Zechariah 5

Mien Bible (Thai Script) © Thailand Bible Society, 2007

← Chapter 4 Jump to: Chapter 6 →

1เยีย แอ๋ง เธา เฮมียน หมั่ง, ปวัด ม่าย หฌุ่น โซว ได๋ เจี๊ยน.

2ฟิน-เมี่ยน หน่าย เยีย, “เม่ย ปวัด หาย หญู่ง?” เยีย เตา, “เยีย ปวัด ได๋ เจี๊ยน เญย โซว-หฌุ่น. โซว-หฌุ่น ด๊าว หญี่ เหฒียบ เดาะ, จั๊ง เหฒียบ เดาะ.”

3นิ่น ฯฒฯ ก๊อง บั๋ว เยีย, “น้าย เซ เหฒียว เญย หว่า ธ้วด มี่ง ก๋อม เต่ย-ปูง. หฒิว เหยียด ปูง โซว เฟี้ย เจี๊ยน, ตะฟ่าน โหฒว หฒะ เญย เมี่ยน อ๋อย หฒุ ไพ กวั่ง. หย่า หฒิว กั้น ปูง โซว, ตะฟ่าน โหฒว จ๊า ฒอง-เหฒง เญย เมี่ยน อ๋อย หฒุ ไพ กวั่ง.

4เน่น เจี๋ย เญย เฒี้ยว ก๊อง, ‘เยีย อ๋อย ปุน น้าย เต๋ย เหฒียว เญย หว่า ธ้วด มี่ง เปียะ โหฒว หฒะ เมี่ยน เญย เปย๊า เหธา เต๊ง เยีย เญย บั๋ว โหฒว จ๊า ฒอง-เหฒง เมี่ยน เญย เปย๊า. น้าย เต๋ย เหฒียว เญย หว่า อ๋อย เยียม เจี๊ยน นิ่น เญย เปย๊า. เลี่ยม เปย๊า เลี่ยม เดี๋ยง เหธา หละเปย๊ย ฒู้ง อ๋อย หฒุ ป่าย หว่าย.’”

5เหธา เยีย ก๊อง หว่า น้าย เต้า ฟิน-เมี่ยน ธ้วด ต้าย บั๋ว เยีย, “เธา เฮมียน หมั่ง ก๋า ม่าย หาย หญู่ง ธ้วด ต้าย?”

6เยีย หน่าย ก๋า, “น้าย เป๋น หาย หญู่ง?” นิ่น เตา, “เป๋น นอม ดาน.” นิ่น แอ๋ง ก๊อง, “น้าย เป๊ย ก๋อม เต่ย-ปูง เญย แปะ ฝีง เญย ฒุ์ย.”

7เยีย ปวัด หล่ง จู์ง โหฒว ต้าย เญย หฆาย หฒุ เฒาะ ฆอย. เยียม ดาน กะญั์ว ม่าย เต้า มเซียะ ตอน เฒว์ย เจี๊ยน.

8วั้ว เต้า ฟิน-เมี่ยน ก๊อง, “น้าย เต้า มเซียะ ตอน เป๊ย เอ๊าะ สี่.” ฟิน-เมี่ยน ฯฒฯ เฒาะ วั้ว เต้า มเซียะ ตอน ฒัด เหฌี่ย ดาน กะญั์ว, เฒาะ หล่ง จู์ง โหฒว ต้าย เญย หฆาย ก๊ม เจี๊ยน.

9เยีย แอ๋ง เธา เฮมียน หมั่ง, ปวัด อี เต้า มเซียะ ตอน ได๋ เจี๊ยน ต้าย. นิ่น บัว เญย ด๊าด ฮนั้ง เหนาะ เญี่ย เญย ด๊าด. นิ่น บัว ฯฒฯ โป้ว วั้ว นอม ดาน เจี์ย ต้าย เยียม ลู่ง เหธา เดา บุด๋ง.

10เยีย หน่าย เหธา เยีย ก๊อง หว่า วั้ว เต้า ฟิน-เมี่ยน, “วั้ว เต๋ย มเซียะ ตอน ต้อ ดาน มี่ง หาย?”

11นิ่น เตา, “ต้อ มี่ง บาบีโลน เหว่ย น้าย นอม ดาน โหฒว นอม เปย๊า. โหฒว เหฒียง เปย๊า ฯฒฯ เฒาะ ดาน อัน เจี๊ยน เซ่ง เญย ต๋อง กู้ หงว่าย.”

← Chapter 4 Jump to: Chapter 6 →