Zechariah 10

Mien Bible (Thai Script) © Thailand Bible Society, 2007

← Chapter 9 Jump to: Chapter 11 →

1เยียม ธุน เกว๋ย เม่ย บัว อ๋อย หฒุ กัน เฒี้ยว โท้ บยู่ง, อ๋อย หฒุ โท้ เหฒย บ๋วน-เจี๊ยะ เญย เฒี้ยว. นิ่น ปุน บยู่ง-กอง ตุ้ย เหฌี่ย, ปุน เต้าๆ เมี่ยน เญย ลี่ง เต่ย ธ้วด แกง-หฒวัง.

2เหว่ย หฒุ อัน เปย๊า เญย หมิ่ว-ฝัง เตา ไม้ ลั่ม หล่ง เญย เจ๊า. โบ๊ว กว๋า เมี่ยน ก๊อง ก๊อง-แปะ เญย หว่า. เบ๋ยๆ เมี่ยน ก๊อง เญย เบ๋ย เซ จ๊า เญย, นิ่น บัว ออน เมี่ยน เญย เฮญี้ยว เป๋น ขูง-หว่า. เหว่ย น้าย แปะ ฝีง หฑาน ฮนั้ง ปะกี ยู่ง, หย่า หฒุ โค้ว เหว่ย หฒุ ไม้ ม่าย เปย๊ย เฒ้ย โก๋ว.

3เฒี้ยว ก๊อง, “เยีย เฉีย เจี์ย! ไห่ กุ๊น แปะ ฝีง วั้ว เต๋ย, เยีย อ๋อย ตี่ง เปย๊ย เฒ้ย เญย ฒุ์ย. เหว่ย หฒุ เน่น เจี๋ย เญย เฒี้ยว โก๋ว นิ่น เญย เมี่ยน, เซ ยูดา เญย เฒ้ย-ฟุน, หย่า ปุน นิ่น บัว ฮนั้ง เยีย เญย เบ๊าะ จ๋า เฮ้น เญย ม์า.

4อัน เปย๊า-เก๊าะ หล่ง เจี๊ยน เจี๋ย เญย หละเปย๊ย อ๋อย เยียม ยูดา ธ้วด. บอง เดา ธอง ด๊บ-ลิ่ว เญย ต่ง หย่า อ๋อย เยียม นิ่น ธ้วด, เบ๊าะ จ๋า เญย จวัง-หฒิน อ๋อย เยียม นิ่น ธ้วด, เหยียด ฒู้ง โหฒว เปย๊ย เญย เมี่ยน อ๋อย เยียม นิ่น ธ้วด.

5นิ่น บัว ล่ม ฑ่อย อ๋อย ฮนั้ง เบ๊าะ จ๋า เญย เมี่ยน เฮ้น เมี่ยน ธ้าย วิน-วั้ง เหฌี่ย จาย-ห่อง เญย ววม-ปั่ม. นิ่น บัว เบ๊าะ จ๋า เหว่ย หฒุ เฒี้ยว เหธา นิ่น บัว เยียม, นิ่น บัว ฯฒฯ เบ๊าะ ฮี่ง วิน-วั้ง เญย เก้ ม์า แปง.

6เยีย อ๋อย เถง ยูดา เญย เฒ้ย-ฟุน เฮ้น, หย่า อ๋อย เหฌียว โยเซ้บ เญย เฒ้ย-ฟุน. เยีย อ๋อย ต้อ นิ่น บัว หฑวน เหว่ย หฒุ เยีย ค้อ-เลี่ยน นิ่น บัว, นิ่น บัว ฯฒฯ ฮนั้ง เยีย ไม้ กวั่ง นิ่น บัว นอ, เหว่ย หฒุ เยีย เซ เฒี้ยว, นิ่น บัว เญย ทิน-ฮู่ง. เยีย อ๋อย เตา นิ่น บัว.

7เอฟาอิม เมี่ยน อ๋อย ฮนั้ง เฮ้น ไห่ เญย แปง, นิ่น บัว เญย เฮญี้ยว ออน-เหลาะ ฮนั้ง ฮบ อะหงุ่น ติ๊ว. นิ่น บัว เญย น่าม โญ์ว ตุ๊ ปวัด ฯฒฯ ออน-เหลาะ, นิ่น บัว เญย เฮญี้ยว หย่า อะเฮน้ย ไห่ เฒี้ยว.

8เยีย อ๋อย เห่ว นิ่น บัว หย่า เซียว นิ่น บัว ฒุ้น, เหว่ย หฒุ เยีย หฒัวะ นิ่น บัว หฑวน. นิ่น บัว เญย เมี่ยน โสว ฯฒฯ จา ด่ง ฒิ่น ด่าง ธั้ม.

9ไม้ กุ๊น เยีย ปุน นิ่น บัว ฟ้าด หฑาน เยียม เหฒีย กั๊วะ บุด๋ง, มป่า เยียม โก เญย เต่ย-ปูง นิ่น บัว หธ่อ อ๋อย จั๋ง เยีย, นิ่น บัว ฯฒฯ เหธา นิ่น บัว เญย ฝุเจว๊ย ฟุน-ฟะ เยียม เจี๊ยน แอ๋ง ตุ๊ หฑวน ต้าย.

10เยีย อ๋อย ต้อ นิ่น บัว เยียม อียิบ เต่ย-ปูง หฑวน ต้าย, ปุน เยียม อัดซีเลีย ธ้วด ต้าย กั๊บ ฒุ้น ฯฒฯ ต้อ นิ่น บัว มี่ง เยียม กิเลอาด เหธา เลบานอน, เถา น้าย เต๋ย ต๋อง ฒู้ง ไม้ เก๋า นิ่น บัว เยียม.

11นิ่น บัว อ๋อย เจี๋ย อียิบ เญย ค้อย, หย่า เบ๊าะ ค้อย เญย ววม-หล่าง, ไนอา ด้าย เหยียด ฒู้ง โด เญย ต๋อง หย่า อ๋อย ฆาย เหฑ่ง. โหฒว เหมา เญย อัดซีเลีย เมี่ยน อ๋อย หฒุ ป่าย เฮมียน, อียิบ เญย ฮู่ง หลี่ง หย่า อ๋อย เจี๋ย หมี่ อ๊ะ.

12เยีย อ๋อย ปุน เยีย เญย แปะ ฝีง เขา เยีย, เฒี้ยว, เฮ้น เจี์ย ต้าย, นิ่น บัว ฯฒฯ เต๊ง เยีย เญย เม่ง เอย เจี๊ยน โหฒว.” น้าย เซ เฒี้ยว ก๊อง.

← Chapter 9 Jump to: Chapter 11 →