Mark 13

Mien Bible (Thai Script) © Thailand Bible Society, 2007

← Chapter 12 Jump to: Chapter 14 →

1เยซู ธ้วด หฒั่ง ทิน-ฮู่ง เญย เปย๊า วั้ว หฒั่น, ม่าย เต้า นิ่น เญย ไซ-ก๋อ ก๊อง, “ไซ-เตี๋ย อ้า! หมั่ง ก๋า! น้าย เต๋ย หละเปย๊ย โฮล! ไห่. เปย๊า หย่า เก้ง! เหฑว่ย ไห่.”

2เยซู เตา, “เม่ย ปวัด น้าย เต๋ย ต้ม เปย๊า เญย ไฟ? ม่าย นอม ฮนอย เหยียด ฒู้ง อ๋อย หฒุ แธะ เหฑ่ง. ไม้ ม่าย เหยียด คว้าย หละเปย๊ย ลับ เจี๊ยน อ๊ะ.”

3เยซู เฒว์ย เจี๊ยน กะลั้น บง, หฒั่ง ทิน-ฮู่ง เญย เปย๊า เญย ต๋อย-หง่าน วั้ว หฒั่น, ปีเต, ยากอบ, โยฮัน เหธา อันดาลู ต้าย ปี๋ง เจี๊ยน หน่าย นิ่น,

4“โท้ บั๋ว เยีย บัว โอ่. น้าย เต๋ย สี่ หาย หฒั่น อ๋อย ธ้วด? น้าย เต๋ย เหยียด ฒู้ง สี่ ธ้วด วั้ว หฒั่น, ม่าย หาย หญู่ง จั๋ง-โห่ ปุน ธีง เฒี่ยง โห่ เถา?”

5เยซู บั๋ว นิ่น บัว, “อ๋อย หฒุ ไฝ ฟิม. ไม้ ตู๋ง หมวัง หาย เต้า ดั๊ว เม่ย บัว.

6ม่าย เมี่ยน ธั้ม เญย อ๋อย หล่ง เยีย เญย บั๋ว ต้าย ก๊อง, ‘เยีย ต้ง กีตู่ อ๊ะ.’ นิ่น บัว ฯฒฯ ดั๊ว เมี่ยน ธั้ม.

7เม่ย บัว ไฮ์ เมี่ยน เบ๊าะ ต้ม จ๋า หย่า ไฮ์ เบ๊าะ ต้ม จ๋า เญย เฝียน วั้ว หฒั่น, ไม้ ตู๋ง กั้ม เหฑีย. น้าย เต๋ย สี่ ด่ง หาย ฒู้ง อ๋อย หฒุ ธ้วด มป่า เซ้ด เมว์ย เญย เฒี่ยง โห่ ไม้ แก้ง เถา.

8น้าย ฝีง เหธา วั้ว ฝีง อ๋อย เบ๊าะ จ๋า. น้าย นอม กั๊วะ เหธา วั้ว นอม กั๊วะ หย่า เบ๊าะ ต้ม จ๋า. ม่าย เต๋ย ต๋อง เดา ต์ง, แอ๋ง ม่าย ต้ม ฮวาง ต้ม หง่อ. น้าย เต๋ย สี่ ธ้วด ต้าย ปุน ธีง เซ้ด เมว์ย เญย ฮนอย-เหญียะ เจี์ย กอน ธ้วด.

9“มป่า เม่ย บัว กั้น อ๋อย หฒุ ไฝ ฟิม. เมี่ยน อ๋อย เฒาะ เม่ย บัว มี่ง สี่ ต้อง. เยียม หวุ่ย ต้อง นิ่น บัว อ๋อย หล่ง ปย๊า-ปิน เบ๊าะ เม่ย บัว. เม่ย บัว หลาย เยีย หย่า อ๋อย หฒุ โซ้ว เจี๊ยน หฒูง เหธา ฮู่ง เตี๋ย เญย หฑะเฮมียน ตอง เจี๊ยน นิ่น บัว โหฒว ฒอง-เหฒง.

10คู้ เฝียน อ๋อย หฒุ ฒุ่น ปุน ฝีงๆ เมี่ยน หมวัง, เซ้ด เมว์ย เญย เฒี่ยง โห่ หธีง ต้าย เถา.

11เมี่ยน เฒาะ เม่ย บัว ต้อ มี่ง สี่ ต้อง วั้ว หฒั่น, ไม้ ตู๋ง จา-ด่าง เฑ่า อ๋อย หฒุ ฮนั้ง หาย นอ ก๊อง. เถา วั้ว หฒั่น, ทิน-ฮู่ง ฮนั้ง หาย นอ ปุน เม่ย บัว ก๊อง ฯฒฯ อ๋อย หฒุ ฮนั้ง วั้ว นอ ก๊อง, เหว่ย หฒุ ไม้ เฒ์ย เม่ย บัว กั้น ฮนั้ม ธ้วด ต้าย ก๊อง, เซ สีง ลี่ง ปุน เม่ย บัว ก๊อง.

12“มั์ว-ต่อย อ๋อย เฒาะ มั์ว-ต่อย จิว ปุน เมี่ยน ไต๋, เตีย อ๋อย เฒาะ นิ่น เญย ฝุเจว๊ย จิว ปุน เมี่ยน ไต๋. ฝุเจว๊ย เหธา เตี๋ย หม่า หย่า เป๋น วิน, จิว ปุน เมี่ยน ไต๋.

13เหว่ย เยีย, หฒวัง เมี่ยน อ๋อย ฑอง เม่ย บัว. มป่า, หาย เต้า เตี๊ย ตุ๊ เถา ต้าว ฯฒฯ ตุ๊ เหฌียว อ๊ะ.

14“เม่ย บัว ปวัด โหฒว ปุน หญู่งๆ หว่าย วั้ว เต้า ต้ม เฮยี่ย โหยว เยียม เจี๊ยน ไม้ หอบ หฒุ เยียม เญย ต๋อง วั้ว หฒั่น, (โตะ โซว เญย เมี่ยน อ๋อย หฒุ เม่ง แปะ น้าย เต๋ย หว่า.) เยียม ยูเดีย แซ้ง วั้ว เต๋ย อ๋อย หฒุ เปย๋า ฝาว บง.

15เยียม เปย๊า-ง่อ วั้ว เต๋ย เหฌี่ย ต้าย, ไม้ ตู๋ง เปียะ เปย๊า เฒาะ หาย หญู่ง ต้อ มี่ง.

16เยียม เด่ย เญย เมี่ยน, ไม้ ตู๋ง หฑวน เปย๊า เฒาะ กั้น เญย ต้ม ลุย.

17เยียม วั้ว เต๋ย ฮนอย-เหญียะ, ม่าย เจี๊ยน ซิน เญย, เหธา ม่าย กู้งว์า ฮบ หญอ เญย มเซียะ ตอน หฒะเก้ง ปวั้ง หฒุ โค้ว อ๊ะ.

18อ๋อย หฒุ เต๋า เก๋า โท้ ทิน-ฮู่ง ไม้ ตู๋ง ปุน น้าย เต๋ย สี่ ธ้วด ต๋อย หฒุ ตง-เกน ฮนอย,

19เหว่ย หฒุ เถา วั้ว เต๋ย ฮนอย-เหญียะ ม่าย ต้ม เหฒะ หน่าน. เยียม ทิน-ฮู่ง เหฒย ลู่ง เหฒย เดา เถา อี้ หฒั่น, ไม้ ม่าย เจี๋ย ด่ง น้าย หฑุ่น เซียม. เจี๋ย มี่ง เหยียด ลิ์ว หย่า ไม้ ม่าย อ๊ะ.

20สี ก๊อง เฒี้ยว ไม้ ปุน วั้ว เต๋ย ฮนอย-เหญียะ นั้ง, ไม้ ม่าย หาย เต้า ไฮ่ ตุ๊ แหม่ง ธ้วด. เซ เหว่ย ทิน-ฮู่ง กิ๊น ต้าย เญย เมี่ยน นิ่น หธีง ต้าย ปุน วั้ว เต๋ย ฮนอย-เหญียะ นั้ง หมี่ อ๊ะ.

21“วั้ว หฒั่น, สี ก๊อง ม่าย หาย เต้า บั๋ว เม่ย บัว, ‘หมั่ง ก๋า, กีตู่ เยียม น้าย!’ ไฟ ‘หมั่ง ก๋า, นิ่น เยียม วั้ว!’ ไม้ ตู๋ง เสียน.

22เหว่ย หฒุ ม่าย เมี่ยน ก๊อง นิ่น บัว โหฒว กีตู่ มป่า จ๊า เญย, แอ๋ง ม่าย จ๊า โต่ว หว่า เมี่ยน อ๋อย ธ้วด ต้าย โหฒว จั๋ง-โห่ เหธา บัวะ ฮ่อง เญย สี่ ดั๊ว เมี่ยน. สี ก๊อง ไฮ่ ดั๊ว ตุ๊ หฒุ นอ, นิ่น บัว อ๋อย เลี่ยม ทิน-ฮู่ง กิ๊น ต้าย เญย เมี่ยน ดั๊ว.

23เม่ย บัว อ๋อย หฒุ ไฝ ฟิม โอ่. น้าย เต๋ย สี่ ไม้ แก้ง ธ้วด เยีย จา-ด่าง บั๋ว เม่ย บัว.

24“เหฒะ หน่าน เจี๋ย ลิ์ว วั้ว เต๋ย ฮนอย-เหญียะ, ‘บะฮนอย ฯฒฯ เจี๊ยะ มี่ง, หฮลา หย่า ไม้ หฒิว ฌัง อ๊ะ.

25หฒวัง เหฮลย เยียม วั้ว ลู่ง อ๋อย ด๊อด เหฌี่ย ต้าย, เยียม ลู่ง ม่าย ชะ เญย กะน้าย ฒู้ง หฒุ ดั่น ต์ง.’

26“เมี่ยน ฯฒฯ ปวัด เยีย, ป้าม เมี่ยน เญย ตอน, ม่าย ต้ม ชะ หย่า ม่าย ฌัง-หล่าง เยียม วั้ว บ๋วน เหฌี่ย ต้าย.

27เยีย ฯฒฯ พ้าย ฟิน-เมี่ยน มี่ง เปยย ปูง หฑยาว, เยียม น้าย ปูง ลู่ง กอน มี่ง เถา วั้ว ปูง ลู่ง กอน เซียว ฒุ้น เยีย กิ๊น ต้าย เญย เมี่ยน.

28“อ๋อย หฒุ หล่ง ง่ง หญอ เดี๋ยง โหะ เหยียด หญู่ง. ปวัด เดี๋ยง-ฆว่า ธ้วด หธุน, ฆอย น่อม หลุน, เม่ย บัว ฯฒฯ ฮิ้ว ตุ๊ อ๊า ลั่ม เปียะ ห่า เกว๋ย อ๊ะ.

29ฟี่ ฮนั้ง เญย, เม่ย บัว ปวัด น้าย เต๋ย เหยียด ฒู้ง สี่ ธ้วด วั้ว หฒั่น, เม่ย บัว ฯฒฯ ฮิ้ว ตุ๊ เยีย, ป้าม เมี่ยน เญย ตอน, เถา ฟัด, ฒู้ง เยียม เจี๊ยน แก้ง ด่าง อ๊ะ.

30เยีย ก๊อง เฒียน บั๋ว เม่ย บัว, น้าย ต่อย เมี่ยน เกวย เสย ไม้ แก้ง เหฑ่ง, น้าย เต๋ย เหยียด ฒู้ง สี่ ฯฒฯ ธ้วด ต้าย อ๊ะ.

31ลู่ง เดา อ๋อย เจี๋ย เหฑ่ง, มป่า เยีย เญย หว่า เหยียด ลิ์ว ไม้ เจี๋ย.

32“วั้ว นอม ฮนอย, วั้ว นอม เฒี่ยง โห่, หาย หฒั่น อ๋อย เถา, ไม้ ม่าย หาย เต้า ฮิ้ว. เลี่ยม ทิน-ต้อง เญย ฟิน-เมี่ยน ไม้ ฮิ้ว, ตอน หย่า ไม้ ฮิ้ว. ขูง หฒั่ง เตี๋ย กั้น ฮิ้ว ฮนั้ง.

33เม่ย บัว อ๋อย หฒุ ไฝ ฟิม, กีง เจี๊ยน เฮญี้ยว, เหว่ย หฒุ เม่ย บัว ไม้ ฮิ้ว ตุ๊ วั้ว นอม เฒี่ยง โห่ หาย หฒั่น เถา.

34“เซ ฮนั้ง ล่าน เมี่ยน อ๋อย ธ้วด เจ๊า มี่ง โก เญย, ฯฒฯ เฒาะ นิ่น เญย จา-ตี้ง ปุน นิ่น เญย โปว บัว โก๋ว, ปุน เก๊าะ-เมี่ยน ม่าย เก๊าะ-เมี่ยน เญย กง โหฒว. บั๋ว ฒั้ว แก้ง เมี่ยน หลงๆ ฒั้ว เจี๊ยน แก้ง, นิ่น ฯฒฯ มี่ง หมี่ อ๊ะ.

35ฮนั้ง หน่าย, เม่ย บัว อ๋อย หฒุ กีง เฮญี้ยว ฒั้ว เจี๊ยน, เหว่ย หฒุ เม่ย บัว ไม้ ฮิ้ว ตุ๊ เปย๊า-เฒี้ยว หาย นอม เฒี่ยง โห่ หฑวน, ลู่ง ม์าน-หฮมวัง, ไฟ ด๊าม ม์วน, ไฟ ไจ หฆาย ต้าว, ไฟ ลู่ง ฌัง.

36เหฑีย นิ่น เลี่ยม เฒ่ย หฑวน ต้าย หย่า ปวัด เม่ย บัว มฌ่อม เหฑ่ง หมี่ อ๊ะ.

37น้าย โจ๋ว หว่า เยีย บั๋ว เม่ย บัว, เยีย หย่า บั๋ว หฒวัง เมี่ยน, อ๋อย หฒุ กีง เฮญี้ยว ฒั้ว เจี๊ยน โอ่.”

← Chapter 12 Jump to: Chapter 14 →