Song of Solomon 6

Ilokano (Ti Biblia (1973))

← Chapter 5 Jump to: Chapter 7 →

1Sadino ti napanan ni ayayatem, O sica caimnasan unay cadagiti babbai? Sadino ti nagbawingan ni ayayatem, tapno cumuyogcami coma kenca a mangbiroc kencuana?

2Ni ayayatec immulog idiay minuyonganna, cadagiti ar-aray dagiti recrecado, tapno agpaarab idiay minuyongan, ken agala cadagiti lirio.

3Cucuanac ni ayayatec, ket ni ayayatec cucuac: isu ipaarabna ti arbanna iti baet dagiti lirio.

4Sica naimnasca, O ayayatec, a cas iti Tirsa, Nataer a cas iti Jerusalem, nacakigkigtot a cas maysa a buyot a cuyugen dagiti wagayway.

5Isiasim caniac dagita matam, ta pinarucmadac, ta buocmo cas maysa a pangen dagiti calding, a siidda iti bacrang ti Galaad.

6Dagita ngipenmo umaspingda iti maysa nga arban dagiti carnero, nga agsang-at nga aggapu iti pagbuggoan; isu a tunggal maysa addaan singin, ket awan ti natayan cadacuada.

7Dagiti pispismo umaspingda iti sangcapisi a granada iti licudan ta abungotmo.

8Adtoy, innem a pulo a reina, ken walo pulo a camalala, ket dagiti virgen a di-mabilang.

9Calapatic, a di natulawan, isu ti maymaysa laeng; isu laeng ti bugbugtong ni inana, isu laeng ti bugbugtong ni inana, isu ti napili a maymaysa ti nangipasngay kencuana. Dagiti annac a babbai isu ti nakitada, ket isu ti ninaganda a bendita; wen, dagiti reina ken dagiti camalala, ket isu ti dinayawda.

10Asino ti cumita a cas bigat, naimans a cas ti bulan, nalawag a cas ti init, nacakigkigtot a cas maysa a buyot a cuyugen dagiti wagayway?

11Immulogac iti minuyongan dagiti nueces, tapno kitaec dagiti nalangto a mulmula iti tanap, tapno kitaec no nagrusing ti uvas, ken nagsabong dagiti granada.

12Iti sacbay ti pannacaammoc, insaadnac ti cararuac iti tengnga dagiti lugan ti naprincipean nga umili.

13Agsublica, agsublica, O Sulamita; agsublica, agsublica, tapno dacami kitaendaca coma. Apay a cumitacayto coma ken Sulamita, cas iti sala ti Mahanaim?

← Chapter 5 Jump to: Chapter 7 →