Song of Solomon 8

Ilokano (Ti Biblia (1973))

← Chapter 7 Jump to:

1O sapay coma ta sica ti cas cabsatco a lalaki, a nangcunnot cadagiti suso ni inac! Intono masaracanca coma iti ruar, agcanca coma; wen, ket awan ti mangumsi coma caniac.

2Kibinenca coma, ket isangpetca iti balay ni inac, isu a mangisuro coma caniac; painumenca coma iti narecadoan nga arac, iti tubbog dagiti granadac.

3Ti imana a catigid adda coma iti baba ti oloc, ket ti imana a canawan aracupennac coma.

4Pagsapataencayo, O annac a babai ti Jerusalem, a dicayo tignayen, wenno riingen ni ayayatec, agingga iti pagayatanna.

5Asino daytoy a sumang-at nga aggapu idiay let-ang, a sisasadag ken ayayatenna? Iti siroc ti cayo a manzanas riniingca: idiay nangipasicalan idi ni inam kenca, idiay nagpasicalan ti nangipasngay kenca.

6Isaadnac a cas maysa a tanda iti rabaw ta pusom, cas maysa a tanda iti rabaw ta tackiagmo: ta napigsa ni ayat a cas ken patay, ni imon naranggas a cas ken Tanem; dagiti beggangna isuda dagiti beggang ti apuy, maysa a pudno a gil-ayab ni Jehova.

7Dagiti adu a dandanum dida maiddep ti ayat, uray dagiti laylayus dida mailemmes: no ti maysa a tao itdenna coma amin a cucua ti balayna gapu iti ayat, isu maumsi coma a naananay.

8Addaanta iti maysa a bassit a cabsat a babai, ket isu awan pay susona: anianto ti aramidenta a maipaay ken cabsatta a babai iti aldaw ti panan gtangayda?

9No isu maysa coma a bacud, bangonentanto iti rabawna ti maysa a torre a priac: ket no isu maysa coma a ruangan, isu ilocongta cadagiti tabtabla a cantingen.

10Maysaac a bacud, ket dagiti susoc umaspingda cadagiti torrena. Gapuna addaac cadagiti matana a cas maysa a nacasarac iti talna.

11Ni Salomon adda maysa a cauvasanna idiay Baal-hamon; isu impaabangna ti cauvasan cadagiti agaywan; tunggal maysa gapu iti apitna mangyeg coma idi iti sangaribu a pirac.

12Ti cauvasac, a cucuac, adda iti sangoc: sica, O Salomon, addaancanto iti sangaribu, ket dagiti agaywan iti bungana duagasut.

13Sica nga agnaed cadagiti minuyongan, dagiti cadcadua allingagenda ta timecmo: isu ti ipangngegmo caniac.

14Agdarasca, ayayatec, ket umaspingca iti maysa a lodlodan wenno bumaro nga ugsa iti rabaw dagiti banbantay dagiti recrecado.

← Chapter 7 Jump to: