bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Genesis 47
Genesis 47
Ilokano (Ti Biblia (1973))
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 48 →
1
Idin ni Jose napan ket inyammona ken Faraon, ket kinunana, Ni amac ken dagiti cacabsatco, ken dagiti an-animalda a babassit ken dadackel, ken amin nga adda cadacuada, naggapuda iti daga a Canaan; ket, adtoy ta addadan iti daga a Gosen.
2
Ket cadagiti cacabsatna, nangala cadagiti lima a lallaki ket indatagna ida iti saclang ni Faraon.
3
Ket ni Faraon kinunana cadagiti cacabsatna, Ania ti akemyo? Ket kinunada ken Faraon, Dagiti ad-adipenmo isuda dagiti agayaywan cadagiti an-animal, uray dacami ken dagiti dadackelmi met.
4
Ket kinunada ken Faraon, Immaycami agnaed iti daga; ta awanen ti pagpacanan cadagiti an-animal dagiti ad-adipenmo; ta ti bisin nagpalalo idiay daga a Canaan: ita ngarud, dawatenmi kenca, ipalubosmo a dagiti ad-adipenmo agnaedda coma iti daga a Gosen.
5
Ket ni Faraon nakisao ken Jose, ket kinunana, Ni amam ken dagiti cacabsatmo immayda kenca:
6
Ti daga nga Egipto adda iti saclangmo; iti casaysayaatan ti daga pagnaedem ni amam ken dagiti cacabsatmo; iti daga a Gosen agnaedda coma: ket no adda ammom a nasalucag cadacuada, mangicabilca nga rud cadacuada ti agaywan cadagiti an-animalco.
7
Ket ni Jose inserrecna ni Jacob nga amana, ket indatagna iti saclang ni Faraon: ket ni Jacob binendicionanna ni Faraon.
8
Ket ni Faraon kinunana ken Jacob, Manoda dagiti al-aldaw dagiti tawtawen ti panagbiagmo?
9
Ket ni Jacob kinunana ken Faraon, Dagiti al-aldaw dagiti tawtawen a panagpagpagnac sangagasut ket tallopuloda a tawen: bassit ken saan a nasayaat dagiti al-aldaw dagiti tawtawen ti panagbiagco, ket saanda a nacadanon cadagiti al-aldaw dagiti tawtawen ti panagbiag dagiti dadackelco cadagiti al-aldaw a panagbarbariw-asda.
10
Ket ni Jacob binendicionanna ni Faraon, ket rimmuar iti sango ni Faraon.
11
Ket ni Jose pinagyanna ni amana ken dagiti cacabsatna, ket pinagtagicuana ida iti daga ti Egipto, iti casaysayaatan ti daga, iti daga ti Rameses, a cas ni Faraon imbilinna.
12
Ket ni Jose tartaraonanna da amana, ken dagiti cacabsatna, ken amin dagiti sangacabbalay ni amana, iti canen, mayannatup iti tunggal sangcabalayan.
13
Ket awan idi ti macan iti isu-amin ti daga; ta napalalo ti bisin idi, casta a ti daga nga Egipto ken ti daga a Canaan kimmapsutda maipuon iti bisin.
14
Ket ni Jose inucconna amin a pirac a nasaracan iti daga nga Egipto ken iti daga a Canaan, nga ingatangda iti macan: ket ni Jose impanna ti pirac iti balay ni Faraon.
15
Ket idi naibusen ti pirac iti daga nga Egipto, ken iti daga a Canaan, amin dagiti Egipcios dimmanonda ken Jose, ket kinunada, Iccannacami iti canen: ta apayapay mataycami coma iti saclangmo? ta ti pirac naibus.
16
Ket ni Jose kinunana, Itdenyo dagiti an-animalyo; ket iccancayto gapu cadagiti an-animalyo, no naibus ti pirac.
17
Ket impanda dagiti an-animalda ken Jose; ken ni Jose iniccanna ida iti taraon a sucat dagiti cabcabayo, ken dagiti an-animal a babassit, ken dagiti vacvaca, ken dagiti as-asno: ket pinacanna ida iti taraon a sucat dagiti an-animalda iti daydi a tawen.
18
Ket idi nalpas daydi a tawen, immayda kencuana iti tawen a maicadua, ket kinunada kencuana, Dicamto ilibac ken apoc nga naibus amin ti piracmi; ket dagiti arban dagiti an-animal cucua ida ni apoc; awan ti nabati a makita ni apoc, no saan laeng a dagiti bagbagimi, ken dagdagami:
19
Apayapay mataycami coma iti imatang dagita matam, dacami ken dagiti dagdagami met? gatangennacami agraman dagiti dagdagami a sucat ti taraon, ket dacami ken dagiti dagdagami ad-adipennacaminto ni Faraon: ket iccannacami iti imula, tapno agbiagcami, a dicami met matay, ket di agbalin a langalang ti daga.
20
Casta ti pinaggatang ni Jose iti amin a daga ti Egipto, nga agservi ken Faraon; ta dagiti taga Egipto tunggal maysa inlacona ti pagtalonanna, ta pimmigsa ti bisin cadacuada: ket ti daga tinagicua ni Faraon.
21
Ket ti maipapan cadagiti umili, pinaalisna ida cadagiti il-ili nanipud maysa a pungto ti beddeng ti Egipto agtungpal iti sabali a pungtona.
22
Dagiti la dagdaga dagiti papadi ti dina ginatang: gapu ta cadagiti papadi adda idi ti maysa bingay nga aggapu ken Faraon, ket nanganda iti bingayda nga inted cadacuada ni Faraon; iti casta dida nalaco ti dagdaga.
23
Idin ni Jose kinunana cadagiti umili, Adtoy, siac ginatangcayon ken dagiti dagdagayo a maipaay ken Faraon: adtoy, adda imulayo, ket mulaanyonto ti daga.
24
Ket maaramidto iti panagani, nga itedyonto ken Faraon ti maysa nga apagcalima, ket dagiti uppat nga apag cucuayonto, nga imulayo ti pagtalonan, ken canenyo agraman dagiti cabbalayyo, ken canen dagiti ubbingyo a babassit.
25
Ket kinunada, Inispalmon dagiti biagmi: macasaraccami coma iti parabur iti biang ni apoc, ket ad-adipennacaminto ni Faraon.
26
Ket ni Jose inaramidna nga alagaden maipapan iti daga sadi Egipto ket agpapan ita, nga ti apagcalima isu ti cucua ni Faraon; ti laeng daga dagiti papadi ti saan a tinagicua ni Faraon.
27
Ket ti Israel nagnaed iti daga nga Egipto, iti daga a Gosen; ket ginun-udda ti panagtaggicuada cadagiti cucua sadiay, ket nagbungada, ket nagaduda unay.
28
Ket ni Jacob nagyan iti daga nga Egipto cadagiti sangapulo ket pito a tawen: ti casta dagiti al-aldaw ni Jacob, dagiti tawtawen ti panagbiagna, sangagasut ket uppat a pulo ket pito a tawen.
29
Ket ti aldaw nga ipapatayen ni Israel immadani: ket inayabanna ni anacna a Jose, ket kinunana kencuana, No ita nacasaracac ti parabur cadagiti matam, dawatec kenca nga icabilmo ta imam iti babaen toy luppoc, ket ipaaymo caniac ti caasi ken kinapudno: dawatec kenca, dinac itabon ditoy Egipto;
30
Ngem no maturogacto a maitipon cadagiti dadackelco, ipanawnacto ditoy Egipto, ket iponponnacto iti nacaiponponanda. Ket isu kinunana, Aramidecto a cas ti sinaom.
31
Ket kinunana, Sapataam caniac: ket isu sinapataanna kencuana. Ket ni Israel nagsadag iti oloanan ti iddana.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 48 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50