bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
John 7
John 7
Ilokano (Ti Biblia (1973))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 8 →
1
Ket idi nalpas dagitoy, nagna ni Jesus idiay Galilea: ta dina kinayat ti magna idiay Judea, ta dagiti Judio isu sinapsapulda a papatayen.
2
Ket asideg idi ti fiesta dagiti Judio, ti fiesta dagiti abong-abong.
3
Kinunada ngarud kencuana dagiti cacabsatna: Pumanawca ditoy ket inca idiay Judea, tapno dagiti adalam makitada met dagiti aramidmo nga aramidem.
4
Ta awan ti tao nga agaramid ti uray ania a nalimed, idinto a tarigagayanna a mailatac. No aramidem dagitoy, agparangca iti lubong.
5
Ta uray dagiti cacabsatna saanda a mamati idi kencuana.
6
Cuna ngarud ni Jesus cadacuada: Ti aldawco saan pay a dimteng; ngem ti aldawyo cancanayon a sisa sagana.
7
Ti lubong saannacayo a mabalin a guraen, ngem siac guraennac, ta sacsiac ti maipapan kencuana, a dakes dagiti aramidna.
8
Sumang-atcayo iti fiesta; siac diac pay sumang-at itoy a fiesta, ta ti aldawco saan pay a dimteng.
9
Ket idi naisaona dagitoy cadacuada, nagbati idiay Galilea.
10
Ngem idi nacasang-aten dagiti cacabsatna a makifiesta, simmang-at met, a saan a nalatac, no di ket cas la nalimed.
11
Dagiti Judio ngarud sinapsapulda iti pagrarambacan, ket cuncunada: Adino ti yanna?
12
Ket adda idi dackel a tanabutob cadagiti adu a tao iti maipapan kencuana, ta kinuna dagiti dadduma: Isu naimbag a tao. Ket dagiti sabsabali cunada: Saan, no di ket iyawawanna dagiti adu a tao.
13
Ngem awan ti nagsao a nalatac iti maipapan kencuana gapu ti butengda cadagiti Judio.
14
Ket idi ngalayen ti fiesta, simmang-at ni Jesus iti Templo ket nangisuro.
15
Nasnasdaaw ngarud dagiti Judio, a cuncunada: Casano ti pannacaammo daytoy a tao cadagiti pagbasaan idin to a di nagadal?
16
Simmungbat ngarub cadacuada ni Jesus, ket kinunana: Ti isursuroc saanco a cucua, no di cucua ti nangibaon caniac.
17
No adda agpanggep nga agaramid ti pagayatanna, maammoannanto ti maipapan iti isursuroc, no aggapu iti Dios, wenno no agsaoac a sisiac.
18
Ti mangibunannag iti saona met laeng sapulenna ti pacaidayawanna, ngem ti agsapul ti pacaidayawan ti nangibaon kencuana, isu met laeng ti napudno ket awan kencuana ti kinakil-lo.
19
Dinacayo aya iniccan ni Moises ti linteg, ket awan pay cadacayo ti mangaramid ti linteg? Apayapay agawaandac a papatayen?
20
Simmungbat dagiti adu a tao: Adda sairom: asino ti manggayagay a mamapatay kenca?
21
Ni Jesus simmungbat ket kinunana cadacuada: Maysa nga aramid ti inaramidco, ket agsidsiddaawcay amin gapu iti dayta.
22
Ni Moises intedna cadacayo ti pannacacugit (saan a gapu ta nagtaud ken Moises, no di ket cadagidi amma); ket iti aldaw a panaginana cugitenyo ti tao.
23
No ti tao awatenna ti pannacacugit iti aldaw a panaginana tapno ti linteg ni Moises saan a masalungasing, marurodcayo aya caniac agsipud ta pinaimbagco nga awan pagcuranganna ti maysa a tao iti aldaw a panaginana?
24
Saancayo nga agipato a cas ti langa, no di ket agipatocayo iti maysa a nalinteg a panangipato.
25
Kinuna ngarud dagiti dadduma a taga Jerusalem: Saan aya nga daytoy ti sapsapulenda a papatayen?
26
Ket adtoy, agsasao iti nalatac ket awan ti cunaenda kencuana. Saan a pudno aya a dagiti agturay ammoda a daytoy ti Cristo?
27
Ngem daytoy a tao, ammomi no adino ti naggapuanna: ngem ti Cristo, inton umay, awanto ti macaammo no adino ti paggapuanna.
28
Ni Jesus ngarud a mangisursuro iti templo impigsana ti timecna a cuncunana: Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.
29
Siac ammoc, ta naggapuac kencuana, ket isu imbaonnac.
30
Isu inagawaanda ngarud a tiliwen; ngem awan ti nangipatay kencuana ti imana, ta saan pay a dimteng ti horasna.
31
Ngem cadagiti adu unay a tao, adu cadacuada ti namati kencuana ket kinunada: Ni Cristo, inton umay, agaramidto ngata ti adadda a pagilasinan ngem cadagiti inaramid daytoy a tao?
32
Dagiti Fariseo nangngegda dagiti adu a tao a tantanabutubenda dagitoy a maipapan kencuana: ket dagiti cangatoan a papadi ken dagiti Fariseo nangibaonda cadagiti policia a mangtiliw kencuana.
33
Ni Jesus kinunana ngarud: Adda pay bassit a tiempo a makipagianac cadacayo, saacto mapan iti nangibaon caniac.
34
Sapulendacto ket didacto masaracan; ket ti pagianac, dicay mabalin ti umay.
35
Dagiti Judio ngarud kinuncunada nga isuda; Adinonto ti papanan daytoy a ditayto masaracan? Mapanto ngata cadagiti naiwara cadagiti Griego ken mangisuro cadagiti Griego?
36
Ania a sao daytoy a kinunana: Sapulendacto ket didacto masaracan; ket no adino ti yanco, dicay mabalin ti umay?
37
Idi camaudianan ken dackel nga aldaw ti rambac, ni Jesus nagtacder ket nagpuccaw a kinunana: No adda mawaw, umay caniac ket uminum.
38
Ti mamati caniac, cas cunaen ti Surat, carcarayan ti danum a nabiag ti agayusto manipud iti unegna.
39
Ngem sinaona daytoy a maipapan iti Espiritu nga awatento dagiti mamati kencuana, ta saan pay idi a naited ti Espiritu, ta ni Jesus saan pay idi a naipanayag.
40
Dadduma ngarud cadagidi adu a tao, idi mangegda dagitoy a sao, kinunada: pudno a daytoy ti mammadto.
41
Dagiti sabsabali kinunada: Daytoy ti Cristo. Ngem kinuna dagiti dadduma: Ania! Idiay Galilea aya ti paggapuan ti Cristo?
42
Saan a kinuna aya ti Surat: Nga iti caputotan ni David ken idiay Bet-lehem, puroc a tinaudan ni David, ti paggapuan ti Cristo?
43
Iti casta napataud ti panagsusupadi dagiti adu a tao a gapu kencuana.
44
Ket dadduma cadacuada cayatda coman a tiliwen, ngem awan ti nangipatay cadagiti imada kencuana.
45
Dagiti ngarud policia nagsublida cadagiti cangatoan a papadi ken Fariseo; ket dagitoy kinunada cadacuada: Apayapay isu dicay inyeg?
46
Dagiti policia simmungbatda: Uray caano awan ti tao a nagsao ti castoy.
47
Dagiti Fariseo ngarud simmungbatda cadacuada: Napayaw-awancayo met aya?
48
Adda aya namati kencuana cadagiti agturay wenno cadagiti Fariseo?
49
Ngem dagitoy adu a tao a dida ammo ti linteg, mailunodda.
50
Cuna cadacuada ni Nicodemo, daydi immay kencuana idi, ta maysa met cadacuada:
51
Ocomen aya ti lintegtayo ti tao, no dina umuna a denggen, ken ammoen ti aramidenna?
52
Simmungbatda ket kinunada kencuana: Sica met taga Galileaca aya? Sukimatem ket kitaem a manipud idiay Galilea awan ti tumaud a mammadto.
53
Ket nagawidda, tunggal maysa iti balayna.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21