Joshua 16

Ilokano (Ti Biblia (1973))

← Chapter 15 Jump to: Chapter 17 →

1Ket ti gasat rimmuar nga agpaay cadagiti annac ni Jose nanipud iti Jordan idiay Jerico, cadagiti dandanum ti Jerico iti daya, iti met laeng let-ang, sumang-at manipud Jerico iti caturodan agingga iti Bet-el;

2Ket manipud Bet-el rimmuar inggana iti Luz, ket naglayon inggana iti beddeng dagiti Arquitas inggana iti Atarot;

3Ket nagsalog a nagpalaud inggana iti beddeng dagiti Jaflateos, agingga iti beddeng ti Beth-horon a nakinbaba, agingga met laeng iti Gezer; ket dagiti pagruaranna addada idi iti taaw.

4Ket dagiti annac ni Jose, da Manases ken Efraim innalada ti tawidda.

5Ti beddeng dagiti annac ni Efraim a cas mayannurot cadagiti famfamiliada isu daytoy: ti beddeng ti tawidda nga agpadaya isu idi ti manipud Atarot-addar agingga iti Bet-horon a nakinngato;

6Ket ti beddeng rimmuar a nagpalaud idiay Micmetat iti amianan; ket ti beddeng nagsicco a nagpadaya inggana iti Tanat-silo, ket naglayon iti daya ti Janoa;

7Ket simmalog nanipud Janoa inggana iti Ataroth, ken inggana iti Naarat, ket gimmawat agingga iti Jerico, ket rimmuar iti Jordan.

8Manipud Tappua ti beddeng naglayon a nagpalaud agingga iti waig ti Cana; ket dagiti pagruaranna addada idi iti taaw. Daytoy isu ti tawid ti caputotan dagiti annac ni Efraim a mayannurot cadagiti famfamiliada;

9Naitipon cadagiti il-ili a nailasin nga agpaay cadagiti annac ni Efraim iti tengnga ti tawid dagiti annac ni Manases, isu-amin dagiti il-ili agraman purpurocda.

10Ket isuda saanda a pinagtalao dagiti Cananeo a nagnaed idiay Gezer: no di ket dagiti Cananeo agnaedda iti tengnga ti Efraim agingga ita nga aldaw, ket nagbalinda nga adipen nga agaramid cadagiti narigat nga aramid.

← Chapter 15 Jump to: Chapter 17 →