ken Jose iti daga nga Egipto nayanacda da Manases ken Ephraim, isuda nga inyanac kencuana ni Aseneth, nga anac a babai ni Potiphera a padi sadi On.
21
Ket dagiti annac a lallaki ni Benjamin: da Bela, ken Becher, ken Asbel, ken Gera, ken Naaman, ken Ehi, ken Ros, ken Moppim, ken Oppim, ken Ard.
22
Dagitoy dagiti annac a lallaki ni Raquel, a nayanac ken Jacob: dagupda amin sangapulo ket uppat a cararua.
23
Ket dagiti annac a lallaki ni Dan: ni Husim.
24
Ket dagiti annac a lallaki ni Nephtali: da Jahzeel, ken Guni, ken Jeser, ken Shillem.
25
Dagitoy dagiti annac a lallaki ni Bilha, isu nga inted ni Laban ken Raquel nga anacna a babai, ket dagitoy inyanacna ken Jacob: dagup dagiti tattao pitoda.
26
Amin dagiti tattao a naicuyogda ken Jacob sadiay Egipto a nagtaudda iti lasagna, malacsid dagiti assawa dagiti annac a lallaki ni Jacob, dagupda amin idi a carcararua innem a pulo ket innem;
27
Ket dagiti annac a lallaki ni Jose, a nayanac kencuana sadi Egipto, duada a tattao: dagup amin a tattao iti sangcacabbalayan ni Jacob, a simrec sadi Egipto, pitopuloda idi.
28
Ket imbaonna nga immuna ngem isu ni Juda a mapan ken Jose, tapno ipakitana ti dalan kencuana idiay Gosen; ket dimtengda sadiay daga a Gosen.
29
Ket ni Jose insaganana ti luganna, ket simmang-at a sumabet ken Israel nga amana, idiay Gosen: ket nagparang kencuana, ket inapungolna ti tengngedna, ket nagsangit iti nabayag a siaapungol kencuana.
30
Ket ni Israel kinunana ken Jose, Matayac coma itan, ta nakitac ta rupam, a sibibiagca pay laeng.
31
Ket ni Jose kinunana cadagiti cacabsatna a lallaki, ken cadagiti cabbalay ni amana, Sumang-atacto, ket yammocto ken Faraon, ket cunacto kencuana, Dagiti cacabsatco, ken ti familia ni amac, nga adda idi iti daga a Canaan immaydan caniac;
32
Ket dagiti lallaki isuda dagiti paspastor ta nagayaywanda cadagiti an-animal idi; ket incuyogda dagiti an-animalda a babassit ken dadackel, ken amin nga adda cadacuada.
33
Ket maaramidto a, no ni Faraon ayabannacayto ket cunananto, Ania ti akemyo?
34
Cunayonto, dagiti ad-adipenmo nagaywanda idi cadagiti an-animal, nanipud iti kinaubingmi agpapan ita, uray dacami ken dagiti met dadackelmi: tapno agnaedcayo coma iti daga a Gosen; ta tumunggal mangipaarab iti animal nacarimrimon cadagiti Egipcios.
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 47 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50