bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Romans 14
Romans 14
Ilokano (Ti Biblia (1973))
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Awatenyo ti nacapuy iti pammati, ngem saan a casuppiat cadagiti panpanunot a pagduaduaan.
2
Ta adda mamati a mabalinna a canen ti isu-amin; ngem ti nacapuy mangan laeng ti natnateng.
3
Ti mangan, saanna coma nga umsien ti saan a mangan; ket ti saan a mangan, dina babalawen ti mangan; ta isu inawat ti Dios.
4
Siasinoca a mangbabalaw iti adipen ti sabali? Iti imatang ni apona adda a sitatacder wenno maitublac. Ngem matengngelto a sititibker; ta ti Apo mannacabalin a mangtengngel kencuana a sititibker.
5
Maysa a tao patgenna ti maysa nga aldaw a nangnangrona ngem iti sabali; ti sabali ipategna a padapada dagiti isu-amin nga aldaw. Tunggal maysa sipepennec coma iti panunotna met laeng.
6
Ti mangpateg iti aldaw, patganna a maipaay iti Apo; (ket ti saan a mangpateg iti aldaw, saanna a patgan a maipaay iti Apo.) Ti mangan, mangan a maipaay iti Apo, ta agyaman iti Dios; ket ti saan a mangan, saan a mangan a maipaay iti Apo ken agyaman iti Dios.
7
Ta awan cadatayo ti agbiag a maipaay iti bagina met laeng, ket awan met ti matay a maipaay iti bagina met laeng.
8
Ta uray agbiagtayo, agbiagtayo a maipaay iti Apo, ket uray mataytayo, mataytayo a maipaay iti Apo: uray ngarud no agbiagtayo, uray mataytayo, cucuanatay ti Apo.
9
Ta gaput itoy a panggep, ni Cristo natay ket nagbiag manen, tapno isu coma ti Apo dagiti natay ken dagiti nabiag.
10
Ngem, sica apayapay babalawem ni cabsatmo? ket sica apayapay umsiem ni cabsatmo? ta agparangtayto amin iti saclang ti pangocoman ti Dios.
11
Ta adda a naisurat: Agsipud ta siac agbiagac, cuna ti Apo, agparintumengto caniac ti amin a tumeng. Ket amin a dila agipudnonto iti Dios.
12
Iti casta tunggal maysa cadatayo idatagnanto iti Dios ti kinaisuna met laeng.
13
Ditay ngarud agiinnocomen iti maysa ken maysa; no di ket ikeddengyo coma a nangnangrona daytoy, nga awan ti mangicabil iti sangoanan ti cabsat ti pacaitibcolan wenno pacaiculboan.
14
Ammoc ket capcapnecac ken Apo Jesus, nga awan ti adda a casisigudna ti narugit; ngem iti mangipapan nga adda aniaman a narugit, narugit kencuana.
15
Ta no gapu iti taraonmo, ni cabsatmo agliday, saanca a magnan iti panagayat. Saanmo a pucawen gapu iti taraonmo daydiay nacaigapuan ni Cristo a natay.
16
Saanyo ngarud nga ipalubos nga agsaoda ti dakes a maipapan iti pagimbaganyo:
17
Ta ti pagarian ti Dios saan nga isu ti pannangan ken panaginum, no di ket kinalinteg, ken talna, ken rag-o iti Espiritu Santo.
18
Ta ti agservi a cas itoy ken Cristo, macaay-ayo iti Dios, ken anamungan dagiti tattao.
19
Iti casta ngarud, surutentayo dagiti banbanag nga agpataud iti talna ken dagiti banbanag a macapalaing iti maysa ken maysa.
20
Saanmo a racraken, gapu iti taraonmo, ti aramid ti Dios. Dagiti isu-amin a banbanag nadalusda a pudno; nupay casta, dakesda no ti pannangan ti tao, pacaitibcolan.
21
Nasayaat ti saan a mangan ti lasag ken di uminum ti arac, wenno agaramid iti aniaman a pacaitibcolan ni cabsatmo,
22
Ti pammati nga adda kenca, salimetmetam a maipaay kenca met laeng iti imatang ti Dios. Nagasat daydiay saan a mangpabasol ti bagina met laeng gapu iti anamunganna a macan.
23
Ngem ti adda duaduana, no mangan macabasol, ta salungasingenna ti pammatina; ta isu-amin a saan a mayannurot iti pammati, isu ti basol.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16