bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Genesis 32
Genesis 32
Ilokano (Ti Biblia (1973))
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 33 →
1
Ket ni Jacob tinuloyna ti nagna, ket dagiti an-angel ti Dios simmabatda kencuana.
2
Ket ni Jacob kinunana idi nakitana ida, Dagitoy isuda dagiti buybuyot ti Dios: ket pinanagananna ti disso iti Mahanaim.
3
Ket ni Jacob inbaonna nga umun-una dagiti mangyammo ken Esau a cabsatna idiay daga ti Seir, a talon ni Edom.
4
Ket binilinna ida a kinunana, Saoenyonto ken apoc nga Esau ti castoy: Castoy ti sinao ni adipenmo a Jacob, Nakicabbalayac ken Laban, ket nakipagtaengac agpapan ita:
5
Ket adda vacvacac ken as-asno, ken pangpangen, ken ad-adipen a lallaki ken ad-adipen a babbai: ket pinaibagac ken apoc, tapno masaracac ti parabur iti imatangmo.
6
Ket dagiti nangyammo nagsublida ken Jacob a kinunada, Nacagtengcami ken cabsatmo nga Esau, ngem umay metten sumabet kenca agraman cadagiti uppat a gasut a lallaki a cacuyogna.
7
Iti casta ni Jacob nagbuteng iti dackel unay ken nadanagan: ket bininglayna dagiti tattao nga adda kencuana, ken dagiti carcarnero, ken calcalding, ken dagiti vacvaca, ken dagiti camcamello, iti dua a bunggoy;
8
Ket kinunana, No umay ni Esau iti umuna a bunggoy, ket cabilenna, ti matda a bunggoy ngarud macaliclicto.
9
Ket ni Jacob kinunana, O Dios ni amac nga Abraham, ken Dios ni amac nga Isaac, O Jehova a nagcuna caniac, Agsublica idiay dagam ken cadagiti cacabagiam ket aramidecto kenca ti naimbag:
10
Diac maicari iti cabassitan cadagiti kinamanagayatmo ken iti amin a kinapudno nga inaramidmo nga impaay itoy adipenmo; ta iti la sarucodco ti kinaduac idi naglasatac ditoy Jordan; ket ita nagbalinac a dua a bunggoy.
11
Dawatec kenca, isalacannac, iti ima ni cabsatco, iti ima ni Esau: ta cabutengco di la ket ta umay ket sugatennac, ken ti ina ken dagiti annac.
12
Ket sica sinaom, Di bumurong a paimbagencanto, ket aramidecto a ti putotmo cas la darat ti baybay, a di mabilang gapu iti caadu.
13
Ket imyan sadiay iti daydi a rabii, ket nangala cadagiti cucuana ti sagut nga ipaayna ken cabsatna nga Esau:
14
Duagasut a calcalding a babbai ken duapulo a calcalding a lallaki, duagasut a carcarnero a babbai ken duapulo a carcarnero a lallaki,
15
Tallopulo a camcamello nga agpasuso agraman ur-urbonda, uppat a pulo a vacvaca a babbai ken sangapulo a vacvaca a lallaki, duapulo nga as-asno a babbai ken ur-urbon a sangapulo.
16
Ket inyawatna ida cadagiti im-ima dagiti ad-adipenna, tunggal pangen a nailasin, ket kinunana cadagiti ad-adipenna, Agbaliwcayo nga umun-una ngem siac, ket iccanyo ti pagbabaetan ti tumunggal pangen.
17
Ket imbilinna iti umuna, ket kinunana, No ni Esau a cabsatco masaracannaca, ket saludsudenna kenca, a cunana, Siasino ti akincua kenca? ket adino ti papanam? ket siasino ti akincucua cadagitoy nga adda iti sangoanam?
18
Iti casta cunamto, Cucua ni Jacob nga adipenmo; isu ti maysa a sagut nga impaw-itna ken apoc nga Esau: ket, adtoy, sumarsaruno met cadacami.
19
Ket binilinna met ti maicadua, casta met ti maicatlo, ken amin nga adda iti licud dagiti pangpangen a kinunana, Castoy met laeng ti saoenyonto ken Esau no masaracanyo;
20
Ket cunayonto pay, Maysa pay, adtoy ti adipenmo a Jacob adda a sumasaruno cadacami. Ta kinunana, Pedpedecto ti pungtotna gapu iti sagut a mapan nga umun-una ngem siac, ket calpasanna makitacto ti rupana; nalabit isu awatennacto.
21
Ket ti sagut nagbaliw nga immun-una ngem isu: ket daydi a rabii isu met laeng imyan iti pacarso.
22
Ket bimmangon idi a rabii, ket innalana dagiti dua nga assawana, ken dagiti dua nga ad-adipenna a babbai ken dagiti sangapulo ket maysa nga annacna, ket naglasat iti pagbaliwan ti Jaboc.
23
Ket innalana ida, ket impalasatna ida iti ayus, ket impalasatna dagiti adda a cucuana.
24
Ket nabati ni Jacob a maymaysa; ket nakigubal kencuana ti maysa a lalaki agingga iti di nagbannawag.
25
Ket idi nakitana a dina magawayan, sinagidna ti padingpadingna; ket ti padingpading ni Jacob nasulnot, idi nga makibalubal kencuana.
26
Ket kinunana, palubosannacon, ta aglawagen. Ket kinunana, Saancanto a palubosan, no dinac bendicionan.
27
Ket isu kinunana kencuana, Ania ti naganmo? Ket kinunana, Jacob.
28
Ket isu kinunana, Saanto a matawagen ti naganmo a Jacob, no di ket Israel; gapu ta nakisuutca iti Dios ken kadagiti tattao, ket nangabacca.
29
Idin ni Jacob sinaludsudna kencuana, ket kinunana, Dawatec kenca, Ipalawagmo caniac, ti naganmo. Ket isu kinunana, Apay a saludsudem ti naganco? Ket binendicionanna sadiay.
30
Ket ni Jacob pinanagananna daydi a disso iti Fanuel: ta kinunana, Nakitac ti Dios iti rupanrupa, ket ti biagco naisalacan.
31
Ket nacalgaken ti init idi nagna idiay Peniel, ket impilpilayna ti padingpadingna.
32
Gapu itoy saan a mangan dagiti annac ti Israel iti piskel ti nagsimpaan ti padingpading, agpapan iti daytoy nga aldaw: ta sinagidna ti nagsimpaan ti padingpading ni Jacob iti piskel ti padingpadingna.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50