Zechariah 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1เยีย แอ๋ง เธา เฮมียน หมั่ง, ปวัด เต้า เมี่ยน นั้น เจี๊ยน เดาะ เญย ฮลาง.

2เยีย ฯฒฯ หน่าย นิ่น, “เม่ย มี่ง หาย?” นิ่น เตา เยีย, “เยีย มี่ง เดาะ เยลูซาเลม ฒี่ง หมั่ง ก๋า ด่ง หาย จั๊ง, ด่ง หาย ด๊าว.”

3วั้ว หฒั่น เหธา เยีย ก๊อง หว่า วั้ว เต้า ฟิน-เมี่ยน มี่ง หมี่ อ๊ะ. แอ๋ง ม่าย กั้น เต้า ฟิน-เมี่ยน ต้าย ปวั้ง นิ่น,

4หย่า ก๊อง บั๋ว นิ่น, “ถิว เจี๊ยน มี่ง ก๊อง บั๋ว วั้ว เต้า เมี่ยน หลุน เมี่ยน, ‘ม่าย เมี่ยน อ๋อย ต้าย เยียม เยลูซาเลม ฒี่ง ธั้ม เญย, ฮนั้ง เยียม ไม้ ม่าย ฒี่ง หลาด เญย ล์าง, เหว่ย หฒุ แปะ ฝีง เหธา แซง-คู้ ธั้ม ไห่.’

5เฒี้ยว ก๊อง, ‘เยีย อ๋อย เป๋น กว๋า โต์ว โหฒว ฒี่ง หลาด เว่ย เจี๊ยน น้าย นอม ฒี่ง. เยีย หย่า อ๋อย เป๋น น้าย นอม ฒี่ง เญย ฌัง-หล่าง.’”

6เฒี้ยว ก๊อง, “ต้าย ม่าะ! ต้าย ม่าะ! อ๋อย หฒุ เปย๋า ฆอย ป๊ะ ปูง เญย เต่ย-ปูง, เหว่ย หฒุ เยีย ปุน เม่ย บัว หฑาน มี่ง เยียม ลู่ง เดี๊ย เญย เปยย ปูง.” เฒี้ยว ฮนั้ง น้าย ก๊อง.

7“เหธา บาบีโลน เมี่ยน เยียม เญย เมี่ยน อ้า! อ๋อย หฒุ เปย๋า มี่ง สิโอน.”

8เน่น เจี๋ย เญย เฒี้ยว ฮนั้ง น้าย ก๊อง, “นิ่น ท่าย ลิ์ว เยีย, ฆะฮ้า พ้าย เยีย มี่ง เถา ลู้ เม่ย บัว วั้ว เต๋ย กั๊วะ เญย เมี่ยน, เหว่ย หฒุ หาย เต้า ห่อย เม่ย บัว เซ ฮนั้ง ห่อย ทิน-ฮู่ง กั้น เญย มฒีง-เมี่ยน นอ.

9หมั่ง ม่าะ! เยีย อ๋อย ซูง เยีย เญย ปั์ว เบ๊าะ นิ่น บัว. นิ่น บัว ฯฒฯ หฒุ ฟู-สู นิ่น บัว วั้ว เต๋ย เมี่ยน ต๋าว หฑวน ต้าย ลู้ นิ่น บัว. วั้ว หฒั่น เม่ย บัว ฯฒฯ เฒียะ ตุ๊ เซ เน่น เจี๋ย เญย เฒี้ยว พ้าย เยีย มี่ง.”

10เฒี้ยว ก๊อง, “โอ สิโอน เมี่ยน อ้า! อ๋อย หฒุ เฌียน-โย่ว เญย ป๋าว ฑูง, เหว่ย หฒุ เยีย ต้าย หย่า อ๋อย เยียม เม่ย บัว บุด๋ง.

11เถา วั้ว ฮนอย, เหฒีย นอม กั๊วะ เญย เมี่ยน อ๋อย ต้าย เกวย เยีย, เฒี้ยว, หย่า เป๋น เยีย เญย แปะ ฝีง. เยีย หย่า อ๋อย เยียม เม่ย บัว บุด๋ง. เม่ย บัว ฯฒฯ ฮิ้ว ตุ๊ เน่น เจี๋ย เญย เฒี้ยว พ้าย เยีย ต้าย เถา เม่ย บัว น้าย.

12เฒี้ยว อ๋อย หฑิบ ยูดา เป๋น นิ่น เญย ป่วน เยียม วั้ว นอม ธีง-เหฑ่ง เต่ย-ปูง หย่า แอ๋ง อ๋อย กิ๊น หฑุ่น เยลูซาเลม.

13หม่าน เมี่ยน อ้า! อ๋อย หฒุ เยียม เฒี้ยว เญย หฑะเฮมียน เซ้ก เหฑียะ เญย, เหว่ย หฒุ นิ่น เยียม นิ่น ธีง-เหฑ่ง เญย ต๋อง ธ้วด ต้าย.”

← Chapter 1 Jump to: Chapter 3 →