bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
John 4
John 4
Ilokano (Ti Biblia (1973))
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
1
Idi ngarud maamad ni Jesus a dagiti Fariseo nangngegda nga isu agararamid ken mangbabautizar ti adadu nga adalan ngem ni Juan
2
(uray ni Jesus saan a nangbabautizar, no di ket dagiti adalanna,)
3
Pinanawanna ti Judea, ket napan manen idiay Galilea.
4
Ket masapul idi a lumabas idiay Samaria.
5
Iti casta napan iti maysa nga ili ti Samaria a managan Sicar, iti asideg ti daga nga inted ni Jacob ken Jose nga anacna:
6
Ket adda idiay idi ti bubon ni Jacob. Ni Jesus ngarud a nabannogan iti dalan iti casta nagtugaw iti ngarab ti bubon. Cas la horas idi a maicanem.
7
Umay ti maysa a babai a taga Samaria a sumacdu: ni Jesus cunana kencuana: Iccannac ti inumen.
8
Ta dagiti adalanna napanda iti ili a gumatang ti pagtaraon.
9
Daydi babai a taga Samaria, cunana ngarud kencuana: Casano a sica, idinto a Judioca, dumawatca caniac ti inumen, idinto a babaiac a taga Samaria? Ta awan ti panangicancano dagiti Judio cadagiti taga Samaria.
10
Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.
11
Ti babai cunana kencuana: Apo, awan ti pagsacdum ket ti bubon nauneg, adino ngarud ti pangpaaddaam ti danum a nabiag?
12
Dacdackelca aya ngem ni amatayo a Jacob, a nangted cadacayo ti bubon, isu nga ininumanna ken dagiti annacna ken dagiti animalna?
13
Simmungbat ni Jesus ket kinunana kencuana: Isu-amin nga uminum itoy a danum, mawawto manen:
14
Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.
15
Ti babai cunana kencuana: Apo, itedmo caniac daytoy a danum, tapno saanac a mawaw, ken tapno diac umayen ditoy a sumacdu.
16
Ni Jesus cunana kencuana: Inca, ayabam ni asawam, ket umayca ditoy.
17
Simmungbat ti babai ket kinunana: Awan asawac: Ni Jesus cunana kencuana: Naimbag ti panagcunam: Awan asawac:
18
Ta naaddaanca ti lima nga asawa: ket ti adda ita kenca, saanmo nga asawa: daytoy sinaom a sipupudno.
19
Ti babai cunana kencuana: Apo, makitac a sica mammadtoca.
20
Dagiti ammami nagdaydayawda ditoy a bantay ket dacayo, cunayo nga idiay Jerusalem isu ti disso a masapul a pagdaydayawan dagiti tao.
21
Cuna kencuana ni Jesus: Patiennac, babai, nga umay ti haras nga uray ditoy a bantay, uray idiay Jerusalem, dicayto agdaydayaw ken Ama.
22
Agdaydayawcayo iti dicay ammo: agdaydayawcami iti ammomi, ta ti pannacaisalacan aggapu cadagiti Judio.
23
Ngem ti horas umay, ket adda itan, a dagiti pudno nga agdaydayaw agdaydayawdanto iti Ama iti espiritu ken iti kinapudno; ta ni Ama sapulenna dagiti cacasta nga agdaydayaw kencuana.
24
Ti Dios maysa nga Espiritu; ket dagiti agdaydayaw kencuana, masapul nga agdaydayawda iti espiritu ken kinapudno.
25
Cuna kencuana ti babai: Ammoc a ti Mesias umay, isu a managan ti Cristo: Inton isu umay, ipalawagnanto cadatayo dagiti amin a banag.
26
Cuna kencuana ni Jesus: Siac met laeng a makisasao kenca.
27
Ket iti daydi dimteng dagiti adalanna, ket nagsiddaawda ta makisasao iti maysa a babai; ngem awan ti nagcuna; Ania ti sapulem? Wenno: Ania ti sasaoem kencuana?
28
Iti casta daydi babai pinanawanna ti carambana ket napan iti ili, ket cunana cadagiti tao:
29
Umaycayo; kitaenyo ti maysa a tao nga imbagana caniac ti amin nga inaramidco: Saan ngata nga isu ti Cristo?
30
Rimmuarda iti ili ket immayda kencuana.
31
Idi dagiti adalan kiniddawda, a cuncunada: Mannursuro, manganca.
32
Ngem kinunana cadacuada: Adda taraonco a dicay ammo.
33
Dagiti adalan ngarud kinunada iti maysa ken maysa: Adda ngata nangyeg kencuana ti macan?
34
Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.
35
Dicay cuna aya nga adda pay uppat a bulan ket santo dumteng ti panagani? Adtoy, cunac cadacayo: Itannawagyo dagiti matayo ket matmatanyo dagiti taltalon, ta natangkenandan a maani.
36
Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.
37
Ta iti daytoy, pudno ti masasao: Maysa ti agmula, ket sabali ti agani.
38
Siac imbaoncayo nga agani iti dicay tinalon: sabali dagiti nagtalon, ket dacayo simreccayo cadagiti tinalonda.
39
Ket adu cadagiti taga Samaria iti daydi a ili, namatida kencuana agsipud iti sao ti babai a nangpanecnec a cunana: Imbagana caniac dagiti amin nga inaramidco.
40
Gapuna nga idi immay dagiti taga Samaria kencuana, inuyutanda nga agbati cadacuada: ket nagbati sadiay iti dua nga aldaw.
41
Ket namati dagiti adadu pay agsipud iti saona;
42
Ket kinunada iti babai: Ita mamaticami, saan a gapu iti saom; ta dacami met laeng nangngegmi, ket ammomi a pudno a daytoy ti Manangisalacan ti lubong.
43
Ket idi napalabas ti dua nga aldaw, pimmanaw idiay a napan sadi Galilea.
44
Ta ni Jesus met laeng pinanecnecanna a ti maysa a mammadto saan a mapadayawan idiay dagana.
45
Gapuna nga idi dimteng idiay Galilea, dagiti taga Galilea inawatda, agsipud ta nakitada dagiti amin a banag nga inaramidna idiay Jerusalem idi fiesta; ta napanda met iti fiesta.
46
Immay ngarud manen ni Jesus idiay Cana ti Galilea, isu a namagbalinanna ti danum nga arac. Ket adda ti maysa a tao ti ari, a ti anacna adda idi a masakit idiay Capernaum.
47
Daytoy, idi nangngegna a ni Jesus immay idiay Galilea nanipud Judea, napan kencuana ket kinararaganna a sumalog coma, ket agasanna ti anacna, ta nganngani matay.
48
Kinuna ngarud ni Jesus kencuana: No dicay coma macakita cadagiti pagilasinan ken datdatlag, pulos coma a dicayto mamati.
49
Ti tao ti ari kinunana kencuana: Apo, sumalogca cadi, ita ta di pay matay ti anacco.
50
Ni Jesus cunana kencuana: Agawidcan, ti anacmo agbiag. Ti tao pinatina ti sao nga imbaga kencuana ni Jesus ket nagawid.
51
Ket idi madama a sumalog, dagiti adipen simmabetda a nangipadamag kencuana: Ti anacmo a lalaki sibibiag.
52
Inintuudna ngarud cadacuada no ania nga horas idi nangrugi a pimmipia. Kinunada ngarud kencuana: Idi calman iti maicapito nga horas pinanawan ti gorigor.
53
Ti ama naawatanna ngarud, a daydi nga horas isu ti pinagcuna ni Jesus kencuana: Ti anacmo agbiag: ket namati isu ken amin a cabbalayna.
54
Daytoy manen ti maicadua a pagilasinan nga inaramid ni Jesus idi immay nanipud Judea idiay Galilea.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21