bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Genesis 45
Genesis 45
Ilokano (Ti Biblia (1973))
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 46 →
1
Idin ni Jose saan a nacaibtor iti saclang dagiti isu-amin nga adda idi iti sibayna; ket nagpuccaw, Pagtalawenyo ti tunggal maysa iti saclangco. Ket awan natda idi kencuana, idi pinabigbig ni Jose cadagiti cacabsatna.
2
Ket inyebcasna ti nagsangit: ket nangngeg dagiti Egipcios, ket nangngeg dagiti nagtaeng iti balay ni Faraon.
3
Ket ni Jose kinunana cadagiti cacabsatna, Siac ni Jose; sibibiag pay la ni amac? Ket dagiti cacabsatna dida nacasungbat kencuana; gapu ta nariribucda iti sangoananna.
4
Ket ni Jose kinunana cadagiti cacabsatna, Dawatec cadacayo, Umasidegcayo caniac. Ket immasidegda. Ket kinunana, Siac ni Jose a cabsatyo, nga inlacoyo a naipan sadi Egipto.
5
Ket ita saancayo nga agladingit, dicayo met agpungtot cadagiti bagbagiyo ta inlacodac ditoy: ta imbaonnac ti Dios nga inyuna cadacayo tapno mamabiagac.
6
Ta cadagitoy dua a tawen nagsacnap ti bisin iti daga: ket adda pay lima a tawen a matda, isu nga awanto ti matalon wenno maapit.
7
Ket ti Dios imbaonnac nga inyuna cadacayo tapno aywanancayo a matda iti lubong, ken ispalencayo a nabiag iti dackel a salacan.
8
Iti casta saan a dacayo ita ti nangibaon caniac ditoy, no di ket ti Dios: ket inaramidnac a pannacaama ni Faraon, ken apo ti isu-amin iti balayna, ken agturay iti amin ti daga nga Egipto.
9
Agdarascayo, ket sumang-atcayo ken amac, ket cunayo kencuana, Castoy ti cuna ni anacmo a Jose, Ti Dios incabilnac nga apo iti amin nga Egipto: sumalogca caniac, dica agtactac;
10
Ket agnaedcanto iti daga a Gosen, ket agtaengcanto iti asideg caniac, siac, ken dagiti annacmo, ken dagiti annac dagiti annacmo, ken dagiti an-animalmo a babassit ken dadackel, ken amin nga adda kenca:
11
Ket siac taraonancanto sadiay; ta matda pay laeng dagiti lima a tawen a panagbisin; di la ket ta pumanglawca, sica, ken ti sangacabbalayam, ken amin nga adda kenca.
12
Ket, adtoy ta dagiti matayo makitada, ken dagiti mata ni cabsatyo a Benjamin, a ti ngiwatco isu ti makisasao cadacayo.
13
Ket yammoyonto ken amac amin a daegco ditoy Egipto, ken amin dagiti nakitayo: ket agdarascayto ket yegyo ni amac ditoy.
14
Ket inapungolna ti tengnged ni Benjamin a cabsatna a lalaki, ket nagsangit; ket ni Benjamin nagsangit met a siaapungol kencuana.
15
Ket inagcanna amin dagiti cacabsatna a lallaki, ket nagsangit a siaapungol cadacuada: ket iti calpasanna, dagiti cacabsatna nakisaoda kencuana.
16
Ket naidamag iti balay ni Faraon, a cuncunada, Immayda dagiti cacabsat ni Jose: ket nacaay-ayo unay ken Faraon, ken cadagiti ad-adipenna.
17
Ket kinuna ni Faraon ken Jose, Saoem cadagiti cacabsatmo, aramidenyo daytoy: paawitanyo dagiti animalyo, ket incayo, dumanoncayo iti daga a Canaan;
18
Ket alaenyo ni amayo ken dagiti sangcabbalayanyo, ket umaycayo caniac: ket itdecto cadacayo ti nasayaat ti daga nga Egipto, ket mangancayto iti taba ti daga.
19
Ita ta nabilincayon, aramidenyo daytoy: mangalacayo ditoy daga nga Egipto cadagiti luglugan a pagluganan dagiti ubbingyo, ken dagiti assawayo, ket alaenyo ni amayo, ket umaycayo.
20
Dicayo met icascaso dagiti alicamenyo; ta ti nasayaat ti amin ti dadaga nga Egipto isu ti cucuayo.
21
Ket casta ti inaramidda dagiti annac ni Israel: ket iniccan ni Jose ida cadagiti luglugan, cas imbilin idi ni Faraon, ket iniccanna ida iti balonda.
22
Cadacuada amin iniccanna iti tunggal maysa iti pamlesan a pagananay; ngem iniccanna ni Benjamin iti tallogasut a bagi ti pirac, ken lima a pamlesan a pagananay.
23
Ket impaw-itna ken amana iti castoy: sangapulo nga as-asno a nagawitda iti casasayaatan ti Egipto, ken sangapulo nga as-asno a babbai a nagawitda iti bagas ken tinapay ken sida a balon ni amana.
24
Casta ti panangparubuatna cadagiti cacabsatna a lallaki, ket napanda: ket kinunana cadacuada, Kitaenyo a dicayo agga-apa iti dalan.
25
Ket simmang-atda a naggapu sadi Egipto, ket dimtengda idiay Canaan ken amada a Jacob.
26
Ket pinadamaganda, ket kinunada, Ni Jose sibibiag pay laeng, ket isu ti agturay iti amin ti daga nga Egipto. Ket kimmapuy ti pusona, ta dina pinati ida.
27
Ket sinaritada kencuana amin dagiti sinasao ni Jose, nga inbalicasna idi cadacuada: ket idi nakitana dagiti luglugan nga imbaon ni Jose a pangala kencuana, napaungar ti nakem ni Jacob nga amada:
28
Ket ni Israel kinunana, Isunan; sibibiag pay met la ket ni Jose nga anacco: innacto ket kitaecto ta diac pay matay.
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 46 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50